ဘုရားနဲ့ တွေ့ သူ
ဘုန်းကြီးတို့  ယောဂီသူတော်စင်တွေ အားလုံး သိထားရမှာက တရားတွေ့ မှ ဘုရားနဲ့ တွေ့ တယ်။ တရားမတွေ့ ရင် ဘုရားနဲ့ မတွေ့ ဘူးလို့ မှတ်ရမယ်။ ဒီတော့ဘုရားနဲ့ တွေ့ ချင်ရင် တရားတွေ့ အောင် ကြိုးစားမှတ်ရမယ်။
ဗုဒ္ဓဘာသာသုံးမျိုး
အောက်တန်း ဗုဒ္ဓဘာသာ၊ အလယ်တန်း ဗုဒ္ဓဘာသာ၊ အထက်တန်း ဗုဒ္ဓဘာသာ၊ ဗုဒ္ဓဘာသာ သုံးမျိုးရှိတယ်။ ကံနဲ့  ကံ၏အကျိုးကို ယုံကြည်တဲ့အဆင့်ဟာ အောက်တန်းဗုဒ္ဓဘာသာဖြစ်တယ်။ အနိစ္စ-မမြဲဘူး၊ ဒုက္ခ-ဆင်းရဲတယ်၊ အနတ္တ-အစိုးမရဘူးလို့  လက္ခဏာရေးသုံးပါးကို ဆင်ခြင်ပြီးတော့ ဥာဏ်ထဲမှာ ဆင်ခြင်တဲ့သဘောကတော့ အလယ်တန်းဗုဒ္ဓဘာသာ၊ မဂ်ဥာဏ် ဖိုလ်ဥာဏ်ရပြီး သစ္စာလေးပါး ကို မြင်သွားတဲ့အဆင့်ကတော့ အထက်တန်းဗုဒ္ဓဘာသာဖြစ်တယ်။ အောက်တန်း၊ အလယ်တန်း အဆင့်မျှနဲ့ ပဲ အားရတင်းတိမ် မနေကြဘဲ အထက်တန်းဗုဒ္ဓဘာသာဝင်တွေ ဖြစ်အောင်ယောဂီသူတော်စင်တွေအားလုံး ကျင့်ကြံ အားထုတ်ကြရမယ်။
ယောက်မ နဲ့  လျှာ
ဘုန်းကြီးတို့  ယောဂီသူတော်စင်တွေ ကိုယ့်ကိုကိုယ် ယောက်မနဲ့ တူတဲ့ပုဂ္ဂိုလ်မဖြစ်စေနဲ့ ။ ယောက်မဟာ အရသာနှင့်ပြည့်စုံတဲ့ဟင်းတွေ ဘယ်လောက်ပဲ ချက်ချက်၊ မွှေမွှေအရသာ မသိဘူး။ လျှာကသာအရသာမျိုးစုံကို သိနိုင်တယ်။ ဒါ့ကြောင့် တရားတော်တွေကို သိအောင် နာကြား၊ ကြိုးစား ပြီးတော့လဲ ပွားများ အားထုတ်၊ လျှာနဲ့ တူတဲ့ပုဂ္ဂိုလ်တွေဖြစ်အောင် ကျင့်ဆောင် အားထုတ်ကြရမယ်။
သူငယ်တော်တောရဆရာတော်၏ နေ့ စဉ်ဟောပြသြ၀ါဒများ (တင်ထားပြီးသမျှ)
သူငယ်တော်တောရဆရာတော်၏ နေ့ စဉ်ဟောပြသြ၀ါဒများ (တင်ထားပြီးသမျှ)
0 comments:
Post a Comment