Friday, January 8, 2010

သူငယ်တော်တောရ ဆရာတော်၏ နေ့ စဉ်ဟောပြ သြ၀ါဒ (၂၂)

ကြိုတင်ပြင်ဆင် ဥာဏ်နဲ့ ယှဉ်

ဘုန်းကြီးတို့  သူတော်စင်တွေ ကျန်းမာရေး ဖောက်ပြန်လို့  အိပ်ရာညောင်စောင်းအပေါ် ရောက်တဲ့အခါကျမှ ဒါနပြုဖို့ လည်းမလွယ်၊ သီလစောင့်ဖို့ လည်းမလွယ် ၀ိပဿနာဘာဝနာတရား အားထုတ်ဖို့ ဆိုတာတော့ သာ၍ပင် ခက်ခဲကြမယ်။ ဒါကြောင့် ကျန်းမာရေးကောင်းတုန်း၊ ဥာဏ်ပညာထက်မြက်တုန်း၊ ဒါန သီလ ဘာဝနာ တရားတွေကို ကြိုးစားပြီးတော့ ပြုလုပ် အားထုတ်ကြရမယ်။

မှတ်နေရမယ့် တရား

အိုခြင်း၊ နာခြင်း၊ သေခြင်းဆိုတဲ့ ဒုက္ခတွေက တကယ်တမ်း လွတ်ချင်တယ်ဆိုရင် ဒွါရခြောက်ပါး ပေါ်သမျှမှာ မြင်သိပျက်၊ ကြားသိပျက်၊ နံသိပျက်၊ စားသိပျက်၊ ထိသိပျက်ဆိုတဲ့ အဖြစ်နဲ့ အပျက်တွေကို ရှေ့ နောက်အမှတ် ဆက်စပ်အောင်မှတ်နေရမယ်။ မှတ်နိုင်ရမယ်။

ဘုရားပေးတဲ့ဆေး

ဘုန်းကြီးတို့  ယောဂီသူတော်စင်တွေဟာ ကျန်းမာရေးကောင်းဖို့ အတွက် ဆရာဝန်ဆိုတဲ့ သမားပေးတဲ့ဆေးကို စားရသလိုပဲ ဘုရားပေးတဲ့ သတိပဋ္ဌာန်ဆိုတဲ့ဆေးကိုလည်း စားသုံးဖို့ လိုအပ်တယ်။ သမားပေးတဲ့ဆေးကို စားခြင်းဖြင့် အခိုက်အတန့်  ဖြစ်ပေါ်နေတဲ့ ရောဂါဝေဒနာတွေ သက်သာတယ်။ ဘုရားပေးတဲ့ သတိပဋ္ဌာန်ဆေးတော်ကြီးကို စားသုံးခြင်းဖြင့် အခိုက်အတန့် ဖြစ်ပေါ်နေတဲ့ ရောဂါဝေဒနာလဲ သက်သာတယ်၊ အစမထင်သံသရာတခွင်ကပါလာတဲ့ ကိလေသာရောဂါတွေ ကုန်ခမ်းပြီးတော့ နိဗ္ဗာန်ဆိုတဲ့ အငြိမ်းဓာတ်ကြီးကိုလည်း ရနိုင်ပါတယ်။

No comments:

Post a Comment