Sunday, May 27, 2012

ဘုန်းဘုန်း အရှင်တိက္ခဉာဏာလင်္ကာရ (TKNN) အတွက် သက်တော် (၃၄) နှစ်ပြည့် မွေးနေ့လက်ဆောင်

ဒီနေ့ Facebook စာမျက်နှာ စစဖွင့်လိုက်ချင်း တွေ့လိုက်ရတယ်။ ဘုန်းဘုန်း ဦးတိက္ခမွေးနေ့တဲ့။ သက်တော် (၃၄) နှစ် ပြည့်တာဆိုပဲ။


ဆောင်းပါးတစ်ပုဒ်ရေးဖို့အတွက် ကျမ်းကိုးချင်လို့ အနားမှာ ဖတ်ဖို့ထုတ်ထားတဲ့ သပြေကန်ဆရာတော်ကြီးရဲ့  ပရိတ်ကြီးနိဿယသစ်က မင်္ဂလသုတ်မှာ အမှတ်စဉ် (၃၄) ခုမြောက် မင်္ဂလာကို ဘာရယ်မဟုတ် သွားဖတ်ကြည့်မိတယ်။ နိဗ္ဗာနသစ်္ဆိကိရိယ တဲ့။


Google ကနေ 34 လို့ ရိုက်လိုက်မိတယ်။ ပေါ်လာတာတွေ အများကြီးထဲက Magic Square တစ်ခုပုံက အာရုံကို ဖမ်းစားသွားတယ်။ အလျား အနံ လေးကွက်ဆီပါတဲ့ စတုရန်းကွက်မှာ ၁ ကနေ ၁၆ အထိ ဂဏန်းတွေကို စနစ်တကျ ဖြည့်လိုက်တော့ ဘယ်လိုပေါင်းပေါင်း အဖြေက ၃၄ ပဲ ရတယ်။



ဗုဒ္ဓတရားတော်နှင့်ပတ်သက်တဲ့ ရေတွက်မှုတွေမှာ (၁၆) ဂဏန်းနှင့်ပတ်သက်တာ ဘာများရှိပါလိမ့်လို့ စဉ်းစားလိုက်တော့ ခေါင်းထဲ ချက်ချင်းပေါ်လာတာက ဉာဏ်စဉ် (၁၆) ပါး ဖြစ်နေတယ်။

**********************************

ဘုန်းဘုန်းရေ.... ဒီနှစ်လည်း မနှစ်ကလိုပဲ ဘုန်းဘုန်းကို အတွေးနယ်ချဲ့ လို့ရအောင် ဂဏန်းတွေ အမှတ်တရ လက်ဆောင်ပေးလိုက်ပါတယ်။

သက်တော် (၃၄)နှစ်ပြည့်တဲ့ နှစ်မှာ လောကီ၊ လောကုတ် နှစ်ဖြာစလုံးမှာ ထူးခြားတဲ့ ပျော်ရွှင်ကျေနပ်မှုတွေနှင့်အတူ အောင်မြင်မှုတွေ ဆွတ်ခူးရရှိနိုင်ပါစေကြောင်း ဆုမွန်ကောင်းတောင်းလိုက်ပါတယ်ဘုရား။


ရိုသေစွာဖြင့်
ဝိမုတ္တိသုခ
၂၇၊ ၅၊ ၂၀၁၂။ (တနင်္ဂနွေနေ့)

No comments:

Post a Comment