Tuesday, December 20, 2016

မိုးပြာဂိုဏ်းအကြောင်း ဗဟုသုတ

ဒီရက်ပိုင်း Blue Sky အဖွဲ့နှင့် ပတ်သက်ပြီး ဖတ်သင့်တယ်လို့ထင်မိတဲ့ ဆောင်းပါးလေး (၂) ပုဒ်ကို ရှယ်ပေးလိုက်ပါတယ်။ တစ်ပုဒ်ကတော့ နှစ်တော်တော်ကြာကြာက အဟောင်းလေးပါ။
ဒီအဖွဲ့အစည်းကို အရေးယူတာ၊ တရားစွဲတာတွေနှင့်ပတ်သက်ပြီး လူ့အခွင့်အရေးရှုထောင့်၊ လွတ်လပ်စွာ ယုံကြည်ကိုးကွယ်မှုရှုထောင့်၊ မြန်မာနိုင်ငံတရားစီရင်ရေးရှုထောင့်၊ သံဃာ့နာယကအဖွဲ့အစည်းတွေရဲ့  ဘာသာရေး စည်းမျဉ်းစည်းကမ်းတွေ ဘယ်လိုရှိတယ်ဆိုတာတွေကို သေသေချာချာမသိလို့ မဝေဖန်ချင်ပေမယ့် ဒီခေါင်းဆောင်လုပ်တဲ့သူလည်း အသက်က တော်တော်လေးကြီးနေပြီမို့ သူ့ကို အရေးယူယူ၊ မယူယူ ဇာတ်လမ်းက သိပ်တော့ ထူးခြားမယ်တော့ မထင်ပါဘူး။ တခြား သူ့သာဝကကြီးတွေ အားလုံးကို ဖမ်းဆီးထိန်းသိမ်းလိုက်ရင်လည်း ပြဿနာကပြေလည်သွားမယ် မထင်ပါဘူး။
အဓိက ပြဿနာက ဒီအဖွဲ့အစည်းရဲ့  အတွေးအမြင်၊ အယူအဆတွေ လူတွေထဲ စိမ့်ဝင်နေတာကို ဘယ်လိုပြန်ဖြေရှင်းပေးမလဲ၊ ဘယ်လို ပညာပေးပြန်လုပ်ကြမလဲဆိုတာကိုပဲ မြန်မာပြည်မှာရှိနေတဲ့ ဘာသာရေးခေါင်းဆောင်တွေဘက်က အဖြေရှာကြရလိမ့်မယ်လို့ ထင်မိပါတယ်။
(မူရင်းဆောင်းပါးရှင်များအားလုံးကို Credit ပေးပါတယ်ခင်ဗျာ။)
--------------------------------------------
“ဒုတိယရှံကရ(သုို့မဟုတ်)မုိုးပြာဦးဥာဏ”
မြန်မာ့အလင်းသတင်းစာ (၃-၁၂-၂၀၁၆ရက် စနေနေ့ထုတ်)မှာ ဦးနေ၀င်းဆုိုသူက မုိုးပြာဦးဥာဏရဲ့ ပစ္စုပ္ဗန်ကမ္မ၀ါဒ အယူဝါဒရေးရာဆုိုင်ရာ စာအုပ်စာတမ်း အသံသွင်းခွေများ ထုတ်ဝေမယ်၊ ကန့်ကွက်နုိုင်တယ်ဆုိုပြီးတော့ ကြေငြာခဲ့တယ်။ ညွှန်ကြားရေးမှူး (ရန်ကုန် တုိုင်းဒေသကြီးသာသနာရေးမှူးရုံး)က ဥပဒေနဲ့အညီ ကန့်ကွက်ခဲ့တယ်။ လွှတ်တော်မှာ သာဝန်ကြီးကိုယ်တုိုင်ကလည်း မုိုးပြာဦးဥာဏကို တရားစွဲမယ်လုို့ သတင်းထောက်တွေကို ထုတ်ပြောခဲ့တယ်။ ဒီအခါမှာ လစ်ဘရယ်သမားလို့ ကိုယ့်ကိုယ်ကုိုယ်ကို သတ်မှတ်ထားသူ အချို့နဲ့ မုိုးပြာဂုိုဏ်းသားများက ဒီမုိုရေစီခေတ်မှာ လွတ်လပ်စွာပြောရေးဆုိုခွင့်မရှိဘူးလို့ အသံထွက်လာကြတယ်။ ဒါကြောင့် မုိုးပြာဦးဥာဏနဲ့ သူ့အယူဝါဒနဲ့ပတ်သက်ပြီး ပြောပြချင် တာလေးတွေ ရှိလာတယ်။ ​
သာသနာတော်နှစ် (၁၂၀၀)ကျော်သောအခါ အိန္ဒိယနုိုင်ငံ ကေရလာပြည်နယ်တွင် ရှံကရ အမည်ရှိ ဗြဟ္မဏပဏ္ဍိတ်တယောက် ပေါ်ပေါက်ခဲ့တယ်။ ရှံကရဟာ ဗုဒ္ဓဘာသာရဟန်း တော်များဖြစ်ကြတဲ့ ဒိန္နာဂနဲ့ ဓမ္မကိတ္တိတို့ ရေးသားစီရင်ထားတဲ့ တက္ကဗေဒကျမ်းများကို တ ဖက်ကမ်းခတ် လေ့လာတတ်မြောက်ထားသူဖြစ်တယ်။ ဒါကြောင့် ရှံကရဟာ တက္ကဗေဒ နည်းကျ စကားစစ်ထိုးရာမှာ ကျွမ်းကျင်လိမ္မာသူဖြစ်တယ်။
ရှံကရဟာ ဗုဒ္ဓဘာသာဂိုဏ်းကွဲများဖြစ်တဲ့ ယောဂါစာရဂုိုဏ်းနဲ့ မဇ္ဈိမိကဂုိုဏ်းများက အတွေး အခေါ်သဘောတရားများကို ကူးယူပြီး အတ္တ၀ါဒ ဗြဟ္မဏ၀ါဒ ဖန်ဆင်းရှင်ဝါဒများကို ယုတ္တိ ရှိအောင် ပြုပြင်ရေးသားပေးခဲ့တယ်။ အချင်းချင်းဆန့်ကျင်ဘက်ဖြစ်နေတဲ့ အတ္တ၀ါဒဆုိုင်ရာ ကျမ်းများကို ရှေ့နောက်ညီညွတ်အောင် ဖွင့်ဆိုချက်ကျမ်းများ ရေးသားပေးခဲ့တယ်။ ဗုဒ္ဓ ဘာသာ ဘုန်းတော်ကြီးကျောင်းများကို အတုယူပြီးတော့ ဟိန္ဒူဘုန်းကြီးများကို ကျောင်း တုိုက်များနဲ့ တစုတဝေးထဲနေစေပြီး စနစ်တကျ အယူဝါဆုိုင်ရာစာပေများ သင်ကြားပေးစေ ခဲ့တယ်။
ရှံကရဟာ အိန္ဒိယနုိုင်ငံတောင်ပိုင်းပြည်နယ်ရှိ ဘုရင်များကို သာသနာ့ဒါယကာအဖြစ် သိမ်း သွင်းပြီး သာသနာပိုင်ရဟန်းမင်းအဖြစ် ဟိန္ဒူဘုန်းကြီးကျောင်းများကို ကွပ်ကဲအုပ်ချုပ်ခဲ့ တယ်။
ရှံကရဟာ ဗုဒ္ဓဘာသာရဟန်းတော်များနဲ့ အယူဝါဒယှဉ်ပြိုင်ပွဲများ မကြာခဏပြုလုပ်ဆင်နွှဲ လေ့ရှိတယ်။ ရှံကရဟာ စကားပြောကျွမ်းကျင်သူဖြစ်တာကြောင့်ရယ်၊ ထိုအချိန်အခါက စာပေကျမ်းဂန် ကျွမ်းတတ်မြောက်တဲ့ရဟန်းတော်များ အိန္ဒိယနုိုင်ငံတောင်ပိုင်းပြည်နယ် များမှာ မရှိတော့တာကြောင့် ရှံကရကသာ အမြဲအနုိုင်ရရှိတယ်။ ရှံကရဟာ သူအနုိုင်ရရှိတဲ့ အခါမှာ ရှုံးတဲ့ရဟန်းတော်များကို ဗုဒ္ဓဘာသာကို စွန့်လွှတ်စေပြီး ဟိန္ဒူဘာသာကို ကိုးကွယ် ခိုင်းခဲ့တယ်။ ဟိန္ဒူဘာသာကို မကိုးကွယ်ပါက ပွက်ပွက်ဆူနေတဲ့ ထောပတ်အိုးကြီးထဲ နစ် သတ်စေခဲ့တယ်။
ရှံကရဟာ ဘာကြောင့် ဗုဒ္ဓဘာသာအပေါ် ဒါလောက် ရက်ရက်စက်စက် ပြုလုပ်ခဲ့ရတာပါ လဲ။ ရှံကရဟာ တချိန်က ဗုဒ္ဓဘာသာရဟန်းတော်တပါးဖြစ်ခဲ့တယ်။ သူဟာ ပါရာဇိကျတာ ကြောင့် ရဟန်းကောင်းများက သူ့ကို လူဝတ်လဲစေပြီး သာသနာ့ဘောင်ကနေ နှင်ထုတ်ခဲ့ တယ်။ ဒါကြောင့် ရှံကရဟာ ဗုဒ္ဓဘာသာအပေါ် အငြိုးတကြီး ချေမှုန်းတုိုက်ခဲ့တာဖြစ် တယ်။
မြန်မာနုိုင်ငံသာသနာ့သမုိုင်းမှာလည်း ဒုတိယရှံကရတွေ အများအပြားပေါ်ပေါက်ခဲ့တယ်။ အထူးသဖြင့် ပါရာဇိကကျလို့ သာသနာတော်မောင်းထုတ်ခံရသူများ၊ ပါရာဇိကကျပြီး စိတ် မလုံမခြုံဖြစ်နေသူများဟာ ထေရ၀ါဒပိဋကစာပေများကို ပုံဖျက်ပြီး ထေရ၀ါဒဗုဒ္ဓဘာသာကို အငြိုးတကြီး တိုက်ခုိုက်တတ်ကြတယ်။ ယနေ့အချိန်မှာ ဒုတိယရှံကရအဖြစ် ထင်ရှားကျော် ကြားနေသူကတော့ မုိုးပြာဦးဥာဏပဲဖြစ်တယ်။
မုိုးပြာဦးဥာဏကို မကွေးတုိုင်းဒေသကြီး ပခုက္ကူခရိုင် ဂေါင်းကွဲကျေးရွာနေ ဦးမြဒင်+ဒေါ်လှ ထွန်းတုို့က ၁၃၀၀ပြည့်နှစ် နယုန်လဆန်း(၃)ရက် အင်္ဂါနေ့မှာ မွေးဖွားခဲ့တယ်။ ၁၃၁၄ခုနှစ် မှာ ဂေါင်းကွဲရွာတောင်ကျောင်းဆရာတော် ဦးပညာထံမှာ ကိုရင်အဖြစ် သာသနာ့ဘောင် ၀င်ရောက်ခဲ့တယ်။ ဦးဥာဏဟာ စာပေကျမ်းဂန်များကို မန္တလေးမြို့ မစိုးရိမ်တုိုက်ဟောင်း ဂန္ထဓူရကျောင်းမှာ သင်ယူခဲ့တယ်။ ပထမငယ်တန်း ပထမလတ်တန်း ပထမကြီးတန်းများ အောင်မြင်ခဲ့တယ်။ ဓမ္မာစရိယတန်းကို မအောင်မြင်ခဲ့။ အသက်(၂၅)နှစ်ထိ ပညာသင်ယူ ပြီး အသက်(၂၅)နှစ်ကျော်တဲ့အခါမှာ တောထွက်ပြီး မန္တလေးတ၀ိုက်ရှိ တောရများမှာ တ ရားအားထုတ်ခဲ့တယ်။
မုိုးပြာဦးဥာဏဟာ မင်းကွန်းရွာအနီး ရွှေမြင်တင်တောင်ထိပ်မှာ တပါးနေပြီး တရားအား ထုတ်တယ်။ ၁၉၈၃ခုနှစ်မှာ ရဟန္တာဖြစ်ပြီလို့ ကိုယ်တုိုင်ကြေငြာခဲ့တယ်။ ဒါကြောင့် စစ် ကိုင်းမြို့နယ်သံဃနာယကအဖွဲ့က ၀ိနည်းဓိုရ်အဖွဲ့နဲ့ စစ်ဆေးတဲ့အခါမှာ ရဟန္တာမဟုတ် ကြောင်း စစ်ဆေးပေါ်ပေါက်လို့ စတုတ္ထပါရာဇိကကျတယ်ဆိုပြီး လူဝတ်လဲစေခဲ့တယ်။ တုိုင်းဝိနည်းဓိုရ်အဖွဲ့နဲ့ ဗဟုိုဝိနည်းဓိုရ်အဖွဲ့ကလည်း စတုတ္ထပါရာဇိကကျတယ်လို့ တညီတ ညွတ်ထဲ ဆုံးဖြတ်ခဲ့တယ်။
ဒါကြောင့် မုိုးပြာဦးဥာဏက “အ၀ါဝတ်မှ ဘုန်းကြီးမဟုတ်ဘူး။ အပြာဝတ်လည်း ဘုန်းကြီး ဖြစ်တယ်ကွ” လို့ ကြွေးကြော်ပြီး အပြာရောင်ဝတ်စုံကို ၀တ်ဆင်ကာ ထေရ၀ါဒဗုဒ္ဓဘာသာ ကို စတင်တုိုက်ခိုက်ခဲ့တယ်။ ဒါကြောင့် ၁၉၈၃ခုနှစ်မှာ သာသနာတော်ဆုိုင်ရာဥပဒေများနဲ့ စစ်ကိုင်းတုိုင်းသာသနာရေးမှူးရဲ့ တရားစွဲဆုိုခြင်းခံရပြီး ထောင်ကျခဲ့တယ်။ ၁၉၈၆ခုနှစ်မှာ တိပိဋကဓရမင်းကွန်းဆရာတော်ဘုရားကြီးရဲ့မေတ္တာရပ်ခံပေးမှုအရ အစုိုးရက ထောင်က နေလွှတ်ပေးခဲ့တယ်။ ထောင်ကနေလွတ်တဲ့အခါမှာလည်း မုိုးပြာဦးဥာဏဟာ ထေရ၀ါဒ ဗုဒ္ဓဘာသာကို အငြိုးတကြီးဆက်လက်တုိုက်ခိုက်နေခဲ့တယ်။
မုိုးပြာဦးဥာဏဟာ ထေရ၀ါဒပိဋကစာပေကျမ်းဂန်များကို လိုသလိုပုံဖျက်ပြီး ဗုဒ္ဓအလိုအရ ရှေ့ဘ၀နောက် ဘ၀မရှိ၊ သံသရာမရှိ၊ နိဗ္ဗာန်မရှိ၊ ကုသုိုလ်ကောင်းမှုမပြုရ၊ ဥပုသ်သီလ ဆောက်တည်ခြင်းသည် အလကားအလုပ်၊ သုံးဆယ့်တဘုံမရှိ၊ အဘိဓမ္မာသည်ဘုရား ဟောမဟုတ်၊ လူကလွဲရင် ဘယ်သူ့ကိုမဆုို သတ်ကောင်းတယ်၊ အများပုိုင်ပစ္စည်း နုိုင်ငံပုိုင် ပစ္စည်းကို ခုိုးကောင်းတယ် သီလမပျက်ဘူး၊ စေတနာကောင်းနဲ့လိမ်ရင် မုသာဝါဒကံမထိုက်ဘူး၊ ဘယ်အမျိုးသမီးကိုမဆို အလိုတူဆက်ဆံရင် ကာမေသုမိစ္ဆာစာရကံမထိုက်ဘူး အလိုဆန္ဒဖြည့်ပေးရာရောက်လို့ ကုသိုလ်တောင်ရသေးတယ်စသဖြင့် ဟောပြောပြီး ထေရ၀ါဒဗုဒ္ဓဘာသာကို တုိုက်ခုိုက်ခဲ့တယ်။
ဦးဥာဏဟာ ထောင်ကျလိုက် ပြန်လွှတ်လိုက် ထေရ၀ါဒဗုဒ္ဓသာသနာတော်ကို တုိုက်ခုိုက် လိုက်နဲ့ ချာလည်လိုက်ရင်း အချိန်ကုန်နေခဲ့တယ်။ မုိုးပြာဦးဥာဏဟာ သမ္မတဦးသိန်းစိန်ရဲ့ လွတ်ငြိမ်းချမ်းသာခွင့်နဲ့ ယခုအခါမှာ ထောင်ထဲကနေ ပြန်လွတ်လာခဲ့ ပြန်ပြီဖြစ်တယ်။ မုိုး ပြာဦးဥာဏဟာ ဒီမုိုကရေစီထီးရိပ်ခိုပြီး သူ့အယူဝါဒကို ထပ်မံအသက်သွင်းဖို့ ကြိုးစားလာ ပြန်တယ်။
ဘဒ္ဒန္တအဂ္ဂဥာဏဦးဆောင်တဲ့ ဆရာတော်ခြောက်ပါးက မုိုးပြာအယူဝါဒကို ဓမ္မ အဓမ္မအဖြစ် စိစစ်ဆုံးဖြတ်ပေးဖို့ နုိုင်ငံတော်သံဃမဟာနာယကအဖွဲ့ကို တုိုင်ကြားခဲ့တာကြောင့် ၁၃၇၃ခု နှစ် ပြာသိုလပြည့်ကျော်(၉ )ရက် (၂၈-၁-၂၀၁၀) သောကြာနေ့မှာ နုိုင်ငံတော်သံဃမဟာ နာယအဖွဲ့က နုိုင်ငံတော်သီးခြားဝိနည်းဓုိုရ်အဖွဲ့ အမှတ်(၁၇/၂၀၁၀)ကို ဖွဲ့စည်းပေးပြီး မုိုး ပြာဝါဒကို ဓမ္မ အဓမ္မ၀ါဒအဖြစ် စိစစ်ဆုံးဖြတ်စေခဲ့တယ်။ တည်ဆဲဥပဒေအရ ၀ိနည်းဓုိုရ်ရုံး မှာ စုဒိတက(စွပ်စွဲသူ)များရဲ့ စွပ်စွဲချက်များကို ပြန်လည်ဖြေရှင်းခွင့်ပေးခဲ့သော်လည်း လာ ရောက်ဖြေရှင်းခြင်း မပြုခဲ့ဘူး။
မုိုးပြာဦးဥာဏဟာ အဓမ္မ၀ါဒအဖြစ်ကနေ ရှောင်လွှဲဖို့အတွက် သူ့အယူဝါဒသည် ထေရ၀ါဒ ဗုဒ္ဓဘာသာအယူဝါဒမဟုတ်၊ ပစ္စုပ္ဗန်ကမ္မ၀ါဒဗုဒ္ဓဘာသာဖြစ်တယ်လို့ ကြေငြာပြီး ဗုဒ္ဓဘာ သာဂုိုဏ်းခွဲတခုအဖြစ် တည်ထောင်လိုက်တယ်။ သုို့သော်လည်း ၁၉ ၈၀ပြည့်နှစ် ဖေဖ၀ါရီ လ(၁)ရက်နေ့မှာ ပြဋ္ဌာန်းထားတဲ့ သံဃအဖွဲ့အစည်းအခြေခံစည်းမျဉ်းဥပဒေ အခန်း(၂) အ ပုိုဒ်(၄)အရ မြန်မာနုိုင်ငံမှာ ဗုဒ္ဓဘာသာဂုိုဏ်းခွဲ အသစ်ထပ်မံထူထောင်ခွင့် လုံးဝမရှိတော့ ဘူး။ ဥပဒေကိုလိုက်နာခြင်းမပြုပါက ထောင်ဒဏ်ကျခံရမှာဖြစ်တယ်။
မုိုးပြာဦးဥာဏအနေနဲ့ သူ့အယူဝါဒဟာ ထေရ၀ါဒဗုဒ္ဓဘာသာအယူဝါဒမဟုတ်ဘူး။ ပစ္စုပ္ဗန် ကမ္မ၀ါဒဗုဒ္ဓဘာသာဖြစ်တယ်လို့ ဂုိုဏ်းသီးခြားအဖြစ် ထမင်းရည်လျှာပူလွှဲ ကြေငြာခဲ့သော် လည်း ထေရ၀ါဒဗုဒ္ဓဘာသာ ပိဋကစာပေများကို လိုသလိုပုံဖျက်ပြီးတော့ ၀ါဒဖြန့်ချိန်နေခြင်း သာဖြစ်တယ်။
အကယ်၍ မုိုးပြာဦးဥာဏအနေနဲ့ သင်္ဂါယနာတင် ထေရ၀ါဒဗုဒ္ဓဘာသာ ပိဋကစာပေကျမ်း ဂန်များကို ပုံဖျက်ပြီး အသုံးမပြုဘူးဆုိုရင်၊ ဗုဒ္ဓဘာသာဂုိုဏ်းခွဲမဟုတ်ပဲ ကုိုယ်ပိုင်အယူအဆ အဖြစ် ရပ်တည်မယ်ဆုိုရင် တည်ဆဲဥပဒေများနဲ့ ကင်းလွတ်ခွင့်ရမှာပဲဖြစ်တယ်။ ရှင်းရှင်း ပြောရမယ်ဆုိုရင် မုိုးပြာဦးဥာဏအနေနဲ့ ကရင်ပြည်နယ်က ဖိုးတခေတ်လို ဘာသာအယူဝါ ဒ အသစ်တခု ထူထောင်လိုက်မယ်ဆုိုရင် ထေရ၀ါဒသံဃအဖွဲ့အစည်းက မည်သုို့မှ ပြုလုပ် မှာ မဟုတ်တော့ဘူး။ သို့သော် မုိုးပြာဦးဥာဏအနေနဲ့ ဖုိုးတခေတ်လောက်တောင် သွေးရှိ ဟန်မတူပါ။
လစ်ဘရယ်ဆုိုသူများက လွတ်လပ်စွာပြောရေးဆုိုခွင့်ဟုဆုိုကာ တစခန်းထကြပြန်ပါတယ်။ မုိုးပြာဦးဥာဏသည် လွတ်လပ်စွာပြောဆုိုနေတာ မဟုတ်ပါ။ အဖွဲ့အစည်းအတွင်းနေပြီး အဖွဲ့အစည်းရဲ့စည်းကမ်းကို ဖောက်ဖျက်နေခြင်းသာဖြစ်တယ်။ အဖွဲ့အစည်းအပြင်က ရပ် တည်နေသူဟု ဆုိုပြန်ပါရင်လည်း သူတပါးအဖွဲ့အစည်းကို ဖျက်စီးတိုက်ခုိုက်နေတဲ့သူသာ ဖြစ်တယ်။
နောက်ထပ် လစ်ဘရယ်သမားဆုိုသူများ သတိမထားမိတာ တခုရှိတယ်။ အဲဒါကတော့ နုိုင်ငံရေးကြောင့် ကွဲပြဲနေတဲ့နုိုင်ငံကို ဘာသာရေးအကွဲနဲ့ ကွဲကြောင်းဆက်သွားရင် ဘယ် လောက်ထိ အန္တရာယ်ကြီးတယ်ဆုိုတာကိုပါပဲ။ တချို့ကလည်း သတိထားတော့ ထားမိပါ လိမ့်မယ်။ သို့သော်လည်း အကျိုးစီးပွားတခုခုကြောင့် မျက်စိမှိတ်ပြီး ပြောနေကြတာဖြစ်ပါ လိမ့်မယ်။
ထေရ၀ါဒဗုဒ္ဓဘာသာအဖွဲ့အစည်းမှာသာမဟုတ် အဖွဲ့အစည်းတိုင်းမှာ သတ်မှတ်ချက် မူ ဘောင်စည်းကမ်းဆုိုတာ ရှိတယ်။ မဟာယာနဗုဒ္ဓဘာသာအဖွဲ့အစည်းမှာ မူဘောင်စည်း ကမ်း(၅)ချက်ရှိတယ်။
၁။ အာလယ၀ိညာဉ် - ပြုသမျှသော ကုသုိုလ်ကံ အကုသုိုလ်ကံမျိုးစေ့များ၏ သုိုမှီးသိမ်း စည်းရာဌာနဖြစ်သော အာလယ၀ိညာဉ်ခေါ် ခုနှစ်ခုမြောက်သတ္တမ၀ိညာဉ်ရှိ သဘောတ ရား။
၂။ တထတာ - အာလယ၀ိညာဉ်၏တည်မှီရာ မူရင်းအကြောင်းတရား တထတာကို ပရမတ္ထသစ္စာဟုခေါ်သည်။ နိဗ္ဗာန်ဆုိုသည်မှာ တည်ငြိမ်နေသော တထတာကိုပင်ခေါ် သည်။
၃။ တထာဂတ - သတ္တ၀ါသည် တထတာ၏အသွင်ပြောင်းမှုဖြစ်၍ တထတာမှပေါ်ထွက် လာ၍ တထာဂတမည်၏။ တနည်းအားဖြင့် သတ္တ၀ါသည် တထတာအဖြစ်သို့ ပြန်လည် ရောက်ရှိသွားသောကြောင့် တထာဂတမည်၏။ (လောကကြီးတခုလုံးဆိတ်ငြိမ်၍ တထ တာအဖြစ်သုို့ရောက်သောအခါ သတ္တ၀ါသည်လည်း တထတာအဖြစ်သုို့ ရောက်သွား သည်။)
၎။ တထာဂတဂဗ္ဘ - တထတာသည်ပင်လျှင် တထာဂတခေါ်သောသတ္တ၀ါ၏ မူလအစ ကိန်းအောင်ရာ တုိုက်ခန်း(၀မ်းဗုိုက်)ဖြစ်သောကြောင့် တထာဂတဂဗ္ဘလည်းမည်၏။
၅။ ဓမ္မဓာတု - တထတာမှ အသွင်းပြောင်းရန် လှုပ်ခတ်ချောက်ချားလာသောအခါ ပေါ် ထွက်လာသော လှုပ်ရှားမှု တစ်ခုစီ တစ်ခုစီတုို့၏ လှုပ်ရှားမှုအားလုံးကို စုပေါင်းခေါ်ဝေါ် သော စကြာဝဠာလောကဓာတ်ကြီးသည် ဓမ္မဓာတုမည်၏။
အထက်ပါမူဘောင်စည်းကမ်းချက် ငါးခုကိုလိုက်နာလက်ခံမှ မဟာယာနဗုဒ္ဓဘာသာအဖြစ် မဟာယာနဗုဒ္ဓဘာသာအဖွဲ့အစည်းက အသိအမှတ်ပြုလက်ခံတာဖြစ်ပါတယ်။ ထိုမူဘောင် စည်းကမ်းချက်များနဲ့ မကိုက်ညီပဲ မဟာယာနဗုဒ္ဓဘာသာအဖွဲ့အစည်းအဖြစ် ကြေငြာရင် မဟာယာနဗုဒ္ဓဘာသာအဖွဲ့အစည်းက ထိုက်သင့်သလိုတုန့်ပြန်သွားမှာပဲဖြစ်ပါတယ်။
ထေရ၀ါဒဗုဒ္ဓဘာသာအဖွဲ့အစည်းမှာလည်းပဲ အခြေခံမူဘောင်စည်းကမ်းသုံးချက် ရှိပါ တယ်။ အဲဒါတွေကတော့ ၁။ ဘုရားရှင်ဟောကြားတာကိုလည်း မပယ်ရဘူး။ ၂။ ဘုရားရှင် မဟောကြားတာကိုလည်း ထည့်သွင်းခြင်းမပြုရဘူး။ ၃။ ဘုရားရှင်ဟောကြားချက်ကို မူလ အရှိပကတိအတုိုင်း လိုက်နာလက်ခံရမယ်။ ဒီသုံးချက်နဲ့ မကိုက်ညီပဲ ထေရ၀ါဒဗုဒ္ဓဘာသာ အဖြစ် ကြေငြာခဲ့ရင် ထေရ၀ါဒဗုဒ္ဓဘာသာအဖွဲ့အစည်းက ထိုက်သင့်သလို တုန့်ပြန်သွားကြ မှာပဲ ဖြစ်ပါတယ်။
အချုပ်အားဖြင့် ပြောရမယ်ဆုိုရင် မုိုးပြာဦးဥာဏအနေနဲ့ ထေရ၀ါဒပိဋကစာပေများ ဖျက်လုို ဖျက်စီးမပြုလုပ်ရင်၊ ဗုဒ္ဓ၀ါဒထီးရိပ်မှာမခိုတော့ပဲ ကိုယ်ပိုင်ဘာသာအသစ်တခုအဖြစ် ရပ် တည်လိုက်မယ်ဆုိုရင် ထေရ၀ါဒဗုဒ္ဓဘာသာအဖွဲ့အစည်းနဲ့ ထိပ်တုိုက်မတွေ့တော့ဘူးဆုို တာပါပဲ။
( မုိုးသု - မန္တလေး )
-------------------------------------------------------------------
ပစ္စုပ္ပန်ကမ္မ၀ါဒနှင့် အယူဝါဒကွန်ရက်
“ပစ္စုပ္ပန်ကမ္မ၀ါဒ” ဆိုတာကို အင်တာနက်ပေါ်မှာ လွန်ခဲ့တဲ့ တစ်နှစ်လောက်က တွေ့ခဲ့ဖူးပါတယ်။ ဖတ်ပြီး ဝေဖန် သုံးသပ်ချက်တစ်ခုရေးဖို့ စဉ်းစားမိခဲ့ပေမယ့် အကြောင်းအမျိုးမျိုးကြောင့် မရေးဖြစ်ခဲ့ပါဘူး။ ကိုယ်လေးစားတဲ့ ပုဂ္ဂိုလ်ကို, ကိုယ်နှစ်သက်တဲ့ အယူအဆကို အပြစ်တင် ဝေဖန်ရှုတ်ချရင် မကျေမချမ်းဖြစ်တတ်ပါတယ်, ရန်ငြိုးဖွဲ့တတ်ပါတယ်။ ကိုယ်လေးစားတဲ့သူ, ကိုယ်နှစ်သက်တဲ့ အယူအဆကို ချီးမွမ်းပြောဆိုရင်လည်း နှစ်သက် ၀မ်းမြောက်တတ်ကြပါတယ်။ အမျက်ဒေါသထွက်နေသူဟာ တစ်ဖက်က ဝေဖန်မှုရဲ့ ကောင်းဆိုးမှားမှန်ကို မပိုင်းခြားနိုင်သလို၊ အဆင်ခြင်မဲ့ နှစ်သက် ၀မ်းမြောက်ပြီး မာန်တက်နေတာလည်း မကောင်းပါဘူး။ (ဒီဃနိကာယ်၊ သီလက္ခန္ဓ၀ဂ်၊ ဗြဟ္မဇာလသုတ်)။
အသေးစိတ်အချိန်ပေး မဖတ်နိုင် (မဖတ်လို) ပေမယ့် အနည်းဆုံး ပစ္စုပ္ပန်ကမ္မ၀ါဒဟာ ဘယ်လိုဝါဒမျိုးလဲလို့ အဓိပ္ပါယ်ပေါ်ယုံ သယံဝသီရဲ့ site http://sayamvasi.googlepages.com/toe-bookspage မှာတင်ထားတဲ့ စာအချို့ကို ဖတ်ခဲ့ပါတယ်။ ပစ္စုပ္ပန်ကမ္မ၀ါဒဟာ နိကာယ်ငါးရပ်က ဒေသနာတွေနဲ့ ဘယ်လို ကွဲပြားခြားနားနေသလဲဆိုတဲ့ အချက်တွေ၊ အနက်အဓိပ္ပါယ် ကောက်ယူမှု ကွဲလွဲချက်တွေကိုပဲ ဦးစားပေး ဖတ်ခဲ့ပါတယ်။ ဒုတိယအနေနဲ့ ပစ္စုပ္ပန်ကမ္မ၀ါဒီတွေက ဘာကြောင့် ဒီလိုယူဆရသလဲ, ဘယ်အယူအဆတွေရဲ့ သြဇာသက်ရောက်မှုရှိလဲဆိုတဲ့ အကြောင်းရင်းဇစ်မြစ်နဲ့ ရည်ရွယ်ချက်တွေကို ရှာကြည့်ခဲ့ပါတယ်။
ပစ္စုပ္ပန်ကမ္မ၀ါဒရဲ့ သိသာထင်ရှားပြီး အရေးပါတယ်လို့ ယူဆရတဲ့ အချက်တွေကတော့
၁။ နတ်, ဗြဟ္မာ, ငရဲ, ပြိတ္တာစတဲ့ ပရလောကကို လက်မခံပါ။
၂။ ရှေးဘ၀, နောက်ဘ၀ကို လက်မခံပါ။
၃။ ပစ္စုပ္ပန် မျက်မှောက်ဘ၀မှ ကိုယ်နှုတ်နှလုံးလှုပ်ရှားမှုကိုသာ ကံအဖြစ်သတ်မှတ်ပါတယ်။
၎။ ဒီမှာလည်း လူ-လူချင်းဆက်ဆံရေးမှ ကိုယ်နှုတ်နှလုံးလှုပ်ရှားမှုကိုသာ ကံအဖြစ်သတ်မှတ်ပါတယ်။ ဒါကြောင့် တိရစ္ဆာန်သတ်တာဟာ ပါဏာတိပါတ မဟုတ်၊ အစိုးရပစ္စည်းခိုးတာဟာ အဒိန္နာဒါနကံ မမြောက် စသဖြင့် ယူဆပါတယ်။
၅။ ကံ၏ အကျိုးဝိပါတ်ဆိုတာဟာ ကံကို ပြုစဉ်က ကိုယ်စိတ်တို့အတိုင်း ထပ်မံဖြစ်ပွားနေခြင်းလို့ ယူဆပါတယ်။
၆။ ရူပ, အရူပဆိုတဲ့ ဈာန်တရားတွေကို အတ္တကိလမထာနုယောဂ အစွန်းဟုသတ်မှတ်ထားပါတယ်။
၇။ ရုပ်နမ်တို့၏ ဖြစ်ပျက်ကို ရှုပွားခြင်းသည် တရားမဟုတ်။ ကိုယ်နှုတ်စိတ် အမှားမဖြစ်အောင် နေခြင်းကသာ တရားဖြစ်တယ်လို့ ယူဆပါတယ်။
၈။ သံသရာအတွင်းမှာ လူ-သတ္တ၀ါတို့ လည်ကြခြင်းမဟုတ်ပဲ လူ-သတ္တ၀ါအတွင်းမှာ သံသရာတို့ လည်ကြခြင်း ဖြစ်တယ်။ ပဋိစ္စသမုပ္ပါဒ်ဟာ သုံးဘ၀လည်တာမဟုတ်။ ဒီဘ၀အတွင်းမှာ လည်တာသာ ဖြစ်တယ်။
၉။ ငါက အနတ္တမဟုတ်ဘူး၊ ငါတို့ ထင်ထားတဲ့ (လူဟု ထင်ထားသည့်) ပဉ္စုပါဒါနက္ခန္ဓာတွေကိုသာ အနတ္တလို့ဟောတာ။ သက္ကာယဒိဋ္ဌိပျောက်သွားရင် ငါသက်သက် (လူသက်သက်, အတ္တသက်သက်)ပဲ ကျန်တယ်လို့ ယူဆကြပါတယ်။
အခြားသော ကွဲပြားခြားနားမှုတွေ အများအပြားရှိသေးပေမယ့် ဒီအချက်တွေလောက်နဲ့ ပစ္စုပ္ပန်ကမ္မ၀ါဒရဲ့ ကောက်ကြောင်း ပေါ်လောက်ပါတယ်။ (ထေရ၀ါဒ ရဟန်းတော်များနဲ့ ကမ္မဋ္ဌာန်းရိပ်သာများအပေါ် စွတ်စွဲဝေဖန်ထားမှုတွေရှိပေမယ့် အခြေအမြစ်သိပ်မရှိပဲ ပုဂ္ဂိုလ်ရေးဆန်ဆန်သာဖြစ်လို့ အကျိုးမများတဲ့အတွက် ပြန်လည်မဖော်ပြတော့ပါဘူး။ အယူဝါဒ သက်သက်အပေါ်မှာပဲ သုံးသပ်ပြလိုပါတယ်။)
သိပ္ပံထွန်းကားလာတဲ့ ဒီနေ့ခေတ်မှာ ဗုဒ္ဓဘာသာဝင်များအကြား ကာလာမသုတ်လို ဒေသနာမျိုးတွေ ရေပန်းစားလာပါတယ်။ ရှေးရိုးစဉ်လာ ယုံကြည်မှုတွေကို စိန်ခေါ်ချင် လာကြပါတယ်။ အထူးသဖြင့် အနောက်တိုင်းစာပေနဲ့ ထိတွေ့ခွင့်ရသူတွေက ဘာသာတရားကို သိပ္ပံပညာဆိုတဲ့ ပေတံနဲ့ တိုင်းထွာ ကြည့်ချင်လာကြပါတယ်။ ဥရောပမှာ ဘုရားကျောင်းတွေနဲ့ ထာရ၀ဘုရားသခင်ရဲ့ လောင်းရိပ်အောက်က လူသားတန်ဖိုးကို ဆွဲထုတ်ပြီး လူသားဝါဒကို ကြွေးကြော်ခဲ့ကြတယ်။ ဒီလို လှုပ်ရှားမှုမျိုးတွေကို အတုယူချင် လာကြပါတယ်။ ရှင်ဥက္ကဋ္ဌရဲ့ “လူသေလူဖြစ်ဝါဒ” ဟာ သိပ္ပံပညာက ဒြဗ်ထုတည်မြဲမှုနိယာမ, ဒါဝင်ရဲ့ ဆင့်ကဲဖြစ်စဉ်သီအိုရီ, လူသားဝါဒ စတာတွေကို ဗုဒ္ဓ၀ါဒနဲ့ ပေါင်းစပ်ဖို့ ကြိုးပမ်းရင်း သိပ္ပံနည်းလည်းမကျ၊ ဗုဒ္ဓ၀ါဒမှလည်း သွေဖီသွား ပါတယ်။
ယခုပစ္စုပ္ပန်ကမ္မ၀ါဒမှာလည်း “လူသားဝါဒ”ကို ရှေ့တန်းတင်လိုတဲ့ သဘောမျိုး တွေ့ရပါတယ်။ တကယ်တော့ ဗုဒ္ဓ၀ါဒဟာ ဖန်ဆင်းရှင်ကို လက်ခံတဲ့ဝါဒမျိုး မဟုတ်တဲ့အပြင် ရခဲလှတဲ့ လူသားရဲ့ ဘ၀တန်ဖိုးကို အလွန် အလေးထားတဲ့အတွက် အထူးတလည် လူသားဝါဒကို ပွဲထုတ်နေစရာ မလိုတော့ပါဘူး။ ဒါပေမယ့် ပစ္စုပ္ပန်ကမ္မ၀ါဒမှာ လူကို လွန်လွန်ကျုးကျုး နေရာပေးထားတာ တွေ့ရပါတယ်။ လူ-လူချင်း ဆက်ဆံရာမှာ ပြုမူတဲ့လှုပ်ရှားမှုတွေကသာ ကံအစစ်ဖြစ်တယ်။ လူမဟုတ်တဲ့ တိရစ္ဆာန်သတ်ခြင်းဟာ ပါဏာတိပါတမဟုတ် စသဖြင့် ခံယူထားပါတယ်။
လူသေလူဖြစ်ဝါဒလို သိပ္ပံပညာက သဘောတရားတွေကို ယူသုံးမထားပေမယ့် ပစ္စုပ္ပန်ကမ္မ၀ါဒတစ်ခုလုံးဟာ Common Sense ဆိုတဲ့ သဘောတရားကို အခြေခံထားတာတွေ့ ရပါတယ်။ ပစ္စုပ္ပန်ကမ္မ၀ါဒက “မည်သည့်ဘာသာဝါဒ, ဒဿနကမှ မှီခို ကူးချ ယူဆောင် ထုတ်နှုတ်ထားခြင်းမဟုတ်တဲ့ ကိုယ်တိုင် သိမြင်ချက်များ” လို့ ကြေညာပြီး၊ “သာမညသဘောတရားကျမ်း” ကို အကျယ်တ၀င့် ရေးသားထားပါတယ်။ ဒဿနဆန်ဆန် ဝေါဟာရအသုံးအနှုန်းတွေ သုံးပြီး စာမျက်နှာ ၁၀၀ ကျော် ရေးသွားပေမယ့် အာရုံခံအင်္ဂါငါးပါးနှင့် ကိုယ်တိုင်သိသော သာမညအသိဆိုတဲ့ Common Sense ပါပဲ။ Common Sense ကိုသာ ဦးစားပေးတဲ့ ၀ါဒကို ဒဿနလောကမှာ Naïve Realism လို့ခေါ်ပါတယ်။ အထူးအဆန်း မဟုတ်ပါဘူး။ မြက်ဟာ စိမ်းတယ်, ကျောက်ခဲဟာ မာတယ်, နှင်းဟာ အေးတယ်စတဲ့ ခပ်ရိုးရိုးမြင်တဲ့ လူပြိန်းအမြင်မျိုးကို ဆိုတာပါ။ ယေဘုယျအားဖြင့် ကြည့်ရင် ဒီလို ခပ်ရိုးရိုး မြင်ခြင်းဟာ မလွဲနိုင်တဲ့ ပစ္စက္ခဖြစ်တယ်, ဒိဋ္ဌဓမ္မအမြင် ဖြစ်တယ်လို့ ယူဆရပေမယ့် Quantum Mechanics ပေါ်လာတဲ့ ဒီနေ့ခေတ်မှာ သာမာန် ပဉ္စာရုံသိဟာ ပကတိအရှိတရားနဲ့ အလှမ်းကွာသွားပြီလို့ သိပ္ပံပညာရှင်တွေက လက်ခံကြပါတယ်။ ဒီဝါဒနဲ့ ပတ်သက်ပြီး Bertrand Russell က “Naive realism က ရူပဗေဒကို ဦးဆောင်တယ်။ ရူပဗေဒက Naive realism မှားကြောင်း ပြခဲ့တယ်။ ဒါကြောင့် Naive realism က မှားပါတယ်” လို့ An Inquiry Into Meaning and Truth ဆိုတဲ့ စာအုပ်မှာ ရေးခဲ့ဖူးတယ်။ သိပ္ပံပညာဟာ စဉ်းစားဆင်ခြင်တွေးခေါ်မှုမပါပဲ အာရုံသိသက်သက်နဲ့တော့ ရှေ့ဆက် မတိုးနိုင်ပါဘူး။ မြတ်စွာဘုရားဟာ ဒီ Common Sense ပေါ်အခြေခံပြီး ဟောကြားထားတဲ့ (ဥပမာ ကာလာမသုတ်, အပဏ္ဏကသုတ်တို့လို) သုတ္တန်တွေ အများအပြားရှိပါတယ်။ ဒါပေမယ့် ဒီလိုသုတ္တန်အများစုဟာ အဆင့်မြင့်တဲ့ သစ္စာလေးပါးတရားတွေကို လက်ခံနိုင်စွမ်းမရှိသေးတဲ့ (တွေဝေနေသေးတဲ့) သူတွေကို ဟောကြားခဲ့တာ များပါတယ်။ ဒီသုတ္တန်တွေမှာလည်း တမလွန်ဘ၀ကို လက်ခံခြင်းဟာ အကျိုးမယုတ်ကြောင်းကို ဟောကြားခဲ့ပါတယ်။ အာရုံခံအင်္ဂါငါးပါးဖြင့် သိမြင်တဲ့ သာမာန်အသိထက် မနောဝိညာဏ်ဖြင့်သိတဲ့ အသိမျိုးကိုပဲ ဗုဒ္ဓဘာသာက ဦးစားပေး ပါတယ်။ ပညာဟာ မနောဝိညာဏ်ပေါ်မှာ ဖြစ်ပေါ်ပြီး ထိုးထွင်းသိခြင်း, ပိုင်းခြားသိခြင်း, ကိလေသာကို ပယ်သတ်ခြင်းစတဲ့ အကျိုးတွေရှိတယ်လို့ ရှင်သာရိပုတ္တရာမထေရ် ဟောကြားခဲ့ပါတယ်။ (မဇ္ဈိမနိကာယ်၊ မူလပဏ္ဏာသ၊ စူဠယမက၀ဂ်၊ မဟာဝေဒလ္လသုတ်)
ပစ္စုပ္ပန်ကမ္မ၀ါဒဟာ ဘာကြောင့် Common Sense ကိုရွေးချယ်ခဲ့ပါ သလဲ။ ဗုဒ္ဓက ဓမ္မဟာ စဉ်းစားတွေးခေါ်ခြင်း၏ ကျက်စားရာမဟုတ် “အတက္ကာဝစာရော” လို့ ဟောကြားခဲ့တာကြောင့် တစ်ကြောင်း၊ သာမာန်အာရုံသိနဲ့ မမြင်နိုင်တဲ့ ရှေ့ဘ၀, နောက်ဘ၀, နတ်, ဗြဟ္မာ, ငရဲ စတာတွေကို ငြင်းပယ်လိုတာကြောင့် တစ်ကြောင်းလို့ ယူဆရပါတယ်။ ဒါကြောင့် ပစ္စုပ္ပန်ကံဟာ “ထုံးပုံးထဲ လက်နှိုက်ရင် ဖြူပြီး၊ ကတ္တရာပုံးထဲ လက်နှိုက်ရင် မဲသလို” ပစ္စုပ္ပန်မှာပဲ အကျိုးပေးတယ်လို့ ယူဆပါတယ်။ စင်စစ် ပစ္စုပ္ပန်ကမ္မ၀ါဒဟာ လူသေပြီး လူမဖြစ်တော့တာကလွဲရင် လူသေလူဖြစ်ဝါဒရဲ့ ကံအယူအဆနဲ့ ခပ်ဆင်ဆင် တူပါတယ်။ တကယ်တော့ အနောက်တိုင်းသား အများစုဟာလည်း ဗုဒ္ဓအဆုံးအမကို လက်ခံလိုကြပေမယ့် ဘ၀တစ်ဖန်ဖြစ်ခြင်းဆိုတဲ့ အယူအဆကို ငြင်းပယ်လိုကြပါတယ်။ သို့မှသာ Common Sense နဲ့ကိုက်ညီပြီး သဘာဝကျတဲ့ ကမ္မ၀ါဒဖြစ်မယ်လို့ ယူဆကြပါတယ်။ သဘာဝလွန် နတ်ဗြဟ္မာလောကတွေကို လက်မခံ, သေလွန်ပြီး ပြန်ဖြစ်သောဘ၀ကို လက်မခံတဲ့ ပစ္စုပ္ပန်ကံဝါဒမျိုးဟာ ဗြဟ္မဏ၀ါဒနဲ့ ဂျိန်းဝါဒတို့ရဲ့ ကံဝါဒထက်တော့ ပိုပြီးသင့်တော် လိမ့်မယ်လို့ ယူဆကြပါတယ်။ ဒါပေမယ့် ဗုဒ္ဓက ဘာသာအယူဝါဒအကျင့်တွေကို ဝေဖန်ပြတဲ့အခါ ပရလောကကို ငြင်းပယ်တဲ့ဝါဒတွေကို မမြတ်သောဘာသာတရား (အဗြဟ္မစရိယ) တနည်းအားဖြင့် မှားယွင်းတဲ့ ဘာသာတရား False Religion လို့ သတ်မှတ်ပါတယ်။ ဒီအယူဝါဒမျိုးကို စွဲမြဲစွာ ကျင့်သုံးခဲ့ရင် မဂ်ဖိုလ်မရနိုင်၊ သေလွန်လျှင် မုချ အပါယ်သို့လားစေမည့် နိယတမိစ္ဆာဒိဋ္ဌိ အမြင်ဖြစ်တယ်။ ဗြာဟ္မဏ၀ါဒနဲ့ နိဂဏ္ဍနာဋပုတ္တရဲ့ ဂျိန်းဝါဒတွေကိုတော့ သက်သာရာ မရစေနိုင်တဲ့ ဘာသာတရား (အနဿာသိက ဗြဟ္မစရိယ) Unsatisfactory Religion လို့သာ ဟောကြားခဲ့ပါတယ် (မဇ္ဈိမနိကာယ်၊ မဇ္ဈိမပဏ္ဏာသ၊ သန္ဒကသုတ်)။
ပစ္စုပ္ပန်ကမ္မ၀ါဒဟာ Common Sense နဲ့ “လူ” ဇောင်းပေးလွန်းတဲ့အတွက် ကမ္မဋ္ဌာန်းတရား အားထုတ်ခြင်းကို အပိုအလုပ်လို့ မြင်ပါတယ်။ စိတ်တည်ငြိမ်အောင် ချုပ်တည်းတဲ့ ဈာန်တရားတွေကို အတ္တကိလမထာနုယောဂလို့ သတ်မှတ်ပါတယ်။ ရုပ်နာမ်တို့၏ ဖြစ်ပျက်ရှုပွားခြင်းဟာ တရား မဟုတ်ဘူးလို့ ယူဆပါတယ်။
ဒီတော့ ပစ္စုပ္ပန်ကမ္မ၀ါဒရဲ့ လာရာလမ်းကြောင်းကို ပြန်ကောက်ရရင် သာမညအသိ (၀ါ) သာမာန်လူပြိန်း အသိနဲ့ လူကသာ ပဓာနကျတယ်ဆိုတဲ့အချက်ကို အခြေခံထားတဲ့ ဥစ္ဆေဒ၀ါဒ, နိတ္ထိက၀ါဒ နိယတမိစ္ဆာ အယူအဆသာ ဖြစ်ပါတယ်။ တမလွန်ဘ၀နဲ့ သံသရာကို လက်မခံတဲ့အတွက် ဗုဒ္ဓအဆုံးအမသာသနာရဲ့ ရည်မှန်းချက် ပန်းတိုင်ဖြစ်တဲ့ သံသရာမှ ထွက်မြောက်ခြင်း ချမ်းသာ (၀ိမုတ္တိသုခ) ကိုလည်း မရနိုင်ပါ။ တမလွန်တွင် အပါယ်ဘေးမှ လွန်မြောက်သော ချမ်းသာ (သမ္ပရာယိကသုခ) ကိုလည်း မရနိုင်ပါ။ အစိုးရပစ္စည်း ခိုးယူခြင်းသည် အဒိန္နာဒါနာကံ မမြောက် စသဖြင့်ခံယူတဲ့အတွက် မျက်မှောက်ဘ၀ ကိုယ်ကျင့်သီလ စာရိတ္တမဏ္ဍိုင်ကိုတောင် အထောက်အကူ မပြုနိုင်ပါဘူး။ သူတော်ကောင်းတို့ ကဲ့ရဲ့ရှုတ်ချမှုကိုလည်း မလွတ်နိုင်ပါဘူး။ သမာဓိနဲ့ ၀ိပဿနာကိုလည်း ပစ်ပယ်ထားတဲ့အတွက် ဗုဒ္ဓ၀ါဒရဲ့ သီလ, သမာဓိ, ပညာဆိုတဲ့ သိက္ခာသုံးရပ်လုံးနဲ့ ဆန့်ကျင်နေပါတယ်။
***** ******
ဗုဒ္ဓ၀ါဒနှင့် နှိုင်းယှဉ်ချက်
ပစ္စုပ္ပန်ကမ္မ၀ါဒရဲ့ အယူအဆများဟာ ဗုဒ္ဓ၀ါဒနဲ့ ကွဲပြားခြားနားကြောင်းကို အထက်ကပြောခဲ့တဲ့ အချက် (၉) ချက်ပေါ်မူတည်ပြီး (အဋ္ဌကထာအဖွင့်များ မပါပဲ) ဗုဒ္ဓကိုယ်တိုင် ဟောကြားခဲ့တဲ့ မူရင်းနိကာယ်ငါးရပ်မှ အကျဉ်းချုပ် ကောက်နှုတ်ချက်များနှင့် နှိုင်းယှဉ်ပြပါမယ်။
တေ ကာယဿ ဘေဒါ ပရံ မရဏာ အပါယ ဒုဂ္ဂတိံ ၀ိနိပါတံ နိရယံ ဥပပန္နာ။
တေ ကာယဿ ဘေဒါ ပရံ မရဏာ သုဂတိံ သဂ္ဂ လောကံ ဥပပန္နာ။
နိကာယ်ငါးရပ်လုံးထဲက သုတ္တန်အတော်များများမှာ “အကြင်သူသည် ကိုယ်ပျက်စီး၍ သေလွန်သော် အပါယ် မကောင်းသောလားရာ (ဒုဂ္ဂတိ) သို့ ကျရောက်၍ ငရဲ၌ ဖြစ်ရ၏”… “အကြင်သူသည် ကိုယ်ပျက်စီး၍ သေလွန်သော် ကောင်းရာ (သုဂတိ) နတ်လောက၌ ဖြစ်ရ၏” ဆိုတဲ့ ၀ါကျများ တွေ့ရပါတယ်။ “ကိုယ်ပျက်စီး၍ သေလွန်ပြီးနောက် (ကာယဿ ဘေဒါ ပရံ မရဏာ)” ဆိုတဲ့ အသုံးအနှုန်းအရ အပါယ်ကျခြင်း, နတ်ဖြစ်ခြင်းတို့ဟာ ဒီမျက်မှောက်လူ့ဘ၀မှာပဲ ဆင်းရဲခြင်း, ချမ်းသာခြင်းတွေကို တင်စားပြောနေဆိုခြင်း မဟုတ်ကြောင်း ထင်ရှားပါတယ်။
ပစ္စုပ္ပန်ကမ္မ၀ါဒီတို့ကိုးကားတဲ့ မဟာသီဟနာဒသုတ်မှာလည်း ဒီအသုံးအနှုန်း ပါဝင်ပါတယ်။ အဲဒီသုတ်ထဲမှာ ငရဲ (နိရယ), တိရစ္ဆာန်, ပြိတ္တာ (ပေတ္တိဝိသယ), လူ (မနုဿ), နတ် (ဒေ၀ါ) ဆိုတဲ့ ဂတိငါးမျိုးကို ဖော်ပြထားပြီး ဒီဂတိငါးမျိုးဟာ သေလွန်ပြီးမှ ရောက်ရတယ်ဆိုတာ အထင်အရှား ဖော်ပြထားပါတယ်။ ဒီလို လားရာဂတိတွေကို ရောက်သွားပြီး ဆင်းရဲချမ်းသာကို ခံစားနေရတာကို ကိုယ်တိုင် ထိုးထွင်းသိမြင်နိုင်တဲ့ ဒိဗ္ဗစက္ခုဉာဏ်ရှိကြောင်း ဟောကြားထားပါတယ်။ (မဇ္ဈိမနိကာယ်၊ မူလပဏ္ဏာသ၊ သီဟနာဒ၀ဂ်၊ မဟာသီဟနာဒသုတ်) ဒါကြောင့် ပစ္စုပ္ပန်ကမ္မ၀ါဒရဲ့ “သုံးဆယ့်တစ်ဘုံဆိုတာ ပစ္စုပ္ပန်လူ့ဘ၀ထဲမှာပဲ ကျင်လည်နေရတာ” ဆိုတဲ့ အယူအဆတွေဟာ ဗုဒ္ဓ၀ါဒနဲ့ မကိုက်ညီပါဘူး။
အနမတဂ္ဂေါယံ, ဘိက္ခဝေ, သံသာရော။ ပုဗ္ဗာ ကောဋိ န ပညာယတိ အ၀ိဇ္ဇာနီဝရဏာနံ သတ္တာနံ တဏှာသံယောဇနာနံ သန္ဓာဝတံ သံသရတံ။ (နိဒါန၀ဂ္ဂသံယုတ်ပါဠိတော်၊ အနမတဂ္ဂသံယုတ်မှ သုတ္တန်များ)
ရဟန်းတို့… ဤသံသရာ၏ အစကို မသိနိုင်၊ အ၀ိဇ္ဇာဖြင့် ပိတ်ဖုံးကာ တဏှာဖြင့် နှောင်ဖွဲ့ထား၍ သံသရာကို ကျင်လည်နေကြသော သတ္တ၀ါတို့၏ အစဦးအစွန်းသည် မထင်။
နိဒါန၀ဂ္ဂသံယုတ်ပါဠိတော် အနမတဂ္ဂသံယုတ်မှာ သံသရာသည် အစမထင်ဟု ဟောကြားခဲ့ပါတယ်။ အကယ်၍ ပစ္စုပ္ပန်ကမ္မ၀ါဒက ယူဆထားသည့်အတိုင်း “လူသည် သံသရာတွင်ကျင်လည်ခြင်း မဟုတ်ပဲ၊ သံသရာသည် လူပေါ်တွင် ကျင်လည်နေကြခြင်း” သာမှန်ပါက သံသရာသည် အစမထင်သော အနမတဂ္ဂတရားလို့ ဟောမှာ မဟုတ်ပါဘူး။ အဲ့ဒီအပြင် အနမတဂ္ဂသံယုတ်မှာ “မရေတွက်နိုင်သော အမိ, အဖ တော်ခဲ့ဖူးသူများ ရှိခဲ့သည်။ သမုဒ္ဒရာလေးစင်းမကသော မျက်ရည်တို့ ကျခဲ့ဖူးသည်။ မရေတွက်နိုင်သော ကမ္ဘာပေါင်းများစွာမက သံသရာရှည်ကာ သချိုင်းမြေပုံတို့ တိုးခဲ့ဖူးသည်” စတဲ့ ဥပမာများနဲ့ ဟောကြား ထားပါတယ်။ အနမတဂ္ဂသံယုတ် တစ်ခုတည်းနဲ့တင် ပစ္စုပ္ပန်ကမ္မ၀ါဒရဲ့ သံသရာအယူအဆဟာ ဗုဒ္ဓ၀ါဒ မဟုတ်ကြောင်း ထင်ရှားလောက်ပါတယ်။
“အရာရာဟာ ရှေးဘ၀ကပြုခဲ့တဲ့ ကံတွေကြောင့်ဖြစ်ရတာ, ယခုဘ၀မှာ အရင်ဘ၀က ကံတွေက အကျိုးပေးနေကြတာ”လို့ ယူဆတာမျိုးကို ဗုဒ္ဓက အယူမှား ပုဗ္ဗေကတဟေတုဒိဋ္ဌိ (ရှေးကပြုသော အကြောင်းဟူသည့် အယူ)လို့ ဟောကြားခဲ့တာ မှန်ပါတယ်။ ဒီလို အယူဝါဒရှိသူတွေဟာ “မိမိတို့ လုပ်သင့်သည်တို့အား လုပ်ဆောင်ရန်၊ မလုပ်သင့်သည်တို့အား မလုပ်ရန်အတွက် ဆန္ဒနှင့် ကြိုးပမ်းအားထုတ်မှုတို့ ဖြစ်ပေါ်မလာနိုင်။ လုပ်သင့်, မလုပ်သင့်ကိုလည်း မှန်ကန်စွာ မသိမြင်၍၊ သတိထား စောင့်ထိန်းခြင်းလည်း ပြုမည် မဟုတ်တော့။” လို့ ဗုဒ္ဓက မိန့်ကြားခဲ့ဖူးပါတယ် (အံ-၃-၆၂၊ အင်္ဂုတ္တရနိကာယ်၊ မဟာဝဂ်၊ တိတ္ထာယတနသုတ်)။ ဒါဟာ မျက်မှောက်ဘ၀မှာပြုတဲ့ ပစ္စုပ္ပန်ကံတွေ, ကြိုးစားအားထုတ်မှုတွေ, အခြားသောအကြောင်းတရားတွေကို ငြင်းပယ်ရာ ရောက်လို့ ဖြစ်ပါတယ်။ အရာရာဟာ ကံရဲ့ အကျိုးဝိပါက်တွေ မဟုတ်ပါဘူး။ ရောဂါတစ်ခုရတာဟာ ကံကြောင့် ဖြစ်နိုင်သလို၊ ရာသီဥတုဖောက်ပြန်လို့, သွေး လေ သည်းခြေ ဖောက်ပြန်လို့, ကိုယ့်ကိုကိုယ် ဂရုမစိုက်လို့, သူတစ်ပါးက လုပ်ကြံလို့ စတဲ့ အကြောင်းတွေကြောင့်လည်း ဖြစ်နိုင်ပါတယ်။ ဒါကြောင့် အရာရာ ဖြစ်ပျက်သမျှမှာ ကံကို ပုံချတာဟာ ပုဗ္ဗေကတဟေတုဝါဒပဲလို့ ဗုဒ္ဓက ဟောကြားထားပါတယ် (သံ-၄-၂၆၉၊ သဠာယတန၀ဂ္ဂသံယုတ်၊ ဝေဒနာသံယုတ်၊ အဋ္ဌသတပရိယာယ၀ဂ်၊ သီဝကသုတ်)။
သို့သော်လည်း အတိတ်ကံတွေကို လုံးဝပစ်ပယ်ခြင်း မပြုပါဘူး။ အတိတ်ကံဟောင်းတွေက မျက်မှောက်ဘ၀ပေါ်မှာ လွမ်းမိုးမှုရှိသလို ပစ္စုပ္ပန်ကံသစ်တွေက မျက်မှောက်ဘ၀နဲ့ နောင်ဘ၀များအတွက် လွှမ်းမိုးမှုရှိပါတယ်။ သတ္တ၀ါတွေကို ညှင်းဆဲတဲ့သူဟာ သေလွန်ပြီးရင် အပါယ်, ငရဲ ကျရောက်ရတယ်။ မရောက်ခဲ့လို့ လူဖြစ်ရင် အသက်တိုမယ်။ အနာရောဂါများမယ်။ တမလွန်ဘ၀မှာ အသက်, စည်းစိမ်ချမ်းသာ, အချွေအရံစသဖြင့် ကွဲပြားခြားနားမှုတွေဟာ မျက်မှောက်ဘ၀ ကံတွေရဲ့ အကျိုးပေးတွေပါ။ (မဇ္ဈိမနိကာယ်၊ ဥပရိပဏ္ဏာသ၊ ၀ိဘင်္ဂ၀ဂ်၊ စူဠကမ္မ၀ိဘင်္ဂသုတ်) ထို့အတူပဲ မျက်မှောက်ဘ၀ကံတွေရဲ့ အကျိုးကို မျက်မှောက်ဘ၀မှာဖြစ်စေ, နောက်ဘ၀၌ဖြစ်စေ, အခြားသောဘ၀များ၌ ဖြစ်စေ ခံစားရတယ်လို့ ဟောကြားထားပါတယ် (မဇ္ဈိမနိကာယ်၊ ဥပရိပဏ္ဏာသ၊ ၀ိဘင်္ဂ၀ဂ်၊ မဟာကမ္မ၀ိဘင်္ဂသုတ်)။ ဒါကြောင့် ပစ္စုပ္ပန်မှာပြုမူတဲ့ လှုပ်ရှားမှုများကသာ ကံဖြစ်တယ်။ ပစ္စုပ္ပန်ကံရဲ့ အကျိုးကို ပစ္စုပ္ပန်ဘ၀မှာပဲ ခံစားရတယ်ဆိုတဲ့ ပစ္စပ္ပန်ကမ္မ၀ါဒအယူဟာ ဒီသုတ္တန်တွေနဲ့ လျော်ညီမှု မရှိပါဘူး။
‘ကမ္မ’ဆိုတာဟာ ကိုယ်နှုတ်နှလုံးသုံးပါရဲ့ ပြုမူလှုပ်ရှားမှုတွေကို ခေါ်တာမှန်ပေမယ့် စင်စစ်ကတော့ ဒီအပြုအမူတွေကို စေ့ဆော်နေတဲ့ ‘စေတနာ’ သည်သာ ကံဖြစ်ပါတယ်။ စေတနာနဲ့ စေ့ဆော်ပြီးမှသာ ကိုယ်ဖြင့် ပြုမူ, နှုတ်ဖြင့် ပြောဆို, စိတ်ဖြင့် ကြံစည်ကြလို့ ဖြစ်ပါတယ်။ (အံ-၆-၆၃၊ အင်္ဂုတ္တရနိကာယ်၊ ဆက္ကနိပါတ်၊ မဟာဝဂ်၊ နိဗ္ဗေဓိကပရိယာယသုတ်) ဒီတော့ ကံကောင်း ကံဆိုးဟာ စေတနာကောင်း စေတနာဆိုးပေါ်မှာ မူတည်ပါတယ်။ ဒါကြောင့် အပြုအမူတွေကို စေ့ဆော်တဲ့ စေတနာက ဒီအပြုအမူတွေ သက်ရောက်ခံရမယ့် လူ, တိရစ္ဆာန်, အဖွဲ့အစည်း, ရုပ်ဝတ္ထုပစ္စည်းတွေထက် ပိုပြီး ပဓာနကျပါတယ်။ ပစ္စုပ္ပန်ကမ္မ၀ါဒရဲ့ လူ-လူချင်းဆက်ဆံရာမှာ ကိုယ်နှုတ်နှလုံး လှုပ်ရှားမှုကိုသာ ကံလို့သတ်မှတ်ချက်ဟာ နိဗ္ဗေဓိကပရိယာယသုတ်ကို ဆန့်ကျင်ပါတယ်။ ဥပမာ ရာသီဥတုပူတာကို ဒေါသထွက်နေခဲ့ရင်လည်း ဗုဒ္ဓ၀ါဒအရ ဒေါသစိတ် (ဒေါသနှင့်ယှဉ်တဲ့ စေတနာ) ကြောင့် အကုသိုလ်ကံမြောက်ပါတယ်။ ပစ္စုပ္ပန်ကမ္မ၀ါဒကတော့ လူ-လူချင်းဆက်ဆံတာ မဟုတ်လို့ ကံမမြောက်ဘူးလို့ ယူဆပါတယ်။
ပစ္စုပ္ပန်ကမ္မ၀ါဒီတွေက ဘုရားအလောင်းတော်ရဲ့ ဒုက္ကရစရိယာအကျင့်ကို ရူပဈာန်, အရူပဈာန်လို့ မှားယွင်းစွာ ဖော်ပြထားပါတယ်။ ထို့အတူပဲ စိတ်ကိုချုပ်တည်းတဲ့ ဈာန်တရားတွေဟာ မိမိကိုယ်ကို ညှင်းဆဲတဲ့ အတ္တကိလမထာနုယောဂ အကျင့်တွေလို့ မှားယွင်းစွာ ယူဆထားပါတယ်။ စင်စစ် အလောင်းတော်ဟာ ဒုက္ကရစရိယာအကျင့်ကို ပယ်စွန့်ဖို့ အကြံဖြစ်တာဟာ “မိမိငယ်စဉ်ဘ၀ သပြေပင်အောက်မှာ ရခဲ့ဖူးတဲ့ ပဌမဈာန်ဟာ ဗောဓိဉာဏ်ကိုရဖို့ အကျင့်လမ်းဖြစ်မယ်, ပဌမဈာန်ချမ်းသာဟာ ကာမဂုဏ်တရားနဲ့ အကုသိုလ်တရားတွေကို ပယ်စွန့်ထားတဲ့ ချမ်းသာဖြစ်တဲ့အတွက် မှီဝဲအားထုတ်ရမှာကို (တွန့်ဆုတ်) ကြောက်ရွံ့နေစရာလိုကြောင်း” စဉ်းစားမိလို့ပါ။ ဒီအကြောင်းကို ဗုဒ္ဓကိုယ်တိုင် သစ္စကပရိဗိုဇ်ကို ပြန်ပြောခဲ့ပါတယ် (မဇ္ဈိမနိကာယ်၊ မူလပဏ္ဏာသ၊ မဟာယမက၀ဂ်၊ မဟာသစ္စကသုတ်)။ ဈာန်ချမ်းသာဟာ မှီဝဲပွားများအပ်တဲ့ (အာသေ၀ိတဗ္ဗ ဘာဝေတဗ္ဗ ဗာဟုလီကာတဗ္ဗ) တရားတွေ ဖြစ်တယ်။ သို့သော်လည်း တွယ်ငြိနေရန်မဟုတ်ပဲ ထိုထက်ပို၍ အဆင့်မြင့်သော တရားများအတွက် ပယ်စွန့်ရပါတယ် (မဇ္ဈိမနိကာယ်၊ မဇ္ဈိမပဏ္ဏာသ၊ ဘိက္ခုဝဂ်၊ လဋုကိကောပမသုတ်)။ “သမ္မာသမာဓိ” ဆိုတာ ပဌမဈာန်, ဒုတိယဈာန် စသဖြင့် ဈာန်တရားလေးပါးဖြင့်ယှဉ်တဲ့ စိတ်တည်ကြည်မှု သမာဓိကို ခေါ်ကြောင်း နိကာယ်ငါးရပ်မှ ဒေသနာမြောက်မြားစွာမှာ ဟောကြားထားပါတယ်။ ဒါကြောင့် ဈာန်တရားများကို ရှုတ်ချခြင်း, ပစ်ပယ်ပြောဆိုခြင်းဟာ ဗုဒ္ဓဘာသာရဲ့ အခြေခံအကျဆုံးဖြစ်တဲ့ မဂ္ဂင်ရှစ်ပါးက သမ္မာသမာဓိကို ငြင်းပယ်ရာရောက်ပါတယ်။ အချို့က ဈာန်တရားကို မြေလျှိုးမိုးပျံစတဲ့ တန်ခိုးတွေနဲ့ ရောနှော ရှုပ်ထွေးနိုင်ပါတယ်။
ဓမ္မစကြာသုတ်အပါအ၀င် အခြားသောဒေသနာများက ဒုက္ခသစ္စာရဲ့ အကျဉ်းချုပ်အဓိပ္ပါယ်ကို ပဉ္စုပါဒါနက္ခန္ဓာ (ဥပါဒါန်ဖြင့် စွဲယူထားသော ခန္ဓာငါးပါး) လို့ ဖွင့်ဆိုပါတယ်။ စွဲလမ်းမှု ဥပါဒါန်နဲ့ ပဉ္စုပါဒါနက္ခန္ဓာဟာ သီးခြားမဟုတ်သလို အတူတူလည်း မဟုတ်ပါဘူး။ ခန္ဓာငါးပါးပေါ်မှာ စွဲလမ်းကပ်ငြိတဲ့ ဆန္ဒရာဂကို ဥပါဒါန်လို့ခေါ်ပါတယ် (မဇ္ဈိမနိကာယ်၊ ဥပရိပဏ္ဏာသ၊ ဒေ၀ဒဟ၀ဂ်၊ မဟာပုဏ္ဏမသုတ်)။ ဒီဥပါဒါန်ကြောင့် “ငါ ရှိတယ်” လို့ထင်တဲ့ အထင် (အသ္မိမာန) ဖြစ်ပါတယ် (ခန္ဓ၀ဂ္ဂသံယုတ်၊ ခန္ဓသံယုတ်၊ ထေရ၀ဂ်၊ အာနန္ဒသုတ်)။ ရေမှာ ထင်တဲ့ ပုံရိပ်လို ဥပါဒါန်ရှိနေတဲ့ ပုထုဇဉ်အတွက် ရုပ်, ဝေဒနာ, သညာ, သင်္ခါရာ, ၀ိညာဏ်ဆိုတဲ့ ခန္ဓာငါးပါးကို စွဲပြီး ငါရှိတယ်လို့ ထင်တာပါ။ ပုထုဇဉ်ကတော့ ဒီပုံရိပ်ကိုပဲ တကယ် ရှိတယ်လို့ ယူဆပါတယ်။ ဒါကလည်း ခန္ဓာငါးပါးကို “မြဲတယ်, ချမ်းသာတယ်, ငါပဲ” လိုထင်နေတဲ့ နိစ္စသညာ, သုခသညာ, အတ္တသညာကြောင့်ဖြစ်တာပါ။ ဒါကြောင့် ရုပ်, ဝေဒနာ, သညာ, သင်္ခါရ, ၀ိညာဏ်ဆိုတဲ့ ခန္ဓာငါးပါးကို အနိစ္စ, ဒုက္ခ, အနတ္တလို့ မြင်အောင်ရှုရမယ်လို့ အနတ္တလက္ခဏာသုတ်အပါအ၀င် ဒေသနာအများပြားမှာ ဟောကြားထားပါတယ်။ ပစ္စုပ္ပန်ကမ္မ၀ါဒယူဆသလို “ပဉ္စုပါဒါနက္ခန္ဓာကသာ အနတ္တဖြစ်ပြီး, ပဉ္စက္ခန္ဓာက အတ္တ၊ (လူလို့ထင်နေတဲ့ စွဲလမ်းမှုတွေက အနတ္တဖြစ်ပြီး လူသက်သက်ကတော့ အတ္တ) သက္ကာယဒိဋ္ဌိကို ပယ်သတ်လိုက်ရင် လူသက်သက်, အတ္တသက်သက်ပဲ ကျန်မယ်” ရယ်လို့ မြတ်စွာဘုရား မဟောကြားခဲ့ပါ။ ဗုဒ္ဓက “သဗ္ဗေ ဓမ္မာ အနတ္တာ”လို့ ဟောပါတယ်။ ပစ္စုပ္ပန်ကမ္မ၀ါဒက လူဆိုတဲ့ အတ္တ၀ါဒကို လက်ခံထားတဲ့ အတွက် ရုပ်နာမ် သင်္ခါရတရားတွေပေါ် “အနိစ္စ, ဒုက္ခ, အနတ္တ” ရှုပွားဖို့ ငြင်းပယ်ထားပါတယ်။
ဧရာ (မန္တလေး)

ဆက်လက်ဖတ်ရှုရန်

Monday, December 5, 2016

အလှူခံပုဂ္ဂိုလ်၏ ချမ်းသာမှုကို ရှေ့ ရှု၍




လွန်ခဲ့တဲ့ အနှစ် (၂၀) ကျော် တက္ကသိုလ်ကျောင်းသားဘ၀တုန်းက
ပါ။ တစ်ရက်တော့ ကျောင်းမှာ သီတဂူဆရာတော်ကြီးတရားပွဲလုပ်ပါတယ်။ ဆရာတော်ကြီးကြွလာပြီးတရားဟောတော့ မာတိကာမာတာ အကြောင်းဟောသွားတာလေး အခုထိ မှတ်မိနေပါသေးတယ်။ တက္ကသိုလ်မှာဟောတာဆိုတော့ ဆရာတော်ကြီးက လူငယ်တွေနားလည်လွယ်အောင် ပေါ့ပေါ့ပါးပါး ခေတ်အသုံးတွေ၊ အင်္ဂလိပ်လိုတွေ များများညှပ်ထည့်ပြီး ဟောသွားခဲ့ပါတယ်။ ဆရာတော်ကြီးက အဲဒီနေ့ကတရားမှာ အဓိက အချက် (၂) ခုကို high light လုပ်ပြီးပောာပေးသွားတယ်။ ပထမတစ်ချက်က ရဟန်းတော်တွေရဲ့  အလိုနည်းမှု၊ ဒကာဒကာမတွေ မွေးမြူရလွယ်အောင် ကျင့်ကြံနေထိုင်တတ်မှုကို ချီးကျူးဟောကြားသွားခဲ့ပါတယ်။ ဒုတိယအချက်ကတော့ မာတိကာမာတာရဲ့  ရဟန်းတော်တွေအတွက် ဆွမ်းကိစ္စအဆင်ပြေအောင် စီစဉ်ဆောင်ရွက်ပေးမှုဟာ အင်မတန်အတုယူစရာကောင်းပြီး၊ စိတ်ကူးပုံ အင်မတန်ဆန်းကြယ်ကြောင်း၊ အခုခေတ်လိုဆိုရင် သူ့ရဲ့ ဆွမ်းစီမံဆက်ကပ်လှူဒါန်းပုံဟာ ဘူဖေးဆွမ်းဖြစ်ကြောင်း ဆရာတော်ကြီးက ရယ်ရယ်မောမောနှင့် ဟောသွားခဲ့တာ အခုထိ ကြားယောင်မိနေပါသေးတယ်။

ပြောရရင် အဲဒီအချိန်ကတည်းက ဘူဖေးဆွမ်းဆိုတာကို စိတ်ထဲမှာ မှတ်မှတ်ထင်ထင်ရှိခဲ့ပြီး သဘောကျသွားခဲ့ပါတယ်။ ရဟန်းသံဃာတော်တွေအနေနှင့် အမြဲတမ်း ဆွမ်းခံစား၊ အလှူတွေမှာ ဒကာဒကာမတွေ ချက်ကပ်တဲ့ ဆွမ်းတွေချည်းစားနေရတော့ ဘာပဲဖြစ်ဖြစ် ကြာလာရင် ငြီးငွေ့ကြမှာပဲ။ တခါတလေ ဘူဖေးပုံစံ ကိုယ်န်ှစ်သက်တဲ့ ဆွမ်းဟင်းတွေကို စိတ်ကြိုက်ရွေးချယ် ဘုန်းပေးခွင့်ရကြရင် ဘာပဲဖြစ်ဖြစ် စိတ်အပြောင်းအလဲဖြစ်ကြမှာပဲလို့ အဲဒီကတည်းက တွေးနေမိခဲ့ဖူးပါတယ်။

ပိုင်းလော့ဆရာတော်ကြီးရဲ့  ကံနှင့်ကံအကျိုးပေး တရားတွေမှာ အမြဲလိုလိုထည့်ထည့်ဟောတတ်တဲ့ တရုတ်ကြီးတစ်ယောက်အကြောင်းလည်း သဘောကျမိပါသေးတယ်။ အဲဒီတရုတ်ကြီးက ပြည်ကြီးကလာတဲ့ တရုတ်ဆိုတော့ မြန်မာစကားလည်း ကောင်းကောင်းမပြောတတ်၊ မြန်မာဓလေ့လည်း နားမလည်၊ ဘုန်းကြီးတွေနှင့် ဘယ်လိုပြောဆိုဆက်ဆံရမယ်ဆိုတာလည်း မသိဘူး။ ဒါပေမယ့် သူ့မှာ စိတ်ကောင်းနှလုံးကောင်းတော့ ရှိတယ်။ သူ့အိမ်ရှေ့ ကနေ အမြဲတမ်းဆွမ်းခံကြွနေတဲ့ သံဃာတော်တွေကို မြင်တော့ သနားလာတယ်။ ဒါနဲ့ တခါတော့ သူ့အိမ်မှာ ပင့်ပြီး ဘုန်းကြီးတွေကို ဆွမ်းကပ်တယ်။ ဆွမ်းစားနေတဲ့ အချိန်မှာ ဘေးကနေပြီး ယပ်တောင်နှင့် ယပ်ခပ်ပေး၊ ပါးစပ်ကလည်း စားကြ၊ စားကြ လို့ပြောပြီး ဆွမ်းထမင်းတွေ၊ ဟင်းတွေ အားရပါးရ လိုက်ထည့်ပေးသတဲ့။ သံဃာတော်တွေလည်း ဆွမ်းဘုန်းပေးပြီးသွားတဲ့အခါကျတော့ ချွေးတွေစို့နေကြပြီပေါ့။ ထုံးစံအတိုင်း ပရိတ်တရားနာ၊ ရေစက်ချ လုပ်ပေးရမယ့် အစီအစဉ်အတိုင်း တရားဟောဖို့ စပြင်တော့ တရုတ်ကြီးက နင်တို့ စားပြီးသောက်ပြီး အိုက်လို့ ပင်ပန်းနေကြပြီ။ သီချင်းဆိုမနေကြနဲ့တော့။ ကျောင်းပြန်အိပ်ကြတော့လို့ အတင်းနှင်လွှတ်တယ်တဲ့။ သူက သံဃာတော်တွေ ပရိတ်ရွတ်တာကို သီချင်းဆိုကြတယ်လို့ပဲ နားလည်ထားတာကိုး။

ဒီမှာ ဆရာတော်က တရုတ်ကြီးရဲ့  စိတ်ထားကို high light လုပ်ပြတာပါ။ အများစုက အလှူအတန်းတစ်ခုလုပ်ပြီ၊ ဆွမ်းကပ်ကြပြီဆိုရင် မွေးနေ့အတွက်ပါဘုရား၊ အိမ်တက်ဆွမ်းပါဘုရား၊ အန္တရာယ်ကင်းပရိတ်နာချင်လို့ပါဘုရား စသဖြင့် မိမိတို့အကျိုးကို ဦးတည်ရည်ရွယ်ကြပြီးမှ လှူကြတန်းကြ ဆွမ်းကပ်တတ်ကြတယ်။ တခါတလေ ဗေဒင်ယတြာတွေအစီအစဉ်နှင့် ဆွမ်းကပ်အလှူလုပ်ကြတာမျိုးတွေလည်း ရှိကြသေးတယ်။ ဒီတရုတ်ကြီးအလှူလုပ်တာကျတော့ သူ့အကျိုးအတွက် ဘာတစ်ခုမှမပါဘူး။ ဘုန်းကြီးတွေ နေပူမိုးရွာမရှောင် ပင်ပင်ပန်းပန်းဆွမ်းခံနေရတာကို သနားလို့ အိမ်ကိုပင့်ပြီး ဆွမ်းကပ်တယ်။ ဆွမ်းကပ်တော့လည်း သံဃာတွေ အားရပါးရ စားနိုင်ဖို့ကိုပဲ ကြောင့်ကြစိုက်ထုတ် စီစဉ်ပေးတယ်။ ဆွမ်းစားပြီးသွားတော့လည်း သံဃာတွေ ချွေးတလုံးလုံးနှင့် တရားဟောနေ၊ ပရိတ်ရွတ်နေရမှာကို မကြည့်ရက်လို့ ကျောင်းကို အတင်းပြန်ခိုင်းတယ်။ သံဃာတော်တွေချမ်းသာဖို့ကိုပဲ တောက်လျှောက်စဉ်းစားပြီး လှူတာမျိုးဖြစ်တဲ့အကြောင်း ရှင်းပြပါတယ်။

တလောက နိုင်ငံခြားမှာ ကျောင်းတက်နေတဲ့ ဦးဇင်းလေးတစ်ပါး တင်ထားတဲ့ status လေး ဖတ်ဖြစ်ပြီး ရယ်လိုက်ရပါသေးတယ်။ အဲဒီ ဦးဇင်းလေး မြန်မာပြည်ခဏပြန်ကြွတုန်း သူနှင့် ရင်းနှီးတဲ့ ဒကာမတွေက သိပ်မကြာခင်ကမှ မြန်မာပြည်မှာလာဖွင့်တဲ့ KFC ဆိုင်မှာ ဆွမ်းကပ်မလို့စီစဉ်တာကို ဦးဇင်းက KFC ဆိုရင်တော့ ကပ်မနေပါနဲ့တော့ ဒကာမတို့ရယ်၊ အဲဒီဆိုင်ကို ကျောင်းတက်နေရတဲ့ အချိန်တစ်လျှောက်လုံး သွားသွားစားနေရလို့ စားချင်စိတ်ကို ကုန်နေပါပြီ ဆိုတာလေး ရေးထားတာ တွေ့လိုက်ရလို့ပါ။ ဒကာ၊ ဒကာမတွေဘက်ကတော့ အခုမှ ရောက်လာတဲ့ နိုင်ငံခြားကဖွင့်တဲ့ဆိုင်မှာ ထူးထူးခြားခြားအနေနှင့် ဆွမ်းကပ်ဖို့ စီစဉ်ကြပေမယ့် KFC တို့ Mc Donald`s တို့ ဆိုတာ နိုင်ငံခြားနေနေရတဲ့သူတွေအတွက်တော့ ပုံမှန်လက်ဘက်ရည်ဆိုင်တွေမျိုးပါပဲ။ ကျောင်းတက်နေရတဲ့ ဘုန်းဘုန်းတွေဆိုရင် သူတို့ရဲ့  နေ့ဆွမ်းအတွက် ဈေးသက်သက်သာသာနှင့် မြန်မြန်ဆန်ဆန် မှာယူလို့ရတဲ့ အဲဒီလိုဆိုင်လိုမျိုးတွေနှင့် ကျောင်းသွားရတဲ့ နေ့တိုင်းနီးပါးမှာ နှစ်ပါးသွားနေကြရတာ မဟုတ်လား။ တခါတလေ အလှူရှင်ဘက်ကတော့ အထူးတလည်အဖြစ်နှင့် လှူဒါန်းချင်ပေမယ့် အလှူခံဘက်ကကျတော့ အဆင်မပြေ ဖြစ်တတ်တာလေးတွေလည်း ရှိတတ်တဲ့သဘောမျိုးပါ။

အခုနောက်ပိုင်းတော့ ဆွမ်းကပ်ဖို့ အကြောင်းညီညွတ်လာတိုင်း ဆရာတော်တွေကို အရင်ဆုံး ဘုန်းဘုန်းတို့ ဘာမဘုန်းပေးတာရှိလဲဘုရား ဆိုပြီး ကြိုတင်မေးလျှောက်ပါတယ်။ အရင်က ကြုံဖူးတဲ့ အလှူအတွေ့အကြုံတွေမှာ တခါတလေ အသားကြီးငါးကြီးရှောင်တဲ့ ကိုယ်တော်တွေ၊ သက်သတ်လွတ်ပဲ ဘုန်းပေးတဲ့ ကိုယ်တော်တွေ ပါလာခဲ့ရင် ကိုယ်ပြင်ဆင်ထားတဲ့ဆွမ်းဟင်းတွေနှင့် အဆင်မပြေဖြစ်တတ်တာတွေ ရှိခဲ့ဖူးပါတယ်။ တအားရင်းနှီးတဲ့ ဆရာတော်တွေဆိုရင်တော့ ဘုန်းဘုန်းတို့ အထူးတလည် ဘာဘုန်းပေးချင်တာရှိလဲ၊ တပည့်တော် ဒါတွေ ဒါတွေ ချက်ဖို့ စီစဉ်ထားပါတယ်။ အဆင်ပြေမလားဘုရား။ ဘာထပ်ထည့်ပေးရမလဲ၊ ဘာဖြုတ်ပေးရမလဲ ဆိုတာမျိုးမေးပြီးမှ ဆွမ်းကပ်ပါတယ်။

နိုင်ငံရပ်ခြားမှာ သီတင်းသုံးနေရတဲ့ ကိုယ်တော်တွေအနေနှင့် ကျောင်းကို ဒကာဒကာမတွေလာကပ်တာဘုန်းလိုက်၊ ဆွမ်းကပ်မယ့်သူမရှိတဲ့နေ့မျိုးဆိုရင် ကျောင်းမှာရှိတဲ့ အခြောက်အခြမ်းလေးတွေနှင့် အဆင်ပြေသလိုဘုန်းလိုက် နှင့် စခန်းသွားကြရတာ များပါတယ်။ အိမ်ပင့်ပြီး ဆွမ်းကပ်ကြတဲ့အခါလည်း မြန်မာထမင်းဟင်းတွေပဲ များသောအားဖြင့် ချက်ကပ်ကြတာကို ဘုန်းပေးကြရတာဆိုတော့ တခါတလေ ကိုယ်တော်တွေလည်း ငြီးငွေ့ကြမှာပါပဲ။ ဒါကြောင့် ရင်းနှီးနေတဲ့ ဘုန်းဘုန်းတွေကို ဆွမ်းကပ်ဖြစ်ရင် ဘုန်းဘုန်းတို့ အိမ်ချက်ဘုန်းချင်လား၊ ဆိုင်မှာ ကပ်ရမလား။ တရုတ်စာဘုန်းချင်လား၊ ကုလားစာဘုန်းချင်လား၊ ဥရောပစာဘုန်းမလား၊ ဘူဖေးဘုန်းချင်လား လို့ နောက်နောက်ပြောင်ပြောင်ပဲ မေးပြီး ကပ်ပါတယ်။

ပြောရရင် ဘူဖေးဆိုင်မှာ ဆွမ်းကပ်ရတာကို သဘောကျပါတယ်။ ကိုယ့်ဖာသာအိမ်မှာချက်မယ်ဆိုရင် ဟင်းအမယ်လေးငါးခြောက်မျိုးထက်ပိုပြီး ချက်နိုင်ဖို့ဆိုတာ မလွယ်ကူနိုင်ပါဘူး။ ဘူဖေးဆိုင်မှာဆိုရင်တော့ ဟင်းအမယ် နှစ်ဆယ်၊ သုံးဆယ်လောက် ကို ကပ်ခွင့်ရပါတယ်။ အချိုပွဲကအစ သောက်စရာ အပူ၊ အအေးကအဆုံး အားလုံး အလျှံပယ်ပါပဲ။ ဘုန်းဘုန်းတွေလည်း သူတို့ အာသီသရှိရာကို စိတ်ကြိုက်ရွေးချယ် ဘုန်းပေးသုံးဆောင်ခွင့်ရကြပါတယ်။

ဘုန်းဘုန်းတွေဘက်က သူတို့ ဘယ်လို ၀ိနည်းနှင့်လျှော်ညီအောင် ဘုန်းပေးသုံးဆောင်ရမယ်ဆိုတာ ကိုယ်တွေထက် ပိုနားလည်ပါတယ်။ သူတို့အတွက် ဘယ်လို စီစဉ်ဆောင်ရွက်ပေးရမယ်ဆိုတာ ဒကာဒကာမကို အမိန့်ရှိလာပါလိမ့်မယ်။ သူတို့ပြောလာတဲ့အတိုင်း စီစဉ်ပေးလိုက်ရုံပါပဲ။ ဘူဖေးဆွမ်းကပ်လို့ ရဟန်းတော်တွေကို အာပတ်သင့်စေတာကြောင့် ဒကာဒကာမတွေက မကပ်သင့်ဘူးဆိုတဲ့ အယူအဆမျိုး မထားစေချင်ပါဘူး။

ဆွမ်းအလှူမှရယ်မဟုတ်ပါဘူး။ ဒါနကုသိုလ်ကို ပါရမီမြောက်တဲ့ ဒါနဖြစ်အောင်ဖြည့်ဆည်းတော့မယ်ဆိုရင် ဘယ်လို ဒါနမျိုးမှာပဲဖြစ်ဖြစ် အလှူခံပုဂ္ဂိုလ်ဘက်ကိုပဲ ကြည့်ရမှာလို့ သူတော်ကောင်းကြီးများ ဆုံးမကြပါတယ်။ အလှူခံပုဂ္ဂိုလ်ရဲ့  ကောင်းကျိုးချမ်းသာကိုပဲ ရှေ့ ရှုစဉ်းစားပေးရမှာ ဖြစ်ပါတယ်။ သူ့ရဲ့  လိုအပ်နေတာလေးကို ကိုယ့်ဘက်က ဖြည့်ဆည်းဆောင်ရွက်ပေးရမှာ ဖြစ်ပါတယ်။ မိမိဖြည့်ဆည်းဆောင်ရွက်ပေးလိုက်မှုကြောင့် တစ်ဘက်သား ပြည့်စုံသွားတာ၊ ချမ်းသာပျော်ရွှင်သွားတာလေးကို ကြည့်ပြီး ကြည်နူးပီတိဖြစ်ရတာဟာ ဒါနရဲ့  လက်ငင်းအကျိုးပါပဲ။ ကျန်တာတော့ နိဗ္ဗာန်ရတဲ့အချိန်အထိ အကြောင်းအားလျော်စွာ လိုက်အကျိုးပေးနေမှာမို့ ပူနေစရာမလိုပါဘူးလေ။

ဆက်လက်ဖတ်ရှုရန်

Wednesday, November 30, 2016

The Seed





မဟာယာနဗုဒ္ဓဘာသာမှာ လူတိုင်းဟာ ဘုရားအလောင်းတွေဖြစ်ကြတယ်။ တစ်ချိန်မှာ ဘုရားအဖြစ်နှင့် လောကကိုကယ်တင်ကြရမယ်ဆိုတဲ့ ယုံကြည်မှုကို လူတွေရဲ့ စိတ်ထဲရိုက်သွင်းပေးထားတာကို သဘောကျမိတယ်။ ဒါဟာ ဟုတ်သော်ရှိ၊ မဟုတ်သော်ရှိ ယုံကြည်လက်ခံသူတွေရဲ့ စိတ်ကို တစ်မျိုးတစ်ဖုံ အကောင်းဘက်ကို ပြောင်းလဲသွားစေနိုင်တယ်လို့တွေးမိတယ်။ အခုစာဖတ်နေတဲ့မိတ်ဆွေအနေနှင့် အမျိုးသားပဲဖြစ်ဖြစ်၊ အမျိုးသမီးပဲဖြစ်ဖြစ် ခဏလောက်ရပ်ပြီး ကိုယ့်ဖာသာ စိတ်ကူးကြည့်ပါလား။ ငါဟာ ဘုရားအလောင်းတစ်ဦးဖြစ်တယ်။ တစ်ချိန်ချိန်မှာ ဘုရားရှင်အဖြစ်နှင့် လောကကိုကယ်တင်ရမယ့်သူ ဖြစ်တယ်လို့ တွေးကြည့်ကြည့်ပါ။ စိတ်ထဲမှာ mood တစ်ခု ပြောင်းသွားတာ တွေ့ပါလိမ့်မယ်။ အဲဒီပြောင်းသွားတဲ့ စိတ်ခံစားမှုအခြေအနေလေးဟာ ဘယ်လိုလေးများဖြစ်နေမလဲ။

ဗုဒ္ဓဘာသာဝင်တိုင်း ဘုရားရှင်ဆိုတာ ဘယ်လိုပုဂ္ဂိုလ်မျိုးဖြစ်တယ်ဆိုတာ အနည်းနှင့်အများတော့ သိထားကြတာပါပဲ။ ရုပ်ပိုင်းရော၊ စိတ်ပိုင်းရော၊ ပညာအရာ၊ တန်ခိုးတော်အရာ စသဖြင့် ဘက်ပေါင်းစုံမှာ အတုမရှိ ပြည့်စုံတော်မူတဲ့သူ။ သတ္တ၀ါတွေအားလုံးအပေါ်မှာ ကြီးမားတဲ့ မေတ္တာတော်၊ မဟာကရုဏာတော်နှင့် စောင့်ရှောက်ကယ်တင်တော်မူတဲ့သူ။ အမျိုးမျိုးသော ပါရမီတော်တွေကို ဖြည့်ဆည်းတော်မူခဲ့တဲ့သူ။ ငါဟာ တစ်ချိန်မှာ ဒီလိုပုဂ္ဂိုလ်ဖြစ်ရမယ့်သူပါလား လို့ အတွေးဝင်မိတာနှင့် စိတ်ထဲမှာ ငါဟာ ကြီးလေးတဲ့တာဝန်ကို ထမ်းရွက်ရမယ့်သူဖြစ်တယ်။ ပေါ့ပေါ့ဆဆနှင့် နေလို့မဖြစ်ဘူး။ အခုကတည်းက ပြင်ဆင်ရမှာတွေ၊ ဖြည့်ဆည်းဆောင်ရွက်ရမှာတွေကို ကြိုးစားပြီးလုပ်သွားမှ တော်လိမ့်မယ်။ ပါရမီ (၁၀) ပါး ဆိုတာကို စာထဲမှာ မထားတော့ပဲ လက်တွေ့အကောင်အထည်ဖော် ကြိုးစားလုပ်သွားရမှာပါလား ဆိုတာမျိုး အတွေးတွေ ၀င်လာပါလိမ့်မယ်။

တစ်ချိန်မှာ ရှင်ဘုရင်ဖြစ်ဖို့ ကျိန်းသေနေတဲ့ အိမ်ရှေ့ မင်းသားတစ်ပါးဟာ မင်းသားဘ၀မှာကတည်းက ကိုယ်အုပ်ချုပ်ရမယ့် တိုင်းပြည်နှင့်ပတ်သက်ပြီး သိသင့်သိထိုက်တာတွေ၊ ဘုရင်တစ်ပါးအနေနှင့် တတ်မြောက်ရမယ့် အတတ်ပညာတွေကို ကျွမ်းကျွမ်းကျင်ကျင်နာလည်အောင် သင်ကြားထားရမှာဖြစ်ပြီး တိုင်းသူပြည်သားတွေရဲ့  ချစ်ခင်လေးစားမှု ခံရအောင်လည်း မင်းသားဘ၀မှာကတည်းက အဘက်ဘက်က ကြိုးစားထားရမှာ ဖြစ်ပါတယ်။

တစ်ချိန်မှာ နိုင်ငံတစ်ခုရဲ့  အထွဋ်အထိပ် သမ္မတဖြစ်ဖို့ စိတ်ကူးမျှော်လင့်ချက်ရှိထားတဲ့ နိုင်ငံရေးသမားတစ်ယောက်ဆိုရင်လည်း တိုင်းပြည်ကို စီမံအုပ်ချုပ်နိုင်မယ့် အရည်အချင်းပြည့်မီအောင် အခုကတည်းက အစစအရာရာ ပြင်ဆင်ဖြည့်ဆည်းထားရမှာဖြစ်သလို၊ အကျင့်စာရိတ္တပိုင်းကအစ လူတွေထောက်စရာ၊ ကဲ့ရဲ့ စရာ ဖြစ်မလာအောင် ထိန်းထိန်းသိမ်းသိမ်းနှင့် နေထိုင်ရမှာ ဖြစ်ပါတယ်။

အဲဒီဥပမာတွေအတိုင်းလိုပါပဲ။ ကိုယ့်ကိုယ်ကို တစ်ချိန်မှာ ဘုရားဖြစ်ရမယ့်သူလို့ ယုံကြည်ထားတဲ့သူတစ်ယောက်အဖို့အတွက်လည်း နေ့စဉ်ဘ၀ကို သူလိုငါလို ပေါ့ပေါ့တန်တန်ဖြတ်သန်းဖို့ ဆိုတာ မဖြစ်နိုင်တော့ပါဘူး။ နေ့ရက်တိုင်း ပါရမီဖြည့်နိုင်ဖို့အတွက် အားစိုက်ကြိုးပမ်းနေရတော့မှာ ဖြစ်ပါတယ်။ သူဌေးဖြစ်ဖို့အတွက် တစ်ကျပ်တစ်မူးကအစ ရိုရိုသေသေစုသလို ဘုရားဖြစ်ဖို့အတွက် ပါရမီတွေကို ကြိုးစားဖြည့်ပြီး ကုသိုလ်စုနေရတော့မှာပါပဲ။

မဟာယာနဗုဒ္ဓဘာသာအလိုမရ ထင်ရှားရှိတဲ့ သတ္တ၀ါတိုင်းမှာ Buddha Nature ဆိုတဲ့ ဗုဒ္ဓသဘာဝဆိုတာ ကိန်းအောင်းနေကြတယ်လို့ဆိုတယ်။ ဒါကြောင့် လူအချင်းချင်းပဲဖြစ်ဖြစ်၊ တိရစ္ဆန်တွေကိုပဲဖြစ်ဖြစ် မလေးမစား မလုပ်ရဘူး။ အားလုံးဟာ တစ်ချိန်မှာ ဘုရားဖြစ်မယ့်သူတွေချည်းဖြစ်ကြလို့ အားလုံးအပေါ် ကြင်ကြင်နာနာ လေးလေးစားစား ဆက်ဆံကြရမှာ ဖြစ်တယ်။ ကိုယ်လည်း ဘုရားအလောင်း၊ ကိုယ့်ရှေ့ က မြင်တွေ့နေရတဲ့ သူ၊ ဆက်ဆံနေရတဲ့သူကလည်း ဘုရားအလောင်း၊ တိရစ္ဆန်လေးတွေကလည်း ဘုရားအလောင်း။ ဒီလို ယုံကြည်မှုမျိုး၊ ဒီလိုအတွေးမျိုးနှင့် လူအချင်းချင်းကြား၊ လူနှင့်တိရစ္ဆာန်တွေကြား ဆက်ဆံကြတဲ့အခါကြတော့ ဘာပဲဖြစ်ဖြစ် နားလည်မှု၊ ကြင်နာမှု၊ ညှာတာထောက်ထားမှုစတဲ့ ဗြဟ္မာစိုရ်တရားတွေ စိတ်ထဲဖြတ်စီးနိုင်တာပေါ့။

မဟာယာနဗုဒ္ဓဘာသာမှာ သတ္တ၀ါတစ်ဦးစီရဲ့  နောက်ဆုံးပန်းတိုင်အနေနှင့် ဘုရားဆု လို့ခေါ်တဲ့ သမ္မာသမ္ဗုဒ္ဓဗောဓိ ဆု တစ်ခုတည်းကိုသာ သတ်မှတ်ထားပေမယ့် ထေရ၀ါဒဗုဒ္ဓဘာသာကိုလေ့လာကြည့်ရင်တော့ သတ္တ၀ါတွေရဲ့  နောက်ဆုံးဖြစ်ရမယ့် ပန်းတိုင် ဗောဓိဆုဟာ ရွေးချယ်စရာ ငါးမျိုးတောင်ရှိနေပါတယ်။ ဘုရားဆုတစ်ခုတည်းမဟုတ်ပါဘူး။

(၁) သမ္မာသမ္ဗုဒ္ဓ ဘုရားဆု
(၂) ပစ္စေကဗုဒ္ဓ ဆု
(၃) အဂ္ဂသာဝက ဆု
(၄) မဟာသာဝက ဆု
(၅) ပကတိသာဝက ဆု

ဆိုပြီး ငါးမျိုး ရွေးချယ်နိုင်ပါတယ်။ ထေရ၀ါဒဗုဒ္ဓဘာသာဝင်တွေအနေနှင့်ဆိုရင် ဒီငါးမျိုးထဲက တစ်ခုခုကို ဆုံးဖြတ် ရွေးချယ်ပြီး တစ်သက်ပတ်လုံး တစ်စိုက်မတ်မတ် ပါရမီဖြည့်နေဖို့ပါပဲ။

တကယ်က ဒီဗောဓိဆုတွေဆိုတာ တခြားမှာရှိနေတာမဟုတ်ပါဘူး။ မိမိတို့တစ်ဦးချင်းစီရဲ့  စိတ်ထဲမှာ မျိုးစေ့အနေနှင့် ရှိနှင့်ပြီးသားတွေဖြစ်ပါတယ်။ ဒီဗောဓိမျိုးစေ့လေး ကိုယ့်စီမှာ ရှိနေတယ်ဆိုတာကို အရင်ဆုံး နားလည်လက်ခံတတ်ဖို့တော့လိုပါတယ်။ ပြီးတော့မှ ငါ့ရဲ့  ဗောဓိမျိုးစေ့လေးကို ဘယ်လိုအပင်မျိုးဖြစ်လာအောင် ပြုစုပျိုးထောင်မယ်ဆိုတာကို ကိုယ်တိုင်ရွေးချယ်ဆုံးဖြတ်ရမှာဖြစ်ပါတယ်။

ဆုငါးဆုထဲက ကြီးကြီးမားမားဆုကြီးတွေကို မရွေးချယ်ဖြစ်ရင်တောင် ပကတိသာဝကဆု ဆိုတာက လူတိုင်း လွယ်လွယ်ကူကူဖြစ်ခွင့်ရှိပါတယ်။ ကိုယ့်ကြိုးစားအားထုတ်မှုပေါ်မူတည်ပြီး အချိန်အတိုင်းအတာ အတိုအရှည်ကွာနိုင်ပေမယ့် တကယ်ရည်မှန်းချက်ကြီးကြီးထား အားထုတ်ရင် ဒီတစ်ဘ၀တည်းနှင့်လည်း ဒီဆုက ရရှိနိုင်ပါတယ်။

ဘုရားရှင် သတ်မှတ်ထားပေးခဲ့တဲ့ ပါရမီ(၁၀)ပါးကို အကုန်လုံး မဖြည့်နိုင်ရင်တောင် အနည်းဆုံး တစ်ခုကိုရွေးချယ်ပြီး တစ်သက်ပတ်လုံး ကြိုးစားဖြည့်ဆည်းရင်း မိမိတို့ရဲ့  ဗောဓိမျိုးစေ့လေးကို အပင်ပေါက်ကြီးထွားလာအောင် ပြုစုပျိုးထောင်ပေးကြရမယ့်တာဝန်က လူတိုင်းမှာရှိနေပါတယ်။ လူအများတွေးတတ်ကြတာက ဘုရားဆုပန်တွေလောက်သာ ပါရမီတွေဖြည့်ဆည်းကြရတယ်။ ကိုယ်လိုသာမန်လူတွေကတော့ ဒီလိုပဲ စားစားသွားသွား အေးအေးဆေးဆေးပဲဆိုပြီး ဘ၀မှာ ကုသိုလ်ပါရမီအားထုတ်ဖြည့်ဆည်းဖို့ နှေးကွေးလေးပင်နေတတ်ကြတယ်။

တကယ်တော့ ကိုယ့်အထွာနှင့်ကိုယ် အားလုံးမှာ ပါရမီဖြည့်ရမယ့်တာဝန်ရှိနေပါတယ်။ ငါဟာ သာမန်လူမဟုတ်ဘူး။ ဗောဓိလောင်းလျာတစ်ဦး ဖြစ်တယ် ဆိုတဲ့ အတွေးမျိုး ခဏခဏ တွေးတွေးပေးတတ်ကြရင် အတော်ကောင်းမယ် လို့ တွေးမိတယ်။ ဒါမှ ကုသိုလ်ကောင်းမှုတွေ လုပ်ဖို့ မေ့လျှော့နေတတ်တဲ့အကျင့်တွေ တဖြေးဖြေးလျှော့ပါးသွားနိုင်မှာ ဖြစ်ပါတယ်။

တစ်ဦးနှင့်တစ်ဦးဆက်ဆံရာမှာပဲဖြစ်ဖြစ်၊ တိရစ္ဆာန်လေးတွေနှင့် ဆက်ဆံရာမှာပဲဖြစ်ဖြစ် မဟာယာနဗုဒ္ဓဘာသာဝင်တွေတွေးသလိုမျိုး ဒီလူ၊ ဒီသတ္တ၀ါလေးဟာ ဗောဓိလောင်းလျာဖြစ်တယ်။ တစ်ချိန်မှာ အထွဋ်အမြတ်ဦးခိုက်အရိုအသေပေးရမယ့်သူတစ်ဦး ဖြစ်လာမှာ။ ဗုဒ္ဓစာပေတွေထဲမှာလည်း အလောင်းတော်ကြီးတွေ နုစဉ်အခါ ပါရမီဖြည့်ရစဉ်အချိန်တွေတုန်းက လူဖြစ်လိုက်၊ တိရစ္ဆန်ဖြစ်လိုက်၊ လူဆိုးဖြစ်လိုက်၊ လူယုတ်မာဖြစ်လိုက် အမျိုးမျိုးကျင်လည်ခဲ့ကြရတာတွေ ရှိခဲ့တာပဲ။ ဒါကြောင့် သူ့အပေါ်မှာ လေးလေးစားစားဆက်ဆံရမယ်၊ တန်ဖိုးထားဆက်ဆံရမယ်၊ အကြင်နာမေတ္တာထား ဆက်ဆံရမယ်၊ သူ့ဘက်ကဆိုးနေရင်တောင် ကိုယ့်ဘက်က အတတ်နိုင်ဆုံး သည်းခံဆက်ဆံရမယ် ဆိုတာမျိုးလေး တွေးပေးနိုင်လာကြရင် လူ့လောကဟာ ပိုပြီး သာယာအေးချမ်းလာနိုင်ဖို့ရှိပါမယ်။

စာဖတ်သူ မိတ်ဆွေအနေနှင့် ကိုယ့်စိတ်ကို ပြန်ကြည့်ပါ။ ငါ့မှာ ဗောဓိ မျိုးစေ့လေး တစ်ခုရှိနေပါတယ်။ အဲဒီမျိုးစေ့လေးကို ရေလောင်းပေါင်းသင်လို့ သစ်ပင်ကြီးတစ်ပင်အဖြစ် ဝေေ၀ဆာဆာနှင့် ရှင်သန်လာအောင် ပြုစုပျိုးထောင်စောင့်ရှောက်ပေးဖို့ ကိုယ့်မှာ တာဝန်အပြည့်ရှိနေပါတယ်။ ဒီတာဝန်ကို လိုလိုချင်ချင်နှင့် ယူလိုက်ပါ။ ပေါ့ပေါ့ဆဆ မေ့မေ့လျှော့လျှော့ မနေလိုက်ပါနဲ့ လို့ မေတ္တာ ရှေ့ ထား မှာလိုက်ချင်ပါတယ်ခင်ဗျာ။

ခင်မင်လေးစားစွာဖြင့်
ဝိမုတ္တိသုခ
၃၀၊ ၁၁၊ ၂၀၁၆။


ဆက်လက်ဖတ်ရှုရန်

Monday, October 17, 2016

ကာယဂတာသတိ (သို့) ဘ၀အဖော်မွန်ကောင်း





သက်တော် (၁၂၀) အရွယ်တော်ရောက်ခါမှ ခန္ဓာဝန်ချတော်မူခဲ့တဲ့ အရှင်အာနန္ဒာမထေရ်မြတ်ကြီးရဲ့ ဘ၀မှာ သက်တော်(၈၀)အရွယ်အထိ ရဟန်းဘ၀တစ်လျှောက် မိမိတန်ဖိုးထား ခင်မင်လေးစားချစ်ခင်ရပြီး အမြဲလိုလို အတူတကွနီးနီးကပ်ကပ်သီတင်းသုံးခွင့်၊ ပြုစုလုပ်ကျွေးခွင့်၊ တရားနာကြားခွင့်၊ တရားဆွေးနွေးတိုင်ပင်ခွင့်တွေရရှိခဲ့တဲ့ ဆရာသခင်မြတ်စွာဘုရားရှင်ကိုယ်တော်မြတ်ကြီးရယ်၊ အရှင်သာရိပုတ္တရာကိုယ်တော်မြတ်ကြီးရယ်၊ အရှင်မဟာမောဂ္ဂလန်ကိုယ်တော်မြတ်ကြီးတို့ရယ်ဟာ အသီးသီး မိမိထက်အရင်စောပြီး ခန္ဓာဝန်တွေချသွားခဲ့ကြပါတယ်

အရှင်မြတ်ရဲ့  ကျန်တဲ့ဘ၀သက်တမ်း အနှစ်(၄၀)လောက်မှာ အထူးရင်းနှီးကျွမ်းဝင်သူတွေမရှိတော့ပဲ တရားကိုသာအဖော်လုပ်ပြီး အချိန်ကုန်လွန် ဖြတ်သန်းခဲ့ရပုံကို အရှင်မြတ်ရဲ့  နှုတ်တော်ထွက် ဒီစကားလေးက သက်သေခံနေခဲ့ပါတယ်။

အဗ္ဘတီတသဟာယဿ၊ အတီတဂတသတ္ထုနော။
နတ္ထိ ဧတာဒိသံ မိတ္တံ၊ ယထာ ကာယဂတာသတိ။

မြတ်စွာဘုရားတည်းဟူသော ဆရာ လွန်တော်မူခြင်းကြောင့် အဆွေခင်ပွန်း
ကောင်းမှ ကင်းကွာခဲ့ရသော ငါ့အား ကာယဂတာသတိသည်ပင်
ငါ၏ အကျိုးစီးပွားကို ဆောင်တတ်သော အဆွေခင်ပွန်းကောင်း
အစစ် ဖြစ်ပေတော့၏။

အရှင်အာနန္ဒာမထေရ်မြတ်ကြီးရဲ့  အဖော်ဖြစ်တယ်ဆိုတဲ့ ”ကာယဂတာသတိ” အကြောင်း မြတ်စွာဘုရားရှင် ဟောကြားတော်မူထားတာကို ဖတ်ရှုလေ့လာကြည့်ရင်း ကျွန်တော်တို့တတွေလည်း အခုလို နေ့ထူးနေ့မြတ် သီတင်းကျွတ်အခါသမယ ညချမ်းအချိန်အခါမှာ ခင်မင်ရင်းနှီးကျွမ်းဝင်သူတွေနှင့် တဒင်္ဂ၊ တခဏလောက် ခေတ္တခွဲခွာပြီး ကာယဂတာသတိ ကို အဖော်ပြုလို့ အချိန်ကုန်လွန်ကြည့်ကြပါစို့လားခင်ဗျာ။

========================

ကာယဂတာသတိသုတ်

၁၅၃။ အကျွန်ုပ်သည် ဤသို့ ကြားနာခဲ့ရပါသည်-

အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံဖြစ်သော ဇေတဝန် ကျောင်း၌ သီတင်းသုံးနေတော်မူ၏။ ထိုအခါ၌ ဆွမ်းစားပြီးနောက် ဆွမ်းစားဇရပ်မှ ဖဲခဲ့ကုန်၍ စည်းဝေး ရာဇရပ်၌ စည်းဝေးထိုင်နေကြကုန်သော များစွာသော ရဟန်းတို့အား ဤအကြားစကားသည်၁ ထင်ရှား ဖြစ်၏ – ”ငါ့သျှင်တို့ အံ့သြဖွယ်ရှိပါပေစွ၊ ငါ့သျှင်တို့ မဖြစ်စဖူး ဖြစ်ပါပေစွ၊ အလုံးစုံကို သိတော်မူ မြင်တော်မူ၍ ပူဇော်အထူးကို ခံတော်မူထိုက်သော မဖောက်မပြန် ကိုယ်တိုင် သိတော်မူသော ထိုမြတ်စွာဘုရားသည် ဤကိုယ်၌ဖြစ်သော အောက်မေ့ခြင်း ‘ကာယဂတာသတိ’ကို ပွါးများလေ့လာသည်ရှိသော် များ သော အကျိုးရင်း အကျိုးဆက်ရှိ၏ဟူ၍ ဟောတော်မူ၏”ဟု (အကြားစကားသည် ဖြစ်၏)။ ထိုရဟန်းတို့၏ ဤအကြားစကားသည် မပြီးပြတ်သေးချေ၊ ထိုအခါ မြတ်စွာဘုရားသည် ညချမ်းအခါ၌ ကိန်းအောင်း ရာမှ ထတော်မူလျက် စည်းဝေးရာဇရပ်ဆီသို့ ချဉ်းကပ်ပြီးလျှင် ခင်းထားသောနေရာ၌ ထိုင်နေတော်မူ၍ ရဟန်းတို့ကို မိန့်တော်မူ၏ –

”ရဟန်းတို့ ယခုအခါ၌ အဘယ်စကားဖြင့် စည်းဝေးထိုင်နေကြကုန်သနည်း၊ သင်တို့၏ ငါမလာမီ အကြားဝယ် မပြီးသေးသောစကားကား အဘယ်နည်း”ဟု (မိန့်တော်မူ၏)။ မြတ်စွာဘုရား ဆွမ်းစားပြီး နောက် ဆွမ်းစားဇရပ်မှ ဖဲခဲ့ကုန်၍ ဤစည်းဝေးရာဇရပ်၌ စည်းဝေးထိုင်နေကုန်သော အကျွန်ုပ်တို့အား ဤအကြားစကားသည် ထင်ရှားဖြစ်ပါ၏ -”ငါ့သျှင်တို့ အံ့သြဖွယ်ရှိပါပေစွ၊ ငါ့သျှင်တို့ မဖြစ်စဖူး ဖြစ်ပါပေ စွ၊ အလုံးစုံကို သိတော်မူ မြင်တော်မူ၍ ပူဇော်အထူးကို ခံတော်မူထိုက်သော မဖောက်မပြန် ကိုယ်တိုင် သိတော်မူသော ထိုမြတ်စွာဘုရားသည် ဤကိုယ်၌ဖြစ်သော အောက်မေ့ခြင်း ‘ကာယဂတာသတိ’ ကို ပွါးများ လေ့လာအပ်သည်ရှိသော် များသော အကျိုးရင်း အကျိုးဆက်ရှိ၏ဟူ၍ ဟောတော်မူ၏”ဟု (အကြားစကား သည် ထင်ရှားဖြစ်ပါ၏)။ မြတ်စွာဘုရား အကျွန်ုပ်တို့၏ မပြီးသေးသော အကြားစကားကား ဤစကားပါ တည်း၊ ထိုစဉ်အခါ၌ မြတ်စွာဘုရားသည် ကြွရောက်လာတော်မူပါ၏ဟု (လျှောက်ထားကြကုန်၏)။

၁၅၄။ ရဟန်းတို့ ကိုယ်၌ဖြစ်သော အောက်မေ့ခြင်း ‘ကာယဂတာသတိ’ ကို အဘယ်သို့ ပွါးများ လေ့လာထားသော် များသော အကျိုးရင်း အကျိုးဆက်ရှိသနည်း။ ရဟန်းတို့ ဤသာသနာတော်၌ ရဟန်း သည် တောသို့ ကပ်၍သော်လည်းကောင်း၊ သစ်ပင်ရင်းသို့ ကပ်၍သော်လည်းကောင်း၊ ဆိတ်ငြိမ်ရာသို့ ကပ်၍သော်လည်းကောင်း တင်ပလ္လင်ခွေပြီးလျှင် ကိုယ်ကို ဖြောင့်မတ်စွာ ထားလျက် ကမ္မဋ္ဌာန်းသို့ ရှေးရှု သတိကို ဖြစ်စေ၍ ထိုင်နေ၏။ ထိုရဟန်းသည် သတိနှင့်ပြည့်စုံသည် ဖြစ်၍သာလျှင် ထွက်သက်ကို ဖြစ်စေ၏၊ သတိနှင့်ပြည့်စုံသည် ဖြစ်၍သာလျှင် ဝင်သက်ကို ဖြစ်စေ၏၊။ ရှည်စွာသော ထွက်သက်ကို ဖြစ်စေသည် ရှိသော် ”ရှည်စွာသော ထွက်သက်ကို ဖြစ်စေ၏”ဟု သိ၏၊ ရှည်စွာသော ဝင်သက်ကို ဖြစ်စေသည်ရှိသော် ”ရှည်စွာသော ဝင်သက်ကို ဖြစ်စေ၏”ဟု သိ၏။ တိုစွာသော ထွက်သက်ကို ဖြစ်စေသည်ရှိသော် ”တိုစွာ သော ထွက်သက်ကို ဖြစ်စေ၏”ဟု သိ၏၊ တိုစွာသော ဝင်သက်ကို ဖြစ်စေသည်ရှိသော် ”တိုစွာသော ဝင်သက်ကို ဖြစ်စေ၏”ဟု သိ၏။

”အစ အလယ် အဆုံးဟူသော အလုံးစုံသော ထွက်သက်အပေါင်းကို ထင်စွာသိလျက် ထွက်သက်ကို ဖြစ်စေအံ့”ဟု ကျင့်၏၊ ”အစ အလယ် အဆုံးဟူသော အလုံးစုံသော ဝင်သက်အပေါင်းကို ထင်စွာသိလျက် ဝင်သက်ကို ဖြစ်စေအံ့”ဟု ကျင့်၏။ ”ရုန့်ရင်းသော (ထွက်သက်လေဟူသော) ကာယသင်္ခါရကို ငြိမ်းစေ လျက် ထွက်သက်ကို ဖြစ်စေအံ့”ဟု ကျင့်၏၊ ”ရုန့်ရင်းသော (ဝင်သက်လေဟူသော) ကာယသင်္ခါရကို (သာယာစွာ ရှုသဖြင့်) ငြိမ်းစေလျက် ဝင်သက်ကို ဖြစ်စေအံ့”ဟု ကျင့်၏။ ဤသို့ မမေ့မလျော့, ကိလေသာကို ပူပန်စေတတ်သော လုံ့လရှိသည်ဖြစ်၍ နိဗ္ဗာန်သို့စေလွှတ်အပ်သော စိတ်ရှိလျက်နေသော ထိုရဟန်းအား ကာမဂုဏ်ငါးပါး၌ မှီကုန်သော ကြံစည်အောက်မေ့ခြင်း ‘ဝိတက်’ တို့သည် ပျောက်ကင်း ကုန်၏။ ထိုဝိတက်တို့ ပျောက်ကင်းခြင်းကြောင့် ဘာဝနာ၏ အာရုံဖြစ်သော ကမ္မဋ္ဌာန်း၌သာလျှင် စိတ်သည် ကောင်းစွာ တည်၏၊ ကောင်းစွာ သက်ဝင်၏၊ တစ်ခုတည်းသော အာရုံရှိ၍ တည်ကြည်၏။ ရဟန်းတို့ ဤသို့ ရဟန်းသည် ကိုယ်၌ဖြစ်သော အောက်မေ့ခြင်း ‘ကာယဂတာသတိ’ ကို ပွါးများ၏။ (၁)

ရဟန်းတို့ တစ်ဖန် ထို့ပြင်လည်း ရဟန်းသည် သွားလျှင်လည်း ”သွား၏”ဟု သိ၏၊ ရပ်လျှင်လည်း ”ရပ်၏”ဟု သိ၏၊ ထိုင်လျှင်လည်း ”ထိုင်၏”ဟု သိ၏၊ လျောင်းလျှင်လည်း ”လျောင်း၏”ဟု သိ၏။ ထိုရဟန်း၏ ရုပ်အပေါင်းသည် အကြင်အကြင် အမူအရာအားဖြင့် တည်နေ၏၊ ထိုရုပ်အပေါင်းကို ထိုထိုအမူ အရာအားဖြင့် သိ၏။ ဤသို့ မမေ့မလျော့, ကိလေသာကို ပူပန်စေတတ်သော လုံ့လရှိသည် ဖြစ်၍ နိဗ္ဗာန်သို့ စေလွှတ်အပ်သော စိတ်ရှိလျက်နေသော ထိုရဟန်းအား ကာမဂုဏ်ငါးပါး၌ မှီကုန်သော ကြံစည်အောက်မေ့ခြင်း ‘ဝိတက်’ တို့သည် ပျောက်ကင်းကုန်၏။ ထိုဝိတက်တို့ ပျောက်ကင်းခြင်းကြောင့် ဘာဝနာ၏ အာရုံဖြစ်သော ကမ္မဋ္ဌာန်း၌သာလျှင် စိတ်သည် ကောင်းစွာတည်၏၊ ကောင်းစွာ သက်ဝင်၏၊ တစ်ခုတည်းသော အာရုံရှိ၍ တည်ကြည်၏။ ရဟန်းတို့ ဤသို့လည်း ရဟန်းသည် ကိုယ်၌ဖြစ်သော အောက်မေ့ခြင်း ‘ကာယဂတာသတိ’ ကို ပွါးများ၏။ (၂)

ရဟန်းတို့ တစ်ဖန် ထို့ပြင်လည်း ရဟန်းသည် ရှေ့သို့ တိုးရာ၌ နောက်သို့ ဆုတ်ရာ၌ ပညာဖြင့် ဆင်ခြင်လျက် ပြုလေ့ရှိ၏၊ တူရူကြည့်ရာ တစောင်းကြည့်ရာ၌ ပညာဖြင့် ဆင်ခြင်လျက် ပြုလေ့ရှိ၏၊ ကွေးရာ ဆန့်ရာ၌ ပညာဖြင့် ဆင်ခြင်လျက် ပြုလေ့ရှိ၏၊ ဒုကုဋ်သပိတ်သင်္ကန်းကို ဆောင်ရာ၌ ပညာဖြင့် ဆင်ခြင်လျက် ပြုလေ့ရှိ၏။ စားရာ သောက်ရာ ခဲရာ လျက်ရာ၌ ပညာဖြင့် ဆင်ခြင်လျက် ပြုလေ့ရှိ၏၊ ကျင်ကြီးကျင်ငယ်စွန့်ရာ၌ ပညာဖြင့် ဆင်ခြင်လျက် ပြုလေ့ရှိ၏၊ သွားရာ ရပ်ရာ ထိုင်ရာ အိပ်ရာ နိုးရာ ပြောရာ ဆိတ်ဆိတ်နေရာ၌ ပညာဖြင့် ဆင်ခြင်လျက် ပြုလေ့ရှိ၏။ ဤသို့ မမေ့မလျော့, ကိလေသာကို့ပူပန်စေတတ်သော လုံ့လရှိသည်ဖြစ်၍ နိဗ္ဗာန်သို့ စေလွှတ်အပ်သော စိတ်ရှိလျက်နေသော ထိုရဟန်းအား ကာမဂုဏ်ငါးပါး၌ မှီကုန်သော ကြံစည်အောက်မေ့ခြင်း ‘ဝိတက်’ တို့သည် ပျောက်ကင်းကုန်၏။ ထိုဝိတက် တို့ ပျောက်ကင်းခြင်းကြောင့် ဘာဝနာ၏ အာရုံဖြစ်သော ကမ္မဋ္ဌာန်း၌သာလျှင် စိတ်သည် ကောင်းစွာ တည်၏၊ ကောင်းစွာသက်ဝင်၏၊ တစ်ခုတည်းသော အာရုံရှိ၍ တည်ကြည်၏။ ရဟန်းတို့ ဤသို့လည်း ရဟန်းသည် ကိုယ်၌ဖြစ်သော အောက်မေ့ခြင်း ‘ကာယဂတာ သတိ’ ကို ပွါးများ၏။ (၃)

ရဟန်းတို့ တစ်ဖန် ထို့ပြင်လည်း ခြေဖဝါးအထက် ဆံဖျားမှအောက် ထက်ဝန်းကျင် အရေပါးအဆုံး ရှိသော မစင်ကြယ်သည့် အရာအမျိုးမျိုးတို့ဖြင့် ပြည့်လျက်ရှိသော ဤရုပ်အပေါင်းကိုပင် စူးစိုက်ဆင်ခြင်၏ ”ဤရုပ် အပေါင်း၌ ဆံပင်, အမွေး, ခြေသည်း လက်သည်း, သွား, အရေ၊ အသား, အကြော, အရိုး, ရိုးတွင်းခြင်ဆီ, အညှို့၊ နှလုံး, အသည်း, အမြှေး, အဖျဉ်း, အဆုတ်၊ အူမ, အူသိမ်, အစာသစ်, အစာ ဟောင်း၊ သည်းခြေ, သလိပ်, ပြည်, သွေး, ချွေး, အဆီခဲ၊ မျက်ရည်, ဆီကြည်, တံတွေး, နှပ်, အစေး, ကျင်ငယ်သည် ရှိ၏”ဟု (စူးစိုက်ဆင်ခြင်၏)။

ရဟန်းတို့ ဥပမာသော်ကား နှစ်ဖက်မျက်နှာဝရှိသော အိတ်သည် စပါးအမျိုးမျိုးဖြင့် ပြည့်လျက် ရှိ၏။ အဘယ်စပါးတို့နည်းဟူမူ- သလေးစပါး၊ ကောက်ကြီးစပါး၊ ပဲနောက်၊ ပဲကြီး၊ နှမ်း၊ ဆန်တို့တည်း။ မျက်စိအမြင်ရှိသော ယောက်ျားသည် ထိုအိတ်ကို ဖြေ၍ ”ဤသည်တို့ကား သလေးစပါးတို့ တည်း။ ဤသည်တို့ ကား ကောက်ကြီးစပါးတို့တည်း၊ ဤသည်တို့ ကား ပဲနောက်တို့တည်း၊ ဤသည်တို့ကား ပဲကြီးတို့တည်း၊ ဤသည်တို့ကား နှမ်းတို့တည်း၊ ဤသည်တို့ ကား ဆန်တို့တည်း”ဟု စူးစိုက် ဆင်ခြင်ရာသကဲ့သို့ ရဟန်းတို့ ဤအတူပင် ရဟန်းသည် ခြေဖဝါးမှအထက် ဆံဖျားမှအောက် ထက်ဝန်း ကျင် အရေပါးအဆုံးရှိသော မစင်ကြယ်သည့် အရာအမျိုးမျိုးတို့ဖြင့် ပြည့်လျက်ရှိသော ဤရုပ်အပေါင်းကို ပင် ”ဤရုပ်အပေါင်း၌ ဆံပင်, အမွေး, ခြေသည်း လက် သည်း, သွား, အရေ၊ အသား, အကြော, အရိုး, ရိုးတွင်းခြင်ဆီ, အညှို့၊ နှလုံး, အသည်း, အမြှေး, အဖျဉ်း, အဆုတ်၊ အူမ, အူသိမ်, အစာသစ်, အစာဟောင်း၊ သည်းခြေ, သလိပ်, ပြည်, သွေး, ချွေး, အဆီခဲ၊ မျက်ရည်, ဆီကြည်, တံတွေး, နှပ်, အစေး, ကျင်ငယ်သည်ရှိ၏”ဟု (စူးစိုက်ဆင်ခြင်၏)။ ဤသို့ မမေ့မလျော့, ကိလေသာကို ပူပန်စေတတ် သော လုံ့လရှိသည်ဖြစ်၍ နိဗ္ဗာန်သို့ စေလွှတ်အပ်သော စိတ်ရှိလျက်နေသော ထိုရဟန်းအား ကာမဂုဏ် ငါးပါး၌ မှီကုန်သော ကြံစည်အောက်မေ့ခြင်း ‘ဝိတက်’တို့သည် ပျောက်ကင်းကုန်၏။ ထိုဝိတက်တို့ ပျောက်ကင်းခြင်းကြောင့် ဘာဝနာ၏ အာရုံဖြစ်သော ကမ္မဋ္ဌာန်း၌သာလျှင် စိတ်သည် ကောင်းစွာတည်၏၊ ကောင်းစွာ သက်ဝင်၏၊ တစ်ခုတည်းသော အာရုံရှိ၍ တည်ကြည်၏။ ရဟန်းတို့ ဤသို့လည်း ရဟန်း သည် ကိုယ်၌ ဖြစ်သော အောက်မေ့ခြင်း ‘ကာယဂတာသတိ’ ကို ပွါးများ၏။ (၄)

ရဟန်းတို့ တစ်ဖန် ထို့ပြင်လည်း ရဟန်းသည် ”ဤရုပ်အပေါင်း၌ ပထဝီဓာတ် အာပေါဓာတ် တေဇောဓာတ် ဝါယောဓာတ် ရှိ၏”ဟု ဤရုပ်အပေါင်းကို တည်မြဲတိုင်း ထားမြဲတိုင်းပင် ဓာတ်အားဖြင့် စူးစိုက်ဆင်ခြင်၏။ ရဟန်းတို့ ဥပမာသော်ကား လိမ္မာကျွမ်းကျင်သော နွားသတ်သမားသည်သော်လည်း ကောင်း၊ နွားသတ်သမား၏ တပည့်သည်သော်လည်းကောင်း နွားကိုသတ်၍ လမ်းလေးခွဆုံ၌ အစုအပုံ အားဖြင့် ခွဲခြားလျက် ထိုင်နေရာသကဲ့သို့ ရဟန်းတို့ ဤအတူသာလျှင် ရဟန်းသည် ”ဤရုပ်အပေါင်း၌ ပထဝီဓာတ် အာပေါဓာတ် တေဇောဓာတ် ဝါယောဓာတ် ရှိ၏”ဟု ဤရုပ်အပေါင်းကို တည်မြဲတိုင်း ထားမြဲတိုင်းပင် ဓာတ်အားဖြင့် စူးစိုက်ဆင်ခြင်၏။ ဤသို့ မမေ့မလျော့, ကိလေသာကို ပူပန်စေတတ် သော လုံ့လရှိလျက် နိဗ္ဗာန်သို့ စေလွှတ်အပ်သော စိတ်ရှိလျက်နေသော ထိုရဟန်းအား ကာမဂုဏ်ငါးပါး၌ မှီကုန်သော ကြံစည်အောက်မေ့ခြင်း ‘ဝိတက်’တို့သည် ပျောက်ကင်းကုန်၏။ ထိုဝိတက်တို့ ပျောက်ကင်း ခြင်းကြောင့် ဘာဝနာ၏ အာရုံဖြစ်သော ကမ္မဋ္ဌာန်း၌သာလျှင် စိတ်သည် ကောင်းစွာ တည်၏၊ ကောင်းစွာ သက်ဝင်၏၊ တစ်ခုတည်းသော အာရုံရှိ၍ တည်ကြည်၏။ ရဟန်းတို့ ဤသို့လည်း ရဟန်းသည် ကိုယ်၌့ဖြစ်သော အောက်မေ့ခြင်း ‘ကာယဂတာသတိ’ ကို ပွါးများ၏။ (၅)

ရဟန်းတို့ တစ်ဖန် ထို့ပြင်လည်း ရဟန်းသည် သေ၍ တစ်ရက်ရှိသော သူသေကောင် သေ၍ နှစ်ရက်ရှိသော သူသေကောင်၊ သေ၍ သုံးရက်ရှိသော သူသေကောင်၊ ဖူးဖူးရောင်နေသော သူသေကောင်၊ ရုပ်ဆင်း ပျက်လျက် ညိုမဲနေသော သူသေကောင်၊ ပြည်ကဲ့သို့ အပုပ်ရည် ယိုစီးနေသော သင်္ချိုင်း၌ စွန့်ပစ် ထားသော သူသေကောင်ကို မြင်ရာသကဲ့သို့၊ ထိုရဟန်းသည် ”ဤကိုယ်သည်လည်း ဤသို့သော သဘော ရှိ၏၊ ဤသို့သော သဘောဖြစ်လိမ့်မည်သာတည်း၊ ဤသို့သော သဘောကို မလွန်ဆန်နိုင်”ဟု ဤရုပ် အပေါင်းကိုပင် နှိုင်းစာ၍ ရှု၏။ ဤသို့ မမေ့မလျော့, ကိလေသာကို ပူပန်စေတတ်သော လုံ့လရှိသည် ဖြစ်၍ နိဗ္ဗာန်သို့ စေလွှတ်အပ်သော စိတ်ရှိလျက်နေသော ထိုရဟန်းအား ကာမဂုဏ်ငါးပါး၌ မှီကုန်သော ကြံစည်အောက်မေ့ခြင်း ‘ဝိတက်’ တို့သည် ပျောက်ကင်းကုန်၏။ ထိုဝိတက်တို့ ပျောက်ကင်းခြင်းကြောင့် ဘာဝနာ၏ အာရုံဖြစ်သော ကမ္မဋ္ဌာန်း၌သာလျှင် စိတ်သည် ကောင်းစွာတည်၏၊ ကောင်းစွာ သက်ဝင်၏၊ တစ်ခုတည်းသော အာရုံရှိ၍ တည်ကြည်၏။ ရဟန်းတို့ ဤသို့လည်း ရဟန်းသည် ကိုယ်၌ဖြစ်သော အောက်မေ့ခြင်း ‘ကာယဂတာသတိ’ ကို ပွါးများ၏။ (၆)

ရဟန်းတို့ တစ်ဖန် ထို့ပြင်လည်း ရဟန်းသည် ကျီးတို့ ခဲစားအပ်သည်မူလည်းဖြစ်သော, စွန်ရဲတို့ ခဲစားအပ်သည်မူလည်းဖြစ်သော, လင်းတတို့ ခဲစားအပ်သည်မူလည်းဖြစ်သော, ဘုံမတီးငှက်တို့ ခဲစားအပ် သည်မူလည်း ဖြစ်သော, အိမ်ခွေးတို့ ခဲစားအပ်သည်မူလည်းဖြစ်သော, ကျားတို့ ခဲစားအပ်သည်မူလည်း ဖြစ်သော,သစ်တို့ ခဲစား အပ်သည်မူလည်းဖြစ်သော, မြေခွေးတို့ ခဲစားအပ်သည်မူလည်းဖြစ်သော, ပိုး အမျိုးမျိုးတို့ ခဲစားအပ်သည်မူလည်း ဖြစ်သော, သင်္ချိုင်း၌ စွန့်ပစ်ထားသော သူသေကောင်ကို မြင်ရာ သကဲ့သို့၊ ထိုရဟန်းသည် ဤကိုယ်ကိုသာလျှင် ”ဤငါ၏ ရုပ်အပေါင်းသည်လည်း ဤသို့သော သဘော ရှိ၏၊ ဤသို့သော သဘောဖြစ်လိမ့်မည်သာတည်း၊ ဤသို့သော သဘောကို မလွန်ဆန်နိုင်”ဟု နှိုင်းစာ၍ ရှု၏။ ဤသို့ မမေ့မလျော့။ပ။ ရဟန်းတို့ ဤသို့လည်း ရဟန်းသည် ကိုယ်၌ဖြစ်သော အောက်မေ့ခြင်း ‘ကာယဂတာသတိ’ ကို ပွါးများ၏။ (၇)

ရဟန်းတို့ တစ်ဖန် ထို့ပြင်လည်း ရဟန်းသည် အသားအသွေး ရှိသေးသော အကြောတို့ဖြင့် ဖွဲ့ထားသော အရိုးဆက်လျက်ရှိသေးသော သင်္ချိုင်း၌ စွန့်ပစ်ထားသော သူသေကောင်ကို မြင်ရာသကဲ့သို့။ပ။ အသားကင်း၍ သွေးတို့ဖြင့် ပေကျံလျက် အကြောတို့ဖြင့် ဖွဲ့လျက်ရှိသော အရိုးဆက်လျက်ရှိသေး သော သင်္ချိုင်း၌ စွန့်ပစ်ထားသော သူသေကောင်ကို။ပ။ အသားအသွေးကင်းလျက် အကြောတို့ဖြင့် ဖွဲ့ထား သော အရိုးဆက်လျက်ရှိသေးသော သင်္ချိုင်း၌ စွန့်ပစ်ထားသော သူသေကောင်ကို။ပ။ အကြောတို့ဖြင့် ဖွဲ့ခြင်းကင်းကုန်သော တစ်နေရာ၌လက်ရိုး တစ်နေရာ၌ ခြေရိုး တစ်နေရာ၌ ဖမျက်ရိုး တစ်နေရာ၌ မြင်း ခေါင်းရိုး တစ်နေရာ၌ ပေါင်ရိုး တစ်နေရာ၌ ခါးရိုး တစ်နေရာ၌ နံရိုး တစ်နေရာ၌ ကျောက်ကုန်းရိုး တစ်နေရာ၌ လည်ပင်းရိုး တစ်နေရာ၌ မေးရိုး တစ်နေရာ၌ သွားရိုး တစ်နေရာ၌ ဦးခေါင်းခွံအားဖြင့် ဖွဲ့ခြင်းကင်းကုန်လျက် ထိုထိုအရပ်တို့၌ ကြဲပြန့်နေကုန်သော သင်္ချိုင်း၌ စွန့်ပစ်ထားသော အရိုးစု သူသေ ကောင်တို့ကို မြင်ရာသကဲ့သို့၊ ထိုရဟန်းသည် ဤကိုယ်ကိုသာလျှင် ”ဤငါ၏ ရုပ်အပေါင်းသည်လည်း ဤသို့သော သဘောရှိ၏၊ ဤသို့သော သဘောဖြစ်လိမ့်မည်သာတည်း၊ ဤသို့သော သဘောကို မလွန် ဆန်နိုင်”ဟု နှိုင်းစာ၍ ရှု၏။ ဤသို့ မမေ့မလျော့။ပ။ ရဟန်းတို့ ဤသို့လည်း ရဟန်းသည် ကိုယ်၌ဖြစ် သော အောက်မေ့ခြင်း ‘ကာယဂတာသတိ’ ကို ပွါးများ၏။ (၈-၁၁)

ရဟန်းတို့ တစ်ဖန် ထို့ပြင်လည်း ရဟန်းသည် ခရုသင်းအဆင်းနှင့်အတူ ဖြူဖွေးနေသော သင်္ချိုင်း၌ စွန့်ပစ်ထားကုန်သော အရိုးစု သူသေကောင်တို့ကို မြင်ရာသကဲ့သို့။ပ။ နှစ်လွန်လျက် စုပုံနေသော သင်္ချိုင်း ၌ စွန့်ပစ်ထားသော အရိုးစု သူသေကောင်တို့ကို။ပ။ ပုပ်ဆွေးလျက် အမှုန့်ဖြစ်ကုန်သော သင်္ချိုင်း၌ စွန့် ပစ်ထားသော အရိုးစု သူသေကောင်တို့ကို မြင်ရာသကဲ့သို့ ထိုရဟန်းသည် ”ဤငါ၏ ရုပ်အပေါင်းသည့်လည်း ဤသို့သော သဘောရှိ၏၊ ဤသို့သော သဘောဖြစ်လိမ့်မည်သာတည်း၊ ဤသို့သော သဘောကို မလွန်ဆန်နိုင်”ဟု ဤရုပ်အပေါင်းကိုသာလျှင် နှိုင်းစာ၍ရှု၏။ ဤသို့ မမေ့မလျော့။ပ။ ရဟန်းတို့ ဤသို့လည်း ရဟန်းသည် ကိုယ်၌ဖြစ်သော အောက်မေ့ခြင်း ‘ကာယဂတာသတိ’ ကို ပွါးများ၏။ (၁၂-၁၄)

၁၅၅။ ရဟန်းတို့ တစ်ဖန် ထို့ပြင်လည်း ရဟန်းသည် ကာမဂုဏ်တို့မှ ကင်းဆိတ်၍သာလျှင်။ပ။ ပဌမဈာန်သို့ ရောက်၍နေ၏။ ထိုရဟန်းသည် ဤကိုယ်ကိုပင်လျှင် နီဝရဏကင်းဆိတ်ခြင်းကြောင့်ဖြစ်သော နှစ်သိမ့်ခြင်း ‘ပီတိ’ ချမ်းသာခြင်း ‘သုခ’ ဖြင့် စိုစွတ်စေ၏၊ အလုံးစုံ စိုစွတ်စေ၏၊ ပြည့်စေ၏၊ ပျံ့နှံ့စေ၏၊ (နီဝရဏ) ကင်းဆိတ်ခြင်းကြောင့်ဖြစ်သော နှစ်သိမ့်ခြင်း ‘ပီတိ’ ချမ်းသာခြင်း ‘သုခ’ ဖြင့် ထိုရဟန်း၏ တစ်ကိုယ်လုံး၌ မပျံ့နှံ့သော နေရာ အနည်းငယ်မျှ မရှိ။

ရဟန်းတို့ ဥပမာအားဖြင့် ကျွမ်းကျင်သော ရေချိုးပေးသူသည်လည်းကောင်း ရေချိုးပေးသူ၏ တပည့်သည်လည်းကောင်း ကြေးခွက်၌ ရေချိုးကသယ်မှုန့်တို့ကို လောင်းထည့်ပြီးလျှင် ရေဖြင့်ဖျန်းလျက် ဖျန်းလျက် အခဲပြုရာ၏၊ ရေချိုးကသယ်မှုန့်ခဲသည် ရေဟူသောအစေးဖြင့် စိမ့်ဝင်လျက် ရှိရာ၏၊ ရေဟူ သော အစေးဖြင့် ဖွဲ့စည်းလျက် ရှိရာ၏၊ အတွင်းအပြင်၌ ရေတည်းဟူသော အစေးဖြင့် ပျံ့နှံ့လျက် ရှိရာ၏၊ရေယိုကျခြင်းလည်း မရှိရာ။

ရဟန်းတို့ ဤအတူသာလျှင် ရဟန်းသည် ဤကိုယ်ကိုပင်လျှင် (နီဝရဏ) ကင်းဆိတ်ခြင်းကြောင့် ဖြစ်သော နှစ်သိမ့်ခြင်း ‘ပီတိ’ ချမ်းသာခြင်း ‘သုခ’ဖြင့် စိုစွတ်စေ၏၊ အလုံးစုံ စိုစွတ်စေ၏၊ ပြည့်စေ၏၊ ပျံ့နှံ့စေ၏၊ (နီဝရဏ) ကင်းဆိတ်ခြင်းကြောင့်ဖြစ်သော နှစ်သိမ့်ခြင်း ‘ပီတိ’ ချမ်းသာခြင်း ‘သုခ’ ဖြင့် ထို ရဟန်း၏ တစ်ကိုယ်လုံး မပျံ့နှံ့သောနေရာ အနည်းငယ်မျှ မရှိ။ ဤသို့ မမေ့မလျော့။ပ။ ရဟန်းတို့ ဤ သို့လည်း ရဟန်းသည် ကိုယ်၌ ဖြစ်သော အောက်မေ့ခြင်း ‘ကာယဂတာသတိ’ ကို ပွါးများ၏။ (၁၅)

ရဟန်းတို့ တစ်ဖန် ထို့ပြင်လည်း ဝိတက် ဝိစာရတို့၏ ငြိမ်းခြင်းကြောင့်။ပ။ ဒုတိယဈာန်သို့ ရောက် ၍နေ၏၊ ထိုရဟန်းသည် ဤကိုယ်ကိုပင်လျှင် တည်ကြည်ခြင်း ‘သမာဓိ’ ကြောင့်ဖြစ်သော နှစ်သိမ့်ခြင်း ‘ပီတိ’ ချမ်းသာခြင်း ‘သုခ’ ဖြင့် စိုစွတ်စေ၏၊ အလုံးစုံ စိုစွတ်စေ၏၊ ပြည့်စေ၏၊ ပျံ့နှံ့စေ၏၊ တည် ကြည်ခြင်း ‘သမာဓိ’ကြောင့် ဖြစ်သော နှစ်သိမ့်ခြင်း ‘ပီတိ’ ချမ်းသာခြင်း ‘သုခ’ ဖြင့် ထိုရဟန်း၏ တစ်ကိုယ်လုံး၌ မပျံ့နှံ့သောနေရာ အနည်းငယ်မျှ မရှိ။

ရဟန်းတို့ ဥပမာအားဖြင့် နက်စွာသော စိမ့်ရေရှိသော ရေအိုင်သည် ရှိရာ၏၊ ထိုရေအိုင်၏ အရှေ့ အရပ်၌ ရေဝင်ပေါက်မရှိရာ၊ အနောက်အရပ်၌ ရေဝင်ပေါက်မရှိရာ၊ တောင်အရပ်၌ ရေဝင်ပေါက်မရှိရာ၊ မြောက်အရပ်၌ ရေဝင်ပေါက်မရှိရာ၊ မိုးသည်လည်း အခါခပ်သိမ်း အချိန်မှန်မှန်သည်းထန်စွာ ရွာသွန်းခြင်း မရှိရာ။ သို့သော်လည်း ထိုရေအိုင်မှ အေးမြသော ရေအလျဉ်သည် စိမ့်ထွက်၍ ထိုရေအိုင်ကိုပင်လျှင် အေးမြသောရေဖြင့် စိုစွတ်စေရာ၏၊ အလုံးစုံ စိုစွတ်စေရာ၏၊ ပြည့်စေရာ၏၊ ပျံ့နှံ့စေရာ၏၊ အေးမြသော ရေဖြင့် ထိုရေအိုင်တစ်ခုလုံး၌ မပျံ့နှံ့သော နေရာ အနည်းငယ်မျှ မရှိရာ။ ရဟန်းတို့ ဤအတူသာလျှင် ရဟန်းသည် ဤကိုယ်ကိုပင်လျှင် တည်ကြည်ခြင်း ‘သမာဓိ’ ကြောင့်ဖြစ်သော နှစ်သိမ့်ခြင်း ‘ပီတိ’ ချမ်း သာခြင်း ‘သုခ’ဖြင့် စိုစွတ်စေ၏၊ အလုံးစုံ စိုစွတ်စေ၏၊ ပြည့်စေ၏၊ ပျံ့နှံ့စေ၏၊ တည်ကြည်ခြင်း ‘သမာဓိ’ ကြောင့်ဖြစ်သော နှစ်သိမ့်ခြင်း ‘ပီတိ’ ချမ်းသာခြင်း ‘သုခ’ ဖြင့် ထိုရဟန်း၏ တစ်ကိုယ်လုံး၌ မပျံ့နှံ့သော နေရာ အနည်းငယ်မျှမရှိ။ ဤသို့ မမေ့မလျော့။ပ။ ရဟန်းတို့ ဤသို့လည်း ရဟန်းသည် ကိုယ်၌ဖြစ်သော အောက်မေ့ခြင်း ‘ကာယဂတာသတိ’ ကို ပွါးများ၏။ (၁၆)

ရဟန်းတို့ တစ်ဖန် ထို့ပြင်လည်း ရဟန်းသည် ပီတိကိုလည်း မတပ်မက်ခြင်းကြောင့်။ပ။ တတိယ ဈာန်သို့ ရောက်၍နေ၏၊ ထိုရဟန်းသည် ဤကိုယ်ကိုပင်လျှင် ပီတိကင်းသော သုခဖြင့် စိုစွတ်စေ၏၊ အလုံး စုံ စိုစွတ်စေ၏၊ ပြည့်စေ၏၊ ပျံ့နှံ့စေ၏၊ ပီတိကင်းသောသုခဖြင့် ထိုရဟန်း၏ တစ်ကိုယ်လုံး၌ မပျံ့နှံ့သော နေရာ အနည်းငယ်မျှမရှိ။

ရဟန်းတို့ ဥပမာအားဖြင့် ကြာဖြူ ကြာနီ ကြာညိုတော၌လည်းကောင်း၊ ပဒုမ္မာကြာတော၌လည်း ကောင်း၊ ပုဏ္ဍရိက်ကြာတော၌လည်းကောင်း၊ ကြာဖြူ ကြာနီ ကြာညိုအချို့တို့သည်လည်းကောင်း၊ ပဒုမ္မာကြာအချို့တို့ သည်လည်းကောင်း၊ ကြာပုဏ္ဍရိက်အချို့တို့သည်လည်းကောင်း ရေ၌ပေါက်ကုန်၏၊ ရေ၌ ကြီးပွါးကုန်၏၊ ရေမှ မပေါ်ထွက်သေးကုန်၊ ရေထဲ၌ မြုပ်၍ ဖွံ့ဖြိုးကုန်၏၊ ထိုကြာတို့သည် အဖျားအရင်း တိုင်အောင် အေးမြသော ရေဖြင့် စိုစွတ်ကုန်၏၊ အလုံးစုံ စိုစွတ်ကုန်၏၊ ပြည့်ကုန်၏၊ ပျံ့နှံ့ကုန်၏၊ ကြာဖြူ ကြာနီ ကြာညို ပဒုမ္မာကြာ ပုဏ္ဍရိက်ကြာတို့၏ အစိတ်အပိုင်း အလုံးစုံ၌ အေးမြသောရေဖြင့် မပျံ့နှံ့သော နေရာသည် အနည်းငယ်မျှ မရှိရာ။ ရဟန်းတို့ ဤဥပမာအတူသာလျှင် ရဟန်းသည် ဤ ကိုယ်ကိုပင်လျှင် ပီတိကင်းသော သုခဖြင့် စိုစွတ်စေ၏၊ အလုံးစုံ စိုစွတ်စေ၏၊ ပြည့်စေ၏၊ ပျံ့နှံ့စေ၏၊ ပီတိကင်းသောသုခဖြင့် ထိုရဟန်း၏ တစ်ကိုယ်လုံး၌ မပျံ့နှံ့သောနေရာ အနည်းငယ်မျှမရှိ။ ဤသို့ မမေ့မလျော့။ပ။ ရဟန်းတို့ ဤသို့လည်း ရဟန်းသည် ကိုယ်၌ဖြစ်သော အောက်မေ့ခြင်း ‘ကာယဂတာ သတိ’ ကို ပွါးများ၏။ (၁၇)

ရဟန်းတို့ တစ်ဖန် ထို့ပြင်လည်း ရဟန်းသည် ချမ်းသာကို ပယ်ခြင်းကြောင့်လည်းကောင်း။ပ။ စတုတ္ထဈာန်သို့ ရောက်၍နေ၏၊ ထိုရဟန်းသည် ဤကိုယ်ကိုပင်လျှင် သန့်ရှင်းဖြူစင်သော စိတ်ဖြင့် ပျံ့နှံ့ စေ၍ နေ၏၊ ထိုရဟန်း၏ တစ်ကိုယ်လုံး၌ သန့်ရှင်းဖြူစင်သော စိတ်ဖြင့် မပျံ့နှံ့သော နေရာ အနည်းငယ် မျှ မရှိ။ ရဟန်းတို့ ဥပမာအားဖြင့် ယောက်ျားသည် ဖြူစင်သော အဝတ်ဖြင့် ဦးခေါင်းနှင့် တကွ (တစ် ကိုယ်လုံး) ခြုံ၍ ထိုင်နေသည်ရှိသော် ထိုယောက်ျား၏ တစ်ကိုယ်လုံး၌ ဖြူစင်သော အဝတ်ဖြင့် မပျံ့နှံ့သော နေရာ အနည်းငယ်မျှ မရှိရာ။ ရဟန်းတို့ ဤဥပမာအတူသာလျှင် ရဟန်းသည် ဤကိုယ်ကိုပင်လျှင် သန့် ရှင်းဖြူစင်သော စိတ်ဖြင့် ပျံ့နှံ့စေ၍ နေ၏။ ထိုရဟန်း၏ တစ်ကိုယ်လုံး၌ သန့်ရှင်းဖြူစင်သော စိတ်ဖြင့် မပျံ့နှံ့သောနေရာ အနည်းငယ်မျှမရှိ၊ ဤသို့ မမေ့မလျော့, ကိလေသာကို ပူပန်စေတတ်သော လုံ့လရှိ သည်ဖြစ်၍ နိဗ္ဗာန်သို့စေလွှတ်အပ်သော စိတ်ရှိလျက်နေသော ထိုရဟန်းအား ကာမဂုဏ်ငါးပါး၌ မှီ၍ဖြစ် ကုန်သော ကြံစည်အောက်မေ့ခြင်း ‘ဝိတက်’ တို့သည် ပျောက်ကင်းကုန်၏၊ ထိုဝိတက်တို့ ပျောက်ကင်းခြင်း ကြောင့် ဘာဝနာ၏ အာရုံဖြစ်သော ကမ္မဋ္ဌာန်း၌သာလျှင် စိတ်သည် ကောင်းစွာ တည်၏၊ ကောင်းစွာ သက်ဝင်၏၊ တစ်ခုတည်းသော အာရုံရှိ၍ တည်ကြည်၏။ ရဟန်းတို့ ဤသို့လည်း ကိုယ်၌ ဖြစ်သော အောက်မေ့ခြင်း ‘ကာယဂတာသတိ’ကို ပွါးများ၏။ (၁၈)

၁၅၆။ ရဟန်းတို့ အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာသတိကို ပွါးများ လေ့လာအပ်၏၊ ထိုပုဂ္ဂိုလ်အား ဝိဇ္ဇာရှစ်ပါးအဖို့ရှိကုန်သော ခပ်သိမ်းကုန်သော ကုသိုလ်တရားတို့သည် ဘာဝနာ၏ အတွင်း၌သာလျှင် ဝင်ကုန်၏။ ရဟန်းတို့ ဥပမာအားဖြင့် အမှတ်မရှိ တစ်စုံတစ်ယောက်သော ပုဂ္ဂိုလ်သည် မဟာသမုဒ္ဒရာကို စိတ်ဖြင့် တွေ့အပ်၏၊ ထိုပုဂ္ဂိုလ်အား သမုဒ္ဒရာသို့ စီးဝင်ကုန်သော ခပ်သိမ်းကုန်သော မြစ်ငယ်တို့သည် ထိုသမုဒ္ဒရာ၏ အတွင်း၌ ဝင်ကုန်၏။ ရဟန်းတို့ ဤဥပမာအတူ သာလျှင် အမှတ်မရှိ တစ်စုံတစ်ယောက်သောပုဂ္ဂိုလ်သည် ကာယဂတာသတိကို ပွါးများလေ့လာအပ်၏၊ ထိုပုဂ္ဂိုလ်အား ဝိဇ္ဇာရှစ်ပါးအဖို့ရှိကုန်သော ခပ်သိမ်းကုန်သော ကုသိုလ်တရားတို့သည် ဘာဝနာ၏ အတွင်း ၌သာလျှင် ဝင်ကုန်၏။

ရဟန်းတို့ အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာသတိကို မပွါးများ မလေ့လာအပ်၊ ထိုပုဂ္ဂိုလ်အား ကိလေသာမာရ်သည် ဝင်ခွင့်ကို ရ၏၊ ထိုပုဂ္ဂိုလ်အား ကိလေသာမာရ်သည် ဆွဲကိုင်ရာကို ရ၏။ ရဟန်းတို့ ဥပမာအားဖြင့် ယောက်ျားသည် လေးစွာသော ကျောက်တုံးကို စိုသော ရွှံ့မြေပုံ၌ ပစ်ချရာ၏။ ရဟန်းတို့ ထိုအရာကို အဘယ်သို့ မှတ်ထင်ကုန်သနည်း၊ ထိုလေးစွာသော ကျောက်တုံးသည် စိုသော ရွှံ့မြေပုံ၌ ဝင်ခွင့်ကို ရနိုင်ရာသလောဟု (မေးတော်မူ၏)။ အသျှင်ဘုရား ဝင်ခွင့်ရနိုင်ပါ၏ဟု (လျှေက်ကြကုန်၏)။ ရဟန်းတို့ ဤဥပမာအတူသာလျှင် အမှတ်မရှိ တစ်စုံတစ်ယောက့်သော ပုဂ္ဂိုလ်သည် ကာယဂတာသတိကို မပွါးများ မလေ့လာအပ်၊ ထိုပုဂ္ဂိုလ်အား ကိလေသာမာရ်သည် ဝင်ပေါက်ကို ရ၏၊ ထိုပုဂ္ဂိုလ်အား ကိလေသာမာရ်သည် ဖြစ်ပေါ်ခွင့်အကြောင်းကို ရ၏။

ရဟန်းတို့ ဥပမာအားဖြင့် အစေးမရှိသော ထင်းခြောက်သည် ရှိ၏၊ ထိုအခါ ယောက်ျားသည် ”မီးကို ဖြစ်စေအံ့၊ အပူဓာတ်ကို ထင်ရှားပြုအံ့”ဟု မီးပွတ်ခုံကို ယူ၍ လာရာ၏။ ရဟန်းတို့ ထိုအရာကို အဘယ်သို့ မှတ်ထင်ကုန်သနည်း၊ ထိုယောက်ျားသည် ဤအစေးမရှိသော ထင်းခြောက်ကို မီးပွတ်ခုံကို ယူ၍ ပွတ်သည်ရှိသော် မီးကို ဖြစ်စေနိုင်ရာသလော၊ အပူဓာတ်ကို ထင်ရှားပြုနိုင်ရာသလောဟု (မေးတော် မူ၏)။ အသျှင်ဘုရား မီးကို ဖြစ်စေနိုင်ရာပါ၏ဟု (လျှောက်ကြကုန်၏)။ ရဟန်းတို့ ဤဥပမာအတူသာလျှင် အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာသတိကို မပွါးများ မလေ့လာအပ်၊ ထိုပုဂ္ဂိုလ် အား ကိလေသာမာရ်သည် ဝင်ပေါက်ကို ရ၏၊ ထိုပုဂ္ဂိုလ်အား ကိလေသာမာရ်သည် ဖြစ်ပေါ်ခွင့်အကြောင်း ကို ရ၏။

ရဟန်းတို့ ဥပမာတစ်မျိုးသော်ကား ရေမရှိ၍ ခြောက်နေသော အိုးစရည်းကြီးကို ကရွတ်ခွေ၌ တည်ထားအပ်၏၊ ထို့နောက် ယောက်ျားသည် ရေကို ထမ်းယူ၍လာရာ၏။ ရဟန်းတို့ ထိုအရာကို အဘယ်သို့ မှတ်ထင်ကုန်သနည်း၊ ထိုယောက်ျားသည် ရေကို သွန်းလောင်းရာအရပ်ကို ရနိုင်ရာသလောဟု (မေးတော်မူ၏)။ အသျှင်ဘုရား သွန်းလောင်းရာအရပ်ကို ရနိုင်ပါ၏ဟု (လျှောက်ကြကုန်၏)။ ရဟန်းတို့ ဤဥပမာအတူသာလျှင် အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာသတိကို မပွါးများ မလေ့လာအပ်၊ ထိုပုဂ္ဂိုလ်အား ကိလေသာမာရ်သည် ဝင်ပေါက်ကို ရ၏၊ ထိုပုဂ္ဂိုလ်အား ကိလေသာမာရ် သည် ဖြစ်ပေါ်ခွင့်အကြောင်းကို ရ၏။

၁၅၇။ ရဟန်းတို့ အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာသတိကို ပွါးများ လေ့လာအပ်၏၊ ထိုပုဂ္ဂိုလ်အား ကိလေသာမာရ်သည် ဝင်ပေါက်ကို မရ၊ ထိုပုဂ္ဂိုလ်အား ကိလေသာမာရ် သည် ဖြစ်ပေါ်ခွင့်အကြောင်းကို မရ။

ရဟန်းတို့ ဥပမာသော်ကား ယောက်ျားသည် ပေါ့ပါးသော ချည်လုံးကို အလုံးစုံ အနှစ်ချည်းဖြစ်သော တံခါးပျဉ်၌ ပစ်သွင်းရာ၏။ ရဟန်းတို့ ထိုအရာကို အဘယ်သို့ မှတ်ထင်ကုန်သနည်း၊ ထိုယောက်ျားသည် ပေါ့ပါးသော ချည်လုံးကို အလုံးစုံအနှစ်ချည်းဖြစ်သော တံခါးပျဉ်၌ ပစ်သွင်း၍ ဝင်ပေါက်ကို ရနိုင်ရာ သလောဟု (မေးတော်မူ၏)။ အသျှင်ဘုရား မရနိုင်ပါဟု (လျှောက်ကြကုန်၏)။

ရဟန်းတို့ ဤဥပမာအတူသာလျှင် အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာ သတိကို ပွါးများအပ်၏၊ ကြိမ်ဖန်များစွာ လေ့လာအပ်၏၊ ထိုပုဂ္ဂိုလ်အား ကိလေသာမာရ်သည် ဝင်ပေါက် ကို မရ၊ ထိုပုဂ္ဂိုလ်အား ကိလေသာမာရ်သည် ဖြစ်ပေါ်ခွင့်အကြောင်းကို မရ။

ရဟန်းတို့ ဥပမာတစ်မျိုးသော်ကား အစေးရှိသော ထင်းစိုသည် ရှိ၏၊ ထို့နောက် ယောက်ျားသည် ”မီးကို ဖြစ်စေအံ့၊ အပူဓာတ်ကို ပြုအံ့”ဟု မီးပွတ်ခုံကို ယူ၍ လာရာ၏။ ရဟန်းတို့ ထိုအရာကို အဘယ် သို့ မှတ်ထင်ကုန်သနည်း၊ ထိုယောက်ျားသည် ထိုအစေးရှိသော ထင်းစိုကို မီးပွတ်ခုံကို ယူ၍ ပွတ်တိုက် သည်ရှိသော် မီးကို ဖြစ်စေနိုင်ရာသလော၊ အပူဓာတ်ကို ပြုနိုင်ရာသလောဟု (မေးတော်မူ၏)။ အသျှင် ဘုရား မဖြစ်စေနိုင်ရာပါဟု (လျှောက်ကြကုန်၏)။

ရဟန်းတို့ ဤဥပမာအတူသာလျှင် အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာ သတိကို ပွါးများလေ့လာအပ်၏၊ ထိုပုဂ္ဂိုလ်အား ကိလေသာမာရ်သည် ဝင်ပေါက်ကို မရ၊ ထိုပုဂ္ဂိုလ်အား ကိလေသာမာရ်သည် ဖြစ်ပေါ်ခွင့်အကြောင်းကို မရ။

ရဟန်းတို့ ဥပမာတစ်မျိုးသော်ကား ရေဖြင့် ပြည့်သော အိုးနှုတ်ခမ်းနှင့်အမျှရေရှိသော နှုတ်ခမ်း၌ နား၍ ကျီးသောက်နိုင်သော အိုးစရည်းကြီးကို ကရွတ်ခွေ၌ တည်ထားအပ်၏၊ ထို့နောက် ယောက်ျားသည် ရေကို ထမ်းယူ၍ လာရာ၏။ ရဟန်းတို့ ထိုအရာကို အဘယ်သို့ မှတ်ထင်ကုန်သနည်း၊ ထိုယောက်ျာ့းသည် ရေသွန်းလောင်းရာကို ရနိုင်ရာသလောဟု (မေးတော်မူ၏)။ အသျှင်ဘုရား မရနိုင်ရာပါဟု (လျှောက်ကြကုန်၏)။

ရဟန်းတို့ ဤဥပမာအတူသာလျှင် အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာ သတိကို ပွါးများလေ့လာအပ်၏၊ ထိုပုဂ္ဂိုလ်အား ကိလေသာမာရ်သည် ဝင်ပေါက်ကို မရ၊ ထိုပုဂ္ဂိုလ်အား ကိလေသာမာရ်သည် ဖြစ်ပေါ်ခွင့်အကြောင်းကို မရ။

၁၅၈။ ရဟန်းတို့ အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာသတိကို ပွါးများ လေ့လာအပ်၏၊ ထိုပုဂ္ဂိုလ်သည် ထူးသောဉာဏ်ဖြင့်သိ၍ မျက်မှောက်ပြုအပ်သော အကြင်အကြင် တရားကို ထူးသောဉာဏ်ဖြင့် သိ၍ မျက်မှောက်ပြုခြင်းငှါ စိတ်ကို ရှေးရှုညွတ်စေ၏၊ ထိုထိုတရား၌သာလျှင် သတိဟူ သော အကြောင်းရှိလျှင် မျက်မြင်ကိုယ်တွေ့အဖြစ်သို့ရောက်၏။

ရဟန်းတို့ ဥပမာတစ်မျိုးသော်ကား ရေဖြင့်ပြည့်သော အိုးနှုတ်ခမ်းနှင့်အမျှရေရှိသော နှုတ်ခမ်း၌ နား၍ ကျီးသောက်နိုင်သော အိုးစရည်းကြီးကို ကရွတ်ခွေ၌ တည်ထားအပ်၏၊ ထိုအိုးစရည်းကြီးကို အား ကြီးသော ယောက်ျားသည် အကြင်အကြင် လိုရာဘက်သို့ ဆွဲဆောင်ရာ၏၊ ရေသည် လိုက်ပါရာသလောဟု (မေးတော်မူ၏)။ အသျှင်ဘုရား လိုက်ပါရာပါ၏ဟု (လျှောက်ကြကုန်၏)။

ရဟန်းတို့ ဤအတူသာလျှင် အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာသတိကို ပွါးများလေ့လာအပ်၏၊ ထိုပုဂ္ဂိုလ်သည် ထူးသောဉာဏ်ဖြင့်သိ၍ မျက်မှောက်ပြုအပ်သော အကြင်အကြင် တရားကို ထူးသောဉာဏ်ဖြင့်သိ၍ မျက်မှောက်ပြုခြင်းငှါ စိတ်ကို ရှေးရှုညွတ်စေ၏၊ ထိုထိုတရား၌သာလျှင် သတိဟူသော အကြောင်းရှိလျှင် မျက်မြင်ကိုယ်တွေ့အဖြစ်သို့ ရောက်၏။

ရဟန်းတို့ ဥပမာတစ်မျိုးသော်ကား ညီညွတ်သော မြေအဖို့၌ ကန်ပေါင်ဖြင့် ဖွဲ့ထားသော ရေဖြင့် ပြည့်သော ကမ်းနှင့်အမျှရေရှိသော ကမ်း၌ နား၍ ကျီးသောက်နိုင်သော လေးထောင့်ကန်သည် ရှိရာ၏၊ ထိုကန်ကို အားကြီးသော ယောက်ျားသည် အကြင်ကြင် လိုရာဘက်မှ ကန်ပေါင်ကို ဖြေဖျက်ရာ၏၊ ရေသည် ထွက်လာရာသလောဟု (မေးတော်မူ၏)။ အသျှင်ဘုရား ထွက်လာရာပါ၏ဟု (လျှောက်ကြကုန်၏)။

ရဟန်းတို့ ဤအတူသာလျှင် အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာသတိကို ပွါးများလေ့လာအပ်၏၊ ထိုပုဂ္ဂိုလ်သည် ထူးသောဉာဏ်ဖြင့် သိ၍ မျက်မှောက်ပြုအပ်သော အကြင်အကြင် တရားကို ထူးသောဉာဏ်ဖြင့် သိ၍ မျက်မှောက်ပြုခြင်းငှါ စိတ်ကို ရှေးရှုညွတ်စေ၏၊ ထိုထိုတရား၌သာလျှင် သတိဟူသော အကြောင်းရှိလျှင် မျက်မြင်ကိုယ်တွေ့အဖြစ်သို့ ရောက်၏။

ရဟန်းတို့ ဥပမာတစ်မျိုးသော်ကား ကောင်းသော မြေအဖို့ရှိသော လမ်းလေးခွ၌ က၍ ရပ်တည် နေသော ချထားသော နှင်တံရှိသော အာဇာနည်မြင်းကသော ရထားသည် တည်ရာ၏။ ထိုရထားကို လိမ္မာကျွမ်းကျင်သော ယာဉ်မောင်းဆရာ ရထားထိန်းသည် တက်စီးလျက် လက်ဝဲလက်ဖြင့် ကြိုးတို့ကို ကိုင်ပြီးလျှင် လက်ျာလက်ဖြင့် နှင်တံကို ကိုင်၍ အလိုရှိရာသို့ အလိုရှိသလို သွားစေရာ၏၊ တစ်ဖန်ပြန်လာ စေရာ၏။ ရဟန်းတို့ ဤအတူသာလျှင် အမှတ်မရှိ တစ်စုံတစ်ယောက်သော ပုဂ္ဂိုလ်သည် ကာယဂတာ သတိကို ပွါးများလေ့လာအပ်၏၊ ထိုပုဂ္ဂိုလ်သည် ထူးသောဉာဏ်ဖြင့် သိ၍ မျက်မှောက်ပြုအပ်သော အကြင်အကြင် တရားကို ထူးသောဉာဏ်ဖြင့် သိ၍ မျက်မှောက်ပြုခြင်းငှါ စိတ်ကို ရှေးရှုညွတ်စေ၏၊ ထိုထိုတရား၌သာလျှင် သတိဟူသော အကြောင်းရှိလျှင် မျက်မြင်ကိုယ်တွေ့အဖြစ်သို့ ရောက်၏။

၁၅၉။ ရဟန်းတို့ ကိုယ်အစုကို အာရုံပြုသော သတိကို အဖန်ဖန်မှီဝဲအပ်သော် ပွါးများလေ့လာအပ် သော် ယာဉ်ကဲ့သို့ ပြုအပ်သော် တည်ရာကဲ့သို့ ပြုအပ်သော် အဖန်ဖန်ဖြစ်စေအပ်သော် လေ့ကျက်အပ် သော် ကောင်းစွာ အားထုတ်အပ်သော် အာနိသင်ဆယ်ပါးတို့သည် မချွတ်ဖြစ်ကုန်လတ္တံ့။

မမွေ့လျော်ခြင်းကို သည်းခံနိုင်၏၊ ထိုမမွေ့လျော်ခြင်းကို သည်းမခံနိုင်စေကာမူ ဖြစ်ပေါ်လာသော မမွေ့မလျော်ခြင်းကို လွှမ်းမိုး၍ နေနိုင်၏။ (၁)

ကြောက်ခြင်း ထိတ်လန့်ခြင်းကို သည်းခံနိုင်၏၊ ထိုကြောက်ခြင်း ထိတ်လန့်ခြင်းကို သည်းမခံနိုင်စေ ကာမူ ဖြစ်ပေါ်လာသော ကြောက်ခြင်း ထိတ်လန့်ခြင်းကို လွှမ်းမိုး၍ နေနိုင်၏။ (၂)

အချမ်း အပူ ဆာလောင်ခြင်း မွတ်သိပ်ခြင်း မှက် ခြင် လေ နေပူ မြွေ ကင်းသန်းအတွေ့တို့ကိုလည်း သည်းခံနိုင်၏၊ မကောင်းသဖြင့် ဆိုအပ်ကုန်သော မကောင်းသဖြင့် ရောက်လာကုန်သော စကားတို့ ကိုလည်းကောင်း၊ ကိုယ်၌ဖြစ်ဆဲဖြစ်ကုန်သော ပြင်းထန် ကြမ်းကြုတ် ခါးစပ် ကျင်နာ မသာယာဖွယ် မနှစ်မြို့ဖွယ်သော အသက်ကို ဆောင်နိုင်သော ဆင်းရဲဝေဒနာတို့ကိုလည်းကောင်း သည်းခံနိုင်ခြင်းသဘော ရှိသူ ဖြစ်၏။ (၃)

အထူးသဖြင့် စင်ကြယ်သောစိတ်၌ အပါအဝင်ဖြစ်ကုန်သော မျက်မှောက်သော ကိုယ်၌ ချမ်းချမ်းသာ သာ နေမှုဖြစ်ကုန်သော ဈာန်လေးပါးတို့ကို အလိုရှိတိုင်း ရ၏၊ မငြိုမငြင် ရ၏၊ မပင်မပန်းဘဲ ရ၏။ (၄)

ထိုပုဂ္ဂိုလ်သည် တစ်ပါးမက များသော အပြားရှိသော ဣဒ္ဓိဝိဓအဘိညာဏ်ကို ပြီးစေနိုင်၏၊ တစ် ယောက်တည်းဖြစ်လျက်လည်း အများအပြား ဖြစ်သွား၏၊ အများအပြားဖြစ်လျက်လည်း တစ်ယောက် တည်း ဖြစ်လာ၏၊ ကိုယ်ကို ထင်ရှားဖြစ်စေ၏။ပ။ ဗြဟ္မာ့ပြည်တိုင်အောင်လည်း ကိုယ်ကို (မိမိ) အလို အတိုင်း ဖြစ်စေနိုင်၏။ (၅)

ထိုပုဂ္ဂိုလ်သည် အတူးသဖြင့် သန့်ရှင်းစင်ကြယ်သော လူတို့၏ နားထက် သာလွန်သော နတ်တို့၏ နားနှင့်တူသော ‘ဒိဗ္ဗသောတ’ ဉာဏ်ဖြင့် နတ်၌လည်းဖြစ်ကုန် လူ၌လည်းဖြစ်ကုန်သော ဝေးသည်လည်းဖြစ် ကုန် နီးသည်လည်းဖြစ်ကုန်သော နှစ်မျိုးသော အသံတို့ကို ကြားနိုင်၏။ပ။ (၆)

တိုပုဂ္ဂိုလ်သည် တစ်ပါးသော သတ္တဝါ တစ်ပါးသော ပုဂ္ဂိုလ်တို့၏ စိတ်ကို (မိမိ) စိတ်ဖြင့် ပိုင်းခြား၍ သိ၏၊ တပ်မက်ခြင်း ‘ရာဂ’ နှင့် တကွသော စိတ်ကိုလည်း တပ်မက်ခြင်း ‘ရာဂ’ နှင့် တကွသော စိတ်ဟု သိ၏။ တပ်မက်ခြင်း ‘ရာဂ’ ကင်းသော စိတ်ကိုလည်း တပ်မက်ခြင်း ‘ရာဂ’ ကင်းသော စိတ်ဟု သိ၏။ အမျက်ထွက်ခြင်း ‘ဒေါသ’နှင့် တကွသော စိတ်ကိုလည်း အမျက်ထွက်ခြင်း ‘ဒေါသ’ နှင့် တကွသော စိတ်ဟု သိ၏။ အမျက်ထွက်ခြင်း ‘ဒေါသ’ ကင်းသော စိတ်ကိုလည်း အမျက်ထွက်ခြင်း ‘ဒေါသ’ ကင်းသော စိတ်ဟု သိ၏။ တွေဝေခြင်း ‘မောဟ’နှင့် တကွသော စိတ်ကိုလည်း တွေဝေခြင်း ‘မောဟ’နှင့် တကွသော စိတ်ဟု သိ၏။ တွေဝေခြင်း ‘မောဟ’ ကင်းသော စိတ်ကိုလည်း တွေဝေခြင်း ‘မောဟ’ ကင်းသော စိတ်ဟု သိ၏။ ကျုံ့သော ‘သံခိတ္တ’စိတ်ကိုလည်း ကျုံ့သော ‘သံခိတ္တ’ စိတ်ဟု သိ၏၊ ပျံ့လွင့်သော ‘ဝိက္ခိတ္တ’ စိတ်ကိုလည်း ပျံ့လွင့်သော’ဝိက္ခိတ္တ’ စိတ်ဟု သိ၏၊ မြတ်သည်၏ အဖြစ်သို့ ရောက်သော ‘မဟဂ္ဂုတ်’စိတ်ကိုလည်း မြတ်သည်၏ အဖြစ်သို့ ရောက်သော ‘မဟဂ္ဂုတ်’ စိတ်ဟု သိ၏၊ မြတ်သည်၏ အဖြစ်သို့ မရောက်သော ‘အမဟဂ္ဂုတ်’ စိတ်ကိုလည်း မြတ်သည်၏ အဖြစ်သို့ မရောက်သော ‘အမဟဂ္ဂုတ်’ စိတ်ဟု သိ၏၊ မိမိထက် သာလွန်သော တရားရှိသော ‘သဥတ္တရ’ စိတ်ကိုလည်း မိမိထက်သာလွန်သော တရားရှိသော ‘သဥတ္တရ’ စိတ်ဟု သိ၏၊ မိမိထက်သာလွန်သော တရားမရှိသော ‘အနုတ္တရ’ စိတ်ကိုလည်း မိမိထက်သာလွန်သော တရားမရှိသော ‘အနုတ္တရ’ စိတ်ဟု သိ၏၊ တည်ကြည်သော ‘သမာဟိတ’ စိတ်ကိုလည်း တည်ကြည်သော ‘သမာဟိတ’ စိတ်ဟု သိ၏၊ မတည်ကြည်သော ‘အသမာဟိတ’ စိတ်ကိုလည်း မတည်ကြည်သော ‘အသမာ ဟိတ’ စိတ်ဟု သိ၏။ လွတ်မြောက်သော ‘ဝိမုတ္တ’ စိတ်ကိုလည်း လွတ်မြောက်သော ‘ဝိမုတ္တ’ စိတ်ဟု သိ၏၊ မလွတ်မြောက်သော ‘အဝိမုတ္တ’ စိတ်ကိုလည်း မလွတ်မြောက်သော ‘အဝိမုတ္တ’ စိတ်ဟု သိ၏။ (၇)

ထိုပုဂ္ဂိုလ်သည် များစွာသော ရှေး၌ဖြစ်ဖူးသော ခန္ဓာအစဉ်ကို အောက်မေ့နိုင်၏။ ဤရှေး၌ဖြစ်ဖူးသော ခန္ဓာအစဉ်ဟူသည် အဘယ်နည်း၊ တစ်ဘဝကိုလည်းကောင်း၊ နှစ်ဘဝတို့ကိုလည်းကောင်း။ပ။ ဤသို့ အခြင်းအရာနှင့်တကွ ညွှန်ပြဖွယ် (အမည်အနွယ်) နှင့်တကွ များစွာသော ရှေး၌ဖြစ်ဖူးသော ခန္ဓာအစဉ်ကို့အောက်မေ့နိုင်၏။ (၈)

ထိုပုဂ္ဂိုလ်သည် အထူးသဖြင့် စင်ကြယ်သော လူတို့၏ မျက်စိထက် သာလွန်သော နတ်တို့၏ မျက်စိနှင့်တူသော ‘ဒိဗ္ဗစက္ခု’ ဉာဏ်ဖြင့် သေဆဲသတ္တဝါ ဖြစ်ပေါ်ဆဲသတ္တဝါ ယုတ်သောသတ္တဝါ မြတ်သော သတ္တဝါ အဆင်းလှသောသတ္တဝါ အဆင်းမလှသောသတ္တဝါ ကောင်းသောလားရာရှိသောသတ္တဝါ မကောင်း သောလားရာရှိသောသတ္တဝါကို မြင်နိုင်၏၊ ကံအားလျော်စွာ ဖြစ်ပေါ်သော သတ္တဝါတို့ကို သိနိုင်၏။ (၉)

အာသဝေါတရားတို့၏ ကုန်ခန်းခြင်းကြောင့် အာသဝေါကင်းသော အရဟတ္တဖိုလ် သမာဓိနှင့် အရဟတ္တဖိုလ် ပညာကို မျက်မှောက်သော ကိုယ်၏ အဖြစ်၌ပင်လျှင် ကိုယ်တိုင် ထူးသောဉာဏ်ဖြင့် သိလျက် မျက်မှောက်ပြုကာ ဝင်စား၍ နေနိုင်၏။ (၁ဝ)

ရဟန်းတို့ ကာယဂတာသတိကို အဖန်ဖန် မှီဝဲအပ်သော် ပွါးများလေ့လာအပ်သော် ယာဉ်ကဲ့သို့ ပြုအပ်သော် တည်ရာကဲ့သို့ ပြုအပ်သော် အဖန်ဖန်ဖြစ်စေအပ်သော် လေ့ကျက်အပ်သော် ကောင်းစွာ အား ထုတ်အပ်သော် ဤဆယ်ပါးသော အကျိုးတို့သည် မချွတ်ဖြစ်ကုန်လတ္တံ့ ဟု ( မိန့်တော်မူ၏ )။ မြတ်စွာဘုရားသည် ဤတရား ဒေသနာတော်ကို ဟောတော်မူ၏။ ထိုရဟန်းတို့သည် မြတ်စွာဘုရား၏ တရား ဒေသနာတော်ကို ဝမ်းမြောက်ဝမ်းသာ လွန်စွာ နှစ်သက်ကုန်ပြီ။

ကိုးခုမြောက် ကာယဂတာသတိသုတ် ပြီး၏။

မန ၁၁၉ ။

ဆက်လက်ဖတ်ရှုရန်