Thursday, January 22, 2009

ရုပ်နာမ်ဓမ္မဆင်ခြင်ရန်

ရုပ်နာမ်ဓမ္မဆင်ခြင်ရန်

ဝတ်ချက်ဆရာတော်ဘုရားကြီး၏ ဆုံးမစာ

၁။ သိသမျှနာမ် ဖောက်ပြန်တာရုပ် ငါမဟုတ် နာမ်-ရုပ်အစုပါတကား။

၂။ ရုပ်နာမ်နှစ်ဖြာ ဤခန္ဓာ တဏှာကံစသည်တို့ ကြောင့် ဖြစ်ကုန်ပါတကား။

၃။ ဖြစ်ပြီးပျက်ပြန် ဤရုပ်နာမ် အမှန်အနိစ္စတို့ ပါတကား။

၎။ မပြတ်ဖြစ်ပျက် နှိပ်စက်ဖန်ဖန် ဤရုပ်နာမ် အမှန်ဒုက္ခတို့ ပါတကား။

၅။ တိတ္ထိကြံဆ အတ္တမပါ လိုရာအကြိုက် မလိုက်တတ်ပြန် ဤရုပ်နာမ် အမှန်အနတ္တတို့ ပါတကား။

၆။ လောလောပူပြင်း သံအိုးကင်း၌ ထည့်သွင်းနှမ်းတု ဖျစ်ဖျစ်ပြုသို့  ငါဟုပညတ် ရုပ်နာမ်ဓာတ်တို့ ဆတ်ဆတ်မုချ ပျက်ကုန်ကြသည် အနိစ္စ ဒုက္ခ အနတ္တ တို့ ပါတကား။

၇။ မတည်မရပ် ရှေ့ နောက်စပ်၍ မပြတ်ဖြစ်ချုပ် နာမ်နှင့်ရုပ် အဟုတ် အသစ်အသစ်တို့ ပါတကား။

၈။ နေရောင်ခြည်ကြောက် ဆီးနှင်းပေါက်တို့  ခန်းခြောက်အလား ရုပ်နာမ်များသည် ပျက်ပြားမြန်လှချေတကား။

၉။ ရေပြင်အထက် ဥဖောင်းတတ်သည့် ရေပွက်အလား ရုပ်နာမ်များသည် ပျက်ပြားမြန်လှချေတကား။

၁၀။ ရေပြင်ဖွေးဖွေး ဒုတ်ဖြင့်ရေးသည့် ရေးရေးအလား ရုပ်နာမ်များသည် ပျက်ပြားမြန်လှချေတကား။

၁၁။ ပွတ်ဆောက်ဖျားလျှင် မုံညင်းတင်က လိမ့်စဉ်အလား ရုပ်နာမ်များသည် ပျက်ပြားမြန်လှချေတကား။

၁၂။ ကောင်းကင်ထိပ်ခေါင် မိုဃ်းတိမ်တောင်မှ လျှပ်အရောင်အလား ရုပ်နာမ်များသည် ပျက်ပြားမြန်လှချေတကား။

၁၃။ အာရုံ အာရမ္မဏိက ဓမ္မအားလုံး ကုန်ဆုံးပျက်ဆီး လောကကြီးသည် အချည်းအနှီးသော သဘောတရားတို့ ပါတကား။

၁၄။ လွန်လေနာမ်ရုပ် ကုန်ချုပ်ခဲ့ပြီ ခုလည်းတဖန် ရုပ်နှင့်နာမ်တို့  အမှန်ချုပ်ဆဲ နောင်လဲမသွေ ရုပ်နာမ်တွေကို ပျက်ကြေကုန်ှဆုံး ချုပ်လိမ့်အုံးမည် ရွှင်ပြုံးမရှိ ကြောက်ဖွယ်ဘိပါတကား။

No comments:

Post a Comment