Wednesday, August 12, 2009

သူငယ်တော်တောရ ဆရာတော်၏ နေ့ စဉ်ဟောပြ သြ၀ါဒ (၁၀)

နောင်ရေး အေးရအောင်

သရဏဂုံစွဲ၊ သီလမြဲ၊ ဘာဝနာလဲတွဲ။ သံသရာ အရေးမျှော်ကာတွေး နောင်ရေးအေးအောင် ကြိုးစားကြ။

အခွင့်ကောင်းကို လက်မလွတ်ကြစေနဲ့ 

ယောဂီသူတော်စင်များအားလုံး လူ့ ဘ၀ရခိုက် ဗုဒ္ဓမြတ်စွာသာသနာတော်ကြီး နဲ့  တွေ့ ကြုံနေခိုက်၊ ကျန်းမာရေးနဲ့ လည်း ပြည့်စုံနေတုန်း အခွင့်အခါကောင်းကို လက်မလွတ်ကြစေဘဲ၊ ၀ိပဿနာဘာဝနာတရားကို ကြိုးစားအားထုတ်သင့်ကြပါတယ်လို့  ဘုန်းကြီးကသတိပေးပါတယ်။

ဝေဒနာရှောင်ခွာနည်း သုံးမျိုး

ယောဂီသူတော်စင်တွေ တရားမှတ်တဲ့အခါမှာ ကိုက်ခဲညောင်းညာ ဝေဒနာပေါ်လာပြီဆိုရင် ဝေဒနာရှောင်ခွာနည်း ( ၃ ) မျိုး ရှိတယ်။ ပူးကပ်ခွာ၊ ရှောင်ခွာ၊ နဲနဲလေးဣရိယာပုတ်ကို ပြင်ပြီးတော့ခွာ၊ နောက်ဆုံးနည်းကတော့ အာစရိယ၀ါဒအရ အညံ့ဆုံးဝေဒနာခွာနည်းဖြစ်တယ်။

ဝေဒနာနုပဿနာကမ္မဋ္ဌာန်း စီးဖြန်းတဲ့အနေဖြင့် ဝေဒနာရဲ့ သဘောသိအောင် ဝေဒနာရဲ့ နောက် အသာကပ်လိုက်သွားပြီး ရှုမှတ်ပွားများခြင်းကို ဝေဒနာကို ပူးကပ်ခွာနည်းခေါ်တယ်။ မူရင်းအမှတ် ၀င်လေထွက်လေကိုပဲ စိတ်စိုက်ပြီးတော့ ခံစားနေရတဲ့ဝေဒနာကို ဂရုမစိုက်ဘဲ မှတ်နေခြင်းကို ဝေဒနာရှောင်ခွာတဲ့နည်းလို့  ခေါ်တယ်။ ခံစားနေရတဲ့ဝေဒနာကို မခဲသာတဲ့အဆုံး မှတ်စိတ်ကလေးနဲ့  ဣရိယာကိုပြင်ပြီးတော့ မှတ်ခြင်းကိုတော့ အညံ့ဆုံးဝေဒနာခွာနည်းလို့  မှတ်ရမယ်။

No comments:

Post a Comment