Wednesday, January 19, 2011

တောင်းသည့်ဆုများ ပြည့်စေသတည်း (အပိုင်း ၃)

(၃)

ကျွန်တော့်ဘဝတွင် ဘာသာရေးအသိနှင့် ပတ်သက်ပြီး ပထမဦးဆုံးဝေခွဲမရဖြစ်ခဲ့သည့် ကိစ္စမှာ ‘ဆုတောင်းခြင်း’ ကိစ္စပင်ဖြစ်သည်။ ဆုတောင်း ကောင်းသည်၊ ဆုမတောင်းကောင်းဘူး ဆိုသည့် ကိစ္စ။ ဆုတောင်းခြင်းပြုလျှင် ပြည့်ဝတတ်သည်၊ ဆုတောင်းခြင်းပြုလည်း ပြည့်ဝတတ်သည်မဟုတ်။ စသည့်ပြဿနာတို့ သည် ကျွန်တော့်အသိဉာဏ်ထဲတွင် ငယ်စဉ်ကတည်းက ပဋိပက္ခဖြစ်နေခဲ့ကြလေသည်။ ကိုယ်ပိုင်အသိဉာဏ်ဖြင့် ဝေခွဲနိုင်စွမ်း မရှိအောင်လည်း ဒွိဟဖြစ်နေခဲ့ဖူးလေသည်။

ကျွန်တော့်အသက် ၁၅ နှစ်သားအရွယ်လောက်ကဟုထင်သည်။ ထိုဆုတောင်းခြင်းကိစ္စကို ဘုန်းတော်ကြီးတစ်ပါးထံ ချဉ်းကပ်ကာမေးလျှောက် မိခဲ့ဖူးလေသည်။ မေးလျှောက်သည် ဆိုရာမှာလည်း ရဟန်းသံဃာတော်အပါးပေါင်း ၂ဝလောက်ကြားမှာ မေးလျှောက်ခဲ့ခြင်းဖြစ်သည်။ ထိုဘုန်းကြီးသည် ကျမ်းတတ်ပေတတ်ရဟန်းတော် တစ်ပါးလည်းဖြစ်သည်။ အတွေးအမြင်ခေတ်မီသည့် ရဟန်းတစ်ပါးလည်း ဖြစ်သည်။ ကျွန်တော်မေးလျှောက်သည့် မေးခွန်းကို ဘုရားဟော ဇာတ်နိပါတ်တော်တွေနှင့် အကိုးအကားပြုကာ သဘာဝကျကျသုံးသပ်ပြီး နားလည်သဘောပေါက်အောင် အကျယ်တဝင့် ရှင်းပြခဲ့လေသည်။ (ထိုဆရာတော် မိန့်ကြားခဲ့သည်တို့ ကို သီးခြား ရေးသားတင်ပြပါဦးမည်။)

ထိုစဉ်က ထိုရဟန်းတော်၏ အဆုံးအမ ညွှန်ပြမှု၏ အနှစ်ချုပ်မှာ ‘မိမိပြုသည့် ကုသိုလ် ကောင်းမှု၏ အဖို့ ဘာဂကိုမိမိအလိုရှိသည့် ကောင်းကျိုးဆန္ဒအတွက် တောင်းဆုပြုလိုပါက ပြုနိုင်သည်’ ဟူ၍ ဖြစ်၏။ ဆုတောင်းခွင့်ရှိသည်ဆိုသည့်အဖြေ ကို အတိအကျမိန့် ဟတော်မူခဲ့ခြင်းဖြစ်လေသည်။

ထို့ နောက်ပိုင်းတွင် ကျွန်တော်သည် စာပေ ကျမ်းဂန်တို့ ကို ပိုပြီး ကျယ်ကျယ်ပြန့် ပြန့်  ဖတ်ရှု လေ့လာရင်း တောင်းဆုပြုသည့်ကိစ္စတို့နှင့် ပတ်သက်ပြီး ပိုမိုရှင်းလင်းလာခဲ့ပြန်တော့သည်။ တစ်ခါကမူ လွန်ခဲ့သည့် နှစ်ပေါင်းများစွာက ထုတ်ဝေခဲ့သည် စာစောင်အဟောင်းလေး တစ်ခုတွင် ‘ဆုတောင်းတိုင်း ပြည့်ဝနည်း’ ဆိုသည့် ဆောင်းပါးလေးကို ဖတ်ခဲ့ရပါသည်။ ထိုဆောင်းပါးကိုဖတ်ပြီးနောက် ကျွန်တော့်အတွေးတို့  ပိုမိုရှင်းလင်းသွားရပြန်သည်။ (ထိုစာစောင်လေးမှာ ကျွန်တော်မူလတန်း ကျောင်းသားအရွယ်ကတည်းက ထွက်ခဲ့သည့် စာစောင်ဖြစ်ပြီး စာစောင်အမည်၊ စာရေးသူအမည်တို့ ကို လုံးဝမမှတ်မိတော့ပါ။ ထိုဆောင်းပါးလေး၏ အနှစ်ချုပ်အဓိပ္ပါယ်ကိုသာ စွဲမြဲစွာမှတ်မိနေခြင်းဖြစ်သည်။)

ယခုနောက်ပိုင်းတွင်မူ တောင်းဆုပြုနိုင်သည် ဆိုသည့်အချက်ကို ပိုမိုပြီးရှင်းလင်းစွာ လက်ခံလာနိုင်ရုံသာမက ‘တောင်းဆုပြည့်ဝစေမည့် အကြောင်း တရားများ’ ကိုလည်း တော်တော်စုံစုံလင်လင် သိရှိလာခဲ့ရပြန်သည်။ ယခု ဤဆောင်းပါးတွင်မူ တောင်းသည့်ဆုတို့  ပြည့်ဝစေမည့် အခြေခံအချက်တချို့ ကိုသာ (ကျွန်တော်မှတ်သားထားသည့်အတိုင်း) တင်ပြလိုက်ပါသည်။

ကျွန်တော်ရှာဖွေတွေ့ ရှိထားသလောက်တွင် ဆုတောင်းတိုင်း ပြည့်ဝစေမည့် အဓိကအချက်မှာ ‘ကိုယ်ကျင့်သီလ’ ကို အတတ်နိုင်ဆုံးဖြည့်ကျင့်ဖို့ လိုအပ်သည်ဆိုသည့်အချက်ပင်ဖြစ်သည်။ ကိုယ်ကျင့် သီလနှင့်ပြည့်စုံသူ အတွက် လိုအင်ဆန္ဒတို့ အလိုအလျှောက် ပြည့်ဝစေ နိုင်သည်ဟု မိန့် ဆို ချက်များ အတိအကျ ရှိပါသည်။

ထို့ ကြောင့် တောင်းဆုပြည့်ရန်အတွက် ငါးပါးသော လူ့ အကျင့် လူ့ သီလတို့ ကိုတော့ အတတ်နိုင်ဆုံး ထိမ်းသိမ်းဖို့ လိုအပ်ပါသည်။ ထို့ အပြင် ကုသိုလ်ကောင်းမှုတစ်ခုခုကိုလည်း ဖြည့်ကျင့်၊ ပြုလုပ်ပေးဖို့ လိုအပ်ပါသည်။ ဥပမာ အလှူဒါနတစ်ခုခုပြုလုပ်ခြင်း၊ စရဏဘာဝနာတစ်ခုခု ဖြည့်ကျင့်ခြင်းတို့ ကို ပြုပေးသင့်ပါသည်။

“တောင်းဆုပြည့်စေရန် အခြေခံကျင့်စဉ်”

(၁) ဘုရားတစ်ဆူဆူတွင်ဖြစ်စေ၊ နေအိမ် ဘုရားကျောင်းဆောင်တွင်ဖြစ်စေ ပန်း၊ ရေ၊ ဆီမီး၊ ဆွမ်း၊ ခဲဘွယ် စသည့် အလှူဒါနကုသိုလ်အမှုတို့  ကို တတ်စွမ်းနိုင်သမျှ အတိုင်းအတာနှင့် လေးလေးနက်နက် ကပ်လှူဆောင်ရွက်ပေးပါ။
(ဘုရား ကျောင်းဆောင်သန့် ရှင်းရေးလုပ်ခြင်း၊ ရောင်တော် ဖွင့်ခြင်း၊ စေတီတော်မှာဆိုလျှင်လည်း စေတီပရဝုဏ်တွင် သန့် ရှင်းရေးလုပ်ခြင်းတို့ ကိုပါ တတ်နိုင်သလောက် ကြိုတင် ဆောင်ရွက်ထားသင့်ပါသည်။)
(၂) ပြီးလျှင် ကိုယ်တိုင်က အထူးသန့် ပြန့်  စွာဖြင့် ဘုရားဝတ်ပြုပါ။ ခင်ပွန်းကြီးဆယ်ပါးကို ကန်တော့ပါ။ အပြစ်တွေရှိသမျှ ဝန်ချတောင်းပန်ပါ။
(၃) ထို့ နောက် သရဏဂုံဆောက်တည်ကာ ငါးပါးသောသီလကို ကျကျနနဆောက်တည်ပါ။ (ငါးပါးသီလကို တစ်နေ့ လုံး မစောင့်ထိမ်းနိုင်လျှင်တောင် ထိုအချိန်ပိုင်းလေးအတွင်းမှာတော့ အလုံခြုံဆုံးစောင့်ထိန်းပါမည်ဟု လေးနက်စွာဆောက် တည်ပါ။)
(၄) ပြီးလျှင် မြတ်စွာဘုရားရှင်၏ ဂုဏ်တော် မြတ်ကိုးပါးကို ကြည်ညိုသောစိတ် သဒ္ဓါစိတ်ဖြင့် လေးနက်စွာ ရွတ်ပွားပူဇော်ပါ။ ဘုရားရှင်ကို အလွန် ယုံကြည်သော သဒ္ဓါစိတ်ဖြင့် ပူဇော်ပါ။ ၉ ခေါက်၊ ၁၈ ခေါက်၊ ၂၇ ခေါက် စသည်ဖြင့် ၁ဝ၈ ခေါက် အထိ မိမိနိုင်သလောက် ပူဇော်နိုင်ပါသည်။
(၅) ထို့ နောက် ပြုခဲ့သမျှ ကုသိုလ်ကောင်းမှု တို့ ၏ အဖို့ ဘာဂကို လူ့ ဘုံ၊ နတ်ဘုံ၊ ဗြဟ္မာဘုံ၊ အပယ်လေးဘုံပါမကျန် (၃၁) ဘုံသားတွေကို အမျှ ဝေပါ။ နေနတ်မင်း၊ လနတ်မင်း၊ မိုးနတ်မင်း၊ လေနတ်မင်း၊ မဟာပထဝီမြေစောင့်နတ်မင်းတို့ မှအစ လောကစောင့်ကြပ် သိကြား နတ် ဗြဟ္မာတွေကို အထူး အမျှဝေပါ။ မေတ္တာပို့ ပါ။
(၆) ပြီးလျှင် ‘တပည့်တော်သည် ယနေ့ ယခု ဤနေရာမှနေကာ ဤကုသိုလ်ကောင်းမှုတို့ ကို တတ်စွမ်းသမျှ ပြုခဲ့ပါသည်။ ဤစကားသည် မှန်သောသစ္စာစကားပင် ဖြစ်ပါသည်။ ဤမှန်သော သစ္စာစကားကြောင့်လည်းကောင်း၊ ဤကုသိုလ် ကောင်းမှုတို့ ၏ အဖို့ ဘာဂကြောင့်လည်းကောင်း ယခု တပည့်တော် အမှန်တကယ်လိုအပ်နေသော —– ကိစ္စသည် ရက်ပိုင်းလပိုင်းအတွင်း မုချမသွေ ရရှိပါစေ၊ အောင်မြင်ပါစေသား အရှင်ဘုရား’ ဟု လေးနက်စွာ သစ္စာပြု၊ တောင်းဆုပန်ဆင်လိုက်ပါ။
(၇) ထိုအချိန်တွင်သင့်အာရုံထဲ၌် လွန်စွာ သပ္ပါယ် တင့်တယ်တော်မူသော မြတ်စွာဘုရားရှင် ကိုယ်တော်မြတ်ကြီးက ကြီးမားလှသည့် မဟာကရုဏာတော် မျက်နှာထားဖြင့် ‘ချစ်သား/ချစ်သမီး သင်၏ လိုအင်ဆန္ဒ တစ်လုံးတစ်ဝတည်းနှင့် ယခုပင်ပြည့်ဝစေသတည်း’ ဟုလွန်စွာ အေးချမ်း ကြည်လင်သော အပြုံးတော်ဖြင့် မိန့် ဟတော်မူ လိုက်ပုံကို အာရုံတွင် ထင်ဟပ်လာအောင် အာရုံပြုလိုက်ပါ။ ပြီးက ‘ပေးသည့်ဆုနှင့်အမြန်ဆုံး ပြည့်ဝပါစေသား အရှင်ဘုရား’ ဟု လေးနက်စွာ ရွတ်ဆိုပြီး ဦးသုံးကြိမ် ချလိုက်ရပါမည်။

ထိုသို့  အကြိမ်ကြိမ်အထပ်ထပ် ကုသိုလ် ပြုကာ ဆုတောင်းနိုင်ပါသည်။

ယခုတင်ပြခဲ့သည့် ဆုတောင်းနည်းသည် ကျွန်တော်လေ့လာမှတ်သားခဲ့သည့် နည်းစနစ်များ၏ အနှစ်ချုပ်ပင်ဖြစ်ပါသည်။

ကောင်းကျိုးကိစ္စတို့ အတွက် တောင်းဆုပြုလိုသူများ၊ ကျင့်သုံးလိုသူများ ကျင့်သုံးနိုင်ရန် လက်ဆင့်ကမ်း မျှဝေတင်ပြလိုက်ခြင်း ဖြစ်ပါသတည်း။

(ဆက်လက်၍ ‘မိမိ၏ကောင်းမှုကို အကြောင်းပြုကာ မည်သို့  မည်ပုံ တောင်းဆုပြုသင့်ကြောင်း’ ကို ရေးသားတင်ပြပေးပါဦးမည်။ )

အားလုံးသတ္တဝါချမ်းသာပါစေ
သက်နှင်းဆွေ-ပုပ္ပါး
၅.၁ဝ.၂ဝ၁ဝ အင်္ဂါနံနက် ၁ဝး၃ဝ
နေလဂျာနယ်။၂၀၁၀ အောက်တိုဘာလ၁၉ရက်ထုတ်။
www.aungnamate.com

ဆက်လက်ဖတ်ရှုရန်

Tuesday, January 18, 2011

တောင်းသည့်ဆုများ ပြည့်စေသတည်း (အပိုင်း ၂)

ထိုအချိန်တွင် တံမြက်လှည်းပြီးသွားသည့် ဆရာဘုန်းကြီးသည် ရေချိုးဖို့ အတွက် ပြင်ဆင်နေလေသည်။ ပြင်ဆင်နေရင်းနှင့် မြစ်ညှာအရပ်တွင် မိုးတွေ ညို့ မှိုင်းအုံ့ ဆိုင်းလာတာကိုလည်း သတိပြုလိုက်မိပြန်၏။ ထို့ အပြင်ဂင်္ဂါမြစ်ထဲမှာ လှိုင်းတံပိုးတွေ ထန်လာသည့်ရေလှိုင်းသံတွေကိုလည်း သတိပြုမိ သွားလေတော့သည်။

”ငါ့ကိုရင်လေး အမှိုက်သွားပစ်တာ ကြာလိုက်တာ။ ရေဆင်းချိုးရင်းနဲ့  လှိုင်းလုံးတွေထဲများ ပြုတ်ကျသွားရင်အခက်…”

ဆရာဘုန်းကြီး၏စိတ်တွင် တပည့်ကိုရင်ငယ် အပေါ် စိုးရိမ်စိတ်တွေ ဝင်လာလေ၏။ ထို့ ကြောင့် ရေဆင်းချိုးဖို့ လည်း စိတ်ကူးရင်းနှင့် ကိုရင်လေး အပေါ်တွင်လည်း စိတ်မချသည့်စိတ်ဖြင့် မြစ်ကမ်းဘက်သို့  ခပ်သုတ်သုတ် ဆင်းလာခဲ့မိတော့၏။

မြစ်ကမ်းအနီးရောက်တော့ မြစ်ကမ်းနဖူးတွင် ထိုင်ကာ ဆုတောင်းနေသည့် ကိုရင်လေး၏ ဆုတောင်းသံကို ကြားသွားလေတော့သည်။ ကိုရင်လေးကမူ သူ့ နောက်တွင် ဆရာဘုန်းကြီးရောက်နေတာကိုပင် သတိမပြုမိ။ သူ့ ဆုတောင်းစကားကိုသာ လှိုင်းလုံးကြီးတွေနှင့်အပြိုင် ထပ်ပြန်တလဲလဲရွတ်ဆို ဆုတောင်းနေလေသည်။

“သြော်…။ သူကတောင် ငါတပင်တပန်း လှည်းကျင်းထားတဲ့ အမှိုက်တွေကို စွန့် ပစ်ရုံစွန့် ပစ်ပေးပြီး ဒီလိုဆုတောင်းသေးရင် ငါကပိုပြီးဆုတောင်း သင့်သေးတာပေါ့”

ထိုသို့ တွေးမိသွားကာ ဆရာဘုန်းကြီးကလည်း ဆုတောင်းပြန်လေတော့သည်။

“ငါသည်ကျောင်းတိုက်တစ်ခုလုံးကို အမှိုက်ရှင်းခြင်း၊ တံမြက်လှည်းခြင်းကုသိုလ်တို့  ပြုခဲ့ပေ၏။ ကုသိုလ်တို့ ကြောင့် နိဗ္ဗာန်မရသေးမီ စပ်ကြား သံသရာတွင် ကျင်လည်ရသမျှ ဤဂင်္ဂါ မြစ်တွင်းမှ ဤလှိုင်းတံပိုးတို့ ထက် သာလွန်သည့် ဉာဏ်ပညာ ကြီးမားခြင်းနှင့် အထူးပြည့်စုံရပါစေသတည်း။ အထူးသဖြင့် ဤကိုရင်ငယ်မေးသမျှ အမေးပုစ္ဆာ ပြဿနာတိုင်းကို ‘ငှက်ပျောပင်ကို ဓါးဖြင့်ခုတ်ပိုင်း လိုက်သကဲ့သို့  တိခနဲ တိခနဲ ဖြစ်အောင်’ ရှင်းလင်းစွာ ထိုးထွင်းဖြေဆိုနိုင်စွမ်းရှိသည့်၊ ဤကိုရင်ငယ်၏ ပညာဉာဏ်တို့  ဘယ်လောက်ပင် ကြီးမားပါစေ သူ့ပညာဉာဏ်တွေကို လွှမ်းမိုး နိုင်စွမ်းသည့် အသိဉာဏ် ပညာစွမ်းအထူးတို့ နှင့် ပြည့်စုံရပါစေ သတည်း”

ထိုဆရာဘုန်းကြီး၏ သစ္စာပြု၊ တောင်းဆု ဆိုစကားတို့ သည် ဂင်္ဂါမြစ်တွင်းမှ ပြင်းထန်စွာ စီးဆင်းသွားနေသည့် လှိုင်းတံပိုးတို့ ကိုပင် ခြုံလွှမ်း သွားခဲ့လေတော့သတည်း။

(၂)

ထိုအဖြစ်အပျက်သည် ‘ကဿပမြတ်စွာ ဘုရားရှင်’ ၏ သာသနာတော် နောက်ပိုင်းကာလတွင် ဖြစ်ပျက်ခဲ့သည့် ဖြစ်စဉ်လေးဖြစ်လေသည်။ ထို ဖြစ်စဉ်ထဲမှ ဆရာဘုန်းကြီးနှင့် တပည့်သာမဏေငယ်တို့ သည် ထိုဘဝမှ ကုသိုလ်ကောင်းမှုကံအဟုန်တို့ ဖြင့် လူ့ဘဝ၊ နတ်ဘဝစသည့် ကောင်းသည့် ဘုံဘဝတို့ တွင် အကြိမ်ကြိမ် လှည့်လည်ခံစား စံစားခဲ့ကြရလေ၏။ ထို့ နောက် ‘ဂေါတမ ဗုဒ္ဓ မြတ်စွာဘုရားရှင်’ ကိုယ်တော်မြတ်ကြီး ပရိနိဗ္ဗာန် ပြုပြီးနောက်ပိုင်း နှစ်ပေါင်းငါးရာခန့် အချိန်တွင် အလွန်ကျော်ကြားသည့် ပုဂ္ဂိုလ်နှစ်ပါးအဖြစ် ထင်ရှားစွာ ပေါ်ထွန်းလာရပြန်တော့သည်။

ထိုဖြစ်စဉ်ထဲမှ ကိုရင်ငယ်လေးသည် ‘မိလိန္ဒမင်းကြီး’ ဟု ဘုန်းတန်ခိုးသြဇာနှင့် ဉာဏ်ပညာတို့  အထူးထက်မြက်သည့် ပုဂ္ဂိုလ်ကြီးအဖြစ် ပေါ်ထွက်လာခဲ့လေသည်။ ထိုဖြစ်စဉ်ထဲမှ ဆရာဘုန်းကြီးကမူ ‘အရှင်နာဂသေန’ အမည်ဖြင့် ဉာဏ်ပညာ အလွန်ကြီးမားသည့် ရဟန်းမြတ်အဖြစ် ပေါ်ထွန်းလာခဲ့လေသည်။ ရဟန်းပညာရှိ၊ လူပညာရှိအပေါင်းတို့  အပေါ် တွင် အလွန်သြဇာထက်မြက်စွာ လွှမ်းမိုး နိုင်ခဲ့သည့်၊ ဉာဏ်ပညာ အလွန်ထက်မြက်သည့်၊ ပညာမာန်ကြီးမားသည်ဟု ကျော်ကြားနေသည့် မိလိန္ဒမင်းကြီးသည် ‘အရှင်နာဂသေန’ ရဟန်းမြတ်ကို စတင်တွေ့သည့်နေ့ တွင် (အတိတ်ဘဝများစွာက ဆရာ ဖြစ်ခဲ့ဖူးသည့် ပါရမီဓာတ်ခံစေ့ဆော်ကာ) ကေသရာဇာ ခြင်္သေ့မင်း၏ ရှေ့သို့ ရောက်သွားသည့် သိုးငယ်ကဲ့သို့  ကျိုးနွံသွားခဲ့ရလေတော့သည်။

“အရှင်ဘုရားက အရှင်နာဂသေန ဆိုတာ ပါလားဘုရား”
”ဟုတ်တယ် ဒကာတော်၊ ငါကနာဂသေနပဲ”
”ဒါဆို တပည့်တော် အရှင်ဘုရားကို ပုစ္ဆာမေးလျှောက်မလို့ ပါဘုရား”
”မေးပါဒကာတော်။ သင့်စိတ်ကြိုက် မေးနိုင်ပါတယ်”
”အရှင်ဘုရား …။ တပည့်တော် မေးလျှောက်ပြီးပါပြီဘုရား”
”ဟုတ်လား။ ဒါဆို ငါကလည်း ဖြေဆို ပြီးသွားပါပြီ ဒကာတော်..”

ထိုသို့ ဖြင့် မိလိန္ဒမင်းကြီးကလည်း ကြီးမားလှသည့် သူ၏ ဉာဏ်ပညာဖြင့် သူသိလိုသမျှ၊ ဗုဒ္ဓဘာသာဝင်တို့ သိသင့်သမျှတို့ ကို နှိုက်နှိုက်ချွတ်ချွတ် မေးလျှောက်ခဲ့လေ၏။ အရှင်နာဂသေနမထေရ် သူမြတ်ကြီးကလည်း အလွန်ကြီးကျယ် မြင့်မား လှသည့် ဉာဏ်ပညာတော်တို့ ဖြင့် မိလိန္ဒမေးသမျှကို အကြွင်းအကျန် မရှိအောင် ရှင်းရှင်းလင်းလင်း ဖြေဆိုပေးနိုင်တော်မူခဲ့လေသည်။

ထိုအရှင်နှစ်ပါးတို့ ၏ ဘဝတစ်ခုမှ ဆုတောင်းတို့ သည် ထူးခြားစွာပင် ပြည့်ခဲ့ကြလေ၏။

အားလုံးသတ္တဝါချမ်းသာပါစေ
သက်နှင်းဆွေ-ပုပ္ပါး


(ဆောင်းပါးကို ဆက်လက်ဖော်ပြပေးပါမည်။)


ဆက်လက်ဖတ်ရှုရန်

Monday, January 17, 2011

တောင်းသည့်ဆုများ ပြည့်စေသတည်း (အပိုင်း ၁)

(၁)
ဂင်္ဂါမြစ်ကြီး၏အနီး မြစ်ကမ်းနဖူးတစ်နေရာတွင် ရဟန်းသံဃာတော်တို့  သီတင်းသုံးတော်မူရာ ကျောင်းတစ်ကျောင်းရှိခဲ့ဖူးလေသည်။ တစ်နေ့ တွင် ထိုကျောင်းမှ ဆရာဘုန်းကြီးသည် ကျောင်းတွင်းသန့် ရှင်းရေး တံမြက်လှည်းခြင်းအမှုကို ပြုနေခဲ့လေသည်။

ထိုဆရာဘုန်းကြီး၏ ခပ်လှမ်းလှမ်းတွင် ကိုရင်ငယ်တစ်ပါးသည် ငယ်ရွယ်သူတို့ ၏ သဘာဝ ဆော့ကစားနေလေ၏။

“ကိုရင်… ဒီမှာ အမှိုက်တွေပုံထားတယ်။ အမှိုက်လာကျုံးတော့…”

ဆရာဘုန်းကြီးသည် အမှိုက်သရိုက်များကို တံမြက်စည်းဖြင့်လှည်းကျင်းပြီး အမှိုက်ပုံလေးတွေ စုပုံထားရင်း တပည့်ငယ်ကိုရင်လေးကို လှမ်းပြောလိုက်လေသည်။ သို့ သော် အဆော့မက်နေသည့် ကိုရင်လေးက ဘုန်းကြီး၏စကားကို မကြားယောင် ပြုကာ ဆက်လက်ဆော့ကစားမြဲ ဆော့ကစားနေလေ၏။

“ဟဲ့ ကိုရင် …။ အမှိုက်ကျုံး”

ဆရာဘုန်းကြီး၏လေသံတွင် ဒေါသအငွေ့  အသက်တို့ ပါလာသည်။ သို့ သော် ကိုရင်ငယ်က ထိုအချက်ကို အလေးမမူ။ ကိုရင်လေး၏အပြုအမူကြောင့် ဆရာဘုန်းကြီးသည် စိတ်တိုလာကာ ကိုရင်လေးအနီးသို့ ဖြုန်းခနဲ ရောက်သွားလေတော့၏။

“ဒီကိုရင်။ အမှိုက်ကျုံးဆိုတာကို မကြား သလိုလုပ်နေတယ်။ ကဲ … ပေကပ်ကပ်လုပ်နေ ဦး..”

ဆရာဘုန်းကြီးက ကိုရင်လေး၏ ဦးခေါင်းကို တံမြက်စည်းရိုးဖြင့် ‘ဒေါင်’ ခနဲခေါက်ထည့်လိုက်လေ၏။ သည်တော့မှ ကိုရင်ငယ်သည် နာကျင်သွားသည့် သူ့ ဦးခေါင်းကလေးကို ပွတ်ကာ ပွတ်ကာဖြင့် အမှိုက်ကျုံးလေတော့သည်။ တံမြက်စည်းရိုးဖြင့် အခေါက်ခံရ၍ နာကျင်သွားသည့်အတွက် မျက်ရည် လေးများပင် ဝဲလာကာ ရှုံ့ မဲ့ရှုံ့ မဲ့နှင့် အမှိုက်များကို သိမ်းဆည်းနေရှာလေတော့သည်။ သို့ သော် ကိုရင် လေးသည် ဦးခေါင်းမှာ နာကျင်သည့်ဒဏ်ရာထက် ရင်ထဲတွင် မခံချင်စိတ်က ပို၍ ထကြွနေခြင်းသာ ဖြစ်သည်။

“ငါက သူ့ တပည့် ကိုရင်လေးဖြစ်နေလို့ ပေါ့ကွာ။ သူက ဆရာဘုန်းကြီးဆိုတော့ .. ငါ့ခေါင်းကို တံမြက်စည်းရိုးနဲ့ တောင် ခေါက်ရက်တယ်။ နိုင်ထက်စီးနင်း”

ကိုရင်လေး၏စိတ်တွင် မကျေမချမ်း ဖြစ်နေလေတော့၏။ နံနက်ပိုင်း ‘တက်နေခြည်’ က စူးစူးရှရှ ပူပြင်းလာသည်။ ကိုရင်လေးသည် ချွေး တစ်လုံးလုံးနှင့် အမှိုက်တွေကို တစ်ပုံပြီးတစ်ပုံ ကျုံးနေလေသည်။ တစ်တောင်းပြီးတစ်တောင်း သယ်ယူကာ မြစ်ကမ်းဘေး အမှိုက်ပုံတွင် စွန့် ပစ် နေလေသည်။

သို့ သော် စောစောက ဆရာဘုန်းကြီး၏အရိုက်ကို ခံထားရသည့်အတွက် မျက်နှာက မကြည်မလင်နှင့် အုံ့ မှိုင်း၍ နေ၏။ ဆရာဘုန်းကြီးအပေါ် မကျေနပ်သည့်စိတ်နှင့် အမှိုက်ကျုံးရသည့်အတွက် ပင်ပန်းနေသည့် စိတ်တို့ က ညှိုးနွှမ်းနေ၏။

ထိုအချိန်မှာပင် ကိုရင်လေး၏အသိဉာဏ်တွင် တစ်စုံတစ်ရာကို တွေးမိသွားပြန်လေသည်။ ထို့ ကြောင့်…

“ငါသည် ….ဤအမှိုက်သရိုက်များကို စွန့် ပစ်ရသည့် ကုသိုလ်ကြောင့် နိဗ္ဗာန်မရသေးမီစပ်ကြား သံသရာတွင် ကျင်လည်ရသမျှ ‘မွန်းတည့်’ နေကဲ့ သို့  ထက်မြက်သော ဘုန်းတန်ခိုးတို့ နှင့် ပြည့်စုံ ရပါစေသတည်း။ သူတစ်ပါးက နှိပ်စက်ကလူ ပြု ခြင်းမှ အစဉ်ကင်းလွတ်အောင် ဘုန်းတန်ခိုးကြီးမားသူ ဖြစ်ရပါစေသတည်း”


ကိုရင်လေးသည် အမှိုက်များကို စွန့်ပစ် နေရင်း ထိုသို့ ဆုတောင်းမိလေတော့သည်။ ထိုအချိန်မှာပင် ဂင်္ဂါမြစ်ကြီး၏ အထက်မြစ်ညှာအရပ်တွင် မိုးသား တိမ်လိပ်တို့  အုံ့ ဆိုင်းလာလေ၏။ မြစ်ညှာတွင် မိုးတွေရွာနေလေပြီ။

ကိုရင်လေးသည် နောက်ဆုံးအမှိုက်ပုံကို ကျုံးကာ အမှိုက်တောင်းကို မြစ်ကမ်းစပ်တွင် သွန်လိုက်လေသည်။ အထက်ဘက် မြစ်ညှာအရပ်တွင် မိုးတွေ အုံ့မှိုင်းညို့ဆိုင်းလာသည်နှင့် ဂင်္ဂါမြစ်ထဲတွင် ရေစီးကပိုသန်လာ၏။ မြစ်ညှာမှာ မိုးသည်းနေသဖြင့် ဂင်္ဂါမြစ်ရေတွင် လှိုင်းတံပိုးတို့  ထလာလေတော့သည်။

ကိုရင်လေးသည် စောစောက ချွေးသံရွှဲ ရွှဲနှင့် အမှိုက်ကျုံးနေခဲ့ရ၍ ပင်ပန်းခဲ့ရတာတွေကို မေ့သွားလေသည်။ ထို့ ကြောင့် မြစ်ကမ်းစပ်ရေဆိပ်တွင် ရေချိုးရဦးမည့် ကိစ္စကိုပင် သတိမရတော့။ အမှိုက်ကျုံးသည့်တောင်းလေးကို ဘေးမှာချကာ မြစ်ကမ်းမှ ကျောက်ဆောင်တစ်ခုထက်တွင် ထိုင်လိုက်၏။ ခြေနှစ်ဖက်ကို ရေစီးတွင်ချကာ မြစ်ရေပြင်ကို တို့ ထိဆော့ကစားရင်း မြစ်ထဲမှ လှိုင်းလုံးကြီးတွေကို သဘောကျစွာ ကြည့်နေမိပြန်လေသည်။

ဂင်္ဂါမြစ်၏ အထက်အရပ်တွင် မိုးတွေက ပိုပြီး ညှို့ ဆိုင်းလာသည်။ ဂင်္ဂါမြစ်တွင်းမှ ရေလှိုင်း တို့ က တဝုန်းဝုန်းပြိုဆင်းလာကြပြန်သည်။ ကိုရင်လေးသည် လှိုင်းလုံးကြီးတွေကို သဘောကျစွာ ကြည့်နေမိ၏။ ကြည့်နေရင်းမှပင် စောစောက ဆရာဘုန်းကြီး၏ တံမြက်စည်းရိုးနှင့် ခေါက်လိုက်သည့် ကိစ္စကို ပြန်လည်သတိရသွားပြန်သည်။ ခေါင်းကိုပင် ယောင်ရမ်းကာ ပွတ်လိုက်မိသေး၏။ ထို့ အတူ ဆရာဘုန်းကြီးအပေါ်တွင် မကျေနပ်သည့် စိတ်ကလည်း ပေါ်လာပြန်၏။

“ငါက ကိုရင်လေးဖြစ်နေလို့ ပေါ့ကွာ …။ သူက ဆရာ ငါကတပည့်ဆိုတော့ သူခိုင်းတာကိုလည်း လုပ်ရသေး၊ သူရိုက်တာကိုလည်း ခံနေရသေးတာပေါ့ …”

ကိုရင်လေး၏မျက်နှာက မြစ်ညှာအရပ် က မိုးကောင်းကင်လို အုံ့ မှိုင်းသွားရပြန်၏။ ထို့ အတူ ကိုရင်ငယ်၏နှုတ်မှ
ဆုတောင်းစကားတို့  ထွက်ပေါ် လာပြန်တော့၏။

“ငါသည် ကျောင်းဝင်းတွင်းမှ အမှိုက်သရိုက် တို့ ကို ကျုံးပြီး စွန့် ပစ်ခြင်းတည်းဟူသော ကုသိုလ် အလုပ်ကို ပြုခဲ့ပါသည်။ ဤကုသိုလ်ကြောင့် နိဗ္ဗာန် မရသေးမီစပ်ကြား သံသရာတွင် ကျင်လည်ရသမျှ ကာလပတ်လုံး ဤဂင်္ဂါမြစ်တွင်းမှလှိုင်းတံပိုးတို့ ကဲ့သို့  ကြီးကျယ်သော အသိဉာဏ်ပညာတို့ နှင့် ပြည့်စုံရပါစေသတည်း။ ဂင်္ဂါမြစ်၏လှိုင်းတံပိုးတို့  ကဲ့သို့  ဉာဏ်ပညာ ထက်မြက်ပြည့်စုံသူ ဖြစ်ရပါစေသတည်း..”


ကိုရင်လေးသည် ထိုသို့ ဆုတောင်းမိလိုက် ပြန်လေတော့သည်။
ဆုတောင်းရင်းနှင့်ပင် လှိုင်းလုံးတွေကို ကြည့်နေမိ၏။
ဆုတောင်းရင်းနှင့်ပင် အရိုက်ခံရသည့်ကိစ္စကို မကျေမနပ်နိုင်ဖြစ်နေမိ၏။

ကိုရင်လေးသည် မြစ်ရေပြင်ကို ခြေဖြင့်ပုတ်၍ ဆော့ကစားရင်း ထိုဆုတောင်းကို ထပ်ကာထပ်ကာ ရွတ် ဆိုနေလေတော့သည်။


အားလုံးသတ္တဝါချမ်းသာပါစေ
သက်နှင်းဆွေ-ပုပ္ပါး


(ဆောင်းပါးကို ဆက်လက်ဖော်ပြပေးပါမည်။)


ဆက်လက်ဖတ်ရှုရန်

Ethics In Early Buddhism

Ethics In Early Buddhism
By
David J. Kalupahana



ဆက်လက်ဖတ်ရှုရန်

The Buddha And His Teachings

The Buddha And His Teachings
By
Narada Mahathera


ဆက်လက်ဖတ်ရှုရန်

Why Buddhist Economics Is Needed?

Why Buddhist Economics is needed

As a new paradigm


For a better understanding of happiness (wellness)



By



Professor Dr. Apichai Puntasen



Why Buddhist Economics Is Needed
ဆက်လက်ဖတ်ရှုရန်

Tuesday, January 4, 2011

2011 New Year Resolution

2011 New Year Resolution


Prelude

ပြက္ခဒိန်စာမျက်နှာတွင် နှစ်တစ်ခု၏ ဒီဇင်ဘာလ (၃၁)ရက်နေ့ မှ အခြားနှစ်တစ်ခု၏ ဇန္န၀ါရီလ (၁) ရက်နေ့သို့ ကူးပြောင်းသွားခြင်းကို နှစ်သစ်ကူးသည်ဟုဆိုကြသည်။ နှစ်သစ်ကူးခြင်း၏ ထူးခြားသောအချက်မှာ အခြားသော ကူးပြောင်းခြင်းများတွင် ထင်ရှားသော လက္ခဏာရပ်များ ပြောင်းလဲဖြစ်ပေါ်ခံစားရတတ်သော်လည်း နှစ်သစ်ပြောင်းချိန်တွင်မူ မည်သို့မျှ ပြောင်းလဲမှု ဖြစ်မသွားခြင်းပင်ဖြစ်သည်။ ဥပမာ အရပ်ဒေသတစ်ခုမှ နောက်တစ်ခုသို့ ခရီးသွားသောသူတစ်ဦးသည် အရပ်ဒေသသစ်သို့ ရောက်ရှိသွားပါက ရာသီဥတုပြောင်းသွားခြင်း၊ ရှုခင်းများပြောင်းသွားခြင်း၊ အချိန်နာရီများ ပြောင်းသွားခြင်းများကို ဖြစ်ပေါ်ခံစားရမည် ဖြစ်သည်။ လူဘ၀မှ ရဟန်းဘ၀သို့ပြောင်းလိုက်သောသူသည် အ၀တ်အစားအသွင်အပြင်နှင့် နေပုံထိုင်ပုံ အပြောအဆိုအမူအရာများ ပြောင်းလဲသွားမည်ဖြစ်သည်။ အယူဝါဒတစ်ခုမှ အခြားသောအယူဝါဒတစ်ခုသို့ ပြောင်းလဲလိုက်သူသည်လည်း မိမိရှေးယခင်က လက်ခံကျင့်သုံးလိုက်နာခဲ့သော ယုံကြည်မှုများအားလုံးကို ခ၀ါချ၍ အသစ်အသစ်သော ယုံကြည်မှုများဖြင့် အစားထိုးလိုက်ရမည်ဖြစ်သည်။ သို့သော်လည်း နှစ်ဟောင်းမှ နှစ်သစ်သို့ ပြောင်းသွားသော သူတစ်ဦးအတွက်မှာမူ ဤသို့သော ထူးခြားလက္ခဏာဖြစ်စဉ်များ မဖြစ်ပေါ် မခံစားလိုက်ရဘဲ အများက ပြောင်းသွားပြီဟု တညီတညွတ်တည်း ပြောဆိုရေးသားလိုက်ကြခြင်းကို လက်ခံလိုက်ရုံမျှဖြင့် ကိစ္စပြီးလေသည်။


နှစ်ဟောင်းတစ်ခုမှ နှစ်သစ်သို့ကူးပြောင်းလိုက်သဖြင့် ရောက်လာမည့်နှစ်သစ်တွင် အစစအရာရာ အကောင်းဆုံးများဖြင့် အလျှံပယ်ပြည့်စုံနေပြီး လိုတိုင်းတ စိတ်တိုင်းကျ ဖြစ်ရတော့မည်ဟု လူအများစုက မျှော်လင့်တောင့်တတတ်ကြသည်။ ထိုသို့တောင့်တမျှော်လင့်ခြင်းသည် စိတ်ပညာရှုထောင့်ကကြည့်လျှင် ကောင်းသည်ဟု ဆိုနိုင်သော်လည်း အသိတရားကြီးကြီးဖြင့် ဖြစ်နိုင်ချေများအပေါ် ဆင်ခြင်စဉ်းစားကြည့်တတ်မည်ဆိုပါက ၄င်မျှော်လင့်ချက်များသည် ပုံပြင်တစ်ပုဒ်ထဲကလို လကိုရောက်ဖို့ လှေကားဆောက်ရင်း ပျော်ရွှင်နေကြသူများပမာ ဖြစ်နေလေတော့သည်။ မြတ်စွာဘုရားတရားတော်အရဆိုလျှင် ”အကြောင်းကောင်းမှ အကျိုးကောင်းနိုင်မည်” ဖြစ်သည်။ ထိုအဆိုကို မည်သူစောဒကတက် ငြင်းလိုပါသနည်း။ သိုးဆောင်းစကားပုံ၌လည်း "You will get what you deserve" ဆိုသော စကားက ရှိနေပြီးဖြစ်သည်။ ကျော်လွန်ဖြတ်သန်းပြီးသွားခဲ့သော နှစ်အချိန်ပေါင်းများစွာကို ကောင်းစွာအသုံးချနိုင်ခဲ့သူမှသာ Happy New Year ဟူသော စကားသည် ဖြစ်ကောင်းဖြစ်လာနိုင်ဖွယ်ရှိသည်။ ထိုစကားရာနှုန်းပြည့်မှန်ကန်ဖို့ရန်တွင်တောင်မှ ကာယကံရှင်၏ လာမည့်နှစ်သစ်အတွင်းပြုလုပ်မည့် အလုပ်ကံများပေါ်တွင် အများကြီး ခိုမှီနေသေးသည်။ အခြားတစ်ဘက်မှ ပြန်စဉ်းစားကြည့်လျှင်လည်း အကယ်၍ ရှေးယခင်ကုန်ဆုံးခဲ့ပြီးသော နှစ်များက အကြောင်းကောင်းများ မလုပ်နိုင်ခဲ့သေးလျှင်တောင်မှ ယခုလာမည့်နှစ်အတွင်း အကြောင်းကောင်းများကို ကြိုးစားလုပ်ဆောင်သွားနိုင်ခဲ့လျှင်လည်း အဆိုးထဲမှ အကောင်း ဖြစ်လာနိုင်ပြီး အဖက်ဆယ်နိုင်မည်ဖြစ်သည်။ နောက်တော့မကျသေးဟု ဆို၍ရနိုင်ကောင်းသည်။


Verse

နှစ်ဟောင်းကုန်၍ နှစ်သစ်ကူးချိန်၌ လမ်းတွင်တွေ့သမျှ လူဖြူများကိုလည်းကောင်း၊ လူမည်းများကိုလည်းကောင်း၊ လူဝါများကိုလည်းကောင်း ပျော်ရွှင်ဖွယ်နှစ်သစ်ဖြစ်ပါစေ ဟု လှိုက်လှိုက်လှဲလှဲ နှုတ်ဆက်ဖြစ်သည်။ ထိုပုဂ္ဂိုလ်များကလည်း မိမိကို ပြန်၍ ထိုနည်းလည်းကောင်းပြန်၍နှုတ်ဆက်ကြသည်။ ထိုတဒင်္ဂအချိန်အတွင်းတော့ အလွန်ပျော်ရွှင်ကြည်နူးဖို့ကောင်းသည်။ ကျန်သည့်အချိန်တွင် အားလုံးတစ်စိမ်းပြင်ပြင်နေတတ်ကြသော်လည်း ဒီအချိန်ခဏလေးမှာတော့ တွေ့သမျှ လူအားလုံးသည် ငယ်ပေါင်းကြီးဖော် ဆွေးမျိုးသားချင်း ညီရင်းအကိုများပမာ လက်ဆွဲနှုတ်ဆက်သူကဆက်၊ ပွေ့ဖက်သူကဖက်၊ ပါးချင်းကပ်နမ်းတဲ့သူကနမ်း။ ထိုအချိန်ခဏသည် အားလုံးရင်ထဲ၌ မေတ္တာဓာတ်တို့စီးဆင်းနေကြသည်။


နှစ်သစ်တစ်ခု၏ ပထမဆုံးရက် အိပ်ရာမှ နိုးထခြင်းသည် နှစ်ဟောင်းတုန်းကနေ့ရက်များ အတိုင်းပင်ဖြစ်သည်။ နိုးနိုးချင်း ၀င်နေကျအတွေးများသာဝင်လာသည်။ အိပ်ရာမှ ထထချင်း လုပ်နေကျအတိုင်း အလုပ်များသာ လုပ်ဖြစ်သည်။ မနက်စာကလည်း စားနေကျအတိုင်းပဲစားဖြစ်သည်။ နောက် သွားနေကျလမ်းအတိုင်းဘဲ သွားနေကျနေရာကို သွားသည်။ တွေ့နေကျလူတွေနှင့်တွေ့သည်။ ပြန်လာနေကျ အချိန်မှာ အိမ်ကိုပြန်ရောက်သည်။ တကယ်တော့ ဒီနှစ်သစ်ဆိုတာ အရင်နှစ်နှင့် ဘာမှလည်း မကွာဟု စိတ်ထဲတွေးမိသည်။


ပြီးခဲ့သည့် ၂၀၁၀ အစောပိုင်းကာလများက တစ်နှစ်အတွင်းလုပ်ဖို့ စဉ်းစားစိတ်ကူးထားခဲ့သည်များရှိခဲ့သည်။ နှစ်ကုန်ချိန်တွင် စာရင်းချုပ်ကြည့်တော့ စိတ်ကူးထားသည်များ၏ ၄၀ ရာခိုင်နှုန်းလောက် လုပ်ဖြစ်ခဲ့သည်။ ထိုလုပ်ဖြစ်ခဲ့သည်များ၏ ၃၀ ရာခိုင်နှုန်းလောက် အကောင်အထည်ပေါ်သည်ဟု ဆိုနိုင်ခဲ့သည်။ ထို့အတွက် တစ်နှစ်စာမှန်းထားသည်များမှ အလုပ်မည်၍မည်မျှပြီးစီးလုပ်ကိုင် နိုင်ခဲ့သနည်းဟု ငယ်ငယ်က တွက်ခဲ့ရသည့် သင်္ချာပုစ္ဆာမေးခွန်းအတိုင်း မိမိကိုယ်ကို ပြန်မေးကြည့်ဖြစ်သည်။

ပြီးခဲ့သောနှစ်အတွင်း အချိန်ပိုတော်တော်များများ ရလိုက်သည်။ ထိုအချိန်ပိုများတွင် ပညာရပ်အသစ်အချို့ကို လေ့လာဆည်းပူးဖြစ်ခဲ့သည်။ ပတ်ဝန်းကျင်အသစ်အချို့ ကို ထိတွေ့ခွင့်ရခဲ့သည်။ မိတ်ဆွေသစ်အချို့ နှင့် ခင်မင်ခွင့် ရလိုက်သည်။ မိတ်ဆွေဟောင်းအချို့ နှင့်တော့ ဆက်ဆံရေး သိပ်အဆင်မပြေဖြစ်ခဲ့တာရှိသည်။ မလုပ်ဖူးသေးသည့်ကိစ္စအချို့  လုပ်ဖြစ်လိုက်သည်။ ကုသိုလ်ရေးကို မဆိုစလောက် လုပ်ဖြစ်သည်။ အကုသိုလ်ရေးကတော့ နေ့တိုင်းနီးပါး ဆိုသလိုပင်။

တစ်နှစ်ထက်တစ်နှစ် ခန္ဓာကိုယ်ကတော့ မသိမသာ မသိမသာဖြင့် အိုမင်းယိုယွင်းလာခဲ့ပြီဖြစ်သည်။ စိတ်ကကော နှစ်တွေပြောင်းသွားသည်နှင့်အမျှ ပို၍ အိုမင်းသွားလား၊ ပို၍ နုပျိုလာလား၊ အရင်အတိုင်းပဲလား ဆိုသည်မှာ မမြင်ရသည့်အရာမို့ ပြောဖို့ရန် အတော်လေးတော့ခက်သည်။ သို့သော် ဘာအတွေးတွေတွေးပြီး ဘာအာရုံတွေမှာ မွေ့လျှော်ပျော်ပါးနေလဲဆိုတာနှင့်တော့ မှန်းကြည့်လို့ရနိုင်ကောင်းသည်။ ဆရာတော်တစ်ပါးက တရားတစ်ပုဒ်၌ လူသည် အသက်အရွယ်ကြီးလာသည်နှင့်အမျှ (သို့) အသိဉာဏ်ရင့်ကျက်လာသည်နှင့်အမျှ အာရုံငါးပါးတွင် ဓမ္မာရုံကို ပို၍ခံစားနှစ်သက်လာတတ်ကြောင်း ဟောထားသည်ကို နာခဲ့ဖူးသည်။ တရားစာပေများ၌လည်း ဘုရားရှင်နှင့် အရိယာသူတော်ကောင်းကြီးများသည် မိမိတို့ အသီးသီးဆီ၌ ရရှိထားသော တရားအသိဉာဏ်နှင့် လျော်ညီထိုက်တန်သည့် တရားချမ်းသာအတွေ့ထူးကို ခံစားရင်း သီတင်းသုံးမွေ့လျော်နေတတ်ကြကြောင်း ဆိုထားသည်။ သို့ဆိုလျှင် မိမိအနေဖြင့်ရော အချိန်တော်တော်များများတွင် မည်သည့်အာရုံ၌ ကျင်လည်ကျက်စားမွေ့လျှော်ပျော်ပါးနေတတ်သနည်းဟု မေးခွန်းထုတ်ရန်သာ ရှိတော့သည်။


ကျိန်းသေသည်ကတော့ မနှစ်ကတွေးနေခဲ့သည့်အတွေးများနှင့် ယင်းအတွေးများကြောင့် ဖြစ်ပေါ်လာသည့် ခံစားမှုများ သည် ယခုနှစ်သစ်မှာဖြစ်နေသည့် အတွေးများ ခံစားမှုများနှင့် သိပ်ပြီး ကွာဟမှုမရှိခြင်းပင်ဖြစ်သည်။ အရင်အတိုင်းပဲ ဟု ဆို၍ ရနိုင်ကောင်းသည်။ ဤအတိုင်းဆိုလျှင် မနှစ်ကထက် ထူးပြီး ပြောင်းလဲမှုမရှိ ဖြစ်နေပြီ ဆိုသည်မှာ ကျိန်းသေသလောက် ဖြစ်သည်။ ပြီးခဲ့သည့် ၂၀၁၀ က Happy New Year တကယ်ဖြစ်ခဲ့ရဲ့ လားဟု မေးလျှင် ထွက်ပေါ်လာသော အလုပ်ပြီးမြောက်မှု ရာခိုင်နှုန်းများက အဖြေကိုပေးသည်။ လာမည့်ယခုနှစ်တွင်လည်း အကယ်၍ ဒီအတိုင်းဆက်သွားလျှင် ဒီအဖြေကိုပင် ဆက်၍ ပေးနေလိမ့်အုံးမည်ဖြစ်သည်။ လူသည် စိတ်ထားနှင့်တန်သည့်ဘ၀ကို ရသည် ဟု ပညာရှိများကဆိုသည်။ စိတ်နှင့်ဘ၀သည် တိုက်ရိုက်အချိုးကျသည်။ စိတ်ထားကို မပြောင်းလဲနိုင်ခဲ့ပါက ဘ၀ကို ပြောင်းလဲနိုင်မည်မဟုတ်ဟု ဆိုလိုရင်းဖြစ်သည်။ ထို့အတွက် ယခုလာမည့်နှစ်တွင် အပြောင်းအလဲများဖြစ်စေရန် စိတ်ကို စတင်ပြီး ပြောင်းလဲပစ်ဖို့ အထူးလိုအပ်နေပြီဖြစ်ကြောင်း ကောက်ချက်တစ်ခု မိမိဖာသာ ဇွတ်အတင်းချဖြစ်လိုက်သည်။


Epilude

ယခုရောက်နေသည့် နှစ်သစ်အတွက် သန္နိဋ္ဌာန်အသစ်များ ဆုံးဖြတ်ချက်အသစ်များဖြင့် ခရီးဆက်ဖို့အတွက် ပတ်ဝန်းကျင်ကို လေ့လာအကဲခတ်ဖြစ်သည်။ နာမည်ကျော်ပုဂ္ဂိုလ်များကတော့ ၂၀၁၁အတွက် သူတို့ရှေ့ ဆက်လုပ်မည့် အစီအစဉ်များကို ထုတ်ပြန်ကြေငြာမှုတွေ ပြုလုပ်နေကြသည်။ တချို့ ကလည်း လုပ်လက်စ အလုပ်တွေ ဆက်လုပ်မည်ဟု ပြောကြသည်။ တချို့ ကလည်း ပြောဖို့ရန် စောနေသေးသည်ဟု ဆိုကြပြန်သည်။

မိမိအနေဖြင့်တော့ ယခုနှစ်သစ်တွင် ပြီးခဲ့သောနှစ်က အလုပ်အကြွေးများကို အရင်ကျေလည်အောင်ဆပ်ဖို့ရှိနေသည်။ ၄င်းအကြွေးများကုန်၍ အချိန်ထပ်ရသေးခဲ့လျှင်တော့ မိမိအတွက် ကိုယ်ပိုင်ချိန်သီးခြားရအောင် ရှာယူပြီး ၀ါသနာပါသော ကိစ္စအချို့ အတွက် အချိန်ပေးချင်သည်။ ကိုယ့်ဖာသာပေးထားသော နာမည်နှင့်လိုက်အောင်လည်း လွတ်မြောက်မှုချမ်းသာကို ရှာရပေအုံးမည်။ အကြမ်းအားဖြင့်တော့ ယခုနှစ်ကို အတ္တ ပရ မျှတအောင် ကြိုးစားနေထိုင်ဖို့ ဆုံးဖြတ်ထားသည်။ နောက် ဘုရားရှင်အဆုံးအမတော်အတိုင်း ကုသိုလ်၊ ပညာ၊ ဥစ္စာ တစ်ခုမဟုတ် တစ်ခု နေ့တိုင်း ရနိုင်အောင် ထိန်းကျောင်းနေထိုင်ဖို့ သတိကို အားကိုးတစ်ခု ပြုရပေလိမ့်ဦးမည်ဖြစ်သည်။ ဂျပန်လူမျိုးများ နှစ်သစ်တွင် အချင်းချင်း နှုတ်ဆက်သည့်ဓလေ့ထုံးစံအတိုင်း “မင်္ဂလာရှိသော နှစ်သစ်ပါ။ ဒီနှစ်ကိုလည်း ကူညီစောင့်ရှောက်ဖေးမပေးပါအုံး။ ဟု အားလုံးကို ဂါရ၀ပြု နှုတ်ခွန်းဆက်သလိုက်ပါသည်။

မေတ္တာဖြင့်
ဝိမုတ္တိသုခ
04.01.2011
Tue.

ဆက်လက်ဖတ်ရှုရန်