ဒါလည်း ပြီးသွားအုံးမှာပါပဲလေ...

🔹ဒါလည်း ပြီးသွားအုံးမှာပါပဲလေ... 🔹

အခုတလော သတိရတိုင်း၊ အကြောင်းတစ်ခုခုတိုက်ဆိုင် ကြုံကြိုက်မိတိုင်း စိတ်ထဲက ရွတ်မိတဲ့ စာကြောင်းလေးတစ်ကြောင်း ရှိနေတယ်။ အဲဒါ ဂုဏ်တော်တွေလည်း မဟုတ်ဘူး၊ ဂါထာတွေလည်း မဟုတ်ဘူး။ အင်္ဂလိပ်စာနဲ့  ၀ါကျတိုလေးပါ။ "This, too, will pass." တဲ့။

ဟိုးရှေးရှေးတုန်းက ဘုရင်ကြီးတစ်ပါးရှိသတဲ့.....။
တစ်နေ့တော့ အဲဒီဘုရင်ကြီးဟာ သူ့ရဲ့ ပညာရှိအမတ်တွေကို ဆင့်ခေါ်လိုက်ပြီး မေးခွန်တစ်ခုကိုမေးတယ်။ ''အမတ်ကြီးတို့- အချိန်တိုင်း၊ နေရာတိုင်း၊ အခြေအနေတိုင်းမှာ အမြဲတမ်း အသုံးတည့်မယ့် မန္တန်ဖြစ်ဖြစ်၊ အကြံဉာဏ်ဖြစ်ဖြစ် တစ်ခုခုများ ရှိနိုင်မလား။ တကယ်လို့ ငါ့ရဲ့ အနားမှာ အကြံပေးမယ့်သူ၊ စောင့်ရှောက်မယ့်သူ တစ်ယောက်မှ မရှိတဲ့အချိန်မျိုးမှာ အဲဒီမန္တန်က ငါ့ကို စောင့်ရှောက်ပေးနိုင်ရမယ်။ အဲဒီလိုမန္တန်မျိုးရှိခဲ့ရင်ငါ့ကိုပေးကြစမ်းပါ အမတ်ကြီးတို့ '' လို့ အမိန့် ရှိတော်မူသတဲ့။

အမတ်တွေအားလုံးလည်း ဘုရင်ကြီးရဲ့  မေးခွန်းကြောင့် စဉ်းစားရကျပ်ကုန်ကြတယ်။ မေးခွန်းအားလုံးကို ပြေလည်စေမယ့် အဖြေတစ်ခု၊ နေရာတိုင်း အခြေအနေတိုင်းမှာ အသုံးတည့်မယ့် အရာတစ်ခု။ ပျော်ရွှင်မှုတိုင်းအတွက်၊ ပူလောင်စိုးရိမ်ရမှုတိုင်းအတွက်၊ ဆုံးရှုံးမှုတိုင်းအတွက်၊ အောင်မြင်မှုတိုင်းအတွက် အသုံးဝင်မယ့် အဆောင်တစ်ခု။ အမတ်တွေလည်း တစ်မျိုးပြီး တစ်မျိုး စဉ်းစားကြည့်ကြတယ်။ အချိန်အကြာကြီး ဆွေးနွေးအဖြေရှာကြပြီးတဲ့နောက်မှာတော့ ပညာရှိအဖိုးအိုတစ်ယောက်က ပြဿနာအားလုံးအတွက် ပြေလည်စေမယ့် အဖြေတစ်ခုကို ရှာတွေ့သွားခဲ့တယ်။

သူတို့တွေလည်း ဘုရင်ကြီးဆီ အခစားဝင်ကြပြီး သူတို့တွေ့ရှိထားတဲ့ အဖြေကို စာရွက်တစ်ရွက်ပေါ်မှာ ရေးပြီး ပေးလိုက်ကြတယ်။ ဒါပေမယ့် သူတို့က ဘုရင်ကြီးဆီကနေ သဘောတူညီမှုတစ်ခုကို တောင်းကြတယ်။ အဲဒါက ဘာလဲဆိုတော့ ဘုရင်ကြီးက ဒီစာရွက်ထဲက အဖြေကို သိချင်ဇောနှင့် ဖွင့်မဖတ်ကြည့်ရဘူး။ တကယ်လို့ တစ်ချိန်ချိန် ဘုရင်ကြီးအန္တရာယ်တစ်ခုခု ကျရောက်လာတဲ့အချိန်၊ ဘေးမှာ ကူမယ့်ကယ်မယ့်သူလည်း တစ်ယောက်မှ မရှိတဲ့အချိန်မျိုးကျတော့မှ ဒီစာရွက်ကို ဖွင့်ဖတ်ကြည့်ရမယ် ဆိုတဲ့ သဘောတူညီမှုပဲဖြစ်တယ်။ ဘုရင်ကြီးကလည်း ဒါကို သဘောတူ လက်ခံလိုက်ပြီး စာရွက်ကို သူ့ရဲ့ စိန်လက်စွပ်အောက်ထဲမှာ ထည့်သိမ်းထားလိုက်တော့တယ်။

ရက်အနည်းငယ်အကြာမှာပဲ ဘုရင်ကြီးအုပ်ချုပ်တဲ့ တိုင်းပြည်ကို အိမ်နီးချင်းတိုင်းပြည်တစ်ခုကနေပြီး ကျူးကျော်တိုက်ခိုက်လာကြတယ်။ ရန်သူတွေဘက်က အမှတ်မထင်ဝင်ရောက်တိုက်ခိုက်လိုက်ကြတာဖြစ်တယ်။ ဘုရင်ကြီးနှင့် သူ့ရဲ့ စစ်တပ်ဟာ ရန်သူတွေကို ရွံ့ ရွံ့ ချွန်ချွန်ပြန်လည်တိုက်ခိုက်ခဲ့ကြပေမယ့်လို့ စစ်ပွဲမှာ ရှုံးနိမ့်သွားကြတယ်။ ဘုရင်ကြီးလည်း မြင်းတစ်စီးနှင့် အသက်လုပြီး ထွက်ပြေးခဲ့ရတယ်။ ရန်သူတွေကလည်း သူ့နောက်ကို ထပ်ကျပ်မကွာ လိုက်လာကြတယ်။ သူ့မြင်းဟာ အတော်ဝေးဝေးမှာရှိတဲ့ တောအုပ်တစ်ခုဆီိကို သူ့ကိုခေါ်ဆောင်သွားတယ်။ ဘုရင်ကြီးဟာ သူ့နောက်ကနေ ရန်သူ့မြင်းတပ်တွေလိုက်လာနေတဲ့အသံကို ကြားနေရပြီး အသံက ကျယ်သထက်ကျယ်လောင်လာနေတယ်။ သွားနေရင်း ရုတ်တရတ်ပဲ သူဟာ လမ်းတစ်ခုရဲ့  အဆုံးမှာ ရပ်နေမိတာကို သတိထားလိုက်မိတယ်။ လမ်းကဆုံးသွားပြီး ဆက်သွားစရာလမ်း မရှိတော့ဘူး။ ရပ်နေတဲ့နေရာကနေ ပေထောင်ပေါင်းများစွာမြင့်တဲ့ တောင်ရဲ့ အောက်ဘက်မှာတော့ ရွာလေးတစ်ရွာကို လှမ်းပြီး မြင်နေရတယ်။

တကယ်လို့ အရှေ့ ကိုဆက်သွားရင်တော့ ပြုတ်ကျပြီး သေဖို့ပဲရှိတယ်။ တကယ်လို့ နောက်ပြန်လှည့်မယ်ဆိုရင်လည်း ရန်သူမြင်းတပ်တွေက လျင်လျင်မြန်မြန်ပဲ အနီးကပ်လာနေကြပြီဖြစ်တယ်။ ဘုရင်ကြီးဟာ ဆောက်တည်ရာမဲ့ဖြစ်လာတယ်။ လွတ်မြောက်နိုင်ဖို့နီးလမ်းရယ်လို့ ဘာမှ ရှာမရတော့ဘူး။

ရုတ်တရတ်ဘုရင်ကြီးဟာ သူ့လက်စွပ်က စိန်ပွင့်လေး နေရောင်အောက်မှာ တလက်လက်ဖြစ်နေတာကို မြင်လိုက်ပြီး လက်စွပ်အောက်မှာထည့်ထားခဲ့တဲ့ စာရွက်လေးကို သတိရသွားတယ်။ ဒါနဲ့ သူလည်း လက်စွပ်အောက်က သိမ်းထားတဲ့စာရွက်လေးကို ထုတ်ပြီးဖတ်ကြည့်လိုက်တယ်။ စာကြောင်းလေးက တိုပင်မယ့် အဓိပ္ပါယ်က ထူးခြား လေးနက်တယ်။ ရေးထားတာကတော့ ''ဒါလည်း ပြီးသွားအုံးမှာပါပဲ။'' တဲ့။

ဘုရင်ကြီးဟာ အဲဒီစာကြောင်းလေးကို ဖတ်ကြည့်တယ်။ နောက်တစ်ကြိမ်ထပ်ဖတ်ကြည့်တယ်။ ရုတ်တရတ် ခေါင်းထဲမှာ အသိဉာဏ်လင်းလက်သလိုဖြစ်သွားတယ်။ ဟာ...ဟုတ်တယ်။ ဒါလည်း ပြီးသွားအုံးမှာပဲ ဖြစ်တယ်။ ပြီးခဲ့တဲ့ ရက်ပိုင်းလေးတုန်းကပဲ ငါဟာ ဘုရင်တစ်ပါးရဲ့  ပျော်ရွှင်ချမ်းမြေ့မှုနှင့် မင်းစည်းစိမ်ကို ခံစားနေခဲ့ရတယ်။ ငါဟာ တခြားဘုရင်တွေအားလုံးထက် ဘုန်းတန်ခိုးအာနုဘော်ကြီးမားတဲ့ ဘုရင်တစ်ပါးဖြစ်ခဲ့တယ်။ ဒါပေမယ့် ဒီနေ့မှာတော့ ဒီပျော်ရွှင်ချမ်းသာမှုတွေ၊ စည်းစိမ်တွေဆိုတာ မရှိတော့ဘူး။ အခုဆိုရင် ရန်သူလက်ကနေ လွတ်မြောက်နိုင်ဖို့အတွက် ကြိုးစားနေရတဲ့ အခြေအနေကျရောက်နေပြီ။ ဒါပေမယ့် စည်းစိမ်ဥစ္စာတွေ ခံစားစံစားနေရတာတွေ မရှိတော့သလိုပဲ၊ ဒီနေ့လို အန္တရာယ်နှင့် ရင်ဆိုင်ကြုံတွေ့နေရတာမျိုးဟာလည်း ပြီးသွားအုံးမှာပဲဖြစ်တယ်။

သူ့မျက်နှာပေါ်မှာ အေးချမ်းကြည်လင်မှုတွေ ရောက်ရှိလာတယ်။ သူဟာ အဲဒီနေရာမှာပဲ ဆက်ပြီးရပ်နေမိတယ်။ သူလောလောဆယ်ရပ်နေတဲ့ နေရာ ပတ်ချာလည်ဟာ သဘာဝအလှတရားတွေနှင့် အင်မတန်သာယာလှပတယ်။ သူအုပ်ချုပ်နေတဲ့ တိုင်းပြည်ကြီးမှာ ဒီလိုသာယာလှပတဲ့နေရာမျိုး ရှိနေတယ်ဆိုတာကို သူအရင်က မသိခဲ့ရဘူး။ ဒီစာကြောင်းတိုလေးရဲ့  အဓိပ္ပါယ်နက်ရှိုင်းမှုဟာ ဘုရင်ကြီးအပေါ်မှာ အများကြီး သက်ရောက်သွားခဲ့တော့တယ်။ ဘုရင်ကြီးဟာ စိတ်သက်တောင့်သက်သာဖြစ်သွားပြီး အနောက်ကလိုက်လာတဲ့ ရန်သူတွေကိုပါ မေ့သွားတော့တယ်။ မိနစ်အနည်းငယ်အကြာမှာ သူ့အနောက်ကို လိုက်လာကြတဲ့ ရန်သူတွေရဲ့  မြင်းသံ၊ လူသံတွေဟာ တဖြေးဖြေး ပျောက်ကွယ်သွားတာကို သိလိုက်တယ်။ သူတို့တွေဟာ တောင်ကြီးရဲ့  အခြားနေရာတွေဘက်ကို ရောက်သွားကြပြီး သူရှိတဲ့ လမ်းဘက်ဆီကို ရောက်မလာကြတော့ဘူး။

ဘုရင်ကြီးဟာ အင်မတန်မှ ရဲစွမ်းသတ္တိနှင့်ပြည့်စုံတဲ့ မင်းတစ်ပါးပါပဲ။ သူဟာ စစ်သည်အင်အားကို ပြန်လည်စုဆောင်းပြီး ရန်သူတွေကို ပြန်လည်တိုက်ထုတ်နိုင်ခဲ့တယ်။ ရန်သူတွေကိုတိုက်ခိုက်ချေမှုန်းပြီးတဲ့နောက်မှာ သူဟာ လက်လွတ်ဆုံးရှုံးသွားခဲ့ရတဲ့မင်းနေပြည်တော်ကို ပြန်လည်သိမ်းပိုက်နိုင်ခဲ့တော့တယ်။ စစ်ပွဲမှာအောင်မြင်ပြီး မင်းနေပြည်တော်ကို ပြန်လည်ဝင်ရောက်လာတဲ့ ဘုရင်ကြီးကို မြို့တံခါးဝကနေ ပြည်သူတွေက ၀မ်းပန်းတသာဆီးကြိုဂုဏ်ပြုကြတယ်။ စစ်ပွဲမှာအောင်မြင်ခဲ့တာကြောင့် မြို့တော်ကြီးတစ်ခုလုံး ၀မ်းသာပျော်ရွှင်နေကြတယ်။ သီဆိုကခုန်နေကြတယ်။ အိမ်တိုင်း၊ လမ်းထောင့်တိုင်းကနေ လူတွေက ဘုရင်ကြီးဆီကို ပန်းတွေကြဲချပြီး ဂုဏ်ပြုကြတယ်။

ဒီ တဒင်္ဂအချိန်လေးမှာ ဘုရင်ကြီးဟာ သူ့ကို ကြိုဆိုဂုဏ်ပြုနေကြတာတွေ၊ ဧည့်ခံနေကြတာတွေကြောင့် သူ့ရဲ့ ကိုယ်တွင်းထဲက အတ္တမာနဟာ ခေါင်းပြူထွက်လာပြီး ''ငါဟာ ရဲစွမ်းသတ္တိအရှိဆုံးနှင့် အကြီးကျယ်ဆုံးမင်းတစ်ပါးပဲ။ ငါ့ကို ဘယ်သူမှ လွယ်လွယ်နဲ့တော့ အနိုင်မယူနိုင်ဘူး။'' လို့ သူ့ကိုယ်သူတွေးလိုက်မိတယ်။

ရုတ်တရတ်ပဲ သူ့လက်စွပ်ဆီက စိန်ပွင့်လေးဟာ နေရောင်မှာ အရောင်လက်လာပြီး စာကြောင်းတိုလေးကို သတိရမိသွားစေတယ်။ စာရွက်လေးကိုနောက်တစ်ခါထုတ်ပြီးဖတ်ကြည့်လိုက်တယ်။ ဒါလည်း ပြီးသွားအုံးမှာပါပဲလေ။ သူဟာ ဆိတ်ငြိမ်ကျသွားတယ်။ သူ့ရဲ့မျက်နှာအသွင်အပြင်ဟာ ထောင်ကြွားမာနတက်နေရာကနေ နှိမ့်ချမှုဘက်ဆီကို ကူးပြောင်းလို့သွားတော့တယ်။

တကယ်လို့ ဒါလည်းပြီးသွားအုံးမှာပဲဆိုရင် ဒါဟာ မင်းရဲ့ ပိုင်ဆိုင်မှုအစစ်မဖြစ်နိုင်တော့ဘူး။
ကျရှုံးမှုဟာလည်း မင်းပိုင်ဆိုင်တာမဟုတ်သလို၊ အောင်မြင်မှုဆိုတာလည်း မင်းပိုင်ဆိုင်တာမဟုတ်ဘူး။

တကယ်တော့ မင်းဟာ စောင့်ကြည့်သူတစ်ယောက်သက်သက်မျှပဲ။ အရာအားလုံးဟာ မင်းရှေ့ ကနေ ဖြတ်သန်းစီးဆင်း သွာနေကြတာ...

ပုံပြင်လေးကတော့ ဒီမျှပါပဲ။

ဖြတ်သန်းခဲ့ရတဲ့ ဘ၀ရဲ့  အဖြစ်အပျက်တွေကို ပြန်တွေးကြည့်မိရင် ဘ၀မှာ ပျော်စရာတွေ၊ အောင်မြင်မှုဆိုတာတွေလည်း အများကြီးကြုံဖူးခဲ့သလို၊ စိတ်ညစ်စရာတွေ၊ ၀မ်းနည်းစိတ်ပျက်စရာတွေလည်း ကြုံလာခဲ့ရတာ ဒုနှင့်ဒေးပါပဲ။ ဒါတောင် အခုအသက်အရွယ်နှင့်မို့လို့ ဒီလောက်ပဲရှိသေးတာ။ တကယ်လို့ အသက်နောက်ထပ် ဆယ်စုနှစ်ပေါင်းများစွာ ထပ်ရှင်သန်နေခွင့် ရအုံးမယ်ဆိုရင် နောက်ထပ် အသစ်အသစ်သော အတွေ့အကြုံတွေ၊ ခံစားမှုတွေ တစ်ပုံတစ်ပင်ကြီး ထပ်ရဖို့ရှိနေသေးတယ်။

ကြုံခဲ့ရတဲ့ အဖြစ်အပျက်တိုင်းကို သေသေချာချာသတိထားကြည့်ရင် ဖြစ်နေတဲ့ အချိန်လေးအတွင်းမှာတော့ အဲဒီကိစ္စလောက် အရေးကြီးတာ၊ သေရေးရှင်ရေးဖြစ်တာ မရှိတော့သလိုပါပဲ။ နောက်တော့လည်း ဒီအဖြစ်အပျက်က ပြီးဆုံးသွားပြီး နောက်ထပ်အသစ် နောက်ထပ်အသစ်တွေက သူ့လိုပဲ အရေးကြီးနေ၊ သေရေးရှင်ရေးဖြစ်နေပြန်တာပါပဲ။ သေချာတာတော့ တွေ့ကြုံခဲ့ရသမျှအဖြစ်အပျက်တိုင်းက ပြီးတော့လည်း ပြီးသွားခဲ့တာပါပဲလေ။ နောင်ကြုံတွေ့အုံးမယ့် အဖြစ်အပျက်တွေကလည်း ဒီနည်းအတိုင်းပဲ လာကြဦးမှာပါပဲ။

ဒီတော့ ဘာကိုများ အသည်းအသန် ဖက်တွယ်လို့ နေချင်စရာ ရှိဦးမှာလဲ။
ဘာကိုများ ခါးခါးသီးသီး လက်မခံနိုင်အောင် ငြင်းဆန်နေစရာ လိုဦးမှာလဲ။

ကြည်နူးပျော်ရွှင်နေတာလည်း အချိန်တန်တော့ ပြီးသွားမှာပဲ။
ဝမ်းနည်းစိတ်ညစ်နေတာလည်း အချိန်တန်တော့ ပြီးသွားမှာပဲ။
အဆင်ပြေနေတာလည်း အချိန်တန်တော့ ပြီးသွားမှာပဲ။
အဆင်မပြေဖြစ်နေတာလည်း အချိန်တန်တော့ ပြီးသွားမှာပဲ။
ရင်ခုန်နေရတာတွေလည်း အချိန်တန်တော့ ပြီးသွားမှာပဲ။
တမ်းတမ်းတတ သတိရနေတာတွေလည်း အချိန်တန်တော့ ပြီးသွားမှာပဲ။
သူရှိမှ (ဒါလေးရှိမှ) ပြည့်စုံမှာပါလေ ဆိုတာတွေလည်း အချိန်တန်တော့ ပြီးသွားမှာပဲ။
ခါးခါးသီးသီး ဖြစ်နေရတာတွေလည်း အချိန်တန်တော့ ပြီးသွားမှာပဲ။
တက်ကြွလန်းဆန်းနေတာလည်း အချိန်တန်တော့ ပြီးသွားမှာပဲ။
ငြီးငွေ့စိတ်ကုန်ဖြစ်နေတာလည်း အချိန်တန်တော့ ပြီးသွားမှာပဲ။
စိတ်ပူစိုးရိမ်နေရတာတွေလည်း အချိန်တန်တော့ ပြီးသွားမှာပဲ။
ဒီလိုလုပ်ခဲ့မိရင် အကောင်းသားလို့ မချင့်မရဲဖြစ်နေတာတွေလည်း အချိန်တန်တော့ ပြီးသွားမှာပဲ။
သို့လော သို့လော အတွေးတွေလည်း အချိန်တန်တော့ ပြီးသွားမှာပဲ။
ချီးမွှမ်းနေကြတာတွေလည်း အချိန်တန်တော့ ပြီးသွားမှာပဲ။
ကဲ့ရဲ့ နေကြတာတွေလည်း အချိန်တန်တော့ ပြီးသွားမှာပဲ။
ငါ့လိုလူကိုများ ရာရာစစ လို့ ဖြစ်နေတာလည်း အချိန်တန်တော့ ပြီးသွားမှာပဲ။
ငါ့ကျမှ ဘာကြောင့်ဒီလို ဖြစ်နေရတယ် ဆိုတာလည်း အချိန်တန်တော့ ပြီးသွားမှာပဲ။
ငါရှိမှ ဖြစ်မှာပါလေ ဆိုတာမျိုးတွေလည်း အချိန်တန်တော့ ပြီးသွားမှာပဲ။
ငါရှိနေဖို့ မလိုပါဘူးလေ ဆိုတာမျိုးတွေလည်း အချိန်တန်တော့ ပြီးသွားမှာပဲ။
ရုပ်တရား၊ နာမ်တရားတွေအပေါ် အာရုံယူဖို့ကြိုးစားရင်း မခံသာတာတွေ ဖြစ်လာတာလည်း အချိန်တန်တော့ ပြီးသွားမှာပဲ။
တရားနှလုံးသွင်းရာက ငြိမ့်၊ ငြိမ်၊ ငြိမ်းရင်း ကောင်းမှကောင်း ဖြစ်နေတာတွေလည်း အချိန်တန်တော့ ပြီးသွားမှာပဲ။

နောက်ဆုံး ဘယ်လိုမှ မပြီးသေးရင်တောင် သေရင်တော့ အလိုလို အားလုံးပြီးသွားမှာပါပဲ။

အခု ဒီစာကို ဖတ်နေတဲ့ မိတ်ဆွေလည်း စာကိုဖတ်ရင်းက ခံစားမှုပေါင်းများစွားနှင့် အမျိုးမျိုး စဉ်းစားနေမိမှာပါပဲ။ ဒါလည်း အချိန်တန်တော့ ပြီးသွားမှာပါပဲ။

အားလုံး... အားလုံးဟာ အချိန်တန်တော့ ပြီးသွားမှာပါပဲလေ....။

လေးစားစွာဖြင့်
ဝိမုတ္တိသုခ

9.1.12 (Mon.)

(အင်္ဂလိပ်ပုံပြင်ကို အင်တာနက်မှ ကူးယူ၍ ဘာသာပြန် ဖော်ပြပါသည်။)