Tuesday, January 19, 2010

သူငယ်တော်တောရ ဆရာတော်၏ နေ့ စဉ်ဟောပြ သြ၀ါဒ (၂၃)

အချိန်မဖြုန်းနဲ့ 

အလှူပေးတဲ့ သူကလဲ သီလရှိပြီး အလှူခံတဲ့ပုဂ္ဂိုလ်ဘက်ကလဲ ကမ္မဋ္ဌာန်းတရားတွေ ကျင့်ကြံ အားထုတ်နေရင် အဲဒီအလှူဟာ အင်မတန်မှ ကျေးဇူးများပါတယ်။ တန်ဖိုးကြီးမားတဲ့စိန်ဟာ ရွှေနဲ့ အနားကွပ်လိုက်တဲ့အခါကျမှ ပိုပြီးတော့ မြဲတယ်၊ တင့်တယ်ပါတယ်၊ ရှေ့ ဥာဏ် နောက်ဥာဏ် ဆက်စပ်အောင် မှတ်ရတယ်၊ မှတ်နိုင်အောင် ကြိုးစားရတယ်၊ ပေါ့ပေါ့ဆဆ မနေရဘူး၊ အလကားနေရင်း အချိန်တွေ မကုန်စေရဘူး။

၃၁ - ဘုံထဲ တ၀ဲလည်လည်

ရှေ့ နောက် နှစ်ရပ် အမှတ်မဆက်လျှင်၊ အမှတ်ပျောက်နေလျှင် လောဘ ဒေါသ စတဲ့ နီဝရဏ တရားတွေ ဖုံးလွှမ်းလာမယ်၊ ဥာဏ်မတက်နိုင်တော့ဘူး၊ ဒါဆိုရင် သေမင်းမမြင်တဲ့ နိဗ္ဗာန်ခွင်ကို မရောက်နိုင်တော့ဘူး။ ၃၁ - ဘုံမှာပဲ တ၀ဲလည်လည် ဖြစ်နေမှာ။

ဝိပဿနာအလုပ်ဟူသည်

ကမ္မဋ္ဌာန်းတရား ကြိုးစားအားထုတ်ရတယ်ဆိုတာ ဘ၀များစွာ သံသရာကပါလာတဲ့ ကိလေသာတွေ နည်းသည်ထက် နည်းအောင်၊ ကျဲသည်ထက် ကျဲအောင်၊ ပါးသည်ထက် ပါးအောင်၊ နောက်ဆုံး ကုန်ခမ်းသွားအောင် အားထုတ်ရခြင်း ဖြစ်တယ်၊ ဒါကြောင့် ကြိုစားရှုမှတ်နိုင်ရမယ်။

No comments:

Post a Comment