Thursday, April 8, 2010

ပဲနွယ်ကုန်းဆရာတော်၏ သုတပန်းခိုင် (၁၁)

၄၂။ သဒ္ဓါ၊ သီလ၊ ဟီရိ၊ သြတ္တပ္ပ၊ သုတ၊ စာဂ၊ ပညာ၊ အရိယာဥစ္စာ ခုနှစ်ပါးဆိုတာ မြတ်စွာဘုရားရဲ့  ကြီးကျယ်မြင့်မြတ်တဲ့ အမွေတော်ပဲ။

၄၃။ ဆိုးသွမ်းမိုက်ရိုင်းတဲ့ သားသမီးတွေကို မိဘများက ပြောဆိုဆုံးမလို့ မရတော့ အမွေပြတ် ကြေငြာတယ်။ မြတ်စွာဘုရားကလည်း ပျင်းနေတဲ့ လူတွေကို အမွေပြတ် ကြေငြာထားပါတယ်။ လူပျင်းတွေဟာ အရိယာ ဥစ္စာ ခုနှစ်ဖြာဆိုတဲ့ ဗုဒ္ဓအမွေတော်တွေကို မရနိုင်ပါဘူး။

၄၄။ အရိယာဥစ္စာ ခုနှစ်ဖြာ ပြည့်စုံတဲ့ ပုဂ္ဂိုလ်ဟာ တကယ့်လူချမ်းသာအစစ်ပါပဲ။ နိဗ္ဗာန်ရောက်သည့် ဘ၀တိုင်အောင် ဘ၀ဆက်တိုင်း ဘ၀ဆက်တိုင်း ချမ်းသာစေနိုင်ပါတယ်။

၄၅။ မိဘက သားသမီးကို ပစ္စည်းတွေ ပုံပေး၍ လောကီချမ်းသာ ပြည့်စုံအောင် လုပ်ပေးနိုင်တယ်။ လောကုတ္တရာချမ်းသာ ပြည့်စုံအောင် လုပ်မပေးနိုင်ဘူး။

No comments:

Post a Comment