ကြွက်ကုန်သည် (၂)

🐭 ကြွက်ကုန်သည် 🐭

(၂)

အဲဒီလို အရောင်းအဝယ် လုပ်ဖြစ်နေတာ ရက်နည်းနည်း ကြာလာပြီး တစ်ရက်မှာတော့ အဲဒီဒေသမှာ ကြောက်စရာမုန်တိုင်းကြီးတစ်ခု ဝင်မွှေပါတော့တယ်။ မိုးတွေအကြီးအကျယ်ရွာပြီး လေတွေပါ ထန်ခဲ့တယ်။ သူ ဘုရင့်ဥယျာဉ်ဘေးနားကနေ လမ်းဖြတ်လျှောက်တဲ့အချိန် ဥယျာဉ်ထဲမှာ သစ်ပင်တွေပေါ်ကနေ သစ်ကိုင်းတွေကျိုးကျပြီး မြေပေါ်မှာ ပျံ့ ကျဲကျနေတာကို မြင်လိုက်ရတယ်။ အဲဒီမှာတင် သူက ဥယျာဉ်မှူးကို ညှိတယ်။ ဥယျာဉ်မှူးကိုယ်စား ကျနေတဲ့ သစ်ကိုင်းတွေကို သူ ရှင်းပေးမယ်။ အဖိုးစားနားအနေနဲ့ အဲဒီ သစ်ကိုင်းတွေအကုန် သူယူချင်တယ် လို့ ပြောလိုက်တယ်။ ခပ်ပျင်းပျင်းဥယျာဉ်မှူးကလည်း မြန်မြန်ပဲ ဒါကို သဘောတူလက်ခံလိုက်တယ်။

လမ်းရဲ့ တစ်ဘက် ပန်းခြံထဲမှာ ကစားနေကြတဲ့ ကလေးတွေကို သူတွေ့သွားတယ်။ ဒါနဲ့ သူတို့လေးတွေဆီသွားပြီး သစ်ကိုင်းတွေကို အကုန် ကောက်ပေးပြီး ဥယျာဉ်ဝင်းဝကြီးကို ရှင်းပေးနိုင်မယ်ဆိုရင် တစ်ယောက်ကို မုန့်ချိုတစ်လုံးဆီ ပေးမယ်လို့ ပြောလိုက်တော့ ကလေးတွေကလည်း သဘောတူကြတယ်။

အဲဒီအချိန်မှာပဲ ဘုရင့်အိုးဖုတ်သမားတစ်ယောက်ဟာ သူ့ရဲ့ အိုးဖုတ်တဲ့မီးဖို မီးမပြတ်သွားဖို့အတွက် ထင်းရှာနေချိန်ဖြစ်နေတယ်။ ကလေးတွေ အခုလေးတင်ပဲ သစ်ကိုင်းတွေလိုက်ကောက်ပြီး စည်းထားတဲ့ ထင်းစည်းတွေကို မြင်တွေ့ သွားတော့ အိုးဖုတ်သမားက သူ့ဆီကနေ ထင်းတွေကို အသပြာကောင်းကောင်းပေးပြီး ဝယ်လိုက်တော့တယ်။ ငွေတင်သာမကပဲ သူလုပ်ပြီးသား အိုးတချို့ ကိုပါ ဈေးညှိပြီး သူ့ကို ပေးလိုက်တယ်။

ဒီလိုနဲ့ သူဟာ ပန်းရောင်းလို့ရတဲ့ အမြတ်ငွေတွေရယ်၊ ထင်းရောင်းလို့ရတဲ့ အမြတ်ငွေတွေရယ် စုပြီး အစားအသောက်ရောင်းတဲ့ ဆိုင်လေးတစ်ဆိုင် ဖွင့်လိုက်တယ်။ တစ်နေ့မှာတော့ မြို့ ကိုသွားကြမယ့် မြက်ရိတ်သမားတွေအားလုံးဟာ သူ့ဆိုင်မှာဝင်နားကြတယ်။ သူက အဲဒီလူတွေကို မုန့်ချိုတွေ နှင့် သောက်စရာရေ စတာတွေကို အလကားကျွေးမွေးဧည့်ခံတယ်။ သူ့ရဲ့ သဒ္ဓါတရားထက်သန်မှုကို အဲဒီမြက်ရိတ်သမားတွေက သိပ်အံ့ဩကြပြီး "ကျွန်တော်တို့ ဘာများ ခင်ဗျားကို ကူညီပေးလို့ရနိုင်ပါမလဲ" လို့ မေးကြတယ်။ အဲဒီအခါ သူက လောလောဆယ်မှာတော့ အကူအညီလိုနေတာမရှိသေးပါဘူး။ ဒါပေမယ့် နောင်မှာလိုအပ်လာတဲ့အခါ အသိပေးပါ့မယ်လို့ ပြန်ဖြေလိုက်တယ်။

to be continued....

(Ven. Kurunegoda Piyatissa ရဲ့  Buddhist Tales For Young & Old, Vol. 1, Prince Good Speaker မှ "Mouse Merchant" ကို ဆီလျှော်အောင် ဘာသာပြန်ဆိုပါသည်။)

ဇာတက၊ ဧကကနိပါတ်၊ စူဠသေဋ္ဌိဇာတ်။