ဝိမုတ္တိသုခ (The Bliss Of Emancipation)

ဆရာကြီး ရွှေဥဒေါင်း၏ ဒိဋ္ဌေဒိဋ္ဌမတ္တံ လက်တွေ့ ကျင့်စဉ် (၄၃)

2012-12-18T07:22:00.000-08:00

အတွေးကြောင့်ဆင်းရဲခြင်း

ထပ်၍ချဲ့ဦးအံ့။ စိတ်ဆင်းရဲမှုဟူသမျှတို့ကို စစ်ဆေးလိုက်သည်ရှိသော် လက်ငင်းကြုံတွေ့ရသော ဆင်းရဲမှု၊ အတိတ်ကို ပြန်တွေး၍ ခံစားရသော ဆင်းရဲမှု၊ အနာဂတ်အတွက် မှန်းမျှော်တွေးဆမိခြင်းအားဖြင့် ဖြစ်ပေါ်လာသော ဆင်းရဲမှုဟူ၍ သုံးမျိုးသုံးစားရှိသည်ကို တွေ့ရပေလိမ့်မည်။ ဤသုံးခုအနက် လက်ငင်းကြုံတွေ့ရသော အခြင်းအရာကြောင့် စိတ်ဆင်းရဲမှုထက်၊ အတိတ်အဖြစ်အပျက်ကို ပြန်လည် ဖော်ထုတ်မိခြင်းကြောင့် စိတ်ဆင်းရဲမှုနှင့် အနာဂတ်အတွက် မှန်းဆတွေးခေါ်မိခြင်းကြောင့် စိတ်ဆင်းရဲမှု တို့က ကဲလွန်ပုံပေါက်ခြင်းကို တွေ့ကြရပေလိမ့်မည်။ အတိတ်နှင့် အနာဂတ် အဖို့တွင်လည်း အတိတ် အဖြစ်အပျက်ကို ပြန်လည်ဖော်ထုတ် စဉ်းစားမိခြင်းအတွက်ကြောင့် စိတ်ဆင်းရဲရခြင်းက ပိုမိုများပြားခြင်း ကို တွေ့ကြရပေလိမ့်မည် ။ (အတိတ်နှင့် အနာဂတ် တွေးလုံးများကြောင့် စိတ်ကြည်နူးခြင်း များလည်း ရှိသည်မှန်ပါ၏။ သို့ရာတွင် ကျွန်ုပ်၏ ရည်ရွယ်ချက်မှာ စိတ်ဆင်းရဲမှုမှ သက်သာရာရစေသောနည်းကို ဖော်ပြလိုခြင်းဖြစ်၍ ကြည်နူးမှုကို ချန်လှပ်ထားရပါသေးသည်။) လူသတ္တဝါ အများဆုံးကို အကဲလွန်ဆုံး စိတ်ဆင်းရဲမှု ဖြစ်စေသော အခြင်းအရာမှာ ၊ လွန်လေပြီးသော အတိတ်အဖြစ်အပျက်ကို ပြန်လည်ဖော် ထုတ် တွေးတောခြင်းပင်ဖြစ်လေသည်။

အကြိမ်ကြိမ်ဆင်းရဲရခြင်း

ဆောင်းပါးအစတွင်ဖော်ပြခဲ့သော ဥဒါဟရုဏ်၌ လူတစ်ယောက်ယောက်က မိမိအား ပုတ်ခတ်ကဲ့ရဲ့ခြင်း ခံရသည်ဆိုလျှင်၊ ကြားလိုက်ရသည်နှင့် တစ်ပြိုင်နက် ဒေါသဖြစ်ကာ စိတ်ဆင်းရဲမှု ဖြစ်ရခြင်းကား ရှိပါစေတော့။ ပုထုဇဉ်ဟူသမျှအနက် မည်သူမဆို ထိုကဲ့သို့ ဖြစ်ကြရမည်ဆိုခြင်းကို မငြင်းလိုပါ။ ချက်ချင်း လက်ငင်း “ပူပူနွေးနွေး” အဖို့ရာ၌ ကဲ့ရဲ့မှု ပြင်းထန်လျှင် ပြင်းထန်သလောက် စိတ်ပေါက်မိခြင်းမှာ ပုထုဇဉ်တို့၏ ဓမ္မတာဖြစ်ပါ၏။ သို့ရာတွင် ထိုသူ၏ကဲ့ရဲ့ရှုတ်ချမှုသည် နောင်တစ်ခဏတွင် အတိတ်ဖြစ် သွားခဲ့ပြီ မဟုတ်ပါလော။ ကဲ့ရဲ့ရှုတ်ချသောသူက တစ်ကြိမ်တည်းမျှသာပြုလုပ်ခြင်းဖြစ်ပါလျက် ခံရသူအဖို့ ရာ၌ စဉ်းစားမိတိုင်း ရင်ထဲက ပူခနဲ နွေးခနဲဖြစ်ကာ ကြိမ်ဖန်များစွာ စိတ်ဆင်းရဲခြင်းဖြစ်ရသည် မဟုတ်ပါလော။ တစ်ကြိမ်မျှသော ပစ္စုပ္ပန်ဖြစ်ရပ် တစ်ခုအတွက် အကြိမ်ပေါင်းများစွာ စိတ်ဆင်းရဲမှု ဖြစ်ရသည်မဟုတ်ပါလော။ ဤအခြင်းအရာကိုထောက်ခြင်းအားဖြင့် ပစ္စုပ္ပန် အခြင်းအရာထက် ၊ အတိတ်ကို ပြန်လည်ဖော်ထုတ် စဉ်းစားမိတတ်ခြင်းကြောင့် ခံစားရသော စိတ်ဆင်းရဲမှုသည် သာလွန်ကြီးကျယ်ခြင်းကား ထင်ရှားလောက်ပေပြီ။

ကြိုးစားလျှင်အောင်ရမည်

လွန်လေပြီးသော အတိတ်အဖြစ်အပျက်ကို တစ်ဖန်ပြန်၍ မစဉ်းစားဘဲ မနေနိုင်ခြင်းမှာ လူသတ္တဝါတို့၏ ဓမ္မတာဖြစ်သည် မှန်သော်လည်း၊ ထိုအတွက်ကြောင့် ခံရသော စိတ်ဆင်းရဲမှုမှလွတ်မြောက်ရေး အတွက်မှာ ဒိဋ္ဌေဒိဋ္ဌမတ္တံတည်းဟူသော ဗုဒ္ဓ၏ ကျင့်စဉ်သည် အကောင်းဆုံးသော ဆေးနည်းဖြစ်သည်ဟု ဆိုလိုပေသည်။ ၎င်းကျင့်စဉ်အရမှာ အတိတ်အဖြစ်အပျက် အနာဂတ်အဖြစ်အပျက်များအကြောင်းကို တွေးတောကြံဆခြင်းမပြုဘဲ အာရုံ ၆ ပါးတို့နှင့် ပတ်သက်၍ မြင်ကာ မတ္တ၊ ကြားကာ မတ္တ၊ နံကာ မတ္တ၊ စားကာ မတ္တ၊ ထိကာ မတ္တ စသည်ဖြင့် လက်ငင်းပစ္စပ္ပုန် အပေါ်၌သာ စိတ်ကို အကုန်အလေ့အကျင့်ပြုလုပ် ရခြင်းဖြစ်လေသည်။ တစ်ဘဝလုံး၊ တစ်သံသရာလုံးက အတိတ်နှင့် အနာဂတ် အခြင်းအရာများအကြောင်း ကိုသာ တစ်လျှောက်ကြီး တွေးတောကြံဆလာခဲ့ကြသော သတ္တဝါများ ဖြစ်သည်အလျောက်၊ လေ့ကျင့်ခါစ ၌ အခက်အခဲတွေ့ကြရမည် မှန်သော်လည်း ချက်ချင်းလက်ငင်းလည်း ပူပန်သောက ကင်းငြိမ်း၍ မဂ်ဖိုလ် နိဗ္ဗာန် သို့တိုင်အောင် ပေါက်ရောက်နိုင်သော ဗုဒ္ဓ၏ ကျင့်စဉ်လည်း ဖြစ်သောကြောင့် ၊ ရုတ်တရက် ချက်ချင်း မအောင်မြင်နိုင်သေးခြင်းအတွက် စိတ်ပျက်အားလျှော့ထိုက်သည် မဟုတ်ပါပေ။ အခြားလူများ အဖို့တော့ လွယ်ကူကောင်းလွယ်ကူပေလိမ့်မည်၊ ငါ့အဖို့တော့ ခဲယဉ်းလှသည်ဟူ၍ မထင်မှတ်ကြပါ လေနှင့်၊ အဖိုးထိုက်တန်သောရည်မှန်းချက်တစ်ခု ပြည့်စုံရေးအတွက် လေ့ကျင့်ရခြင်းဟူသမျှမှာ လောကီ၌ ဖြစ်စေ၊ လောကုတ္တရာ၌ ဖြစ်စေ၊ ဇွဲကောင်းကောင်း နှင့် တပင်တပန်း လေ့ကျင့်ယူရသည်ချည်း ဖြစ်ခြင်းကို သတိပြုကြစေလိုပါသည်။ အတိတ်နှင့် အနာဂတ် အခြင်းအရာများအကြောင်းကို မစဉ်းစားမူ၍ ပစ္စုပ္ပန် အပေါ်၌ စိတ်ကိုထားရသော အလုပ်မှာ ခဲယဉ်းသော်လည်း လက်ငင်း စိတ်ဆင်းရဲမှုမှ သက်သာရာရလို သော (ဝါ) စိတ်ငြိမ်းချမ်းမှုကို လိုလားသော ဆန္ဒပြင်းထန်သူတို့အဖို့မှာ ဇွဲကောင်းကောင်း နှင့် ကြိုးစားပါက မဖြစ်နိုင်သော အလုပ်တစ်ခုမဟုတ်ကြောင်း တာဝန်ခံရဲပါသည်။

လေ့ကျင့်တိုင်းတိုးတက်ရမည်

အစပထမ၌ သတိယှဉ်သောစိတ်မျိုးဖြစ်အောင် (ဝါ) စိတ်ကိုဖြစ်စေ၊ ရုပ်ကိုဖြစ်စေ၊ စောင့်ကြည့်တတ်သော အလေ့အကျင့်ဖြစ်လာအောင် မွေးမြူရခြင်းသည် တော်တော်ကလေး ခက်ခဲခြင်းကား မှန်ပါသည်။ သို့ရာတွင် ဤမျှ လောက်မက စိတ်ရောကိုယ်ပါ ပင်ပန်းကြီးစွာ အားထုတ်ကြရသော အခြားကျင့်စဉ်များမှ ယောဂီများကိုလည်း အားကျဖို့ကောင်းပါသည်။ ဤကျင့်စဉ်၏ ထူးခြားချက်တစ်ခုမှာ၊ တရားပေါက်သော အခါမှ အကျိုးထူးခံစားနိုင်သည် မဟုတ်ဘဲ၊ အားထုတ်ဆဲ အချိန်ကာလ အတောအတွင်း၌ပင် စိတ်၏ ငြိမ်းချမ်းမှု ရရှိနိုင်ခြင်းပင်ဖြစ်လေသည်။ ဥပမာ အတိတ်နှင့် အနာဂတ်တို့ အကြောင်းကို မစဉ်းစား စိတ်မကူးဘဲ မြင်ကာမတ္တ၊ ကြားကာမတ္တမျှလောက်ဖြင့်သာ ငါးမိနစ်၊ ဆယ်မိနစ် စသည်ဖြင့် အချိန်အပိုင်း အခြားနှင့် နေတတ်လာသည်ဆိုလျှင်ပင် တစ်မျိုးတစ်မည် သဘောပေါက်လာတတ်ပေသည်။ သဘောပေါက်ပုံကား ဟိုအကြောင်း သည်အကြောင်းများကို တွေးတောကြံစည်ရခြင်းသည် စိတ်မောလှသည်။ ထိုမျှမကသေး၊ နှလုံးမသာယာဖွယ်ဖြစ်သော အတိတ်ကအဖြစ်အပျက်များကို စဉ်းစား မိသောအခါ၌လည်း စိတ်ဆင်းရဲမှု ဖြစ်ရသေးသည်။ ကြံစည်စိတ်ကူးရခြင်းများထက်၊ မျက်စိကလေး အသာမှိတ်ပြီး နားထဲသို့ဝင်လာသောအသံများကို ကြားရသည်ဆိုရုံကလေးမျှ ကြားနေရသော အသံဖြစ် သည်။ ငြိမ်းချမ်းလှပါပေသည်တကား စသည်ဖြင့် သဘောကျလာပေလိမ့်မည်။ ထိုကဲ့သို့ သဘော ပေါက်သော အချိန်မှစ၍ ငါးမိနစ်၊ ဆယ်မိနစ်မျှသာမကဘဲ နာရီဝက်ခန့်မျှ နေနိုင်သည်အထိ တိုးတက်ခြင်းရှိလာသည်ကို တွေ့ရတတ်ပေသည်။

(ကျွန်တော်ဆက်လက် ပို့စ်တင်နိုင်ရန်အတွက် ဒိဋ္ဌေဒိဋ္ဌမတ္တံစာအုပ်ကို အစအဆုံး စေတနာမေတ္တာဖြင့် ကူညီစာရိုက်ကုသိုလ်ပြုပေးတဲ့ ဒေါက်တာဝင်းလွင် ကို အထူးကျေးဇူးတင်ရှိပါတယ်ခင်ဗျား။)

(ဆရာကြီးရွှေဥဒေါင်း ၏ ဒိဋ္ဌေဒိဋ္ဌမတ္တံ လက်တွေ့ ကျင့်စဉ် တင်ပြီးသမျှ အတွဲ (၁) မှ ယခုအထိ ဖတ်လိုလျင်)

The Quality Sleep

2012-12-14T07:01:00.001-08:00

ဒီရက်ပိုင်းမှာ ရထားစီးဖြစ်တိုင်း ရထားနံရံပေါ်က မွေ့ရာကြော်ငြာတစ်ခုရဲ့ စာတမ်းက ကျွန်တော့်အာရုံကို ဖမ်းစားပါတယ်။ နာမည်ကြီးအားကစားမယ်လေးရဲ့ ဓါတ်ပုံနှင့် ဂျပန်လိုရေးထားတဲ့ စာသားတွေရဲ့ အပေါ်မှာ အင်္ဂလိပ်လို ထင်ထင်ရှားရှားရေးထားတဲ့ စာကြောင်းက "The Quality Sleep" တဲ့။ ဒီစာကြောင်းကို မြင်တော့ ကျွန်တော် အတွေးနယ်ချဲ့ မိတယ်။ မွေ့ယာကောင်းကောင်း၊ ခေါင်းအုံးကောင်းကောင်းပေါ်မှာ အိပ်လိုက်ရုံနှင့်တော့ လူတွေရဲ့  အိပ်စက်မှုဟာ အရည်အသွေးမြင့်သွားနိုင်စရာ အကြောင်းမရှိပါဘူး။ ဒါဆို ဘယ်လိုမျိုးအိပ်ရင် အရည်အသွေးရှိရှိ အိပ်စက်တယ်လို့ ပြောလို့ရနိုင်မလဲလို့ အဖြေတွေထုတ်ကြည့်မိတယ်။

ကျွန်တော်တို့ လူသားတွေအားလုံး နေ့တိုင်းလို အိပ်စက်ကြရပါတယ်။ ကျွန်တော်တို့ ပတ်ဝန်းကျင်မှာ မြင်နေတွေ့နေရတဲ့ တိရစ္ဆာန်တွေလည်း သူတို့သက်တမ်းနှင့်လျော်ညီတဲ့ အိပ်ချိန်တွေနှင့် အိပ်နေကြပါတယ်။ လူတွေမှာတော့ ယေဘုယျအားဖြင့် ကလေးအရွယ်တွေမှာ တစ်နေ့တာရဲ့  နာရီတော်တော်များများကို အိပ်ချိန်အဖြစ်လိုအပ်ပြီး အသက်ကြီးလာတာနှင့်အမျှ အိပ်ချိန်က တဖြည်းဖြည်း လျော့သွားပါတယ်။ လူတစ်ယောက်ဟာ ယေဘုယျအားဖြင့် တချို့  (၈)နာရီ ဒါမှမဟုတ် (၆)နာရီလောက် အိပ်ရရင် အိပ်ရေးဝတတ်ကြပါတယ်။ တချို့ လည်း (၄)နာရီ (၅)နာရီလောက် အိပ်ပြီး တစ်နေကုန် နေနိုင်ကြတဲ့သူတွေလည်း ရှိနေတာပါဘဲ။ တကယ်ကတော့ အိပ်စက်ခြင်းဟာ လူသားတွေအတွက် အကုန်အကျအသက်သာဆုံး အပန်းဖြေစရာတစ်ခုလို့ပြောမယ်ဆိုလည်း မမှားနိုင်ပါဘူး။

“အိပ်၊ စား၊ ပျော်ပါး” ဒီသုံးပါးဟာ လူနှင့်တိရစ္ဆာန်တွေမှာ အားလုံး အတူတူလို့ ဆိုထားတော့ လူတွေ အိပ်တာနှင့် တိရစ္ဆာန်တွေအိပ်တာ ဘယ်လို ကွာခြားမှု ရှိနိုင်မလဲလို့ နှိုင်းယှဉ်စဉ်းစားချင်စရာ ကောင်းပါတယ်။ ကိုယ့်ပတ်ဝန်းကျင်မှာရှိနေတတ်တဲ့ ခွေးလေး ကြောင်လေးတွေ၊ ငှက်လေးတွေ၊ ကြက်လေးတွေကို ကြည့်လိုက်ရင် သူတို့တွေ တစ်နေ့လုံး ကစားချင်ရင် ကစား၊ ဗိုက်ဆာတဲ့အချိန် အစာရှာ၊ စားစရာတွေ့ရင် စား၊ ဆန့်ကျင်ဘက် ရန်သူနှင့်တွေ့ရင် ရန်မူ၊ မျိုးပွားမယ့် ရာသီမျိုးမှာဆို တစ်နေကုန် အဲဒီကိစ္စတွေနှင့် အလုပ်တွေရှုပ်၊ နောက်ဆုံးဘာမှ လုပ်စရာမရှိရင် ထိုးအိပ်နေတတ်ကြပါတယ်။ မြွေလိုအကောင်မျိုးတွေဆို သူအစာစားပြီးလို့ ဗိုက်တင်းသွားတာနှင့် တခြားဘာမှကို မလုပ်တော့ဘဲ ခွေပြီးအိပ်ကြတော့တာပါဘဲ။

တချို့  လူတွေထဲမှာလည်း တစ်နေ့လုံးနီးပါး အိပ်နေတတ်ကြတဲ့ သူတွေကို သတိထားမိဖူးမယ်ထင်ပါတယ်။ တချို့ လည်း အသက်အရွယ် အိုးမင်းရင့်ရော်လာကြလို့ဘဲဖြစ်ဖြစ်၊ ရောဂါဝေဒနာတစ်ခုခုကြောင့်ဘဲဖြစ်ဖြစ် အိပ်ယာပေါ်မှာ မှိန်းပြီးနေကြရတဲ့အချိန်က တစ်နေ့တာမှာ ပိုများနေတတ်ပါတယ်။ တချို့ ကတော့ စိတ်ကျရောဂါလိုမျိုး စိတ်ပိုင်းဆိုင်ရာချို့ ယွင်းမှုတစ်ခုခုဖြစ်နေတာကြောင့် တစ်နေကုန်အိပ်တတ်ကြပါသေးတယ်။ တချို့ လည်း သွားရင်းလာရင်း တခြားထွေထွေထူးထူးလုပ်စရာမရှိတဲ့အခါမှာ ရထားစီးရင်း၊ ကားစီးရင်း ရတဲ့အချိန်မှာ ရသလောက် အိပ်တတ်ကြတဲ့သူတွေလည်း ရှိပါတယ်။

တစ်နေကုန် တစ်နေခမ်း အလုပ်လုပ်ကြရတဲ့သူတွေကျတော့ အလုပ်ပင်ပင်ပန်းပန်းလုပ်ခဲ့ကြရလို့ ညဘက် အိမ်ပြန်ရောက်တာနှင့် အိပ်ဖို့ ကိုဘဲ သူတို့ ခေါင်းထဲရှိကြတော့တယ်။ ရေမိုးချိုး၊ ညစာကို မြန်မြန်သွက်သွက်စားပြီး တန်းအိပ်ကြတော့တာဘဲ။ တချို့  သောက်တတ်၊ စားတတ်တဲ့သူတွေကျပြန်တော့ ညဘက်မှာ သောက်ထား၊ စားထားတဲ့ အရှိန်လေးတွေနှင့် ယစ်ယစ်မူးမူး အိပ်ယာထဲ တန်းဝင် အိပ်တတ်ကြပြန်ပါတယ်။ တချို့  တီဗွီ၊ ဗွီဒီယိုဇာတ်လမ်းတွေကို နှစ်ခြိုက်စွဲလန်းကြတဲ့သူတွေ၊ စာအုပ်ဖတ်တာ စွဲတဲ့သူတွေ၊ အင်တာနက်စွဲတဲ့သူတွေ၊ ကာရာအိုကေသီချင်းဆိုတာ ၀ါသနာပါတဲ့သူတွေဆိုရင်လည်း နောက်ဆုံးအိပ်မပျော်ခင်အချိန်အထိ သူတို့စွဲလန်းတဲ့ အာရုံကို အပန်းဖြေတဲ့အနေနှင့် ခံစားရင်း အိပ်တတ်ကြပါတယ်။ တချို့ ကျတော့ ဒီနေ့တစ်နေ့စာ ကြုံဆုံခဲ့ရတာတွေထဲက စိတ်အလိုမကျဖြစ်ခဲ့ရတာတွေ၊ တစ်ဦးဦးအပေါ် မကျေမနပ်ဖြစ်ရတာတွေကို အိပ်ယာထဲရောက်တဲ့အထိ တနုံ့နုံ့ တွေးရင်း၊ စိတ်ဆိုးဒေါသဖြစ်ရင်း နောက်ဆုံး အိပ်ပျော်သွားတတ်ကြတယ်။ အလုပ်ကိုအလွန်အကျွံလုပ်တဲ့သူတွေ၊ ကျောင်းစာကို အလွန်အကျူးကြိုးစားသူတွေကလည်း နောက်ဆုံးအိပ်ပျော်သွားချိန်အထိကို သူတို့ အလုပ်တွေ၊ စာတွေနှင့် လုံးလည်ချာလည်လိုက်ရင်းက အိပ်ပျော်သွားတတ်ပါတယ်။ ကာမဂုဏ်ကိုလိုက်စားပျော်ပါးသူအချို့ ကျပြန်တော့လည်း မအိပ်ခင်လေးမှာ မိမိတို့ အဖော်နှင့် ကာမနှင့် စပ်နွှယ်တဲ့ အာရုံတွေမှာ နစ်မြောစီးဝင်ရင်း အိပ်စက်တတ်ကြပြန်ပါတယ်။ တချို့ လူတွေကျတော့ လွယ်လွယ်နှင့် အိပ်မပျော်တတ်ကြပြန်ဘူး။ သူတို့တွေကျတော့ အိပ်မပျော်ခင်အချိန်မှာ အိပ်ယာပေါ်လှဲနေရင်းက တောင်တောင်အီအီတွေ လျှောက်တွေးရင်း၊ စဉ်းစားရင်းနှင့် နောက်ဆုံး ခန္ဓာကိုယ် တအားပင်ပန်းလာတော့မှဘဲ အိပ်ပျော်သွားတတ်ကြတယ်။

အခုပြောခဲ့တဲ့ လူတွေရဲ့  အိပ်စက်ပုံတွေကို စိစစ်ကြည့်လိုက်ရင် စွဲလန်းမှုတွေ၊ ယစ်မူးမှုတွေ၊ လောဘတွေ၊ တဏှာရမ္မက်တွေ၊ ဒေါသတွေ၊ စိတ်ပျံ့ လွင့်မှုတွေ၊ မောဟတွေနှင့် ပြည့်နှက်နေရင်းကနေ အိပ်စက်လိုက်ကြတာမို့ သူတို့တွေ ဘယ်လောက်ကောင်းတဲ့ မွေ့ယာပေါ်မှာဘဲ အိပ်ကြပါစေ၊ သူတို့ရဲ့  အိပ်စက်ခြင်းဟာ အရည်အသွေးရှိရှိ အိပ်တာပါလို့ ပြောဖို့တော့ ခက်ပါလိမ့်မယ်။ အားမနာတမ်းသာပြောရရင် တိရစ္ဆာန်တွေအိပ်တာမျိုးထက် ဘယ်လောက်များ ပိုသာနိုင်မှာတဲ့လဲ။

ကဲ... ဒီတော့ ကျွန်တော်တို့ အရည်အသွေးမြင့်မြင့် အိပ်တတ်ကြတဲ့သူတွေအကြောင်းကို ထပ်ပြီး လေ့လာကြည့်ကြပါအုံးစို့။

ဘာသာရေးစာပေတွေမှာ ဖတ်ကြည့်မိတော့ ပထမဆုံး မြတ်စွာဘုရားရှင်ကိုယ်တော်မြတ်ကြီး ကျိန်းစက်တော်မူပုံကို တွေ့ရပါတယ်။ မြတ်စွာဘုရားရှင်ကိုယ်တော်မြတ်ကြီးဟာ ညဉ့်သုံးယံမှာ အလယ်မဇ္ဈိမယံကို သုံးပုံပုံပြီး ပထမနှစ်နာရီမှာ ရောက်လာကြတဲ့ နတ်ဗြဟ္မာတွေကို တရားဟောတော်မူပါတယ်။ ဒုတိယနှစ်နာရီမှာတော့ ကျိန်းစက်တော်မူပါတယ်။ အဲဒီလို ကျိန်းစက်တော်မူတဲ့အခါမှာ ထမယ်ဆိုတဲ့ အမှတ်သညာကိုပြုပြီးတော့ စတုတ္ထဈာန် (သို့) ဖလသမာပတ်ကိုဝင်စားပြီး ကျိန်းစက်တော်မူပါတယ်တဲ့။ နှစ်နာရီကျိန်းပြီးတဲ့နောက်မှာတော့ ကျိန်းစက်နေရာကနေ ပြန်လည်ထတော်မူပြီး ကိုယ်လက်သုတ်သင်၊ စင်္ကြံလျှောက်၊ ဒီနေ့အတွက် လောကမှာ ဘယ်သူတွေကို ခြွေချွတ်ရမလဲလို့ ကြည့်တော်မူပါတယ်။ မြတ်စွာဘုရားဟာ တစ်နေ့တာလုံးမှာ နှစ်နာရီဘဲ ကျိန်းတော်မူပြီး ကျန်တဲ့အချိန်တွေကို လောကသားတွေအတွက် အသုံးချတော်မူခဲ့ပါတယ်။

အရှင်မဟာကဿပမထေရ်၊ စက္ခုပါလမထေရ် အစရှိတဲ့ နေသဇ္ဖိဓုတင်ကိုဆောင်ထားကြတဲ့ ကိုယ်တော်ကြီးတွေကတော့ ကျောခင်းပြီးအိပ်စက်တာကိုပယ်တော်မူကြပြီး ထိုင်လျက်သာ အသက်ထက်ဆုံး ကျိန်းစက်တော်မူခဲ့ကြပါတယ်။ ဒီဘက်ခေတ်မှာထင်ရှားတဲ့ ဝေဘူဆရာတော်ဘုရားကြီးတို့၊တောင်ပုလုဆရာတော်ဘုရားကြီးတို့လည်း နေသဇ္ဖိဓုတင်ဆောင်ပုဂ္ဂိုလ်များဖြစ်ကြပါတယ်။ မဂ်ဖိုလ်နိဗ္ဗာန်ကိုရည်မှန်းပြီး ၀ီရိယထန်ထန်နှင့် အားထုတ်ကြိုးပမ်းနေနေကြတဲ့ ရဟန်းပုဂ္ဂိုလ်တွေနှင့် ယောဂီသူတော်စင်တွေဆိုရင်လည်း နေ့စဉ်အချိန်တိုင်းနီးပါး သတိပဋ္ဌာန်တရားကို အပတ်တကုတ်ပွားများ နေကြတာမို့ အိပ်ချိန်အင်မတန်မှကို နည်းပါးကြပါတယ်။ ဒီလို တစိုက်မတ်မတ်အားထုတ်နေကြတဲ့ ပုဂ္ဂိုလ်တွေကို ဆရာသမားများက အိပ်တာနှင့်ပတ်သက်ြပီး သြ၀ါဒပေးဆုံးမတာတွေကလည်း စိတ်ဝင်စားဖို့ကောင်းသလို၊ လိုက်နာကျင့်သုံးဖွယ်ရာလည်းကောင်းပါတယ်။

တောင်ပုလုဆရာတော်ကြီးက ဆရာတော်ဦးဇောတိက စတင်တရားအားထုတ်စဉ် အချိန်တွေတုန်းက တရားတိုးတက်မှုနှင့်ပတ်သက်ပြီး မေးခဲ့တဲ့ မေးခွန်းက “အိပ်မက်ထဲမှာ တရားအားထုတ်ဖူးပြီလား” ဆိုတဲ့ မေးခွန်း ဖြစ်ပါတယ်။ ဆရာတော်က ပထမတော့ အိပ်မက်ထဲအထိ ဘာဝနာမရောက်နိုင်ခဲ့သေးပေမယ့် နောင်တော့ အိပ်မက်ထဲမှာတောင် တရားအားထုတ်ဖြစ်လာတယ်လို့ ဆိုပါတယ်။ ပဲခူးအောင်သုခဆရာတော်ကြီးကတော့ အရှိန်မပျက် ဆက်လက်အားထုတ်နေတဲ့ ယောဂီများကို အိပ်မပျော်မီအချိန်လေးမှာ မိမိသိထားပြီးသား တရား (သို့) သမာပတ်တစ်ခုခုကို အဓိဋ္ဌာန်ပြုဝင်စားပြီး အိပ်ကြဖို့ ညွှန်းကြားပါတယ်။ အိပ်တာဟာ အချိန်ပိုင်းသေလိုက်တာဘဲမို့ သေခါနီးနောက်ဆုံးအချိန်အတွက်လည်း နေ့ စဉ်ပြင်ဆင်ပြီးသားဖြစ်အောင် လေ့ကျင့်ခိုင်းတဲ့သဘောဖြစ်ပါတယ်။

တရားကို ဇောက်ချလုပ်နေတာမဟုတ်သေးတဲ့ ကျွန်တော်တို့လို ရိုးရိုးလူသာမန်တွေရော ဘယ်လိုနည်းတွေနှင့် အရည်အသွေးရှိရှိ အိပ်စက်နိုင်မလဲလို့ ကျွန်တော် စဉ်းစားမိသလောက် ချရေးကြည့်ပါမယ်။ စာဖတ်သူမိတ်ဆွေတွေကလည်း မိမိတို့သိထားတာလေးတွေ ကျွန်တော့်ကို ပြန်လည်ဝေငှပေးစေချင်ပါတယ်ခင်ဗျာ။

အလွယ်ကူဆုံးစလုပ်လို့ရတာကတော့ အိပ်ခါနီး ကိုယ်လက်သန့်စင်ပြီးတာနှင့် အချိန်လေးနည်းနည်းယူပြီး ဘုရားရှိခိုး၊ သီလယူ၊ ဂုဏ်တော်ပွား၊ မေတ္တာပို့၊ ပုတီးစိပ်၊ အမျှဝေ စသဖြင့် ကိုယ်တတ်နိုင်သလောက်လေး မအိပ်ခင် ကုသိုလ်ယူပြီးမှ အိပ်မယ်ဆိုရင် ဘာပဲဖြစ်ဖြစ် ဒီအတိုင်းကြီး လှဲအိပ်ပစ်လိုက်တာထက်စာရင် အရည်အသွေးတက်လာမှာ အမှန်ပါဘဲ။

ဒီနေရာမှ ဘုန်းဘုန်းရဝေနွယ်(အင်းမ) ပြောဖူးတာလေးကို အကြောင်းတိုက်ဆိုင်တုန်း မျှဝေပေးချင်ပါတယ်။ ဘုန်းဘုန်းက မင်းကွန်းဆရာတော်ကြီး အဆုံးအမဆိုပြီး ပြောပြတာပါ။ အိပ်ခါနီးသီလယူတဲ့အခါမှာ ရိုးရိုးငါးပါးသီလကို မယူပဲ ရှစ်ပါး၊ ကိုးပါးစတဲ့ ဥပုသ်သီလတစ်ခုခုကို ပြောင်းယူလိုက်ခြင်းဖြင့် အိပ်ပျော်နေတဲ့ အချိန်တစ်လျှောက်လုံးမှာ ကိုယ်က ဥပုသ်စောင့်ပြီးသား ဖြစ်သွားသလို ကိုယ်ယူထားတဲ့သီလကလည်း ကျိုးပျက်စရာ အကြောင်းမရှိတဲ့အတွက် သီလလည်း စင်ကြယ်ပါတယ်တဲ့။ နောက်ပြီး နေ့စဉ်နေ့တိုင်းလည်း ဥပုသ်စောင့်ခွင့်ရသွားပါတယ်။ (အိမ်ထောင်သည်များကတော့ မိမိစောင့်ထိန်းနိုင်သလောက်သာ သင့်လျှော်သလို ဆောက်တည်ကြပါရန်။) အိပ်ခါနီးအချိန်လေးမှာ ငါဟာ ဥပုသ်သည်တစ်ယောက်ပါလား ဆိုတဲ့ ကြည်လင်ဝမ်းမြောက်တဲ့ စိတ်လေးနှင့် အိပ်လိုက်ရတော့ မိမိရဲ့ အိပ်စက်ခြင်းဟာ သာမန်အိပ်စက်ခြင်းထက် ပိုပြီး အရည်အသွေးမြင့်တက်သွားနိုင်ပါတယ်။

နောက်ထပ် ပိုပြီးအရည်အသွေးတက်အောင်ဆိုရင်တော့ ဘုရားရှိခိုး၊ သီလယူတာတွေ အားလုံးလုပ်ပြီးလို့ လှဲအိပ်လိုက်တဲ့အချိန်ကစပြီး အိပ်ပျော်သွားတဲ့အချိန်အထိ ဂုဏ်တော်တစ်ခုခုကို ပွားတာဖြစ်ဖြစ်၊ မေတ္တာပို့နေတာ ဖြစ်ဖြစ်လုပ်မယ်ဆိုရင်လည်း ဖြစ်တာပါဘဲ။ တရားအားထုတ်ဖူးတဲ့ အလေ့အကျင့်ရှိထားတဲ့သူတွေဆိုရင်တော့ အိပ်ခါနီး ဘုရားရှိခိုးတာ၊ သီလစောင့်တာ၊ စတာတွေလုပ်ပြီးရင် တကယ်လို့ အချိန်လည်းပေးနိုင်ဦးမယ်ဆိုရင် တရားကို မိနစ်ပိုင်းလောက်ဖြစ်ဖြစ် ထိုင်အားထုတ်ပြီးမှ အိပ်မယ်ဆိုရင် စိတ်ကြည်လင်အေးချမ်းပြီးတော့ အိပ်စက်ကြရမှာဖြစ်ပါတယ်။ ဒီထက်လုပ်နိုင်ရင်တော့ အိပ်ယာပေါ်လှဲနေရင်းက အိပ်မပျော်ခင်အထိ ဆက်ပြီး တရားအာရုံပြုနေလိုက်မယ်ဆိုရင်လည်း ဖြစ်တာပါဘဲ။

ဒီနေရာမှာ လှဲအိပ်ရင်းတရားမှတ်ဖို့အတွက် သင့်လျော်တဲ့ အားထုတ်နည်းတစ်ခုက Body Sweeping Meditation (Body Scan Meditation) နည်းပါ။ တရားအားထုတ်တဲ့အလုပ်ကို မလုပ်ဖူးသေးတဲ့သူတွေအနေနှင့်လည်း စမ်းပြီးလုပ်ကြည့်ဖို့ရာ လွယ်ကူပါတယ်။ အားထုတ်နည်းကတော့ အိပ်ယာပေါ်မှာ လှဲအိပ်လိုက်ပြီး ခန္ဓာကိုယ်ကို သက်တောင့်သက်သာဖြစ်အောင် ထားလိုက်ပါ။ အသက်ကို မှန်မှန်လေးဘဲ ရှူသွင်းရှူထုတ်လုပ်နေလိုက်ပါ။ ပြီးရင် ဦးခေါင်းငယ်ထိပ်ကို သိစိတ်ကလေးကိုပို့လိုက်ပါ။ ငယ်ထိပ်နေရာမှာ လောလောဆယ်ဖြစ်နေတဲ့ တင်းမှုတောင့်မှု၊ ပူမှုအေးမှု စတာ တစ်ခုခုနှင့် သိမ်သိမ်မွေ့မွေ့ တုန်ခါနေမှုမျိုးလေးတွေကို သတိထားမိလာပါလိမ့်မယ်။ အဲဒါလေးတွေထဲက ထင်ရှားတာတစ်ခုခုကို သိပြီးနေလိုက်ပါ။ အဲဒီငယ်ထိပ်နေရာကနေ ဦးခေါင်းရဲ့  အောက်ဘက်ပိုင်းဆီ သိစိတ်ကလေးကို တဖြည်းဖြည်းချင်း ပို့ပေးပါ။ စိတ်ကလေးရောက်နေတဲ့ ခန္ဓာကိုယ်အစိတ်အပိုင်းတိုင်းမှာ လတ်တလောဖြစ်ပေါ်ပြောင်းလဲနေတဲ့ ထင်ရှားတဲ့အခြေအနေတိုင်းကို သိသိပေးပါ။ ဦးခေါင်း၊ မျက်နှာ၊ လည်ပင်း၊ ဂုတ်၊ ပခုံး၊ လက်နှစ်ဘက်၊ ရင်ဘတ်၊ ၀မ်းဗိုက်၊ ကျော၊ ဆီးခုံ၊ တင်ပါး၊ ခြေထောက်တွေအထိ အဆင့်ဆင့်ဆင်းလာပြီး နောက်ဆုံး ခြေချောင်းလေးတွေဆီရောက်တဲ့အထိ စိတ်ကလေးနှင့် ကြည့်ပေးပါ။ ခေါင်းကနေ ခြေထောက်အထိရောက်ဖို့အတွက် အနည်းဆုံး (၁၅)မိနစ်လောက် အချိန်ကြာတတ်ပါတယ်။ ပိုအသေးစိတ်နိုင်လေ ပိုကြာလေပါဘဲ။ ဒါပေမယ့် အိပ်ပျော်ခါနီးမှာ ပြုလုပ်တာဖြစ်တဲ့အတွက် ခြေထောက်ရောက်တဲ့အထိကို ခံမှာ မဟုတ်ပါဘူး။ လမ်းတစ်ဝက်မှာတင် အိပ်ပျော်သွားတတ်ပါတယ်။ ဒါပေမယ့် ဒီလိုလုပ်ရင်း အိပ်ပျော်သွားတဲ့အခါမှာ နှစ်နှစ်ခြိုက်ခြိုက်နှင့် အိပ်ပျော်သလို၊ နိုးလာတဲ့အခါမှာလည်း ခန္ဓာကိုယ်ရော၊ စိတ်ရော လန်းဆန်းနေတတ်ပါတယ်။ တကယ်လို့များ ခြေချောင်းတွေအထိရောက်ပြီး ဆုံးသွားတဲ့တိုင်အောင်မှ အိပ်မပျော်သေးဘူးဆိုရင် ငယ်ထိပ်ကနေ တစ်ခါပြန်စပြီး ခုနကအတိုင်း ခန္ဓာကိုယ်ကို အစကနေအဆုံး ပြန်ကြည့်ပေးရုံပါဘဲ။

အိပ်ခါနီး ပွားများဖို့သင့်လျှော်တဲ့ တခြားကမ္မဋ္ဌာန်းတွေကတော့ အသုဘကမ္မဋ္ဌာန်းနှင့် မရဏာနုဿတိကမ္မဋ္ဌာန်းတွေဘဲဖြစ်ပါတယ်။ တကယ်တော့ အိပ်တယ်ဆိုတာ နာရီပိုင်းသေတာမို့ ကိုယ့်ခန္ဓာကိုယ်ကို လူသေကောင်အဖြစ် နှလုံးသွင်းသဘောထားပြီး အသုဘဘာဝနာစီးဖြန်း အိပ်မယ်ဆိုလည်း ရတာပါဘဲ။ ဒီလိုမှမဟုတ်လည်း မိမိကိုယ်ကို ဒါငါသေရတော့မယ် နောက်ဆုံးအချိန်ပါလားလို့ နှလုံးသွင်းပြီး ငါအခုသေရင် ဘယ်လိုစိတ်မျိုးနှင့် သေမှာလဲဆိုတာကို ကိုယ့်ဖာသာဆင်ခြင်သတိပေးရင်း ကိုယ်ကျွမ်းကျင်ရာ နှစ်သက်ရာ ဘာဝနာတစ်ခုခုကို နှလုံးသွင်းအိပ်စက်မယ်ဆိုလည်း အိပ်စက်ခြင်းဟာ ပုံမှန်ထက်တော့ အရည်အသွေးမြင့်သွားမှာ အမှန်ပါဘဲ။

အဘိဓမ္မာထဲက စကားနှင့်ပြောမယ်ဆိုရင်တော့ အိပ်ပျော်နေတဲ့အချိန်ဟာ ဘ၀င်စိတ်တွေ ဖြစ်နေတဲ့အချိန်ပါ။ ဘ၀င်စိတ်ဆိုတာ ဘယ်အာရုံကိုမှ မယူ၊ မသိတဲ့ စိတ်တစ်မျိုးပါဘဲ။ တစ်နေ့တာမှာ အကြောင်းအားလျော်စွာ မြင်ကြားနံသိစတဲ့ အာရုံငါးပါးနှင့်ဆိုင်တဲ့ ၀ိညာဉ်အသိစိတ်တွေပေါ်လာတဲ့အခိုက်လေးတွေမှာ ဘ၀င်စိတ်က ခဏပြတ်သွားတတ်ပါတယ်။ ဒါတောင် အသိစိတ်တစ်ခုနှင့်တစ်ခုကြားမှာ ဘ၀င်စိတ်တွေက ခိုနေတတ်ပါသေးတယ်။ ခန္ဓာကိုယ်မှာ ပင်ပန်းနွမ်းနယ်မှုတွေကြောင့် ထိနမိဒ္ဓတွေ အားကြီးသွားတဲ့အခိုက်မှာ သိစိတ်တွေပြတ်ပြီး ဘ၀င်စိတ်တွေဆက်တိုက်ဖြစ်သွားတဲ့အချိန်ကိုဘဲ အိပ်တယ်လို့ခေါ်ရတာပါ။ တကယ်တော့ ဘ၀င်စိတ်ဖြစ်တဲ့အချိန်ဟာ သတိကင်းမဲ့တဲ့အချိန်ဘဲဖြစ်ပါတယ်။ သတိအားကောင်းလာတဲ့သူမှာ ဘ၀င်စိတ်ဖြစ်တဲ့အကြိမ်ရေက နည်းနည်းလာပါတယ်။ ဒါကြောင့်လည်း တရားနှလုံးသွင်းနေကြတဲ့ သူတော်ကောင်များ အိပ်ချိန်နည်းပါးသွားကြတာဖြစ်ပါတယ်။ လူ့ခန္ဓာကိုယ်ရဲ့  လိုအပ်ချက်အတွက်သာ မဖြစ်မနေအိပ်လိုက်ကြရပေမယ့် ပြန်ထမယ်ဆိုတဲ့ အမှတ်သညာကို စိတ်ကညွှတ်ထားတဲ့အတွက် အချိန်တိုအတွင်းမှာ အိပ်နေရာကနေ ကြည်ကြည်လင်လင် လန်းလန်းဆန်းဆန်းနှင့် ပြန်လည်နိုးထလာတတ်ကြတာ ဖြစ်ပါတယ်။

အခုပြောသွားတာတွေကနေ ကျွန်တော်တို့တွေ ကိုယ့်ဖာသာ ပြန်လည် စိစစ်ပြီး အဖြေထုတ်ကြည့်နိုင်လောက်မယ် ထင်ပါတယ်။ ငါတို့တွေ နေ့စဉ်နေ့တိုင်း အိပ်နေကြတာ အရည်အသွေးမီအိပ်စက်ခြင်းမှ ဟုတ်ပါရဲ့ လားဆိုတာ။ ဒီအဖြေကို ကိုယ်ကိုယ်တိုင်ဘဲ ပြန်ဖြေနိုင်ကြလိမ့်မယ်လို့ မျှော်လင့်ပါတယ်။ ဘယ်လိုဘဲဖြစ်ဖြစ် မြတ်စွာဘုရားရှင်နှင့် သူတော်ကောင်းတွေ အိပ်စက်ကြပုံကို အတုယူအားကျပြီး ကျွန်တော်တို့လည်း တတ်နိုင်သလောက် အရည်အသွေးမီအိပ်နိုင်အောင် ကြိုးစားကြည့်ကြရအောင်လားဗျာ။

ကဲ...စာဖတ်နေကြတဲ့ မိတ်ဆွေတွေအားလုံး Quality Sleep နှင့် နေ့စဉ် အိပ်စက်နိုင်ကြပါစေဗျာ။

လေးစားစွာဖြင့်

ဝိမုတ္တိသုခ

၁၄၊ ၁၂၊ ၂၀၁၂။

https://www.facebook.com/notes/vimuttisukha-bliss/the-quality-sleep/10151329713375991?comment_id=26065010&notif_t=note_comment

ဆရာကြီး ရွှေဥဒေါင်း၏ ဒိဋ္ဌေဒိဋ္ဌမတ္တံ လက်တွေ့ ကျင့်စဉ် (၄၂)

2012-12-05T07:16:00.000-08:00

ရဲရဲကြီးထောက်ခံသော ကျင့်စဉ်

ဤဘဝအတွင်း၌ ဒိဋ္ဌလက်ငင်း ပူလောင်ခြင်းမှ သက်သာရာရခြင်း ဟူသည်မှာ သဥပါဒိသေသ နိဗ္ဗာန်ကို ရည်ရွယ်ခြင်း မဟုတ်သေးဘဲ၊ အားထုတ်ဆဲ အခိုက်အတန့်၌ပင် စိတ်နှလုံးပူပန်ဆင်းရဲခြင်းမှ အထိုက်အလျှောက် သက်သာရာရစေနိုင်ခြင်းကို ဆိုလိုပေသည်။ လက်ငင်းချက်ချင်း သက်သာရာရစေဖို့ အားထုတ်ကြရာတွင်လည်း ဂေါတမဗုဒ္ဓသည် နည်းအမျိုးမျိုး ညွှန်ပြတော်မူခဲ့ပေရာ၊ (ကျွန်ုပ်အဖို့ရာ၌ ကိုယ်တိုင် အထိုက်အလျောက်ခံစားရ၍) လက်တွေ့အနေဖြင့် ကျေနပ်ဖွယ် အကောင်းဆုံးသော ကျင့်စဉ် တစ်ခုအနေဖြင့် မဆိုင်းမတွ ထောက်ခံရဲသည်မှာ “ဒိဋ္ဌေဒိဋ္ဌမတ္တံ”တည်းဟူသော ကျင့်စဉ်ပင်ဖြစ်လေသည်။

အလေ့အကျင့်ပြုလုပ်ဖို့လိုခြင်း

အထက်တွင်ဖော်ပြခဲ့သော ပန်းချီဆရာ ဥပမာ၊ ကလေးဆိုးဥပမာတို့မှာ စာထဲက တွေ့ရသော ဥပမာများ မဟုတ်၊ ကျွန်ုပ်ကိုယ်တိုင် ၎င်းကျင့်စဉ်အရ အားထုတ်ခဲ့သဖြင့် တွေ့ရသော စိတ်သဘာဝကို ပေါ်လွင်အောင် ဥပမာဆောင်ခြင်းမျှသာဖြစ်လေသည်။ ဤစာကို ဖတ်ရသောသူက “ကောင်းပါပြီ၊ ပန်းချီဆရာဥပမာကို သဘောကျ၍ ကလေးဆိုး ဥပမာကိုလည်း ကျေနပ်ပါသည်။ သို့သော် မိမိအား ပုတ်ခတ်ကဲ့ရဲ့ခြင်း ခံရမှုကို တစ်ဖန်ပြန်၍ မစဉ်းစားဘဲလည်း မနေနိုင်ပါ။ စိတ်ဆင်းရဲမည်ကိုလည်း စိုးရိမ်မြဲတိုင်း စိုးရိမ်၍ ဥပေက္ခာပြုထားရန် မတတ်နိုင်ပါ။ ထိုကဲ့သို့ မဖြစ်အောင် ဘယ်နည်းနှင့် ပြုလုပ်ရပါမည်နည်း” ဟုမေးငြားအံ့။ “ဒိဋ္ဌေဒိဋ္ဌမတ္တံ” နည်းအားဖြင့် အလေ့အကျင့် ပြုလုပ်ပါ” ဟူ၍ ဖြေဆိုရပေမည်။

ဆင်းရဲခြင်းနှစ်မျိုး

ချဲ့ဦးအံ့။ သတ္တဝါတို့အဖို့၌ ကိုယ်၏ဆင်းရဲခြင်း ၊ စိတ်၏ဆင်းရဲခြင်းဟူ၍ ဒုက္ခနှစ်မျိုးရှိပေရာ၊ ကိုယ်၏ ဆင်းရဲခြင်းဟူသည်မှာ ရံဖန်ရံခါမျှသာ ကြုံတွေ့ရတတ်သော ဒုက္ခမျိုးဖြစ်၍ စိတ်ဆင်းရဲမှုသည်သာလျှင် (မနေတတ်သူများအဖို့၌) မကြာခဏ ကြုံတွေ့ရတတ်သော ဒုက္ခမျိုးဖြစ်၏။ ပင်ပန်းကြီးစွာနှင့် အလုပ်ကြမ်း လုပ်ကြရသူများမှတစ်ပါး၊ ကိုယ်ဆင်းရဲမှုဟူသည်မှာ ဆာလောင်မွတ်သိပ်ခြင်း၊ အလွန်အမင်း ချမ်းအေးခြင်း ၊ အလွန်အကျွံ ပူအိုက်ခြင်း၊ နာဖျားမကျန်းဖြစ်ရခြင်း အစရှိသော အခိုက်အတန့်များ၌သာ ကြုံတွေ့ရ တတ်ပေသည်။ ကိုယ်ဆင်းရဲမှုဟူသည်မှာ ပရံပရ အကုသိုလ်ကံအလျောက် ကြုံတွေ့ရခြင်းဖြစ်၍ ဘုရားရဟန္တာများသော်မှ ရှောင်ကွင်းရန် မတတ်နိုင်ဘဲ ကျိတ်၍ခံကြရသော ဒုက္ခမျိုးဖြစ်ချေသည်။

လက်ငင်းသက်သာရာရသောနည်း

ကိုယ်ဆင်းရဲမှုထက် အခံရခက်၍ လူသတ္တဝါတိုင်းက ကြောက်လှပါသည်ဟု ဝန်ခံကြရသော ဒုက္ခမျိုးမှာ စိတ်ဆင်းရဲခြင်းပင်ဖြစ်၏။ မည်မျှလောက် ကျန်းမာသောသူ၊ ကြွယ်ဝသောသူ၊ တန်ခိုးကြီးသောလူ၊ အာဏာ လက်ကိုင်ရသောသူ၊ ထင်ပေါ်ကျော်စောသောလူပင် ဖြစ်လင့်ကစား (စိတ်ထားမတတ်လျှင် မတတ်သလောက်) စိတ်ဆင်းရဲမှုနှင့် ကြုံတွေ့ကြရမည်ချည်းဖြစ်၏။ အာသဝေါ ကုန်ခန်းပြီးသော ဘုရားရဟန္တာများသည်သာလျှင် စိတ်ဆင်းရဲခြင်းအမျိုးမျိုးတို့မှ လုံးဝကင်းလွတ်သည်ဟု စာဆိုရှိ၏။ သို့ရာ တွင် ဘုရားရဟန္တာများကဲ့သို့ လုံးဝကင်းလွတ်မှုမျိုးမဟုတ်သေးစေကာမူ၊ အထိုက်အလျောက် သက်သာခွင့် ရစေနိုင်သောနည်းမှာ “ဒိဋ္ဌေဒိဋ္ဌမတ္တံ” တည်းဟူသော ကျင့်စဉ်ပင်ဖြစ်ပေသည်။

(ဆရာကြီးရွှေဥဒေါင်း ၏ ဒိဋ္ဌေဒိဋ္ဌမတ္တံ လက်တွေ့ ကျင့်စဉ် တင်ပြီးသမျှ အတွဲ (၁) မှ ယခုအထိ ဖတ်လိုလျင်)

OBLIVION (Harmony Of Head And Heart By Moe Hein)

2012-12-03T08:45:00.000-08:00

You think you see me

but you don't really.

At the time

when you don't see me

you do really,

all good and bad in true perspective.

It's like viewing a mountain

at close range and afar.

Differing in dimensions.

Perhaps, our heads couldn't meet

and our hearts didn't reach.

Anyhow, nothing can be done now

as we are to part.

But memories will blip on the head's screen

and feelings will beat on the heart's drum.

Don't be moved as they are

but shadows of the past.

They'll fade away into oblivion

from life's horizon, which itself

is a mirage, yes, a mirage.

(From Poems On Life)

ဆရာကြီး ရွှေဥဒေါင်း၏ ဒိဋ္ဌေဒိဋ္ဌမတ္တံ လက်တွေ့ ကျင့်စဉ် (၄၁)

2012-12-03T08:18:00.000-08:00

မောင်မောင်ခေါ်လေထီးရိုးရှည်

စိတ်သဘာဝ နှင့် ပတ်သက်၍ တင်ပြလိုသော အချက်တစ်ခု ရှိသေး၏။ များစွာသော သူတို့က “ကိုယ်ဆင်းရဲချင် ဆင်းရဲပါစေ၊ စိတ်တော့ဖြင့် မဆင်းရဲစေချင်ဘူး၊ စိတ်ဆင်းရဲမှာ တစ်ခုတော့ ကြောက်တယ်” ဟု ပြောတတ်ကြလေသည်။ ဟုတ်လည်း ဟုတ်ပေသည်။ ကိုယ်ဆင်းရဲရခြင်းထက် စိတ်ဆင်းရဲရခြင်း က ပို၍ အခံရခက်ပေသည်။ သို့ရာတွင် စိတ်ဆင်းရဲအောင် ပြုလုပ်သော“လက်သည်” ကို ပမာဆောင်၍ ဖော်ပြပါဦးမည်။

စိတ်သည် နွဲ့ဆိုးဆိုးတတ်သော ကလေးနှင့်တူ၏။ ကလေးသူငယ်များအား မိဘလုပ်သူများက ယုယပိုက်ထွေး ပြုလုပ်ကာ၊ အလိုလိုက်လွန်းအားကြီးလျှင် ပျက်စီးတတ်သည်။ (Spoilt child) ဆိုခြင်းမှာ အရှေ့တိုင်းသားများရော၊ အနောက်တိုင်းသားများပါ နားလည်ကြသော အခြင်းအရာ တစ်ခုဖြစ်၏။ အလိုလိုက်လွန်းသဖြင့် ပျက်စီးသော သူငယ်တစ်ယောက်သည် တစ်ခုပြီးတစ်ခု တောင်းတတ်၍၊ မရလျှင် နားပူနားဆာ လုပ်တတ်၏။ အချို့လည်း မြေကြီးပေါ်သို့ ပစ်လှဲကာ လူးလှိမ့် ပူဆာတတ်၏။ မိဘများက အလိုလိုက်လေလေ ပူဆာတတ်လေလေ ဖြစ်လာ၏။ ကလေးသူငယ်များ ပြုလုပ်တတ်ကြသော အပြုအမူတစ်ခုကို ဖော်ပြရသော်၊ ကလေးတစ်ယောက်ချော်လဲသည့်အခါ အနီးအနား၌ မည်သူများရှိနေသနည်းဟု လှမ်းကြည့်တတ်၏။ ထူပေးမည့် မိဘအစရှိသော လူကြီးများကို မြင်သည့်အခါ သူ့ဟာသူ မထတော့ဘဲ ထူပေးမည်ကို စောင့်နေတတ်၏။ လူကြီးမိဘများက ပျာပျာ သလဲထလာပြီး ပွေ့ထူကာ “လူကလေး ဘယ်နာသွားသလဲ” ဟု ယုယုယယ မေးမိလျှင် ရုတ်တရက် မထတော့ဘဲ ကြမ်းပေါ်၌ လူးလှိမ့်ကာ ငိုကြွေးလိုက်သေး၏။ တစ်ခါတစ်ရံတွင် ကြမ်းပေါ်၌ လဲပြီးနောက် တောင်ကြည့်မြောက်ကြည့် ကြည့်၍ အနီးအနား၌ လူကြီးတစ်ယောက်မျှ မတွေ့မြင်ရသည့်အခါ ၊ သူ့ဘာသာထ၍ သွားခြင်းကိုလည်း တွေ့မြင်ဖူးကြပေလိမ့်မည်။

စိတ်သည်လည်း ဤနည်းနှင်နှင် ပြုမူတတ်သော သဘာဝရှိ၏။ ငါ့စိတ်ကလေး မဆင်းရဲစေရအောင်ဆို၍ သူ့အလိုလိုက်ပြီး ယုယုယယ လုပ်မိလျှင် “မောင်မောင်ခေါ်လေ...ထီးရိုးရှည်” ဟူသော စကားကဲ့သို့ ဟိုဟာလိုချင်၊ သည်ဟာလိုချင် ဖြစ်လာ၍၊ မရလျှင် ကောက်ချင်၊ ကွေးချင်၊ အော်ချင် ငိုချင်ဖြစ်လာ၏။ သူ့ကို သိမ်းပိုက်မိလျှင် အထက်ပါ ကလေးသူငယ်ကဲ့သို့ နွဲ့ဆိုးဆိုးလာတော့၏။ “မင်းဟာမင်း ဆင်းရဲချင် ဆင်းရဲစမ်းကွာ” ဟု သဘောထားကာ ပစ်ထားနိုင်ပါမူကား၊ ထင်သလောက် မဆင်းရဲတော့ဘဲ သူ့ဟာသူ အလိုက်သင့်နေတတ်ခြင်းကို တွေ့ရပေလိမ့်မည်။ နက်နဲသော စိတ်သဘာဝအကြောင်းကို သဘောမပေါက်သေးလျှင် ရှိစေဦး၊ ဤအခြင်းအရာမျှလောက်ကို သဘောပေါက်သည်ဆိုလျှင်ပင် အတော်ကြီး သက်သာရာရခြင်းကို တွေ့ရပေလိမ့်မည်။ ဤအခြင်းအရာကို ထောက်ခြင်းအားဖြင့် စိတ်ဆင်းရဲဖို့ ကြောက်တတ်သည်ဆိုကာ ယုယုယယလုပ်မိခြင်းသည်ပင်လျှင် အမှားကြီးတစ်ခုဖြစ်ကြောင်း ထင်ရှားလောက်ပေပြီ။

အကျိုးမများသော မေးခွန်းများ

ဤခေတ်လူငယ်များက “သံသရာဆိုတာ ရှိပါသလား” ၊ “အတိတ်ဘဝ အနာဂတ်ဘဝရှိပါသလား” ၊ “သံသရာအစဟာ ဘယ်လိုပါလဲ”၊ “နိဗ္ဗာန်ဆိုတာ ဘယ်လိုနေပါသလဲ” ၊ “ဘာမှ မရှိဘူးဆိုတာ ဟုတ်ပါသလား” ၊ “ဘာမှမရှိလျှင် ဘယ်နှယ်လုပ်ပြီး လိုချင်နိုင်မှာလဲ” အစရှိသော မေးခွန်းမျိုးတို့ကို ကျွန်ုပ်အား ကြိမ်ဖန်များစွာ မေးတတ်ကြလေသည်။ ထိုကဲ့သို့ မေးတတ်သော လူငယ်များအား ကျွန်ုပ်က ပြန်ဖြေရသည်မှာ သံသရာအစကို သိရခြင်းအားဖြင့် မောင်တို့၌ ဘယ်လိုအကျိုးရှိပါမည်နည်း။ အတိတ်ဘဝ ရှိမရှိ ၊ အနာဂတ်ဘဝ ရှိမရှိ အကြောင်းကို ကျွန်ုပ်ဖြေရလျှင် ၊ မောင်တို့လည်း ယုံချင်မှယုံကြည်မည်။ ကျွန်ုပ်လည်း သက်သေသာဓက မထူနိုင်။ (ဤ အကြောင်းကို ရှုမ၀မဂ္ဂဇင်း ဆောင်းပါးတစ်ပုဒ်တွင် ဖော်ပြခဲ့ဖူးလေပြီ။) နိဗ္ဗာန် ရှိမရှိ ၊ နိဗ္ဗာန်၌ အဘယ်အရာမျိုး ရှိ မရှိအကြောင်းကို ပြောပြလျှင်လည်း မောင်တို့နားလည်မည် မဟုတ်သောကြောင့် အကျိုးရှိမည် မဟုတ်ကြောင်း၊ ထို့ကြောင့် နားလည်းမလည်၊ အကျိုးလည်း ရှိနိုင်မည်မဟုတ်သော အကြောင်းအရာများကို ဖယ်ထား၍ ၊ နားလည်ပြီး အကျိုးရှိနိုင်သော အကြောင်းအရာများကို လေ့လာသင့်ကြောင်း၊ အကျိုးရှိသော အကြောင်းအရာများကို လေ့လာ၍ သဘောပေါက်နားလည်လာသောအချိန်တွင် မောင်တို့မေးသမျှသော အထက်ပါမေးခွန်းများသည် အလိုအလျောက် ပြေလည်သွားနိုင်မည်ဖြစ်ကြောင်းနှင့် ပြန်ပြောကာ ဗုဒ္ဓတရားတော်၏ သန္ဒိဋ္ဌိက ဂုဏ်အကြောင်းကို ရှင်းလင်းဟောပြရလေသည်။

လက်ငင်းငြိမ်းချမ်းမှုရသောတရား

ကျွန်ုပ်တို့ မြန်မာပြည် ဗုဒ္ဓဘာသာလောက၌ ချွတ်ယွင်းချက်ကြီးတစ်ခု တွေ့ရှိရသည်မှာ ဗုဒ္ဓဘာသာဝင်တို့၏ “ပန်းတုံးတိုင်” ဖြစ်သော နိဗ္ဗာန်အကြောင်းကို ဟောပြောကြရာတွင် ၊ ၃၁ ဘုံ၌ ကျင်လည်ရခြင်းသည် ဝဋ်ဆင်းရဲကြီးတစ်ခုဖြစ်၍၊ ဝဋ်ဆင်းရဲမှ ကျွတ်လွတ်ရာဖြစ်သော နိဗ္ဗာန်သို့ ရောက်အောင် ကြိုးစားအားထုတ်ထိုက်ကြောင်းများနှင့်သာ ဟောပြောလေ့ရှိကြခြင်းပင် ဖြစ်လေသည်။ လူချမ်းသာ တစ်ယောက်ဖြစ်ရခြင်းကို ဝဋ်ဆင်းရဲကြီးအနေဖြင့် မြင်တတ်ဖို့ ခဲယှဉ်းလှသော ပုထုဇဉ်ပုဂ္ဂိုလ်များအဖို့မှာ ဝဋ်ဆင်းရဲမှ ကျွတ်လွတ်ခြင်းဟူသည် အဓိပ္ပာယ်မရှိသကဲ့သို့ဖြစ်၍၊ ဘာမျှမရှိသော နိဗ္ဗာန်ဆိုသည်မျိုးကိုလည်း မလိုချင်တတ်ဘဲ ရှိတတ်လေတော့သည်။ ဗုဒ္ဓဘာသာဝင်အပေါင်းတို့ နားလည်ထိုက်ကြသည်မှာ၊ သေသောအခါမှ နိဗ္ဗာန်သို့ရောက်၍ နိဗ္ဗာန်ချမ်းသာနှင့် တွေ့ရခြင်းကို အပထား၍ ဗုဒ္ဓတရားတော်၏ သန္ဒိဋ္ဌိက ဂုဏ်သတင်းအကြောင်းကို အလေးပေးကာ နှလုံးသွင်းသင့်ကြပေသည်။ သံဒိဋ္ဌိကဂုဏ်ဟူသည်မှာ နောင်တမလွန်ကျမှ အကျိုးခံစားရခြင်းမျိုးမဟုတ်။ ဤဘဝအတွင်း၌ လက်ငင်းချက်ချင်း အပူငြိမ်းသော တရား၊ စိတ်ဆင်းရဲခြင်းအမျိုးမျိုးတို့မှ လွတ်ကင်းချမ်းသာ သက်သာရာရ၍ စိတ်ငြိမ်းချမ်းသော တရားဟူ၍ ဆိုလိုပေသည်။ နောင်ဘဝမှ လူ့စည်းစိမ် နတ်စည်းစိမ် စသည်တို့ကို မျှော်မှန်းကာ ဒါန အစရှိသည့် ကုသိုလ်ကောင်းမှုမျိုးကိုပင် ပြုတတ်ကြသော မြန်မာလူမျိုးတို့သည်၊ ဒိဋ္ဌလက်ငင်း ပူလောင်ခြင်းမှ သက်သာရာရသော တရားမျိုးဖြစ်သည်ဟု မုချဆတ်ဆတ် ယုံကြည်တတ်ကြပါလျှင် လိုချင်စကောင်းသည်ဟု နားလည်ကြဖို့ မျှော်လင့်ထိုက်ပေသည်။

(ကျွန်တော်ဆက်လက် ပို့စ်တင်နိုင်ရန်အတွက် ဒိဋ္ဌေဒိဋ္ဌမတ္တံစာအုပ်ကို အစအဆုံး စေတနာမေတ္တာဖြင့် ကူညီစာရိုက်ကုသိုလ်ပြုပေးတဲ့ ဒေါက်တာဝင်းလွင် ကို အထူးကျေးဇူးတင်ရှိပါတယ်ခင်ဗျား။)

(ဆရာကြီးရွှေဥဒေါင်း ၏ ဒိဋ္ဌေဒိဋ္ဌမတ္တံ လက်တွေ့ ကျင့်စဉ် တင်ပြီးသမျှ အတွဲ (၁) မှ ယခုအထိ ဖတ်လိုလျင်)

TIME (Harmony Of Head And Heart By Moe Hein)

2012-11-29T06:04:00.000-08:00

A thing

never moving backward

but forward

to an endless journey.

A thing

giving birth and grooming all

for existence.

And the very thing

crushing all, second by second,

out of existence.

This doer - undoer

leaves behind a past as vestiges.

Builds the present

which is nothing but a mirage.

And shapes the future

which is anything but certainty

Is time

seemingly eternal yet ever fleeting

a magic of life?

(From Poems On Life)

The Choice (Harmony Of Head And Heart By Moe Hein)

2012-11-28T07:54:00.000-08:00

Happiness of the --

shall we say -- outward life.

Having what you desire,

living as you wish.

Wealth, fame and power

wit, strength or beauty,

All at your pleasure

and you basking in glory.

Happiness of the --

shall we say -- inward life.

Where contentment is wealth

and love is beauty.

Where wisdom is power

and tolerance is strength.

All that you nurture

to live in harmony.

Between happiness of the two,

material and spiritual.

If asked to choose

which

would you rather lose?

(From Poems On Life)

Rejoice (Harmony Of Head And Heart By Moe Hein)

2012-11-26T08:49:00.000-08:00

What sort a flame

that burns not but shines?

What sort a shower

that drenches not but cools?

Neither has substance but both yield power

to dispel illusion and drain hate.

What are they?

A flame called 'truth.'

A shower called 'love.'

So light the flame of a wise head.

Let the shower fall from a loving heart.

Please, to rejoice.

(From Poems On Life)

In Between (Harmony Of Head And Heart By Moe Hein)

2012-11-23T10:47:00.000-08:00

There's a time to live

and a time to die.

In between

there's time to think

to do and give.

But

if less in the giving

and more in the receiving

less worth

is your life than a tree

which gives shade, fruit

and everything.

be of good service

as much you can.

The least for yourself

more for kith and kin.

And

the most for the land

you live in.

(From Poems On Life)

STATE OF MIND (Harmony Of Head And Heart By Moe Hein)

2012-11-21T07:50:00.001-08:00

A and B

both thirsty

come upon a glass.

"Hey," shouts A, "It's half-full!"

"Huh," snorts B "It's half-empty!"

Who will quench his thirst?

For the needy every drop is a tonic and

what seems half-full is but an all-full.

For the fussy even an ocean is a pool and

what seems half-empty is but all-empty.

It matters not half or full.

It matters to accept what is given most.

So take it or leave it

and become a ' have ' or a ' have-not '.

What is required and what is desired

cannot always be the same.

Be content.

(From Poems On Life)

HELL OR HEAVEN (HARMONY OF HEAD AND HEART BY MOE HEIN)

2012-11-19T08:59:00.000-08:00

Tears and smiles

are streams and mounds

on a face.

They appear

only to disappear

leaving no trace.

Lines and wrinkles

on forehead and cheeks

are lashes of life

that each truly bespeaks.

But deep

in the head and heart

there lie hidden

powerful dynamos

that can thrust you to

hell or heaven.

(From Poems On Life)

TWO FRIENDS (Harmony Of Head And Heart By Moe Hein)

2012-11-17T09:37:00.000-08:00

Feeling lonely, feeling sad?

Open the head's door

and let a good thought enter.

Think of someone

whose thoughts, deeds and words

nobly serve others.

Think of your own deeds too

that help in some way

to make you or others better.

By this,

a light shines in your head

making you see what is good.

Wisdom, a friend,

is now with you

to ease your mind.

Feeling lonely, feeling sad?

Open the heart's door

and let a good feeling enter.

Think of someone

whose love or kindness

gives strength to the weak.

Or your own care and pity too

that help to brighten

a saddened face.

By this,

a feeling seeps into your heart

making you happy.

Affection, another friend,

is now with you to warm your heart.

So two friends await to enter.

Welcome them to your head and heart.

(From Poems On Life)

ဆည်းလည်းလေးက ပြတဲ့တရားသံ

2012-11-16T10:18:00.001-08:00

ကိုတိုးကြီးတစ်ယောက် နိုဝင်ဘာလ (၁၅)ရက်နေ့က တကယ်ဆုံးပါးသွားခဲ့ပါပြီ။ မိသားစုနှင့် ထပ်တူ၊ ကိုတိုးကြီးရဲ့  လုပ်ဖော်ကိုင်ဖက် မဇ္ဈိမ၀ိုင်းတော်သားများနှင့် ထပ်တူ ၀မ်းနည်းမိ၊ နှမြောမိပါတယ်။

ကျွန်တော့်ဘ၀မှာ သူနှင့်ပတ်သက်ပြီး တိုက်တိုက်ဆိုင်ဆိုင် အမှတ်တရ ဖြစ်ခဲ့တာလေးတွေရှိခဲ့တာမို့ ကိုတိုးကြီး အလွမ်းပြေ အမှတ်တရအဖြစ် ဒီစာစုလေးရေးလိုက်ပါတယ်။

ကျွန်တော် အသက် ဆယ့်သုံးလေးနှစ်အရွယ်အထိ မဇ္ဈိမလှိုင်းအဖွဲ့ ရော၊ ကိုတိုးကြီးသီချင်းတွေကိုရော နားမထောင်ဖြစ်ခဲ့ပါဘူး။ တစ်ခါတော့ အသက်နှစ်ဆယ်ကျော်အရွယ် အသိ အကိုကြီးတစ်ယောက်နှင့် သုံးလေးရက်လောက် ခရီးတစ်ခုမှာ အတူဆုံဖြစ်ခဲ့တယ်။ အဲဒီအကိုက မဇ္ဈိမလှိုင်း Crazy တစ်ယောက်ဖြစ်နေတာကိုး။ ကျွန်တော့်ကို နေ့တိုင်း ကိုတိုးကြီးသီချင်းတွေကို ဆိုပြလိုက်၊ သီချင်းစာသားတွေကို ရွတ်ပြလိုက်၊ အဓိပ္ပါယ်ရှင်းပြလိုက်နှင့်။ ကိုမောင်မောင်က ဘယ်လို၊ ကိုနေ၀င်းကဘယ်လို၊ ကိုရဲလွင်က ဘယ်လို စသဖြင့် သူတို့ရဲ့  သီချင်းရေးဖွဲ့ဟန်တွေကို ခရေစေ့တွင်းကျ ရှင်းပြနိုင်တယ်။ အဲဒီ အကိုနှင့်တွေ့ပြီးနောက်ပိုင်းမှ ကျွန်တော် ကိုတိုးကြီးသီချင်းတွေကို စပြီး နားထောင်ရကောင်းမှန်း သိလာပါတော့တယ်။

မဇ္ဈိမလှိုင်းအဖွဲ့ က တီးခတ်တဲ့ဟန်က တခြားအဖွဲ့တွေနှင့် မတူပဲ မူကွဲနေတာကိုတော့ သတိထားမိတယ်။ နောက်ပိုင်း Santana သီချင်းတွေကို နားထောင်ဖြစ်တော့ Lead Guitar သံကြားလိုက်တာနှင့် ဒါ Santana မှန်း တန်းသိသလိုမျိုး၊ မဇ္ဈိမလှိုင်းက ကိုဇော်မျိုးထွဋ်ရဲ့  Lead အသံကြားရင် ဒါ သူတို့အဖွဲ့မှန်း တန်းသိနိုင်တဲ့ ထူးခြားမှုမျိုးရှိပါတယ်။ အခြေအနေပေးတိုင်းလည်း ကိုတိုးကြီးပါတဲ့ Stage Show ပွဲတွေဆို သွားကြည့်ဖြစ်ခဲ့တယ်။

နောက်ပိုင်း တဖြည်းဖြည်းအသက်ကြီးလာလို့ အပေါင်းအသင်းတွေများလာလေ၊ မဇ္ဈိမလှိုင်းကို အားပေးတဲ့သူတွေ ကိုယ့်ပတ်ဝန်းကျင်မှာ များလာလေ ဖြစ်လာပါတော့တယ်။ တက္ကသိုလ်ကျောင်းသားဘ၀တစ်လျှောက်ကတော့ အထူးပြောစရာမလိုအောင်ပါဘဲ။ ဂစ်တာပဲတီးတီး၊ သီချင်းပဲဆိုဆို၊ ကတ်ဆက်ပဲဖွင့်ဖွင့် ကိုတိုးကြီးနှင့် လွတ်ကင်းလို့မှ မရတာကိုး။

မဇ္ဈိမလှိုင်းက အဖွဲ့သားတွေအကြောင်းကလည်း လူငယ်တွေကြားမှာ ပြောစရာ topic တစ်ခုပါ။ ဟုတ်တာ၊ မဟုတ်တာ အသာထားလို့ အမျိုးစုံအောင်တော့ ပြောကြတာတွေ ကြားရပါတယ်။ အထူးသဖြင့် ကိုနေ၀င်းတစ်ယောက်ကိုကလည်း ကျောင်းကန်တင်းမှာ ခဏခဏတွေ့ဖြစ်တော့ သူ့ကိုကြည့်ပြီးဘဲ သူတို့အဖွဲ့သားတွေအားလုံးရဲ့  Life Style တွေကို မှန်းကြည့်ဖြစ်ခဲ့ပါတယ်။ အနုပညာအတွက် ဘ၀ကိုလုံးဝပေးထားကြတဲ့ သူတွေအဖြစ် စိတ်ထဲထင်ဟပ်မိတယ်။

ကိုတိုးကြီးနှင့် ပတ်သက်ပြီး အခုအချိန်အထိ စိတ်ထဲ မှတ်မှတ်ရရ ဖြစ်ခဲ့တဲ့ နေ့တစ်နေ့ရှိပါတယ်။ ၁၉၉၇ ရဲ့  လပြည့်နေ့ မနက်ခင်းတစ်ခုပါ။ သူငယ်ချင်းတွေက ရွှေတိဂုံဘုရားသွားမယ်ဆိုတာနှင့် သူတို့နှင့် လိုက်သွားဖြစ်တယ်။ အဲဒီနေ့က လပြည့်နေ့မို့လို့ အထက်ပစ္စယံက Member Card မရှိလည်း မှတ်ပုံတင်ပြပြီးတက်လို့ရတော့ တခါမှ အထက်ပစ္စယံကို မတက်ဖူးသေးတဲ့ ကျွန်တော့်အတွက် တော်တော်အဆင်ပြေသွားတယ်။ ဒါနှင့် အထက်ပစ္စယံပေါ်ကို ရောက်တော့ နေရာသစ်တစ်ခုကို စရောက်တဲ့သူတွေရဲ့  ထုံးစံအတိုင်း ကျွန်တော်လည်း ဟိုလျှောက်ကြည့်၊ ဒီလျှောက်ကြည့်ပေါ့။ အဲဒီလိုနှင့် စေတီတော်ကို လက်ယာရစ်ပတ်ပြီး သွားနေရင်း တစ်နေရာအရောက်မှာ မြင်ကွင်းတစ်ခုက ကျွန်တော့်ကို အံ့သြမှင်သက်သွားစေတယ်။

လူတစ်ယောက် ရင်ပြင်တော်ရဲ့  ထောင့်တစ်ခုမှာ ခါးကို ဖြောင့်နေအောင် မတ်ထားပြီး တင်ပလ္လင်ခွေထိုင်၊ လက်နှစ်ခုကို ခြေပလ္လင်ခွေပေါ်မှာ ထပ်တင်ကာ အေးချမ်းငြိမ်သက်တဲ့ မျက်နှာအသွင်အပြင်နှင့် တရားရှုမှတ်နေပါတယ်။ လည်ကတုံးအင်္ကျီအဖြူနှင့် လုံခြည်ကိုဝတ်ထားတယ်။ ကျွန်တော်မြင်တွေ့နေကျပုံစံနှင့် လုံးဝမူကွဲနေတဲ့ ကိုတိုးကြီးပါ။ ကျွန်တော် သူ့ကို အကြာကြီး စိုက်ကြည့်နေမိခဲ့ပါတယ်။ စိတ်ထဲမှာလည်း ထင်မှတ်မထားမိတဲ့ မြင်ကွင်းတစ်ခုမို့လို့ အံ့သြမှုနှင့်အတူ ကြည်နူးမှု၊ လေးစားမှုတွေကို တွဲပြီး ခံစားလိုက်ရတယ်။ သြော်..ကိုတိုးကြီးဟာ တရားသမားတစ်ယောက်ပါလားလို့ မှတ်ချက်ချဖြစ်ခဲ့ပါတယ်။

ကျွန်တော် ဘာသာရေးနှင့်ပတ်သက်ပြီး အတွေးအမြင်တွေပြောင်းအောင် လုပ်ပေးခဲ့တဲ့ သူတွေထဲမှာ ဆရာကြီး ဦးဂိုအင်ကာလည်း ဆရာတစ်ဦးအနေနှင့် ပါဝင်ပါတယ်။ သူ့စာအုပ်တွေနှင့် သူဟောတဲ့တရားတွေကနေတဆင့် ကျွန်တော် ဘာသာရေးအပေါ်သိမြင်ပုံတွေ၊ သဘောထားတွေ ပြောင်းလဲခဲ့ရပါတယ်။ ၂၀၀၀-၂၀၀၁ ခုနှစ် ပတ်ဝန်းကျင်မှာ ဆရာကြီး မြန်မာပြည်ကို ပြန်လာပြီး ဟောပြောပွဲတွေ၊ Seminar တွေ နေရာအချို့ မှာ ခပ်စိပ်စိပ် လုပ်သွားခဲ့ပါတယ်။ ကျွန်တော် ဆရာကြီးလုပ်တဲ့ပွဲတွေကို လက်လှမ်းမီသရွေ့ သွားပြီး နားထောင်ဖြစ်ခဲ့ပါတယ်။ ဆရာကြီးရဲ့ ပွဲတွေသွားတိုင်းမှာ အမြဲတွေ့ဖြစ်တာကတော့ ကိုတိုးကြီးပါဘဲ။ လက်ထဲမှာ ဗွီဒီယိုကင်မရာတစ်လုံးကိုကိုင်ထားပြီး သာမန် Camera Man တစ်ဦးလို မထင်မရှား ဆရာကြီးနောက်နားမှာ အမြဲပါနေတတ်ပါတယ်။

နောက်ပိုင်းတော့ ကိုတိုးကြီးလည်း သီချင်းအခွေတွေ အထွက် ကျဲသွားတာ သတိထားမိတယ်။ စိတ်ထဲမှာ ဘယ်အချိန် ဆရာမြသန်းစံလို ဂီတလောကကို စွန့်လွှတ်လိုက်မလဲမသိဘူးလို့လည်း တွေးနေဖြစ်ခဲ့တယ်။ ကိုတိုးကြီးကို Show ပွဲတွေမှာဖြစ်ဖြစ်၊ အပြင်မှာ ဖြစ်ဖြစ် ဆုံဖြစ်တိုင်း သူ့ကို ဂရုတစိုက်လိုက်ကြည့်ပြီး လေ့လာဖြစ်ပါတယ်။ သွားတာလာတာ ပြောတာဆိုတာတွေမှာ တည်တည်ငြိမ်ငြိမ်၊ အေးအေးချမ်းချမ်းရှိပြီး ဣနြေ္ဒရင့်ကျက်မှုကို သတိထားမိပါတယ်။ တရားအလုပ်ကို ပုံမှန်လုပ်နေတဲ့သူဆိုတာ မြင်တာနှင့် သိနိုင်တဲ့ အသွင်အပြင်ပါဘဲ။

နောက်ထပ် ကိုတိုးကြီးနှင့် ပတ်သက်ပြီး တိုက်ဆိုင်တာ တစ်ခုရှိသေးတယ်။ နောက်ပိုင်း ကိုတိုးကြီးနှင့် မျက်နှာချင်းဆင်တဲ့ သူတစ်ယောက်နှင့် ကျွန်တော် ခင်မင်ခွင့်ရလိုက်သေးတယ်။ အဲဒီပုဂ္ဂိုလ်က (ကာတွန်း) ဆရာကံချွန်ပါ။ သူတို့နှစ်ယောက် ရုပ်ချင်းကတော်တော်ဆင်ပါတယ်။ ညီအကိုလို့ ပြောရင် ယုံလောက်တယ်။ ဆရာကံချွန်ကလည်း အဲဒါကို သိတယ်။ တခါတုန်းက ဆရာက နောက်ပြီး ပြောဖူးတယ်။ သူရန်ကုန်ရောက်တော့ ပလက်ဖောင်းပေါ်က မြေပဲသည်ဆီမှာ မြေပဲဝယ်စားတယ်တဲ့။ အဲဒါ မြေပဲသည်က ဆရာ့ကို “ဦးလေး၊ ကိုတိုးကြီးနှင့် ဘာတော်လဲ” လို့ မေးတယ်။ ဆရာကလည်း နောက်ချင်တော့ “ခင်မောင်တိုးက ငါ့တူတော်တယ်” လို့ ဖြေသတဲ့။ အဲဒီမှာ မြေပဲသည်က သဘောတွေကျပြီး ဆရာ့ကို မြေပဲတွေ အများကြီး ပိုထည့်ပေးလိုက်တယ်ဆိုဘဲ။ အဲဒါကို ဆရာက “နာမည်ကြီးတဲ့သူတွေနှင့် ရုပ်ချင်းဆင်ရတာ မြေပဲဝယ်စားရင် ပိုရတယ်” လို့ အရွှမ်းဖောက်ပြီးပြောတတ်တယ်။

သူတို့နှစ်ယောက်က တကယ်တော့ ရုပ်ချင်းသာ ဆင်တာမဟုတ်ပါဘူး။ ဘ၀ကူးမယ့် ရောဂါချင်းလည်း ဆင်တယ်လို့ ပြောရမှာပါ။ ဆရာကံချွန်လည်း အကောင်းကြီးကနေ ချက်ချင်းဆိုသလို အသည်းကင်ဆာဖြစ်ပြီး လပိုင်းနှင့်ကွယ်လွန်ရှာတယ်။ အခုကိုတိုးကြီးလည်း အသည်းနှင့်ပဲ ဆုံးရှာတယ်။ နှစ်ယောက်လုံးက ကျွန်တော်တို့ခေတ်ရဲ့  အနုပညာစွမ်းရည်ရော၊ နှလုံးစွမ်းရည်ပါ လှကြတဲ့ ပုဂ္ဂိုလ်နှစ်ဦးပါ။ တကယ်နှမြောဖို့ကောင်းပါတယ်။

ပြီးခဲ့တဲ့ တစ်ပတ်ထဲက ကိုတိုးကြီး ဆုံးပြီလို့ ပြောကြတော့ ကိုတိုးကြီးရဲ့  ထပ်မရနိုင်တော့တဲ့ အနုပညာတွေအတွက် နှမြောမိပေမယ့် အသေလှမယ့်ပုဂ္ဂိုလ်ဆိုတာ သိနေမိလို့ သူ့အတွက် စိတ်ချနေမိတယ်။ နောက် ဆုံးတဲ့သတင်းမဟုတ်ဘူးလို့ ကြားရတော့ တခါပြန် ၀မ်းသာမိတယ်။ အသက် ၆၀ကျော်ဆိုတာ လူ့သက်တမ်းမှာ ဆက်နေမယ်ဆိုရင် အများကြီးဆက်နေလို့ရသေးသလို၊ အနုပညာလုပ်ငန်းပဲဖြစ်ဖြစ်၊ ဘာသာရေးကိုပဲဖြစ်ဖြစ် ဆက်လုပ်မယ်ဆိုလည်း အများကြီး လုပ်လို့ရနေသေးတော့ ကိုတိုးကြီးအတွက် ၀မ်းသာမိပြန်တယ်။ ဒီတစ်ခါ တကယ်ဆုံးသွားပြီဆိုပြီး ဓါတ်ပုံတွေနှင့် မြင်ရတော့ ဓမ္မသံဝေဂပွားရုံကလွဲလို့ တခြားဘာများတတ်နိုင်အုံးမှာလဲ။

ကျွန်တော်တို့ရဲ့  Senior အကိုကြီး ကောင်းရာသုဂတိလားမယ်ဆိုတာ သိနေပြီးသားမို့ သူ့အတွက်တော့ စိတ်ချနေပြီးသားပါ။ ကျန်ခဲ့တဲ့ ကျွန်တော်တို့တွေအဖို့တော့ ဆက်ပြီး သူ့အနုပညာဖန်တီးမှုတွေ၊ သူ့အသံအေးအေးတွေ ကြားခွင့်မရတော့တာကိုတော့ စိတ်မကောင်းဘူးပေါ့။ ဒါပေမယ့် ဘယ်တတ်နိုင်မှာလဲလေ။ လူဆိုတာက သေမျိုးဘဲမဟုတ်လား။

ဆည်းလည်းလေးများ ပြတဲ့တရားသံကို...
စမ်းချောင်းလေးတို့ ဇွဲနဲ့အားမာန်နှင့်....
ပေါင်းစပ်ပြီး ကျင့်ခဲ့ရင်...
အေးငြိမ်းတဲ့ သစ်ရိပ်မှာ...
စွန့်လွှတ်မှုနှင် ခွင့်လွှတ်စဉ်...
ငြိမ်းသွားလိမ့်မယ်တဲ့....

http://youtu.be/oZmuPSWjhJ0

ကိုတိုးကြီးက ကျွန်တော့်ကိုတော့ “အသေမဦးခင် ဉာဏ်ဦးအောင်လုပ်” ဆိုတဲ့ ဆည်းလည်းသံ message တစ်ခုပေးပြီး တရားပြသွားတယ်လို့ပဲ စိတ်ထဲ ခံယူမိလိုက်ပါတော့တယ်ခင်ဗျာ။

လေးစားစွာဖြင့်

ဝိမုတ္တိသုခ

၁၇၊ ၁၁၊ ၂၀၁၂။

ဘ၀သခင်

2012-11-14T08:48:00.000-08:00

ကျွန်တော် နိုင်ငံခြားကို ထွက်လာခဲ့တဲ့ နှစ်တွေမှာ နေ့တိုင်း အမြဲသတိရနေတတ်တဲ့သူ တစ်ယောက်ရှိပါတယ်။
သူ့ကို သတိရတာက လွမ်းလွမ်းဆွေးဆွေးနှင့် သတိရ အောက်မေ့နေတာမျိုးမဟုတ်ပါဘူး။
ကျွန်တော်တို့ မြတ်စွာဘုရားရှင်ရဲ့  ကျေးဇူးတော်တွေကို သတိရဆင်ခြင်သလိုမျိုး၊ ကိုယ့်ကို ပညာသင်ကြားပေးခဲ့တဲ့ ဆရာသမားတွေရဲ့  ကျေးဇူးတွေကို သတိရသလိုမျိုးပါ။
ကျွန်တော်လည်း သူ့ရဲ့  ကျေးဇူးဂုဏ်တွေကို အာရုံပြုပြီး ကျေးဇူးတင်တဲ့စိတ်၊ လေးစားတ

န်ဖိုးထားတဲ့ စိတ်နှင့် သတိတရ ဖြစ်မိခြင်းပါဘဲ။

တကယ်လည်း ကျေးဇူးတင်ထိုက်တဲ့ ပုဂ္ဂိုလ်တစ်ယောက်ပဲကိုး။ ကျေးဇူးတင်ရမှာပေါ့။
မြတ်စွာဘုရားရှင်ကိုယ်တော်မြတ်ကြီးကတောင်မှ ရတနာသုံးပါးနှင့် တစ်ဂိုဏ်းထဲထားပြီးတော့တောင် ချီးမြှောက်ခဲ့သေးတာဘဲ။ ကျွန်တော်တို့ဆိုရင်တော့ ဘယ်ဆိုဖွယ်ရာရှိတော့မှာလဲ။
ကျွန်တော် နေ့တိုင်း ကျေးဇူးတင် သတိရနေတဲ့ ပုဂ္ဂိုလ်ကတော့ ကျွန်တော့် အဖေပါဘဲ။

ကျွန်တော်က ကျွန်တော့်ဘ၀နှင့် ယှဉ်ပြီး အဖေ့ဘ၀ကို တွေးမိတတ်တယ်။ သူတို့တွေက လွတ်လပ်ရေးမတိုင်ခင် ဒုတိယကမ္ဘာစစ်ဖြစ်နေတဲ့အချိန်မှာ မွေးလာကြတဲ့သူတွေ။ သူဖြတ်သန်းလာခဲ့ရတဲ့ ဘ၀က ကြမ်းတယ်။ သူ့ငယ်ဘ၀မှာ ကမ္ဘာစစ်ကြောင့် ပညာရေးလည်း ကောင်းကောင်း မလုပ်နိုင်၊ မိသားစုတွေလည်း တကွဲတပြားနှင့် နေပြီး ကြီးပြင်းခဲ့ရတယ်။ ကိုယ့်ထူးကိုယ်ချွန်နဲ့  ဘ၀ကို ရုန်းကန်းခဲ့ရတယ်။ အသက် အစိတ်အရွယ်မှာ အိမ်ထောင်ကျပြီး အဲဒီကတည်းက သူ့တစ်ယောက်စာအတွက်သာမကဘဲ ကျန်တဲ့မိသားစုတာဝန်ကို ထမ်းရတော့တယ်။ သူတို့ခေတ်က Family Planing တို့ သားဆက်ခြားတာတို့ မရှိသေးတော့ သား၊ သမီးတွေလည်း အများကြီးမွေးထားလိုက်သေးတယ်။ အရင်ခေတ် မြန်မာမိသားစုတွေ ထုံးစံအတိုင်း အဖေတစ်ယောက်ရှာတာကို ကျန်တဲ့ မိသားတစ်စုလုံးက ထိုင်စားပေါ့။ ဒီလိုနှင့် သား၊ သမီးတွေ တစ်ယောက်ပြီး တစ်ယောက် ကျောင်းတွေတက်၊ ဘွဲ့ တွေရတဲ့အထိ မနေမနားကို သူ ရုန်းခဲ့ရတာပါ။

မိသားစုကို လူ့အသိုင်းအ၀ိုင်းကြားမှာ တင့်တင့်တယ်တယ်နေနိုင်အောင်၊ သားသမီးတွေ မျက်နှာမငယ်ရအောင် သူ ထားပေးနိုင်ခဲ့ပါတယ်။
သားသမီးတွေ အားလုံးအကုန် ပညာစုံတဲ့အထိ၊ သူ့အသက် (၆၀) ကျော်အရွယ်အထိ မနားမနေ ဖခင်တစ်ယောက်ပီပီသသနှင့် တာဝန်ကျေပွန်ခဲ့ပါတယ်။

ကျွန်တော် သူ့နေရာကနေ ၀င်နေကြည့်မိတယ်။ သူ တော်တော်ပင်ပန်းမှာဘဲ။ ကျွန်တော်သာ သူ့လိုမျိုး မိသားစုဝန်ကို ထမ်းရမယ်ဆိုရင် သူ့လောက် လုပ်နိုင်ပါ့မလားဆိုတာ မကျိန်းသေးပါဘူး။ ကိုယ့်ငါးချဉ် ကိုယ်ချဉ်တယ်ဘဲ ပြောပြော ငါ့အဖေ အတော် တော်တာဘဲ လို့ တွေးမိတာတော့ အမှန်ပါဘဲ။

ပုဗ္ဗာစရိယ မိနှင်ဖ ဆိုတဲ့စကားအတိုင်း ကျွန်တော့်ငယ်ငယ်က ကျောင်းမနေခင်ကတည်းက စာရေးတတ်၊ ဖတ်တတ်အောင် စသင်ပေးခဲ့တာက အမေပါ။ မူကြိုကျောင်းလည်း မသွားဖြစ်လိုက်ဘူး။ အိမ်မှာဘဲ အမေက စာသင်ပေးတယ်။ အင်္ဂလိပ်စာတွေကျတော့ အဖေက သင်ပေးတယ်။ မှတ်မှတ်ရရ ကျွန်တော် ငယ်ငယ်က ဆိုးတာ သတိရမိသေးတယ်။ အဖေက အင်္ဂလိပ်စာသင်တော့ အသံထွက်မပီရင် မပီ ပီအောင် ဆိုခိုင်းတော့ ကြာလာတော့ ကျွန်တော်က စိတ်ညစ်ပြီး အဖေနှင့် စာမသင်ချင်တော့ဘူး။ အဲဒါ ညဆို အဖေစာသင်တော့မယ်ဆိုရင် ကျွန်တော် အင်္ဂလိပ်စာ စာအုပ်ကို ၀ှက်ထားတတ်တယ်။ ဒါလည်း မရပါဘူး။ နောက်ဆုံးတော့ သင်ရတာပါဘဲ။ :P

ကျွန်တော်နှင့် ဂီတကို ငယ်ငယ်တည်းက ရင်းနှီးကျွမ်းဝင်အောင် လုပ်ပေးတာလည်း အဖေပါဘဲ။ သူက ဂီတကို ၀ါသနာပါသလို Harmonica (ဘာဂျာ) ကို သူကျွမ်းကျွမ်းကျင်ကျင် မှုတ်တတ်တယ်။ အဖေက မြန်မာအဆိုတော်ထဲမှာဆိုရင် ဦးအံ့ကြီးကိုလည်း တော်တော်ကြိုက်တယ်။ ညနေဘက်တွေ သူအားရင် ဦးအံ့ကြီးသီချင်းကို ဖွင့်နားထောင်ရင်ထောင်၊ မထောင်ရင် Harmonica နှင့် ပက်လက်ကုလားထိုင်မှာ ထိုင်ပြီး ဦးအံ့ကြီး သီချင်းတွေကို အေးအေးလူလူ မှုတ်နေတော့တာဘဲ။ ကျွန်တော်လည်း ဒီလိုနှင့် အဖေ့အကြောင်းပြုပြီး အသက်ငါးနှစ်ခြောက်နှစ်ကတည်းက ဦးအံ့ကြီး ပရိတ်သတ်ဖြစ်သွားရပါတယ်။ တခြားအနောက်တိုင်း ဂီတအမျိုးမျိုးကိုလည်း အဖေ့အကြောင်းပြုပြီး ကျွန်တော်အသက်ငယ်ငယ်နှင့် နားထောင်ခံစားတတ်ခဲ့ပါတယ်။ ကျွန်တော့်ရဲ့  ညံ့ဖျင်းမှုများထဲက တစ်ခုကတော့ အခုအချိန်အထိ ဘာတူရိယာပစ္စည်းမှာ ကျွမ်းကျွမ်းကျင်ကျင် မတီးတတ်၊ မမှုတ်တတ်ခြင်းပါဘဲ။ :)

အဖေက ကံတော့ အတော်ကောင်းတယ် ပြောရမယ်။ သူ ငယ်ငယ် ကျောင်းတက်လာရတာက အင်္ဂလိပ်ကျောင်းတွေ၊ ပတ်ဝန်းကျင်မှာ ထိတွေ့ဆက်ဆံခဲ့ရတဲ့သူတွေကလည်း ဘာသာခြားတွေဖြစ်ခဲ့တော့ သူ့  ခေါင်းထဲမှာ ဘာသာခြားတွေရဲ့  သြဇာလွှမ်းမိုးမှုက တော်တော်များခဲ့တယ်။ သူ့မွေးချင်းမောင်နှမတွေ အားလုံးနီးပါး ဘာသာခြားတွေအဖြစ် ခံယူသွားကြတယ်။ သူ့ကိုတော့ ဗုဒ္ဓဘာသာကို အထူးသက်ဝင်ကိုင်းရှိုင်းတဲ့ဆရာမတစ်ယောက်ကနေ သားသမီးလို စောင့်ရှောက်ခဲ့တာရယ်၊ အမေနှင့် အိမ်ထောင်ကျလိုက်တာရယ်ကြောင့် ဘာသာခြားတော့ ဖြစ်မသွားခဲ့ဘူး။ ဒါပေမယ့် သူ့ဘ၀တစ်လျှောက်မှာ ဗုဒ္ဓဘာသာကို ဒီလောက် လေးလေးနက်နက်ရှိလှတယ်မဟုတ်ဘူး။

ဒါပေမယ့် အဖေ့မှာ စိတ်ဝင်စားဖို့ကောင်းတာ စိတ်ပိုင်းဆိုင်ရာ စွမ်းအားမြင့်မားမှုက မွေးရာပါလား၊ သူ့ဖာသာ ကျင့်ထားတာလားတော့မသိဘူး။ တော်တော်လေးမြင့်တာကို သတိထားမိတယ်။ စိတ်ဓါတ်ခိုင်မာတယ်။ ပြတ်သားတယ်။ သမာဓိအားကောင်းတယ်။ နောက် သူက အိန္ဒိယက ကျင့်စဉ်တွေကိုတော့ တော်တော် စိတ်ဝင်စားတယ်။ နောက်ပိုင်း သူအလုပ်တွေ နားလိုက်တဲ့အချိန်မှာ မိတ်ဆွေတစ်ယောက်တိုက်တွန်းမှုကနေ တရားစအားထုတ်ဖြစ်သွားတယ်။ အဲဒီကနေ တစ်စတစ်စ ဗုဒ္ဓဘာသာကို သူစိတ်ဝင်တစားလေ့လာတော့တယ်။ သင်တန်းတွေတက်တယ်။ တရားတွေ နာတယ်။ စာအုပ်တွေဖတ်တယ်။ ရိပ်သာတွေ ၀င်တယ်။ ပရိယတ်၊ ပဋိပတ်ကို စနစ်တကျ လုပ်နေတယ်လို့ ပြောရမှာပါဘဲ။

ကျွန်တော် ၀ိမုတ္တိသုခ နာမည်နှင့် အွန်လိုင်းမှာ စာရေးနေတာ သူမသိပါဘူး။ ဟိုတလောက ကျွန်တော့်အမတစ်ယောက်က ကျွန်တော် အဲဒီနာမည်နှင့် ဘာသာရေးစာတွေရေးနေကြောင်း အဖေ့ကို ပြောတော့ သူက ဒီကောင် ဘာသာရေးအကြောင်း ဘာနားလည်လို့ စာတွေလျှောက်ရေးနေတာလဲ။ ဘာသာရေးစာဆိုတာ ရမ်းတုတ်ပြီး ရေးလို့ မရဘူး လို့ ဒီကောင့်ကို ပြောလိုက်လို့ ဆိုသတဲ့။ နောက် ကျွန်တော်လေ့လာဖို့ဆိုပြီး အဘိဓမ္မာနှင့် ပတ်သက်တဲ့စာအုပ်တွေ ၀ယ်ပြီး ပို့ခိုင်းလိုက်ပါတယ်။ အခုထိတော့ ကျွန်တော့်ဆီမရောက်လာသေးတော့ ဘာစာအုပ်တွေ ပို့ပေးလိုက်တယ်တော့ မသိဘူး။ :)

မိဘကျေးဇူးကြီးတယ်ဆိုတာကို ဗုဒ္ဓဘာသာကို ယုံကြည်လက်ခံကိုးကွယ်ကြတဲ့သူတွေအတွက် ထွေထွေထူးထူး ရှင်းပြရမယ့်ကိစ္စတစ်ခုတော့ မဟုတ်ပါဘူးလေ။ အားလုံး နားလည်ထားပြီး၊ သိထားပြီးသား အကြောင်းအရာ တစ်ခုပါဘဲ။ ဒါပေမယ့် ကျွန်တော်တို့တွေ လူမှုရေး၊ စီးပွားရေး ကိစ္စတွေနှင့် လုံးလည်လိုက်ရင်း တခါတလေ မိဘတွေကို မေ့နေတတ်ကြတယ်။ သတိရရင်တောင်မှ မိတ်ဆွေ သူငယ်ချင်းကို သတိရသလိုမျိုး ပေါ့ပေါ့တန်တန်လောက်နှင့် ပြီးသွားတတ်ကြတယ်။ မိဘတွေကတော့ သားသမီးတွေကို သတိရတဲ့အခါမှာ ကိုယ်တွေလိုမျိုး ပေါ့ပေါ့တန်တန် သတိရတာမျိုး မဟုတ်မှာတော့ ကျိန်းသေပါတယ်။

မိခင်နှင့် ဖခင်ဆိုတာ ကိုယ့်ကို မွေးပြီးပြီးချင်း နှစ်ယောက်လုံး ဆုံးပါးသွားခဲ့ရင်တောင်မှ ပဋ္ဌာန်းတရားတော်အရကြည့်မယ်ဆိုရင် သူတို့ရဲ့  အထောက်အပံ့ကျေးဇူးတရားတွေက သားသမီးရဲ့  ဘ၀တစ်လျှောက်လုံး၊ အသက်သေတဲ့အထိ အမြဲတမ်း တပါတည်းလိုက်ပါနေတာမျိုးပါ။ မင်္ဂလသုတ်တော်မှာ မြတ်စွာဘုရားရှင်က မိဘကို လုပ်ကျွေးပြုစုတာကို မင်္ဂလာတစ်ပါးအနေနှင့် မာတာပိတု ဥပဋ္ဌာနံ ဆိုပြီးတော့ ဟောထားသလို၊ ကျေးဇူးရှင်ကို ကျေးဇူးပြန်လည် ပြုတာကိုလည်း မင်္ဂလာအဖြစ်နှင့် ကတညုတ-ကတဝေဒီ လို့လည်း ပြောထားခဲ့ပါတယ်။ အရှင်မြတ်ကြီး ကိုယ်တော်တိုင်လည်း မိခင်ကျေးဇူးကို ဘ၀တစ်ပါးပြောင်းသွားတဲ့ နတ်သားဘ၀ရောက်သွားတာတောင် ရအောင် အဘိဓမ္မာတရားဟောပေးပြီး ကျေးဇူးဆပ်ခဲ့သလို၊ ဖခင်ဖြစ်သူကိုလည်း သေရာညောင်စောင်းလဲလျောင်းနေရတဲ့ နောက်ဆုံးအချိန်မှာ အရဟတ္တမဂ်တည်သွားနိုင်အောင် တရားပြ ကျေးဇူးဆပ်တော်မူခဲ့ပါတယ်။

ဘုရားရှင်ရဲ့  တပည့်သားတွေဖြစ်တဲ့ ကျွန်တော်တို့တွေလည်းဘဲ မိဘကို ကိုယ့်ရဲ့  ကိုယ်စွမ်းဉာဏ်စွမ်းလေးရှိသလောက် ပြန်ပြီး ကျေးဇူးတုံ့ပြန်ကြရမှာပါဘဲ။ အနည်းဆုံးတော့ ကိုယ့်ကို အကြောင်းပြုပြီး ကိုယ့်မိဘ စိတ်မဆင်းရဲရအောင် ကိုယ့်ကိုယ်ကို တာဝန်ယူဆောက်တည်နိုင်ဖို့ လုပ်ရမယ်လို့ တွေးမိတယ်။ သူတို့နောက်ဆုံးမျက်စိနှစ်လုံးမှိတ်တဲ့အချိန်မှာ ငါ့သားသမီးလေးတော့ အဆင်မှ ပြေပါ့မလားဆိုတဲ့ အတွေးမျိုး မ၀င်မိသွားရလေအောင် အမြဲတမ်း သတိထားကြိုးစားနေထိုင်သွားရမယ်လို့ ကိုယ့်ကိုယ်ကို သတိပေးမိပါတယ်။

ဘာရယ် မဟုတ်ပါဘူး။ ဒီနေ့ အဖေ့မွေးနေ့မို့လို့ အမှတ်တရ ဒီစာလေး ချရေးမိတာပါ။

မိခင်ဖခင်တိုင်း စိတ်ချမ်းသာ၊ ကိုယ်ချမ်းသာ ရှိကြပါစေ။

လေးစားစွာဖြင့်
ဝိမုတ္တိသုခ
၁၄၊ ၁၁၊ ၂၀၁၂။

ENTWINED (Harmony Of Head And Heart By Moe Hein)

2012-11-12T08:40:00.000-08:00

For me,

I have no wish to read

the stars and signs

or dots and lines of

astrology and palmistry.

They may

foretell my future fate,

things good or bad

that lie in wait.

But it is I

who move the wheel.

And it is I

who stand or kneel.

It all depends on me.

I only wish

my heart be strong

to endure hardship

and my head be wise

to discern things.

Let them be entwined with

morale and moral.

If so,

come what may

fortune or misfortune

happiness or sorrow

my door is open.

(From Poems On Life)

ဘုရားဂုဏ်တော် ဆယ်ပါး

2012-09-07T10:04:00.000-07:00

ဘုရားဂုဏ်တော်ကိုးပါးကို ပါရာဇိကဏ်အဋ္ဌကထာ နှင့် ၀ိသုဒ္ဓိမဂ်အဋ္ဌကထာများတွင် ဆယ်ပါးဖွင့်ပြသည်။

(၁) အရဟံ = လူနတ် ဗြဟ္မာသတ္တ၀ါအားလုံးတို့၏ ပူဇော်အထူးကို ခံယူတော်မူထိုက်ပါပေ၏။

(၂) သမ္မာသမ္ဗုဒ္ဓေါ = အလုံးစုံသောတရားတို့ကို ကိုယ်တိုင်မှန်စွာ သိမြင်တော်မူပါပေ၏။

(၃) ၀ိဇ္ဇာစရဏသမ္ပန္နော = အသိဉာဏ်ဝိဇ္ဇာ၊ အကျင့်စရဏ နှင့် ပြည့်စုံတော်မူပါပေ၏။

(၄) သုဂတော = ကောင်းသောစကားကို ဆိုတော်မူ တတ်ပါပေ၏။

(၅) လောက၀ိဒူ = သတ္တလောက၊ သြကာသလောက၊ သင်္ခါရလောက ဟု ဆိုအပ်သော လောကသုံးပါးကို သိမြင်တော်မူပါပေ၏။

(၆) အနုတ္တရော = လောကသုံးပါးတွင် အမြတ်ဆုံး ပုဂ္ဂိုလ်ဖြစ်တော်မူပါပေ၏။

(၇) ပုရိသဒမ္မသာရထိ = ဆုံးမထိုက်သူကို အောင်မြင်စွာ ဆုံးမတော်မူတတ်သည့် ပုဂ္ဂိုလ်ထူးဖြစ်တော်မူပါပေ၏။

(၈) သတ္ထာဒေ၀မနုဿာနံ = လူနတ်ဗြဟ္မာ သတ္တ၀ါအားလုံးတို့၏ ဆရာ ဖြစ်တော်မူပါပေ၏။

(၉) ဗုဒ္ဓေါ = သစ္စာလေးပါးတရားကို သိမြင်တော်မူပါပေ၏။

(၁၀) ဘဂ၀ါ = ဣဿရိယ၊ ဓမ္မ ယသ၊ သိရီ၊ ကာမ၊ ပယတ္တ တည်းဟူသော ဘုန်းတော်ခြောက်ပါးနှင့် ပြည့်စုံတော်မူပါပေ၏။

ရေဥပမာတရားတော်

2012-09-07T09:50:00.000-07:00

ရဟန်းတို့ လောက၌ ရေဥပမာရှိကုန်သော ဤပုဂ္ဂိုလ် ခုနစ်မျိုးတို့သည် ထင်ရှား ရှိကုန်၏။

အဘယ်ခုနစ်မျိုးတို့နည်းဟူမူ -

ရဟန်းတို့ ဤလောက၌ အချို့သော ပုဂ္ဂိုလ်သည် တစ်ကြိမ် နစ်မြုပ်သော် နစ်မြုပ်တော့သည်သာဖြစ်၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီး၍ နစ်မြုပ်ပြန်၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် တည်၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ကြည့်ရှု၏၊ ထိုမှ ဤမှ ကြည့်ရှု၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ကူး၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ထောက်တည်ရာသို့ ရောက် ၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ကူးမြောက်၏၊ ကမ်းတစ်ဖက် သို့ ရောက်၏၊ (နိဗ္ဗာန်တည်းဟူသော) ကြည်းကုန်းထက်၌ တည်၏၊ မကောင်းမှုကို အပပြုပြီး ဖြစ်၏။

ရဟန်းတို့ အဘယ်သို့လျှင် ပုဂ္ဂိုလ်သည် တစ်ကြိမ်နစ်မြုပ်လျှင် နစ်မြုပ်တော့သည်သာ ဖြစ်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် စင်စစ် မည်းညစ်ကုန်သော အကုသိုလ်တရားတို့နှင့် ပြည့်စုံ၏။

ရဟန်းတို့ ဤသို့လျှင် ပုဂ္ဂိုလ်သည် တစ်ကြိမ်နစ်မြုပ်လျှင် နစ်မြုပ်တော့သည်သာ ဖြစ်၏။ (၁)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ နစ်မြုပ်ပြန်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌ သဒ္ဓါတရားသည် ကောင်းမြတ်၏၊ ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏၊ ဝီရိယသည်

ကောင်းမြတ်၏၊ ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။ ထိုပုဂ္ဂိုလ်၏ ထိုသဒ္ဓါတရားသည် မတည်၊ မတိုးပွါး၊ ဆုတ်ယုတ်သည် သာလျှင်တည်း။

ထိုပုဂ္ဂိုလ်၏ ထိုဟိရီသည်။ပ။ ထိုပုဂ္ဂိုလ်၏ ထိုသြတ္တပ္ပသည်။ပ။ ထိုပုဂ္ဂိုလ်၏ ထိုဝီရိယသည် ။ပ။ ထိုပုဂ္ဂိုလ်၏ ထိုပညာသည် မတည်၊ မတိုးပွါး၊ ဆုတ်ယုတ်သည် သာလျှင်တည်း။

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ နစ်မြုပ်ပြန်၏။ (၂)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီးလျှင် တည်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌ သဒ္ဓါတရားသည် ကောင်းမြတ်၏ ဟု ပေါ်လာ၏။

ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏။ပ။ ဝီရိယသည် ကောင်းမြတ်၏ ။ပ။ ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။ ထိုပုဂ္ဂိုလ်၏ ထိုသဒ္ဓါ တရားသည်

မဆုတ်ယုတ်၊ မတိုးပွါး၊ တည်၏။ ထိုပုဂ္ဂိုလ်၏ ထိုဟိရီသည်။ပ။ ထိုပုဂ္ဂိုလ်၏ ထိုသြတ္တပ္ပသည်။ပ။ ထိုပုဂ္ဂိုလ်၏ ထိုဝီရိယသည် ။ပ။

ထိုပုဂ္ဂိုလ်၏ ထိုပညာသည် မဆုတ်ယုတ်၊ မတိုးပွါး၊ တည်မြဲတိုင်း) တည်တံ့၏။

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီးလျှင် တည်၏။ (၃)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ ကြည့်ရှုသနည်း၊ ထိုမှဤမှ ကြည့်ရှု သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌ သဒ္ဓါတရားသည်ကောင်းမြတ်၏ ဟု ပေါ်လာ၏။

ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏။ပ။ ဝီရိယသည် ကောင်းမြတ်၏ ။ပ။ ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။ ထိုပုဂ္ဂိုလ်သည် သုံးပါး သော

သံယောဇဉ် 'အနှောင်အဖွဲ့' တို့၏ အကြွင်းမဲ့ကုန်ခြင်းကြောင့်အပါယ်သို့ကျခြင်း သဘော မရှိသော ကိန်းသေမြဲသော အထက်မဂ်သုံးပါးလျှင် လားရာရှိသော သောတာပန်ဖြစ်၏။

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ကြည့်ရှု၏၊ ထိုမှဤမှ ကြည့်ရှု၏။ (၄)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ ကူးသနည်း။

ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏။ပ။ ဝီရိယသည် ကောင်းမြတ်၏ ။ပ။ ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။

ထိုပုဂ္ဂိုလ်သည် သုံးပါးသော သံယောဇဉ် 'အနှောင်အဖွဲ့' တို့၏ အကြွင်းမဲ့ကုန်ခြင်းကြောင့် ရာဂဒေါသ မောဟတို့ ခေါင်းပါးသည်၏ အဖြစ်ကြောင့် တစ်ကြိမ်သာလျှင် ကာမဘုံသို့ လာ၍ ဝဋ်ဒုက္ခ၏အဆုံးကိုပြုသော သကဒါဂါမ် ဖြစ်၏။

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ကူး၏။ (၅)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီးလျှင် ထောက်တည်ရာသို့ ရောက်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ်တရားတို့၌ သဒ္ဓါတရားသည် ကောင်းမြတ်၏ ဟု ပေါ်လာ၏။ ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏။ပ။ ဝီရိယသည် ကောင်းမြတ်၏ ။ပ။

ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။ ထိုပုဂ္ဂိုလ်သည် အောက်ပိုင်းသံယောဇဉ် 'အနှောင်အဖွဲ့' ငါးပါးတို့၏ အကြွင်းမဲ့ကုန်ခြင်းကြောင့်ဗြဟ္မာ့ဘုံ၌ ဥပပတ် ပဋိသန္ဓေနေ၍ ထိုဘုံ၌သာလျှင် ပရိနိဗ္ဗာန်ပြုမည့် ထိုဘုံမှ ပြန်လည်ခြင်း သဘော မရှိသူ အနာဂါမ် ဖြစ်၏။

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ထောက်တည်ရာသို့ ရောက်၏။ (၆)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ ကူးမြောက်သူ ကမ်းတစ်ဖက်သို့ ရောက်သူ (နိဗ္ဗာန်တည်းဟူသော) ကြည်းကုန်းထက်၌ တည်၍ မကောင်းမှုကို အပပြုပြီးသူ ဖြစ် သနည်း။

ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏။ပ။ ဝီရိယသည် ကောင်းမြတ်၏ ။ပ။ ကုသိုလ်တရားတို့၌ ပညာသည် ကောင်းမြတ်၏ ဟု ပေါ်လာ၏။ ထိုပုဂ္ဂိုလ်သည် အာသဝေါ တရားတို့၏ ကုန်ခြင်းကြောင့် အာသဝေါ တရားကင်းသော လွတ်မြောက်သော (အရဟတ္တဖိုလ်) စိတ်နှင့် လွတ်မြောက်သော (အရဟတ္တဖိုလ်) ပညာကို ယခု ဘဝ၌ပင်လျှင် ထူးသော ဉာဏ်ဖြင့် ကိုယ်တိုင်မျက်မှောက်ပြုလျက် ရောက်၍ နေ၏။

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ကူးမြောက်သူ ကမ်းတစ်ဖက်သို့ ရောက်သူ နိဗ္ဗာန်တည်း ဟူသော ကြည်းကုန်းထက်၌ တည်သူ မကောင်းမှုကို အပပြုပြီးသူ ဖြစ်၏။ (၇)

ရဟန်းတို့ လောက၌ ရေဥပမာ ရှိကုန်သော ဤပုဂ္ဂိုလ် ခုနစ်မျိုးတို့သည် ထင်ရှားရှိကုန်၏ ဟု

(မိန့်တော်မူ၏)။

အဂုင်္က္တိုရ်ပါဠိတော်၊ အနုသယ၀ဂ်၊ ဥဒကူပမာသုတ်။

Biography of Ven. Mahasi Sayadaw

2012-09-07T09:26:00.001-07:00

ယံ သန္နိမိတ္တံ သုဘမင်္ဂလာ ဆုတောင်း သုံးဂါထာ

2012-09-07T09:05:00.000-07:00

မင်းကွန်းဓမ္မနာဒတိုက် တိုက်အုပ်ဆရာတော်

အရှင်ဥက္ကံသာဘိဝံသ အနက်မြန်မာပြန်ဆိုသော

မင်းကွန်းဆရာတော်ဘုရားကြီး ရေးသားစီရင်တော်မူအပ်သည့်

ယံ ဒုန္နိမိတ္တံ ဂါထာမှ အပြန်

ယံ သန္နိမိတ္တံ သုဘမင်္ဂလာ ဆုတောင်း သုံးဂါထာ

(၁) ယံ သန္နိမိတ္တံ သုဘမင်္ဂလံ ၀ါ၊
ယော ၀ါ မနာပေါ သကုဏဿ သဒ္ဒေါ။
သောဘဂ္ဂဟော သံသုပိနံ သုကန္တံ၊
ဗုဒ္ဓါနုဘာဝေန ၀ိပက္ကမေန္တု။

ယံ သန္နိမိတ္တံ ၀ါ = မျိုးရိုးတံထွာ စဉ်အလာဖြင့် ငါငါသူသူ ကောင်း၏ဟူ၍ စွဲယူထိမ်းမှတ် ပြုလုပ်အပ်သည့် အကြင်ကောင်းမြတ်သော နိမိတ်သည်လည်းကောင်း၊

ယံ သုဘမင်္ဂလံ ၀ါ = ရှုချင်စဖွယ် တင့်တယ်သော အဆင်းရူပါရုံကို မြင်ခြင်း ဒိဋ္ဌမင်္ဂလာ၊ နာချင်ဖွယ်ရာ သာယာသော အသံသဒ္ဒါရုံကို ကြားခြင်းသုတမင်္ဂလာ အစဖြာသား စဉ်လာထိမ်းမှတ် ပြုလုပ်အပ်သည့် အကြင်ကောင်းမြတ်သော မင်္ဂလာသည်လည်းကောင်း၊

မနာပေါ = စိတ်နှလုံးကို ပွားတိုးစေတတ် နှစ်သက်မြတ်နိုးအပ်သော၊

ယော ၀ါ သကုဏဿ သဒ္ဒေါ = အကြင်သာယာသော ကျေးသံငှက်သံသည်လည်းကောင်း၊

ယော သောဘဂ္ဂဟော ၀ါ = လောကီအလို ကျမ်းအဆိုဖြင့် ထိုထိုကောင်းကျိုး အမျိုးမျိုးတို့ကို ပွားတိုးဖြစ်ထွန်းစေတတ် အကြင်ကောင်းမြတ်သော ဂြိုဟ်မင်းတို့ စီးနင်းကြိုက်ကြုံခြင်းသည်လည်းကောင်း၊

သုကန္တံ = အလွန် နှစ်လိုဖွယ်ကောင်းသော၊

ယံ သုပိနံ ၀ါ = အကြင်ကောင်းမြတ်သော အိပ်မက်ယာမက်သည်လည်းကောင်း၊

အတ္ထိ = လောကီအနေ ရှိသည် မှန်ပေ၏။

ဧတေ = ထိုကောင်းမြတ်သော နိမိတ်မင်္ဂလာ၊ သာယာသော ကျေးသံငှက်သံ၊ ကောင်းမွန်လှသော ဂြိုဟ်စီးဂြိုဟ်နင်း၊ သန့်ရှင်းစင်ကြယ် နှစ်သက်ဖွယ်သော အိပ်မက်ယာမက်တို့သည်၊

ဗုဒ္ဓါနုဘာဝေန = မြတ်စွာဘုရား၏ ကြီးမားတေဇော်အာနုဘော်ကြောင့်၊

ဝိပက္ကံ = ရင့်ကျက်ဘိလျှင်း အကျိုးပေးခြင်းသို့၊

ဧန္တု = မုချမသွေ ရောက်ကြပါစေကုန်သတည်း။

(၂) ယံ သန္နိမိတ္တံ သုဘမင်္ဂလံ ၀ါ၊
ယော ၀ါ မနာပေါ သကုဏဿ သဒ္ဒေါ။
သောဘဂ္ဂဟော သံသုပိနံ သုကန္တံ၊
ဓမ္မာနုဘာဝေန ၀ိပက္ကမေန္တု။

* ဓမ္မာနုဘာဝေန = ဆယ်ပါးသောတရားတော် တန်ခိုးအာနုဘော်ကြောင့်။

(၃) ယံ သန္နိမိတ္တံ သုဘမင်္ဂလံ ၀ါ၊
ယော ၀ါ မနာပေါ သကုဏဿ သဒ္ဒေါ။
သောဘဂ္ဂဟော သံသုပိနံ သုကန္တံ၊
သံဃာနုဘာဝေန ၀ိပက္ကမေန္တု။

* သံဃာနုဘာဝေန = အရိယာရှစ်ဖော် သံဃာတော်၏ တန်ခိုးတေဇော်အာနုဘော်တော်ကြောင့်။

(မင်းကွန်းဝတ်ရွတ်စဉ်စာအုပ်မှ)

အရဟံဂုဏ်တော် ငါးပါး ဘုရားရှိခိုး

2012-08-31T09:43:00.000-07:00

၁။ အာရကတ္တာ အရဟံ။သော ဘဂ၀ါ = ထိုမြတ်စွာဘုရားသည်၊ အာရကတ္တာ = ကိလေသာမှ ဝေးကွာတော်မူသောကြောင့်လည်း၊ အရဟံ = အရဟံမည်တော်မူပါပေ၏။

၂။ အရီနံ ဟတတ္တာ အရဟံ။
သော ဘဂ၀ါ = ထိုမြတ်စွာဘုရားသည်၊ အရီနံ ဟတတ္တာ = ကိလေသာတည်းဟူသော ရန်သူအပေါ်င်းတို့ကို၊ မှုန့်မှုန့်ညက်ညက် ကျေပျက်အောင် ချေဖျက်တော်မူနိုင်သောကြောင့်လည်း၊ အရဟံ = အရဟံမည်တော်မူပါပေ၏။

၃။ အရာနံ ဟတတ္တာ အရဟံ။
သော ဘဂ၀ါ = ထိုမြတ်စွာဘုရားသည်၊ အရာနံ ဟတတ္တာ = သံသရာတည်းဟူသော အကန့်အကွက်တို့ကို ဖျက်ချိုးတော်မူနိုင်သောကြောင့်လည်း၊ အရဟံ = အရဟံမည်တော်မူပါပေ၏။

၎။ အရဟတ္တာ အရဟံ။
သော ဘဂ၀ါ = ထိုမြတ်စွာဘုရားသည်၊ အရဟတ္တာ = လူနတ်ဗြဟ္မာ သတ္တ၀ါအပေါင်းတို့၏ အလှူတော်အတန်တန် အပူဇော်မှန်သမျှကို ခံယူတော်မူထိုက်သောကြောင့်လည်း၊ အရဟံ = အရဟံမည်တော်မူပါပေ၏။

၅။ ရဟာဘာဝတော အရဟံ။
သော ဘဂ၀ါ = ထိုမြတ်စွာဘုရားသည်၊ ရဟာဘာဝတော = ဆိတ်ကွယ်ရာ အရပ်၌ပင် မကောင်းမှုဟူသမျှကို ပြုတော်မမူသောကြောင့်လည်း၊ အရဟံ = အရဟံမည်တော်မူပါပေ၏။

တဿ ဘဂ၀တော = အရဟံဂုဏ်တော်သခင် ထိုဘုရားရှင်ကိုယ်တော်မြတ်ကြီးအား၊ နမော = ရိုသေမြတ်နိုးလက်စုံမိုး၍ ရှိခိုးပါ၏ အရှင်ဘုရား။

စွမ်းဆောင်ရည်မြင့်မားသောဘ၀ကို ဓမ္မဖြင့် တည်ဆောက်ခြင်း

2012-08-30T07:45:00.000-07:00

ကျွန်တော် ဘာသာရေးနှင့်ပတ်သက်ပြီး လုပ်ချင်တဲ့ ကိစ္စအတော်များများမှာ အမြဲတမ်း အားတက်သရော ကူညီပေးတတ်တဲ့ ညီမငယ် M.N.Pyone ရဲ့  သြဂုတ်လ (၃၀)ရက်နေ့မှာ ကျရောက်တဲ့ မွေးနေ့အတွက် အမှတ်တရ ဒီဓမ္မစာစုလေးကို လက်ဆောင်အဖြစ် ရေးပေးလိုက်ပါတယ်ခင်ဗျာ။

*****************************************************************

ညီမရေ

ညီမမွေးနေ့မှာ အမှတ်တရဖြစ်အောင်ရော၊ ကုသိုလ်တရားတွေကို ရှေးကထက်ပိုအာရုံပြုနိုင်ဖို့အတွက်ရော ရည်ရွယ်ပြီး ဒီစာစုကို မွေးနေ့လက်ဆောင်အဖြစ် ရေးပို့ပေးလိုက်ပါတယ်။ ညီမသိပြီးသားဖြစ်မယ့် အကြောင်းအရာတွေကိုပဲ အကိုစဉ်းစားမိတဲ့ရှုထောင့်ကနေ ရေးထားတာမို့ စဉ်းစားစရာအတွေးသစ်တွေ ထပ်ဖြစ်လိမ့်မယ်လို့တော့ မျှော်လင့်မိပါတယ်။

ပြီးခဲ့တဲ့ ရက်ပိုင်းတွေတုန်းက အကိုခရီးတစ်ပတ်လောက်ထွက်သွားတာ ညီမသိလိုက်မယ်လို့ထင်တယ်။ မရောက်ဖူးသေးတဲ့ အရပ်ဒေသတွေကိုသွားလည်ပြီး ဒေသန္တရဗဟုသုတရှာမှီးရင်း၊ အပန်းလည်းဖြေရင်းဆိုပြီး ဂျပန်နိုင်ငံ အနောက်ပိုင်းက ထင်ရှားတဲ့မြို့ တွေဆီကို သွားလည်ဖြစ်ခဲ့တယ်။ တစ်ယောက်တည်းခရီးရှည်သွားတာဆိုတော့ လူကတော့ အတော်လေးပင်ပန်းပေမယ့် စိတ်လွတ်လပ်မှုတော့အပြည့်ရခဲ့တယ်။ ဒီလိုနှင့် နောက်ဆုံး အိမ်ကိုပြန်ဖို့သတ်မှတ်ထားတဲ့ရက်ကို ရောက်လာခဲ့တယ်။ အဲဒီနေ့မနက်မှာ စိတ်ချရအောင် ဘူတာမှာ အပြန်ရထားလက်မှတ်ကို အရင်သွားဝယ်ထားလိုက်တယ်။ ညဘက်နောက်ဆုံးရထားနှင့် ပြန်မယ်လို့စိတ်ကူးပြီးပေါ့။

ရထားလက်မှတ်ဝယ်ပြီးတော့မှ ဒီနေ့ မပြန်ခင် ဘယ်နေရာတွေ သွားရင်ကောင်းမလဲလို့ ခရီးစဉ်ဆွဲတယ်။ အဲဒီအခါမှာ သွားသင့်တယ်လို့ ပြောထားတဲ့နေရာ (၁၀) ခုလောက်ထွက်လာတယ်။ အရင်ရှေးရက်တွေတုန်းကဆိုရင် ရောက်တဲ့မြို့ မှာ သွားသင့်တယ်လို့ ပြောထားတဲ့နေရာတွေကို တစ်ခုပြီးတစ်ခုအချိန်ရသလောက် လျှောက်သွားဖြစ်ခဲ့ပေမယ့် ဒီနေ့ကျတော့ ပြန်ဖို့ကရှိနေပြီဆိုတော့ ရထားစီးဖို့ ဘူတာပြန်ရောက်ရမယ့်အချိန်ကို ထည့်စဉ်းစားရတော့တယ်။ မဖြစ်မနေသွားသင့်တဲ့နေရာမျိုးလား၊ သွားရင် တကယ်အကျိုးရှိနိုင်မလား၊ အချိန်ဘယ်လောက်ကုန်နိုင်မလဲ၊ အဲဒီနေရာတွေကနေ ညဘက် ရထားပြန်စီးရမယ့်ဘူတာဆီကို ပြန်လာရင် လမ်းသင့်နိုင်မလား စတာတွေနှင့် ချိန်ရတယ်။ ဒီလိုနှင့်ဘဲ သွားသင့်တဲ့ နေရာ (၁၀)ခုထဲကနေ အဓိကနေရာ လေးခုလောက်ကိုပဲ ရွေးဖြစ်လိုက်တော့တယ်။

အရင်နေ့တွေကဆိုရင် ကိုယ်သွားတဲ့နေရာတွေမှာ စိတ်အေးလက်အေးနှင့် သေသေချာချာလျှောက်ကြည့်၊ နားချင်ရင် ကောက်နား၊ ထသွားချင်တဲ့အချိန်မှ ပြန်ထသွားလုပ်ခဲ့ပေမယ့် အဲဒီနေ့ကတော့ ရောက်တဲ့နေရာတိုင်းမှာ အချိန်ကို တတ်နိုင်သလောက် မလိုအပ်ပဲမသုံးဖြစ်အောင် သတိထားခဲ့ရတယ်။ ကိုယ်ဒီမြို့ မှာ နေဖို့ အချိန်က သိပ်မကျန်တော့ဘူးဆိုတဲ့ အသိက အမြဲခေါင်းထဲရောက်နေတယ်။ နောက်ပြီး နောက်ဆုံးရထားကိုအမှီ ဘူတာရောက်အောင်သွားမှဖြစ်မှာဆိုတဲ့အတွေးကလည်း လူကို Alert လုပ်နေတယ်။ ဒီတော့ အဲဒီနေ့က အချိန်အပိုမဖြုန်းဖြစ်ပဲ သွားရမယ့်နေရာတွေကိုသွား၊ နားချိန်ကို တိတိကျကျနား၊ နေရာအသစ်တစ်ခုကို စသွားရမယ့်အချိန်မှာ လေးဖင့်မနေပဲချက်ချင်းထသွားရင်း ညအပြန်ရထားအမီ ဘူတာကို ပြန်ရောက်နိုင်ခဲ့တယ်။

အဲဒီမှာ အကို ဘာကို သွားတွေးမိလိုက်လဲဆိုတော့ လူ့ဘ၀နှင့် သေခြင်းတရားကိုပါပဲ။ လူတွေမှာ သေဖို့အချိန် တဖြည်းဖြည်းနီးကပ်လာတာနှင့်အမျှ ဘ၀မှာ လုပ်စရာရှိတာတွေအများကြီးထဲကနေ ကိုယ့်အတွက် တကယ်မဖြစ်မနေ လုပ်သင့်လုပ်ထိုက်တာအချို့ ကိုပဲ စီစစ်ရွေးချယ်ပြီး မသေခင် ကြောင့်ကြစိုက်ပြီး အပြီးသတ်ဆောင်ရွက်သွားဖို့ လိုအပ်ပါလားဆိုတာကို ဒီခရီးနောက်ဆုံးနေ့ အတွေ့အကြုံလေးကနေတဆင့် သင်ခန်းစာယူလိုက်မိတယ် ညီမရေ။

တိုက်ဆိုင်တာပဲလားတော့မသိဘူး။ ခရီးကပြန်ရောက်ပြီး သိပ်မကြာမီမှာပဲ အဆက်အသွယ်ပြတ်နေတာ နှစ်လလောက်ရှိနေပြီဖြစ်တဲ့ မိတ်ဆွေတစ်ယောက်ဆီကဖုန်းဆက်လာတယ်။ သူ ဒီကြားထဲ ဆေးရုံတက်နေရတာမို့ ပျောက်နေတာပါလို့ပြောတော့ ဘာများဖြစ်လို့လဲလို့ သတင်းမေးမိတာပေါ့။ ဒီတော့ သူက အသည်းကင်ဆာဖြစ်လို့ ဆေးရုံနှစ်ခါတက်လိုက်ရတဲ့အကြောင်း ပြောလာတယ် ညီမရေ။ အကို သူနှင့်ဖုန်းပြောနေရင်း စိတ်ထဲ တော်တော်လေးမကောင်းဖြစ်သွားတယ်။ ဒီမိတ်ဆွေတော့ ဒီရောဂါနှင့်ဆိုရင် သူရှင်သန်ရမယ့်အချိန် သိပ်မကျန်တော့ဘူးဆိုတာ အကိုနားလည်လိုက်တယ်။ အသက်လေးဆယ်ကျော်ငါးဆယ်ပတ်ချာလည်လောက်ပဲရှိပါသေးတယ်။ သူ့အတွက် တကယ်ဆက်နေခွင့်ရမယ်ဆိုရင် လူ့သက်တမ်းကအများကြီး ကျန်နေပါသေးတယ်။ ဒါပေမယ့်လည်း ဒီရောဂါအခြေအနေကို အကြမ်းဖျင်း နားလည်ထားမိတော့ သူ့အတွက်တကယ်ကို နှမြောဝမ်းနည်းမိတယ်။ သေမယ့်အချိန်ကိုလှမ်းမြင်နေရပြီဖြစ်တဲ့ သူတစ်ယောက်အတွက် ကျန်နေတဲ့ လက်ကျန်အချိန်တွေကို သူဘယ်လိုကိစ္စမျိုးတွေအတွက် ရွေးချယ်အသုံးချပစ်မလဲလို့ စဉ်းစားမိတယ်။

အင်္ဂလိပ်စကားမှာ Effective ဆိုတဲ့စကားနှင့် Efficient ဆိုတဲ့စကား နှစ်လုံးကို ညီမသိမှာပါ။ ဒီစကားနှစ်လုံးကို အလုပ်တွေလုပ်ကြလို့ အကျိုးရလဒ်ထွက်ရှိမှု အနေအထားကို ပြောချင်တဲ့အခါတွေမှာ သုံးတတ်ကြတယ်။ သူတို့နှစ်လုံးဟာ အဓိပ္ပါယ်တူသလိုလိုရှိပေမယ်လို့ အနှစ်သာရပိုင်းမှာတော့ ကွဲတာကို တွေ့ရတယ်ညီမရေ။

Effective ဆိုတဲ့ အသုံးက အလုပ်တစ်ခုကို လုပ်လိုက်တဲ့အတွက် ဒီအလုပ်ကနေ အကျိုးအမြတ်တော့ထွက်တယ်။ ဒါပေမယ့် ဒီအကျိုးအမြတ်ထွက်ဖို့အတွက် ငွေကုန်ကြေးကျလည်း များရင်များမယ်၊ အချိန်တွေ အများကြီးလည်း ပေးရင်ပေးလိုက်ရမယ်၊ ကိုယ်ရောစိတ်ရော ပင်ပန်းချင်လည်း ပင်ပန်းမယ်။ ထွက်လာတဲ့ အကျိုးရလဒ်ကလည်း ဒီလောက်ကြီး နှစ်ထောင်းအားရ ဖြစ်ရလောက်အောင် ကောင်းချင်မှ ကောင်းမယ်။ ဒါပေမယ့် အလုပ်ပြီးမြောက်အောင်မြင်သွားတဲ့အတွက် Effective တော့ ဖြစ်တယ်လို့ ပြောလို့ရတယ်။

Efficient ဆိုတာမှာကျတော့ ကိုယ်လုပ်တဲ့အလုပ်ကို ကျွမ်းကျွမ်းကျင်ကျင်၊ ပိုင်ပိုင်နိုင်နိုင်နှင့် အချိန်ကုန်၊ လူပန်း၊ ငွေကုန်ကြေးကျမရှိစေပဲ နောက်ဆုံးမှာ အရည်အသွေးကောင်းတဲ့ အကျိုးရလဒ်ထွက်တဲ့အထိ လုပ်လိုက်နိုင်တာမျိုးကို ပြောချင်တာလို့ဆိုတယ်။ စွမ်းဆောင်ရည်မြင့်မြင့်နှင့် လုပ်လိုက်နိုင်တာမျိုးပေါ့။ တကယ်တော့ Efficient ဆိုတဲ့ စကားလုံးကို သုံးလိုက်ရင် Effective လည်းဖြစ်ပြီးသားလို့ ပြောပြီးသားဖြစ်သွားတယ်။

အကိုတို့တွေလည်း နေ့တိုင်းကိုယ်နှင့်ပတ်သက်ရာအလုပ်တွေ ကိုယ်စီလုပ်နေကြရတယ်။ စားဝတ်နေရေးအတွက်ရော၊ ကိုယ်ရေးကိုယ်တာကိစ္စတွေအတွက်ရော၊ လူမှုရေးကိစ္စတွေအတွက်ရော၊ နောက် အမျိုးအမည်ခေါင်းစဉ်တပ်မရတဲ့ အလုပ်တွေလည်းအများကြီး ရှိသေးတယ်။ ဒီလိုနေ့စဉ်လုပ်နေရတဲ့ အကိုတို့ရဲ့ အလုပ်တွေကို ဒီအင်္ဂလိပ်စကားလုံးလေး နှစ်လုံးနှင့် အမြဲစမ်းစစ်နေဖို့ လိုမယ်လို့ထင်တယ်။ အခုလုပ်နေတဲ့အလုပ်က ကိုယ့်အတွက် Effective မှဖြစ်ရဲ့ လား၊ Efficient ရောဖြစ်သေးလား ဆိုပြီးပေါ့။ တခါတလေ အကိုတို့လုပ်နေတဲ့အလုပ်တွေက Effective အဆင့်တောင် မရောက်တာမျိုးတွေ တွေ့ရတတ်သေးတယ်။ ပေးလိုက်ရတဲ့အချိန်တွေ၊ ငွေတွေသာ ကုန်သွားတယ်။ ဘာအကျိုးမှ မယ်မယ်ရရ မရလိုက်တာမျိုးပေါ့။

သေဖို့ရက်ဆီကို တဖြည်းဖြည်းနီးလာပြီဖြစ်တဲ့ အကိုတို့တွေဟာ ဘ၀ကို Efficient ဖြစ်အောင် အသုံးချနေထိုင်တတ်ဖို့က မဖြစ်မနေ လိုအပ်ပါတယ်။ အထူးသဖြင့် မြတ်စွာဘုရားရှင်ကိုယ်တော်မြတ်ကြီးရဲ့  အဆုံးအမတော်တွေအတိုင်း လိုက်နာကျင့်သုံးနေထိုင်နိုင်အောင် ကြိုးစားနေတဲ့ အကိုတို့ ညီမတို့တတွေဟာ ဒီကိစ္စကို ပိုပြီး သတိထားသင့်တယ်။ လူ့ဘ၀ကို ရောက်လာ၊ ရလာခြင်းဟာ ကုသိုလ်တရားတွေ စုဆောင်းဖို့၊ သံသရာလွတ်မြောက်ရာကို ရောက်အောင် အားထုတ်ဖို့ အတွက်ပဲ ဖြစ်သင့်ပါတယ်။ ရဟန်းသံဃာတော်တွေလို တရားဓမ္မကို အချိန်ပြည့်အားမထုတ်နိုင်သေးတဲ့ လူဝတ်ကြောင်တွေအတွက် လောကီရေးကိစ္စတွေဆောင်ရွက်ရင်း၊ မိသားစုတာဝန်တွေကို ထမ်းဆောင်ရင်း အားထုတ်နိုင်ဖို့ မြတ်စွာဘုရားရှင်က သတိပဋ္ဌာန်တရားတော်ကို ဟောကြားခဲ့ပြီးဖြစ်ပါတယ်။ နေရာမရွေး၊ အချိန်မရွေး၊ ဣရိယာပုဒ်မရွေး၊ အာရုံမရွေးမှာ အားထုတ်တတ်အောင် နည်းညွှန်ပြသပေးခဲ့ပါတယ်။

လူတိုင်းဟာ ဘ၀မှာ စိတ်ပိုင်းဆိုင်ရာနှင့် ရုပ်ပိုင်းဆိုင်ရာ လိုအပ်ချက်တွေကို ဖြည့်ဆည်းနိုင်ဖို့ကြိုးစားရင်းနှင့် အသက်ရှင်နေကြရတယ်။ လိုအပ်ချက်တွေကို လူတစ်ယောက်ရဲ့ အခြေအနေပေါ်မူတည်ပြီး ပညာရှင်တွေက အဆင့်တွေခွဲပြီး သတ်မှတ်ကြတယ်။ ဒါနဲ့ပတ်သက်ပြီး ထင်ရှားတဲ့ သီအိုရီတစ်ခုရှိတယ်။ ညီမလည်း ကျောင်းတုန်းကတော့ သင်ဖူးခဲ့မယ်ထင်ပါတယ်။ Maslow ရဲ့  Hierarchy Of Needs ဆိုတာကိုလေ။ လူတွေရဲ့ ဘ၀မှာ အရင်းခံအဖြစ် လိုအပ်ချက်တွေကို ပိရမစ်ပုံနှင့်ဖော်ပြရှင်းလင်းခဲ့တဲ့ သီအိုရီပေါ့။ လူတွေရဲ့ အမူအကျင့်နှင့် စိတ်ပိုင်းဆိုင်ရာအကြောင်းတွေ ပြောကြရပြီဆိုရင် ဒီသီအိုရီကို ထည့်ပြောရစမြဲကိုး။ ပိရမစ်ပုံရဲ့ သဘာဝအတိုင်း အောက်ဆုံးအဆင့်တစ်ခုကို ရရှိအောင်မြင်မှသာ နောက်အပေါ်ကအဆင့်တစ်ခုကို တက်လို့ရမယ့်သဘော၊ နောက်တစ်မျိုးပြောမယ်ဆိုရင် လူအများစုသာလျှင် အောက်ခြေအဆင့်တွေမှာရှိနေတတ်ပြီး၊ လူအနည်းစုသာလျှင် အထက်အထိပေါက်မြောက်ရောက်ရှိနိုင်ကြတယ်ဆိုတဲ့သဘော အဓိပ္ပါယ်ဖွင့်လို့ရပါတယ်။

အဲဒီမှာ အောက်ဆုံးအဆင့် နံပါတ်(၁) က Biological and Physiological Needs တဲ့။ လူတစ်ယောက်အတွက်အသက်ရှင်ဖို့ မရှိမဖြစ်လိုအပ်တဲ့ အသက်ရှူဖို့လေ၊ သောက်ဖို့ရေ၊ စားဖို့၊ ၀တ်ဖို့၊ နေဖို့၊ အိပ်ဖို့၊ ကာမဂုဏ်ခံစားဖို့။ ဒါတွေဟာ လူတိုင်းအတွက် မရှိမဖြစ်လိုအပ်တဲ့အရာတွေလို့ ပြောပါတယ်။ ဒီလိုအပ်ချက်တွေ မပြည့်စုံနိုင်ပဲ လူတစ်ယောက်ဟာ ဘယ်လိုမှ အထက်အဆင့်တွေကို တက်ဖို့ ဖြစ်နိုင်မှာ မဟုတ်ပါဘူးတဲ့။

ပထမအဆင့်ပြည့်စုံရင် ဒုတိယအဆင့် နံပါတ်(၂) က Safety Needs တဲ့။ ကိုယ့်ရဲ့  အသက်အိုးအိမ်စည်းစိမ် လုံခြုံစိတ်ချရမှုပေါ့။ ကိုယ့်ရဲ့  ခန္ဓာကိုယ်ကို လုံခြုံမှုရချင်တယ်။ အလုပ်အကိုင်နှင့်ပတ်သက်ပြီး စိတ်ချမှုရချင်တယ်။ ငွေကြေးဆိုင်ရာမှာလည်း စိတ်ချမှုရချင်တယ်။ ကျန်းမာရေးအတွက်၊ မတော်တဆ ထိခိုက်မှုဖြစ်တာတွေ၊ ရာသီဥတုဘေးအန္တရာယ်ကျရောက်မှုတွေ၊ တရားဥပဒေစိုးမိုးရေး စတာတွေအတွက် လုံခြုံစိတ်ချမှုရချင်တယ်။

ပထမအဆင့်နှင့် ဒုတိယအဆင့်ပြည့်စုံပြီဆိုရင် တတိယအဆင့် နံပါတ်(၃) က Love and Belongingness Needs တဲ့။ လူတွေရဲ့  စိတ်သဘာဝမှာ တစ်ဦးဦးဆီကဖြစ်ဖြစ်၊ လူတစ်စုဆီကပဲဖြစ်ဖြစ်၊ အဖွဲ့အစည်းတစ်ခုခုဆီကနေဖြစ်ဖြစ် ကိုယ်က သူ့အတွက် (သို့) သူတို့အတွက် အရေးပါတဲ့နေရာကဏ္ဍလေးတစ်ခုကို မျှော်လင့်တတ်ကြတယ်။ သူတို့တွေရဲ့ ကြည်ဖြူလက်ခံမှုကို လိုချင်တတ်ကြတယ်။ ကိုယ်နှင့် အနီးကပ်ဆက်ဆံနေရတဲ့ မိသားစုဝင်တွေ၊ ဇနီးခင်ပွန်းတွေ၊ လုပ်ဖော်ကိုင်ဖက်တွေ၊ သူငယ်ချင်းတွေဆီကနေ ဒီလိုအပ်မှုကို တောင့်တနေတတ်တယ်။ တချို့ ဖြစ်စဉ်တွေမှာ တခါတလေ ကိုယ်မျှော်လင့်သလို သူတို့တွေဆီက ချစ်ခင်လေးစားတန်ဖိုးထားမှုကို မရတဲ့အဖြစ်မျိုးတွေနှင့် ကြုံရတဲ့သူတွေဟာ ပထမနှင့် ဒုတိယအဆင့်လိုအပ်မှုတွေကိုပါ အရေးမစိုက်နိုင်လောက်အောင်ဖြစ်ပြီး ဒီတတိယလိုအပ်ချက်ကြောင့် အရူးတစ်ပိုင်း ဖြစ်တတ်တာမျိုးတွေလည်း ရှိတတ်တယ်။

အခုပြောခဲ့တဲ့ အဆင့်သုံးဆင့်ကို လူသားတစ်ဦးအတွက် အခြေခံအဆင့်တွေအဖြစ်နှင့်သတ်မှတ်ထားတယ်။ နောက်ထပ်လာမယ့် အဆင့် လေးနှင့်ငါးကိုတော့ မြင့်မားတဲ့ ဘ၀လိုအပ်ချက်တွေအဖြစ် ခွဲထုတ်ထားတယ်။ လေးနှင့်ငါးအဆင့်ကို သီးခြားခွဲထုတ်ထားတယ်ဆိုပေမယ့်လို့ တစ်ခုနှင့်တစ်ခုက သဘောတရားချင်း နီးစပ်မှုရှိနေပါတယ်။

စတုတ္ထအဆင့် နံပါတ်(၄) က ဘာလဲဆိုတော့ Esteem Needs ပါတဲ့။ ကိုယ့်ကိုယ်ကို တန်ဖိုးထားတာ၊ လေးစားတာ၊ သူများကလည်း ကိုယ့်ကို တန်ဖိုးထားလေးစားတာ၊ ကိုယ်ကလည်း သူများကို လေးစားတန်ဖိုးထားတာ၊ တခြားသူတွေအပေါ်တာဝန်ယူနိုင်တာ၊ အသိုင်းအ၀ိုင်းတစ်ခုထဲမှာ ကိုယ့်အတွက်နေရာပေးတာ၊ လွတ်လပ်မှုရှိတာ စတဲ့အချက်တွေကို လိုချင်လာပါတယ်တဲ့။ ဒီအဆင့်မှာပဲ ထပ်ပြီး နှစ်ပိုင်းခွဲထုတ်လိုက်ကြတယ်။ Cognitive Needs ရယ်၊ Aesthetic Needs ရယ်ဆိုပြီး။ Cognitive Needs အရ လူတွေက အသိပညာဗဟုသုတကိုရှာဖွေတာတွေ၊ ဘ၀ရဲ့ အဓိပ္ပါယ်ကိုရှာဖွေတာတွေကို လုပ်လာကြတယ်။ Aesthetic Needs အရတော့ လူတွေဟာ အလှအပတရားတွေကို ခံစားနားလည်နိုင်ဖို့၊ ဟန်ချက်ညီတဲ့ဘ၀ပုံစံကို နားလည်နိုင်ဖို့တွေ ကြိုးစားလာကြတယ်လို့ဆိုတယ်။

နောက်ဆုံးအဆင့်ကတော့ Self-Actualization Needs ပါတဲ့။ ဒီအဆင့်ကတော့ လူတစ်ယောက်အတွက် သူ့ပါရမီဓါတ်ခံ၊ စရိုက်ဝါသနာအရ သူမှာရှိတဲ့ အစွမ်းအစတွေအကုန်လုံးထုတ်သုံးပြီး သူဖြစ်ချင်တဲ့၊ သူဖြစ်ခွင့်ရှိတဲ့ သူ့ဘ၀ရဲ့ အိပ်မက်ကို တည်ဆောက်ခွင့် ရလိုခြင်းဖြစ်ပါတယ်။ ဒီအဆင့်ကို ရနိုင်ဖို့ကတော့ အောက်ကအဆင့်အားလုံးကို အောင်မြင်ဖြတ်သန်းနိုင်မှသာ ဖြစ်နိုင်ပါမယ်လို့ဆိုတယ်။ အဲဒီအဆင့်ကိုမှ နောက်ထပ် ထပ်ချဲ့ လိုက်တာက Transcendence Needs ပါ။ တကယ်လို့ အစွမ်းအစတွေကို ထုတ်သုံးလိုက်လို့ လိုချင်တဲ့ပန်းတိုင်ကို ရရှိအောင်မြင်ပြီးသွားတဲ့သူဟာ တခြားလူတွေကို သူလိုပဲအောင်မြင်ပေါက်မြောက်နိုင်ဖို့အတွက် ကူညီလမ်းပြစောင့်ရှောက်ပေးချင်တဲ့ လိုအင်ဆန္ဒကို ခေါ်ပါတယ်တဲ့။

ဒါကတော့ အမေရိကန်နိုင်ငံသား စိတ်ပညာရှင် Abraham Harold Maslow ရဲ့  နာမည်ကျော် Hierarchy Of Needs Theory ပဲဖြစ်ပါတယ်။ ဒီအဆင့်ငါးဆင့်လုံးကို ရောက်နိုင်တဲ့သူဟာ အယောက်တစ်ရာမှာ တစ်ယောက်တောင်ရှိဖို့မလွယ်ပါဘူးတဲ့။ နောက်ပြီး အပေါ်ကအဆင့်တစ်ခုခုကို ရောက်ဖို့ကြိုးစားနေတုန်းမှာပဲ အောက်က အဆင့်တစ်ခုခုက အကြောင်းကြောင်းကြောင့် ထိခိုက်ပျက်စီးခဲ့မယ်ဆိုရင်လည်း ရောက်နေတဲ့အဆင့်ကနေ နိမ့်လျှောကျသွားရတတ်တာမျိုးတွေ ရှိနေသေးတာကိုး။ ဒီတော့ ပိရမစ်ရဲ့  ထိပ်ဆုံးအထိရောက်ဖို့ဆိုတာ လူတိုင်းအတွက်တော့ မဖြစ်နိုင်တာ သေချာနေပါတယ်။

ဒီသီအိုရီကို အကိုတို့ ဓမ္မအမြင်နှင့် ယှဉ်ထိုးစဉ်းစားကြည့်ကြမယ်ဆိုပါတော့။ သာမန်လူသားတိုင်းအတွက်တော့ အောက်ခြေက လိုအပ်ချက် အဆင့်သုံးဆင့်က မဖြစ်မနေဖြည့်ဆည်းကြရမှာပဲ။ ဒီလိုဖြည့်ဆည်းတဲ့အခါမှာ ကိုယ်လုပ်သမျှကို Effective ဖြစ်မဖြစ်၊ Efficient ဖြစ်မဖြစ်နှင့် ချိန်ပြီးတော့ လုပ်နိုင်ကြရင်တော့ ပိုကောင်းတာပေါ့။ အဲဒီအဆင့်တွေကို အထိုက်အလျှောက်ပြည့်စုံလို့ စတုတ္ထအဆင့်ကို ရောက်လာတဲ့အခါမှာတော့ ဘုရားရှင်ရဲ့  တပည့်သားသာဝကဟာ ဘ၀ရဲ့  အဓိပ္ပါယ်ကို ရှာဖွေတဲ့အခါမှာ ဓမ္မနှင့် ရှာဖွေလာကြတယ်။ လောကရဲ့ လွတ်မြောက်ရာကို သိချင်လာကြတယ်။ ဘ၀ကို ဓမ္မနှင့်တွဲပြီး ဟန်ချက်ညီညီနှင့် ဘယ်လိုနေထိုင်နိုင်မလဲလို့ စဉ်းစားလာကြတယ်။ အဲဒီအချိန်မှာ သတိပဋ္ဌာန်တရားတော်ဟာ ဘ၀လွတ်မြောက်မှုအတွက် တစ်ကြောင်းတည်းသောလမ်းဆိုတာကို သိလာကြတယ်။

စတုတ္ထအဆင့်ကို ရောက်တဲ့အချိန်မှာ သတိပဋ္ဌာန်တရားတော်နှင့်အညီ နေထိုင်ပြီး လိုအပ်ချက်ကို ဖြည့်ဆည်းဖို့ ကြိုးစားလာတော့ အောက်ခြေက အခြေခံလိုအပ်ချက်အဆင့်သုံးဆင့်ကို ပြည့်စုံအောင် ဆက်ပြီး ဖြည့်တဲ့နေရာမှာလည်း အဆင်ပြေလွယ်ကူလာတယ်။ အကုသိုလ်နည်းနည်း၊ စိတ်ပင်ပန်းမှုနည်းနည်းနှင့် လုပ်တတ်လာတယ်။ ဘ၀က တဖြည်းဖြည်းချင်း ဟန်ချက်ညီလာတယ်။ လုပ်တဲ့အလုပ်တော်တော်များများကို Efficient ဖြစ်အောင် လုပ်ဖို့ကို ဦးတည်စဉ်းစားနိုင်လာတယ်။ အကျိုးမရှိ၊ အနှစ်သာရမရှိတဲ့ အလုပ်တွေအတွက် အချိန်ပေးဖို့ တွန့်ဆုတ်လာတယ်။ မလုပ်ချင်တော့ဘူး ဖြစ်လာတယ်။

အကိုတို့ရဲ့  အရှေ့ မှာ သတိပဋ္ဌာန်တရားကို အားထုတ်ရင်းနှင့်ပဲ ပဉ္စမအဆင့်လိုအပ်ချက်ကို ပြည့်အောင် ဖြည့်သွားနိုင်ကြတဲ့သူတွေ အများကြီးရှိနေတာ တွေ့ရတယ်။ ကိုယ်တိုင်လည်း ပါရမီဓါတ်ခံအားလျှော်စွာ မိမိရည်မှန်းတဲ့ပန်းတိုင်တွေဆီ ရောက်ရှိပေါက်မြောက်သွားကြသလို ကိုယ်သိထားတဲ့အတိုင်း တခြားသူတွေလည်း သိနိုင်အောင် ပြန်ပြီး လမ်းပြကူညီ စောင့်ရှောက်ပေးနေကြတဲ့ သူတွေလည်း အများကြီးရှိနေတယ်။ တချို့ ပုဂ္ဂိုလ်တွေကျတော့လည်း ဒီပဉ္စမအဆင့်ကို ဓမ္မလမ်းကြောင်းနှင့်အညီ ဖြည့်ဆည်းနိုင်ဖို့ ရှိသမျှအစွမ်းအစတွေ အကုန်ထုတ်သုံးပြီး အသီးသီး တစ်နိုင်တစ်ပိုင် ကြိုးစားအားထုတ်နေကြတာ တွေ့နေရတယ်။

ဒီတော့ ဒါကိုကြည့်ပြီး ဘာကို ကောက်ချက်ဆွဲမိလဲဆိုတော့ သတိပဋ္ဌာန်တရားတော်အတိုင်းသာ လိုက်နာကျင့်သုံးနေထိုင်နိုင်မယ်ဆိုရင် အကိုတို့တတွေဟာ Maslow ပြောခဲ့တဲ့ လိုအပ်ချက်တွေကို ဘယ်အဆင့်မှာပဲဖြစ်ဖြစ်၊ ဘယ်အသက်အရွယ်မှာပဲဖြစ်ဖြစ်၊ ဘယ်ဘ၀အခြေအနေမှာပဲဖြစ်ဖြစ် အနှစ်သာရရှိရှိ ဖြည့်ဆည်းနိုင်တယ် ဆိုတဲ့အချက်ပဲဖြစ်တယ်။ နောက်ပြီး လိုအပ်ချက်အဆင့်ငါးဆင့်လုံးကို ဓမ္မနှင့်အညီ ကျင့်ကြံနေထိုင်ဖြည့်ဆည်းသွားနိုင်တဲ့သူတွေ အရင်တုန်းကရော၊ အခုရော ရှိနေတယ်ဆိုတာကိုလည်း သတိထားလိုက်မိတယ် ညီမရေ။ ဒါဟာ အကိုတို့တွေအတွက်တော့ အားတက်စရာခွန်အားပါဘဲ။

အကိုတို့ရဲ့ ကျန်ရှိနေတဲ့ ဘ၀အချိန်တွေမှာ လုပ်ရတဲ့အလုပ်တိုင်း အလုပ်တိုင်းကို Efficient ဖြစ်အောင် ကြိုးစားလုပ်ရင်း၊ မြတ်စွာဘုရားရှင် သင်ကြားပြသပေးခဲ့တဲ့ သတိပဋ္ဌာန်တရားတော်ကိုလည်း ကြိုးစားအားထုတ်ရင်း၊ ဖြည့်ဆည်းရမယ့်ဘ၀ရဲ့  လိုအပ်ချက်အဆင့်တွေကိုလည်း ဖြည့်ဆည်းရင်း နေထိုင်သွားနိုင်မယ်ဆိုရင် ဘယ်အချိန်၊ ဘယ်အသက်အရွယ်မှာပဲဖြစ်ဖြစ် ဒီဘ၀ကို စွန့်ခွာသွားရဖို့ အချိန်ရောက်လာရင်တောင် နောင်တရပူပန်နေစရာ၊ ၀မ်းနည်းပူဆွေးသောကဖြစ်နေစရာ ရှိလာမှာ မဟုတ်တာ သေချာနေပါတယ်။ ဒီလိုအခြေအနေအမျိုးဖြစ်အောင် မြတ်စွာဘုရားရှင်ကိုယ်တော်မြတ်ကြီးက အကိုတို့အားလုံးကို လိုလေသေးမရှိ ဟောကြားဆုံးမထားခဲ့ပြီးပြီပဲ။

ကတံ ဝေါ တံ မယာ။
ဈာယထ ဘိက္ခဝေ မာ ပမာဒတ္ထ။
မာ ပစ္ဆာ ၀ိပ္ပဋိသာရိနော အဟုဝတ္ထ။
အယံ ဝေါ အမှာကံ အနုသာသနီ။

မယာ၊ ငါဘုရားသည်။ တံ၊ ထိုပြုသင့် ပြုထိုက်သော တာဝန်ကို။ ဝေါ၊ သင်တို့အတွက်။ ကတံ၊ ပြုပြီးပြီ။

ဘိက္ခဝေ၊ ရဟန်းတို့။ ဈာယထ၊ ၀ိပဿနာတရားကို အားထုတ်ကြကုန်လော့။ မာပမာဒတ္တ၊မမေ့လျော့ကြကုန်လင့်။

ပစ္ဆာ၊ နောက်မှ။ ၀ိပ္ပဋိသာရိနော၊ နှလုံးမသာမယာခြင်းသည်။ မာအဟုဝတ္ထ၊ မဖြစ်ကြကုန်လင့်။

အယံ၊ ဤသည်ကား။ ဝေါ၊ သင်တို့အတွက်။ အမှာကံ၊ ငါတို့၏။ အနုသာသနီ၊ အဆုံးအမတည်း။

(ဒွေဓာဝိတက္ကသုတ်။ သီဟနာဒ၀ဂ်၊ မူလပဏ္ဏာသ)

ကဲ... အကိုတို့ရဲ့  ဆရာသခင် မြတ်စွာဘုရားရှင်ကိုယ်တော်မြတ်ကြီးရဲ့  တာဝန်ကတော့ ပြီးပြည့်စုံနေပါပြီ။ ကျန်တာကတော့ တပည့်အလိမ္မာတွေဖြစ်ချင်ကြတဲ့ အကိုတို့၊ ညီမတို့ တာဝန်ပဲ ရှိတော့တယ်မဟုတ်ပါလား ညီမရေ....။

ညီမရဲ့  မွေးနေ့မှသည် ရှေ့ ဆက်ပြီး ကောင်းမှုကုသိုလ်တရားတွေကို တိုးလို့စုရင်း မြတ်စွာဘုရားရှင်လမ်းညွှန်းပြခဲ့တဲ့ တရားအဆုံးအမတော်တွေအတိုင်း ကျင့်ကြံအားထုတ်နိုင်တဲ့ စွမ်းဆောင်ရည်မြင့်မားတဲ့ အမျိုးကောင်းသမီးတစ်ဦး ဖြစ်ပါစေကြောင်း ဆုတောင်းမေတ္တာပို့သရင်း...။

ခင်မင်စွာဖြင့်

ကိုဝိ

(၃၀၊ ၈၊ ၂၀၁၂)

ရှင်ဒေ၀ဒတ်၏ မြတ်စွာဘုရားရှင်အား နောက်ဆုံးကန်တော့သွားသော ဂါထာတော်

2012-08-08T11:45:00.000-07:00

ဣမေဟိ အဋ္ဌီဟိ တမဂ္ဂပုဂ္ဂလံ၊ ဒေ၀ါတိဒေ၀ံ နရဒမ္မသာရထိံ။

သမန္တစက္ခုံ သတပုညလက္ခဏံ၊ ပါဏေဟိ ဗုဒ္ဓံ သရဏံ ဥပေမိ။

မိလိန္ဒပဥှာ၊၁၁၅။

အဂ္ဂပုဂ္ဂလံ၊ လောကသုံးပါးထက် မြတ်သော ပုဂ္ဂိုလ်ဖြစ်တော်မူသော။

ဒေ၀ါတိဒေ၀ံ၊ သမ္မုတိနတ် (လူပြည်မှ သာမန်မင်းများ) ဥပပတ္တိနတ် (နတ်ဗြဟ္မာများ) တို့ထက်လွန်သော ဝိသုဒ္ဓိနတ် (ရဟန္တာ) ဖြစ်တော်မူသော။

နရဒမ္မသာရထိံ၊ ဆုံးမထိုက်သူ အပေါင်းကို ကောင်းစွာ ဆုံးမတော်မူသော။

သမန္တစက္ခုံ၊ ထက်ဝန်းကျင် အပိတ်အပင်မရှိ သိမြင်နိုင်သော သဗ္ဗညုတဉာဏ်ရှင် ဖြစ်တော်မူသော။

သတပုညလက္ခဏံ၊ အရာမကသော ဘုန်းတော်, ယောက်ျားမြတ်တို့၏ အမှတ်လက္ခဏာတော် ရှိသော။

တံဗုဒ္ဓံ၊ ထိုမြတ်စွာဘုရားကို။

ဣမေဟိ အဋ္ဌီဟိ၊ ဤအရိုးတို့ဖြင့် လည်းကောင်း။

ဣမေဟိ ပါဏေဟိ၊ ဤအသက်ဝိညာဉ်တို့ဖြင့် လည်းကောင်း။

သရဏံ၊ ဆည်းကပ်ခိုကိုးခြင်းသို့။

ဥပေမိ၊ ကပ်ရောက်ပါ၏။

“လောကသုံးပါးထက် မြတ်သော ပုဂ္ဂိုလ်ဖြစ်တော်မူသော၊ သမ္မုတိနတ်, ဥပပတ္တိ

နတ်တို့ထက်လွန်သော ဝိသုဒ္ဓိနတ် ဖြစ်တော်မူသော၊ ဆုံးမထိုက်သူ အပေါင်းကို ကောင်းစွာ ဆုံးမတော်မူသော၊ ထက်ဝန်းကျင် အပိတ်အပင်မရှိ သိမြင်နိုင်သော၊ သဗ္ဗညုတဉာဏ်ရှင် ဖြစ်တော်မူသော၊ အရာမကသော ဘုန်းတော်, ယောက်ျားမြတ်တို့၏ အမှတ်လက္ခဏာတော် ရှိသော ထိုမြတ်စွာဘုရားကို ဤအရိုးတို့ဖြင့် လည်းကောင်း၊ ဤအသက်ဝိညာဉ်တို့ဖြင့် လည်းကောင်း ဆည်းကပ်ခိုကိုးခြင်းသို့ ကပ်ရောက်ပါ၏”

သစ်တုံးတရားတော် (၁၀) သစ်တုံးပမာ ဒေသနာတော် - သီးလုံးဆရာတော်

2012-08-08T09:46:00.001-07:00

Credit To : U Khin Crays

လွတ်လပ်သောစိတ်ပိုင်ရှင်သို့ ဦးညွတ်ခြင်း

2012-08-05T07:50:00.000-07:00

သြဂုတ်လ (၅) ရက်နေ့ဟာ ကျွန်တော့်ဘ၀အတွက် အမှတ်တရဖြစ်စေတဲ့ လူ (၃) ဦးရဲ့ မွေးတဲ့နေ့တွေဖြစ်ပါတယ်။ တစ်ယောက်ကတော့ ကျွန်တော့်အစ်မပါ။ သူက ကျွန်တော့်ထက် အသက် (၁၂)နှစ်ကြီးပါတယ်။ အသက်ဆယ်နှစ်ကျော်ကွာတဲ့ အစ်မဆိုပေမယ့် သူငယ်ချင်းပေါင်းပေါင်းပြီး ပြောမနာ၊ ဆိုမနာ၊ ဆဲမနာတွေပါ။ အခုအသက်အရွယ်အထိ တစ်ယောက်နှင့်တစ်ယောက် စိတ်ဆိုးဒေါသဖြစ်ကြတယ်ဆိုတာမျိုး မရှိအောင်ကို တည့်ကြတဲ့ မောင်နှမတွေပါ။

နောက်တစ်ယောက်ကတော့ ပြင်သစ်က ကမ္ဘာကျော်စာရေးဆရာ Guy de Maupassant ပါ။ သူ့မွေးနေ့ကလည်း ကျွန်တော့်အစ်မမွေးနေ့နှင့်သွားတူနေလို့ မှတ်မိတာပါ။ ကျွန်တော်တို့ ကျောင်းသားဘ၀တုန်းက အင်္ဂလိပ်စာမှာ The Necklace ဆိုတဲ့ ခေါင်းစဉ်နှင့် သင်ခဲ့ရတဲ့ သင်ခန်းစာရဲ့  မူရင်းစာရေးသူပါပဲ။ စိန်ဆွဲကြိုးအတုကို အစစ်ထင်ပြီး ငှားဆွဲရာက ပျောက်ပြီး ဒုက္ခဖြစ်ရတဲ့အမျိုးသမီးအကြောင်းပါ။ သင်ဖူးခဲ့တဲ့သူတွေတော့ မှတ်မိကြအုံးမယ်ထင်ပါတယ်။ သူရေးတဲ့စာတွေဖတ်ရင်း သူ့အကြောင်းကိုလေ့လာကြည့်တော့ Maupassant ဟာ နောက်ပိုင်း စိတ်ကျရောဂါဖြစ်ပြီး စိတ်ရောဂါကုဆေးရုံမှာ ကွယ်လွန်သွားခဲ့ပါတယ်။ သူ့ကိုယ်သူလည်း သေကြောင်းကြံခဲ့ဖူးပါသေးတယ်။ ကျွန်တော်က အဲဒီအကြောင်း သိရတော့ ကျွန်တော့်အစ်မကိုတောင် နောက်ပြီး ပြောဖြစ်သေးတယ်။ “အစ်မသတိထားနော်၊ အစ်မနှင့်မွေးနေ့တူတွေ ရူးပြီးသေတာ ကမ္ဘာ့စာပေသမိုင်းမှာ ရှိတယ်။” လို့။

ကျွန်တော်တို့တွေ အရပ်ထဲမှာ ပြောတတ်ကြတဲ့ စကားရှိပါတယ်။ “ရူးရင်ရူး၊ မရူးရင်ထူးမယ်” တဲ့။ (၅) ရက်နေ့မှာမွေးတဲ့ Maupassant ကတော့ ရူးသွားရှာပေမယ့် နောက်တစ်ဦးကတော့ ထူးပါတယ်။ အဲဒီ ကျန်တဲ့ နောက်တစ်ဦးကတော့ ကျွန်တော်တို့တွေ နေ့တိုင်းလိုလို Facebook မှာ သူ့ရဲ့ စာတွေကို ပို့စ်တွေ၊ ပုံတွေ၊ စာတွေမျိုးစုံ၊ ဒီဇိုင်းစုံနှင့်ရေးပြီး တင်နေကြ၊ ရှယ်နေကြ၊ ဖတ်နေကြရတဲ့၊ ကျွန်တော်တို့တွေ ချစ်ခင်လေးစားကြည်ညိုရတဲ့ ဆရာတော် ဦးဇောတိက ပဲဖြစ်ပါတယ်။ ဆရာတော်ကို ၁၉၄၇ခုနှစ်၊ သြဂုတ်လ (၅) ရက်နေ့မှာ မွေးဖွားခဲ့တာမို့ ဆရာတော်ရဲ့ သက်တော်ဟာ ဒီနှစ်မှာတော့ (၆၅) နှစ် ပြည့်ပြီဖြစ်ပါတယ်။

ဆရာတော်ဟောခဲ့တဲ့တရားတွေ၊ ရေးခဲ့တဲ့စာတွေကြောင့် လူပေါင်းများစွာရဲ့  ဘ၀လမ်းကြောင်းတွေ ပြောင်းလဲသွားခဲ့ကြတာ ကာယကံရှင်တွေပဲ အသိဆုံးဖြစ်မှာပါ။ အဲဒီလို ပြောင်းလဲသွားခဲ့ကြတဲ့သူတွေထဲမှာ ကျွန်တော်လည်း တစ်ဦးအပါအ၀င်မို့ ဒီနှစ်ဆရာတော့်မွေးနေ့ကို ဆရာတော်ရဲ့  ကျေးဇူးဂုဏ်တွေကို အာရုံပြုရင်း ဒီစာကို မွေးနေ့အမှတ်တရ ရေးလိုက်ပါတယ်။

ကျွန်တော်အထက်တန်းကျောင်းသားဘ၀ ၁၉၉၀ခုနှစ်ပတ်ဝန်းကျင်မှာ ဦးဆန်းလွင် အယ်ဒီတာချုပ်အဖြစ်နှင့်ထုတ်ဝေခဲ့တဲ့ “ဓမ္မရုပ်စုံ” မဂ္ဂဇင်းဟာ ဘာသာရေးစာပေလောကမှာ နှစ်အတော်ကြာ အောင်မြင်ခဲ့ပါတယ်။ ကျွန်တော့်အမေက အဲဒီမဂ္ဂဇင်းကို လတိုင်းပုံမှန်ဝယ်ဖတ်တတ်ပါတယ်။ တခါတော့ အမေက မဂ္ဂဇင်းဖတ်ရင်း “သားရေ။ ဒီမှာ ဘုန်းကြီးတစ်ပါးအကြောင်း ရေးထားတာပါတယ်။ ဘာသာခြားကနေပြီး ဗုဒ္ဓဘာသာဘုန်းကြီး ဖြစ်သွားတာ၊ အင်ဂျင်နီယာဘွဲ့လည်း ရထားတယ်။ သူပြောတဲ့ တရားတွေမှာ အင်္ဂလိပ်လိုတွေလည်း ပါတယ်။ ကွန်ပျူတာအကြောင်းတွေလည်းပါတယ်။ ထူးထူးခြားခြားပဲ။” လို့ အံ့သြသံနှင့်လှမ်းပြောတာ အခုထိ မှတ်မိနေပါတယ်။ အဲဒီအချိန်တုန်းကတော့ ကျွန်တော်က အမေပြောတဲ့ အဲဒီဆရာတော်အကြောင်းကို ဒီလောက်စိတ်မ၀င်စားခဲ့ပါဘူး။ အဲဒီတုန်းက ဓမ္မရုပ်စုံမှာ ကျွန်တော် စိတ်ဝင်တစားနှင့်ဖတ်ခဲ့တာ ဆရာဦးဆန်းလွင်ရေးတဲ့ “ပဏ္ဍိတာဗောဓိ” ဆိုတဲ့ အခန်းဆက်ဝတ္ထုရှည်ပါပဲ။ (အခုတောင် ပြန်ဖတ်ခွင့်ရရင် ဖတ်ချင်ပါတယ်။)

၁၉၉၈ မှာ တက္ကသိုလ်တက်ရင်း ကျောင်းတွေပိတ်လိုက်တော့ ကျွန်တော်ကုမ္ပဏီတစ်ခုမှာ အလုပ်ဝင်လုပ်ဖြစ်ခဲ့ပါတယ်။ အဲဒီမှာ အလုပ်က ပိုင်ရှင်သူဌေးနှင့် ကျွန်တော်နှင့်က နေ့တိုင်းနီးပါး အပြင်ကို အလုပ်ကိစ္စနှင့် သွားရတတ်တယ်။ ကျွန်တော်တို့ သူ့ကားပေါ်စရောက်လို့ ကားသော့ဖွင့်လိုက်တာနှင့် ကားကက်ဆက်ကနေပြီး ဆရာတော်တစ်ပါးရဲ့ တရားသံက ထွက်လာပါတော့တယ်။ အသံအေးအေးလေးနှင့် စကားပြောသလိုမျိုး၊ ဆရာကနေ တပည့်ကို စာရှင်းပြသလိုမျိုး ဟောတဲ့တရားသံမျိုး အရင်က ဒါမျိုး တစ်ခါမှ မကြားဖူးတော့ အထူးအဆန်းဖြစ်ရပါတယ်။ ဒါနဲ့ သူဌေးကို ဘယ်ကဆရာတော်လဲလို့ မေးတော့မှ ဆရာတော်ဦးဇောတိက မှန်း သိရပါတော့တယ်။ ဒီလိုနှင့် နေ့စဉ်လို သူဌေးနှင့် အပြင်လိုက်ရင်း သူဖွင့်တဲ့ ဆရာတော့်တရားတွေကို နာဖြစ်ခဲ့ပါတော့တယ်။ နာရင်းက သဘောကျလာတော့ ကိုယ်တိုင် စူပါဟိုက်တေးသံသွင်းကို သွားပြီး ဆရာတော့်တရားခွေတွေကို ရှာဝယ်ဖြစ်ခဲ့ပါတယ်။

ကျွန်တော် တက္ကသိုလ်ကျောင်းစတက်တဲ့အချိန် ဘာသာရေးစာပေတွေလေ့လာပြီး တရားတွေစနာဖြစ်တော့ အဲဒီအချိန်က လွယ်လွယ်ကူကူနှင့် ကိုယ့်ပတ်ဝန်းကျင်မှာ ငှားပြီးနာဖြစ်ခဲ့တာ သပိတ်အိုင်ဆရာတော်၊ ကြာနီကန်ဆရာတော်၊ ဖြူးဆရာတော်၊ ချမ်းမြေ့ဆရာတော် စတဲ့ ဆရာတော်တွေရဲ့  တရားတွေကများပါတယ်။ အဲဒီအချိန်တွေတုန်းက အခုလိုမျိုး ဓမ္မကထိကဆရာတော်တွေလည်း အများကြီး သိပ်မရှိသေး၊ စီဒီ၊ ဒီဗွီဒီခေတ်လည်း မဟုတ်သေးတော့ တရားခွေဆိုတာက အခုလိုမျိုး ပေါပေါများများလည်း မရှိသလို ၀ယ်ပြီးနာဖို့ဆိုတာကလည်း ကျောင်းသားတစ်ယောက်အတွက် ဘက်ဂျက်က စကားပြောပါတယ်။ ဒါပေမယ့် ဆရာတော့်တရားခွေတွေကို ကျွန်တော် တစ်ပတ်တစ်ခွေနှုန်းလောက်နှင့် ၀ယ်နာဖြစ်ခဲ့ပါတယ်။

နောက်ပိုင်း အဲဒီအလုပ်ကနေ ထွက်လိုက်ပေမယ့် ကျွန်တော့်မှာ အဲဒီသူဌေးဆီက အကျင့်တစ်ခုရသွားခဲ့ပါတယ်။ အဲဒါကတော့ ကားမောင်းရင်း တရားနာတဲ့အကျင့်ပါပဲ။ ကျွန်တော့်အိမ်နှင့် ကျောင်းနှင့်ကို ကားမောင်းသွားရင် တစ်နာရီနီးပါးလောက် မောင်းရပါတယ်။ ကျောင်းကို အိမ်က ကားယူသွားဖြစ်တဲ့နေ့တွေဆိုရင် ဆရာတော့်တရားကို ကျောင်းသွားရင်း တစ်ခါ၊ ကျောင်းက အပြန်တစ်ခါ နှစ်ခါ နာဖြစ်ပါတယ်။ နောက် ညဘက် မအိပ်ခင် ကျောင်းစာလုပ်ရင်း၊ တခြား ဗာဟီရအလုပ်တွေလုပ်ရင်း အိပ်ခန်းထဲမှာ တစ်ခါ ထပ်နာဖြစ်ပါတယ်။ ဒီလိုနှင့် ဆရာတော့်တရားတွေနှင့် ကျွန်တော် နှစ်ပေါင်းများစွာ ယဉ်ပါးနေခဲ့ပါတယ်။ နောက်ပိုင်း ဆရာတော့်စာအုပ်တွေထွက်လာတော့လည်း ထွက်သမျှကို ပြန်ဝယ်ဖတ်ပါတယ်။ များသောအားဖြင့်တော့ တရားခွေတွေမှာ ဟောထားခဲ့တာတွေကို ပြန်ပြီး စာအုပ်ထုတ်ထားတာပါ။ ဒါပေမယ့် စာအုပ်မှာ တခါတလေ တရားခွေမှာတုန်းက မပါတာတွေလည်း ပါတတ်ပါတယ်။ တခါတလေလည်း အခွေက ပိုပြည့်စုံနေတတ်ပြန်ပါတယ်။ စာအုပ်နှင့်ကျတော့ ကိုယ်သဘောကျတဲ့နေရာတွေကို Highlight တားလို့ရတာမို့ တစ်မျိုး ကောင်းပါတယ်။

၂၀၀၁ ခုနှစ်လောက်မှာ အင်တာနက်ကို စသုံးဖြစ်ပြီး ဘာသာရေးနှင့်ပတ်သက်တာတွေ ဟိုရှာဒီရှာလိုက်ရှာတော့ ဆရာတော့်အကြောင်းတွေ အနောက်နိုင်ငံကတင်ထားတဲ့ ဘာသာရေးဆိုဒ်တွေမှာ ပါနေတာ သွားတွေ့ပါတော့တယ်။ ဆရာတော်သွားတဲ့ နိုင်ငံခြားခရီးစဉ်တွေ၊ ဓါတ်ပုံတွေ၊ တရားတွေ ဝေေ၀ဆာဆာနှင့်မို့ ကျွန်တော့်မှာ တောသားမြို့ တက်သလိုမျိုး မြင်ရသမျှ၊ ဖတ်ရသမျှတွေက အံ့သြစရာတွေ ဖြစ်ရပါတော့တယ်။ ဆရာတော်ကို နိုင်ငံတကာအသိုင်းအ၀ိုင်းက ဘာသာရေးထက် တွေးခေါ်ပညာရှင်တစ်ဦးအဖြစ် အသိအမှတ်ပြုကြတာကိုလည်း သတိထားမိပါတယ်။ ဆရာတော့်တရားတွေကို အွန်လိုင်းမှာ လိုက်ရှာဖတ်ရင်းကနေပဲ နိုင်ငံတကာက ဘာသာရေးဆိုဒ်တော်တော်များများဆီကို ရောက်ဖြစ် ဖတ်ဖြစ်ပါတော့တယ်။

ပြောရရင် ကျွန်တော့်ရဲ့  တက္ကသိုလ်ကျောင်းသားဘ၀ အသက်နှစ်ဆယ်ကျော်အရွယ်နှစ်များမှာ ဆရာတော်ရဲ့  သြဇာလွှမ်းမိုးမှုကို အများဆုံးခံခဲ့ရပါတယ်။ အဲဒီအတွက်လည်း ကိုယ့်ကိုယ်ကို ကျေနပ်ပါတယ်။ အဲဒီအချိန်တွေတုန်းကဆိုရင် စကားပြောတာတောင်မှ လေသံနှင့် အသုံးအနှုန်းက တခါတလေ ဆရာတော့်လေသံပေါက်နေလို့ အိမ်ကလူတွေဆိုရင် “နင့်လေသံက ဦးဇောတိကလေသံပေါက်နေပြီ” လို့တောင် အပြောခံရတဲ့အထိပါ။

ဆရာတော်ရဲ့  အဆုံးအမတွေကြောင့်ပဲ တရားအားထုတ်ဖို့ စိတ်ဝင်စားဖြစ်ခဲ့ပြီး အားလည်းထုတ်ဖြစ်ခဲ့ပါတယ်။ ဆရာတော့်စာတွေကို ဖတ်ခါစနှစ်တွေတုန်းက သဘောကျတယ်ဆိုပေမယ့်လို့ တချို့  နေရာတွေမှာ တရားအားထုတ်မှုကြောင့် ဖြစ်လာတဲ့ စိတ်သဘာဝနှင့်ပတ်သက်ပြီး ပြောတဲ့အပိုင်းတွေဆိုရင် လက်တွေ့ ကိုယ့်မှာလုပ်ထားတာအခံမရှိတော့ ထဲထဲဝင်ဝင်နားမလည်ခဲ့ပါဘူး။ သတိပဋ္ဌာန်တရားကို အားထုတ်ဖြစ်သွားတဲ့နောက်မှာ ဆရာတော့်တရားတွေပြန်နာဖြစ်တော့မှပဲ ဆရာတော်ဘာဆိုလိုချင်တယ်ဆိုတာကို သေသေချာချာ နားလည်သဘောပေါက်ပါတော့တယ်။ ဒီလိုနှင့် ဆရာတော့်တရားခွေတွေနှင့် စာအုပ်တွေကို နောက်တစ်ခါ ပြန်နာ၊ ပြန်ဖတ်ရင်း အရသာထပ်တွေ့ခဲ့ရပြန်ပါတယ်။

ဆရာတော့်ကျေးဇူးတွေကို အောက်မေ့သတိရတိုင်း ဆရာတော့်ကို ဖူးတွေ့ချင်စိတ်ဖြစ်မိပါတယ်။ ဒါပေမယ့်လည်း အကြောင်းတွေက မညီညွတ်တော့ အခုအချိန်အထိ ကျွန်တော် ဆရာတော်ကို အပြင်မှာ တစ်ခါမှ မဖူးဘူးသေးပါဘူး။ ဒါနှင့် ပတ်သက်ပြီး ဆရာမြသန်းစံကို မဟာဗောဓိမြိုင်ဆရာတော်ကြီး ဆုံးမတဲ့စကားလေးကို သတိရမိပါတယ်။ ဆရာမြသန်းစံက ဆရာတော်ကြီးကို ဖူးချင်လို့ ဆရာတော်ကြီးရှိတဲ့ တောထဲကို ခက်ခက်ခဲခဲသွားပြီး ဖူးတော့ ဆရာတော်က သူ့ဆီကို ဒီလိုမျိုး လာတာထက် ကိုယ့်ဆရာသမားအားထုတ်တဲ့တရားလမ်းကြောင်းအတိုင်း အားထုတ်ရင်းက ဆရာသမားသိတဲ့တရားကို ကိုယ်ကိုယ်တိုင် သိပြီး တရားအရသာကို ခံစားသုံးဆောင်နိုင်တာကမှ ပိုအနှစ်သာရရှိကြောင်း “မမေ့သူတို့ ဓလေ့တူ၍ အတွေ့တူတို့ အတူတွေ့” ဆိုတဲ့ စာအုပ်မှာ ရေးထားတာလေးကို ဖတ်မိတော့ ကိုယ့်ကိုယ်ကိုလည်း ပြန်ဆင်ခြင်သုံးသပ်မိပါတယ်။ တကယ်တော့ အပြင်မှာ လူချင်းတွေ့ဖို့ထက် စိတ်ကျက်စားရာနေရာချင်းနီးစပ်ဖို့၊ ဉာဏ်ကျက်စားရာ နေရာချင်း ထပ်တူကျသွားဖို့ကသာ ပိုအရေးကြီးတာပါလေ။

နက္ခတ္တဗေဒပညာအရပြောမယ်ဆိုရင် ဇူလိုင်လ ၂၃ရက်ကနေ သြဂုတ်လ ၂၂ ရက်အတွင်း မွေးဖွားကြတဲ့သူတွေကို သိဟ်ရာသီဖွားလို့ သတ်မှတ်ပါတယ်။ သူ့ရဲ့  အမှတ်လက္ခဏာကတော့ ခြသေ့င်္ပါပဲ။ ဒီရာသီဖွားတွေရဲ့ စရိုက်လက္ခဏာတွေကိုတော့ လေ့လာဖူးတဲ့သူတွေဆိုရင် သိလောက်မှာပါ။ ခြင်္သေ့တို့ရဲ့ သဘာဝအတိုင်း တစ်ကောင်ထဲတောထဲမှာ လွတ်လွတ်လပ်လပ်နေတတ်ပြီး ဘာကိုမှလည်း စိုးရွံ့ မနေတတ်ကြသလိုမျိုး အကျင့်စရိုက်တွေ အဲဒီရက်ပိုင်းမွေးကြတဲ့ သူတွေမှာ ရှိနေတတ်ပါတယ်။ ဒါကိုပဲ ဆရာတော်က သူကိုယ်တိုင်ရေးထားတဲ့ သူ့အကြောင်းမှာ အခုလိုမျိုးရေးထားပါတယ်။

Living too long in one place makes me feel like I'm in prison. I'm a lion, according to the Burmese tradition. I really feel like roaming in the mountains like a mountain lion. Ah, freedom... I can't tolerate any restriction, bond, or tie. Even attachment that restricts my freedom is not to my liking. People get attached to me and I see that as a danger to my freedom. I love freedom and I can't exchange it for anything. I love freedom of mind too.

Mountain lion I am. Alone, but not lonely anymore. I have learnt to live alone.

ဆရာတော်ရဲ့  “လွတ်လပ်သောစိတ်” ဆိုတဲ့စာအုပ်ကို ဖတ်ဖူးကြရင် ဆရာတော် လွတ်လပ်မှုကို ဘယ်လောက် သဘောကျတယ်၊ တန်ဖိုးထားတယ်။ လူတွေကိုလည်း ဘယ်လောက်လွတ်လပ်စေချင်တယ်ဆိုတာကို သတိထားမိကြမှာပါ။ နောက် Snow In The Summer စာအုပ်ကို ဖတ်ကြည့်ရင်လည်း ဆရာတော်အနေနှင့် စိတ်လွတ်လပ်မှုကို ဘယ်လောက်တန်ဖိုးထားသလဲဆိုတာကို စာအုပ်ရဲ့  နေရာတော်တော်များများမှာ ရေးထားတာ တွေ့နိုင်မှာဖြစ်ပါတယ်။

ဆရာတော်က တစ်နေရာမှာတော့ သူ့ဆန္ဒကို ဒီလိုထုတ်ဖော် ပြောကြားထားပါသေးတယ်။

I want to live a long life. Why? Because, I can do much good for myself and for others too.If you love yourself, be mindful. That is the most loving thing. Be mindful of your thoughts and feelings. By knowing yourself better you become a better person.

အသက်အရှည်ကြီးနေချင်တဲ့ ဆရာတော့်အတွက် ဆရာတော်ရဲ့  သက်တော် (၆၅)နှစ် ပြည့်တဲ့ မွေးနေ့မှာ ကျန်းမာချမ်းသာစွာဖြင့် သာသနာ့တာဝန်ကိုလည်း ထမ်းဆောင်ရင်း၊ လူ့ဘ၀သက်တမ်းစေ့ အသက်ရှင်သန်ပြီး လူအများစိတ်ငြိမ်းချမ်းဖို့၊ တရားအသိဉာဏ်တွေတိုးတက်ဖို့၊ အတွေးအခေါ်တွေ ရှင်သန်ရင့်ကျက်ဖို့ အတွက် ရှေးကထက် ဆထက်တိုးလို့ ဆောင်ရွက်နိုင်ပါစေလို့ ဆရာတော်ရဲ့  ကျေးဇူးဂုဏ်တွေကို အာရုံပြုရင်း တပည့်တော် ရိုသေစွာဖြင့် ဆုတောင်းမေတ္တာပို့သအပ်ပါတယ် ဆရာတော်ဘုရား။

ကျွန်တော်ရေးတဲ့ ဒီစာကိုဖတ်ဖြစ်ကြတဲ့ ဆရာတော့်ကျေးဇူးတွေရှိထားကြတဲ့ တပည့်အပေါင်း၊ စာဖတ်ပရိတ်သတ်အပေါင်း၊ တရားနာပရိတ်သတ်အပေါင်းကလည်း ဆရာတော့်မွေးနေ့အတွက် ဆုတောင်းမေတ္တာပို့သပေးကြပါအုံးလို့ နှိုးဆော်တိုက်တွန်းရင်း....။

ငြိမ်းချမ်းခြင်း တရားတော်

2012-08-03T10:18:00.000-07:00

ငြိမ်းချမ်းနေတယ်၊

ငြိမ်းချမ်းနေတယ်။

ငြိမ်းချမ်းတာပဲ ရှိတော့တယ်၊

ငြိမ်းချမ်းတာပဲ ရှိတော့တယ်။

ငါစိတ်ချမ်းသာသလို အားလုံး စိတ်ချမ်းသာကြပါစေ။

ငါ့အတွက်လည်း အကျိုးရှိတာ၊ အများအတွက်လည်း အကျိုးရှိတာကို လုပ်မယ်။

ငါတစ်ယောက်တည်း အကျိုးရှိပြီးတော့ အများအကျိုး ထိခိုက်တာကို မလုပ်ဘူး။

ရိုးရိုးသားသား၊ မှန်မှန်ကန်ကန်၊ ကြိုးကြိုးစားစား လုပ်မယ်။

မရိုးသားတာ၊ မမှန်ကန်တာကို မလုပ်ဘူး။

ဘယ်လောက်ပဲ အခက်အခဲတွေရှိရှိ အမှန်ကန်ဆုံး၊ အကောင်းဆုံး၊ အရိုးသားဆုံး နည်းလမ်းကို ရအောင်ရှာပြီးတော့ အခက်အခဲတွေကို ဖြေရှင်းသွားမယ်။

ငြိမ်းချမ်းနေတာ သဘာဝပါ။

ငြိမ်းချမ်းတဲ့စိတ်ဟာ လွတ်လပ်တဲ့စိတ် ဖြစ်တယ်။

ငြိမ်းချမ်းတဲ့စိတ်ဟာ အမှန်ကို လိုလားတဲ့စိတ် ဖြစ်တယ်။

ငြိမ်းချမ်းတဲ့စိတ်ဟာ တကိုယ်ကောင်းမဆန်ဘူး။

ငြိမ်းချမ်းတဲ့စိတ်ဟာ တန်ဖိုးအရှိဆုံးအရာ ဖြစ်တယ်။

ငြိမ်းချမ်းမှုမရှိရင် ပစ္စည်း၊ ဥစ္စာ၊ ရာထူး၊ အာဏာ ဘယ်လောက်ပဲရှိရှိ ဘ၀ဟာ အဓိပ္ပာယ် မရှိနိုင်ဘူး။

ငြိမ်းချမ်းတဲ့သူဟာ ကိုယ့်ကိုကိုယ် ယုံကြည်မှုရှိတယ်။

ငြိမ်းချမ်းတဲ့သူဟာ မြင့်မြတ်တဲ့သူ ဖြစ်တယ်။

မြင့်မြတ်တဲ့သူဟာ သဘောထားကြီးတဲ့သူ ဖြစ်တယ်။

သဘောထားကြီးတဲ့သူဟာ မျှတတဲ့သူ ဖြစ်တယ်။

သဘောထားကြီးတဲ့သူဟာ ခွင့်လွှတ်တတ်တဲ့သူ ဖြစ်တယ်။

ငြိမ်းချမ်းတဲ့သူဟာ မိတ်ဆွေကောင်းဖြစ်တယ်။

ငြိမ်းချမ်းတဲ့သူဟာ မိမိကိုယ်ကို လေးစားတဲ့သူဖြစ်တယ်။

မိမိကိုယ်ကို လေးစားတဲ့သူဟာ သူတစ်ပါးကို လေးစားတဲ့သူ ဖြစ်တယ်။

ငြိမ်းချမ်းတဲ့စိတ်ဟာ အမှန်ကို လိုလားတဲ့စိတ်ဖြစ်တယ်။

ငြိမ်းချမ်းနေတဲ့သူဟာ အောင်မြင်နေတဲ့သူ ဖြစ်တယ်။

ငြိမ်းချမ်းနေတဲ့စိတ်ဟာ ကျေနပ်နေတဲ့စိတ် ဖြစ်တယ်။

ငြိမ်းချမ်းနေတဲ့စိတ်မှာ စာနာမှုရှိ်တယ်။

ငြိမ်းချမ်းနေတဲ့ စိတ်မှာ ဂုဏ်သိက္ခာ ရှိတယ်။

ငြိမ်းချမ်းနေတဲ့စိတ်မှာ သတ္တိတွေ၊ အင်အားတွေ ပြည့်နေတယ်။

စိတ်ရဲ့  ငြိမ်းချမ်းမှုဟာ အပျော်အပါးထက် ပိုပြီး ကျေနပ်စရာ ကောင်းတယ်။

မိမိစိတ်ကို ပြန်ကြည့်ပါ။

ငြိမ်းချမ်းနေပါတယ်၊

မြင့်မြတ်နေပါတယ်။

ကောင်းတဲ့နည်း၊ မှန်ကန်တဲ့နည်းနဲ့ အောင်မြင်တဲ့သူ၊ ကြီးပွားတဲ့သူ ဖြစ်ရမယ်။

ငါ့မှာ အရည်အချင်းကောင်းတွေ အများကြီးရှိတယ်။

နေ့စဉ် ကြိုးစားသွားမယ်။

ငါဟာ ငါ့အကျိုးကိုရော၊ အများအကျိုးကိုပါ အများကြီး ဆောင်ရွက်နိုင်တဲ့သူ ဖြစ်တယ်။

ငါဟာ တစ်နေ့ထက်တစ်နေ့ စိတ်ဓါတ်ရော၊ အသိဉာဏ်ရော၊ လုပ်ရည်ကိုင်ရည်ရော တိုးတက်နေတယ်။

ငြိမ်းချမ်းနေတယ်၊

ငြိမ်းချမ်းနေတယ်။

ငြိမ်းချမ်းကြပါစေ၊

ငြိမ်းချမ်းကြပါစေ။

အားလုံး ငြိမ်းချမ်းကြပါစေ၊

အားလုံး ငြိမ်းချမ်းကြပါစေ၊

အားလုံး ငြိမ်းချမ်းကြပါစေ၊

အားလုံး ငြိမ်းချမ်းကြပါစေ၊

အားလုံး ငြိမ်းချမ်းကြပါစေ။

Typed By: Monica Pyone