Sunday, February 18, 2018

ဘာတွေကို ဘယ်လို ဝေမျှကြမလဲ






ဝေမျှခြင်း (sharing) ဆိုတဲ့ စကားလုံးရဲ့  တိုက်ရိုက်အဓိပ္ပါယ်ပြောပါဆိုရင်တော့ ပေးကမ်းခြင်း (giving) ဆိုတဲ့သဘောပါပဲ။ မြန်မာစကားမှာ အခြေအနေ၊ အချိန်အခါနှင့် ဆက်ဆံရတဲ့သူပေါ်မူတည်ပြီး အသုံးအနှုန်းပြောင်းသွားတာမျိုးတွေရှိတတ်ပါတယ်။ ပေးတယ်ဆိုတာကိုပဲ စွန့်ကြဲတယ်၊ ဝေမျှတယ်၊ လှူဒါန်းတယ်၊ ဆက်ကပ်တယ် စသဖြင့် အမျိုးမျိုး သုံးစွဲကြပါတယ်။

ဒီစကားလုံးဟာ ကျွန်တော်တို့ မြန်မာလူမှုအသိုင်းအ၀ိုင်းမှာတော့ စိမ်းတဲ့ စကားလုံးမျိုးမဟုတ်ပါဘူး။ ကျွန်တော်တို့အားလုံး နေ့စဉ်လိုလိုပဲ ကိုယ့်ပတ်ဝန်းကျင်ကို တစ်ခုမဟုတ် တစ်ခု ပေးကမ်းဝေမျှနေတတ်ကြတာပါပဲ။

ကမ္ဘာပေါ်မှာရှိတဲ့ ဘယ်ဘာသာ၊ ဘယ်လူမျိုးမှာမဆို ပေးကမ်းခြင်းကို မလုပ်ဖူးကြတဲ့သူရယ်လို့တော့ ရှိမယ်မထင်ပါဘူး။ အားလုံးတစ်နည်းနည်းနှင့်တော့ ပေးကမ်းဖူးကြပါလိမ့်မယ်။

ပေးကမ်းခြင်းကိုပဲ ဗုဒ္ဓဘာသာဝင်တွေဆိုရင် ဒါန လို့ အားလုံးနားလည်ထားကြပြီးသား ဖြစ်နေပါပြီ။ ကိုယ့်မှာရှိတဲ့၊ ကိုယ်ပိုင်ဆိုင်ထားတဲ့ သက်ရှိ၊ သက်မဲ့ပစ္စည်းဝတ္ထု တစ်ခုခုကို သူတစ်ပါးကို ပေးလိုက်တိုင်းမှာ ဒါနဖြစ်နေတာပါပဲ။

ဒီပေးကမ်းစွန့်ကြဲတဲ့ ဒါနဆိုတာဟာ ပေါ့သေးသေးကိစ္စတော့ မဟုတ်ပါဘူး။ ဘုရားအစရှိတဲ့ ပါရမီရှင်သူတော်ကောင်းကြီးတွေအားလုံးဟာ သူတို့ရည်မှန်းရာဖြစ်တဲ့ ဆုထူးဆုမြတ်တွေ ရရှိပိုင်ဆိုင်ကြဖို့အရေး ဘ၀ပေါင်းများစွာ ပါရမီ (၁၀) ပါး ကြိုးပမ်းဖြည့်ဆည်းကြရတဲ့အခါမှာ ဒါနပါရမီကပဲ စတင်လို့ဖြည့်ကျင့်ကြရတာဖြစ်ပါတယ်။

ဒါနပါရမီမှာမှ စွန့်လှူရတဲ့ ပစ္စည်းအမျိုးအစားနှင့် ခက်ခဲမှုပေါ်မူတည်ပြီး မိမိရဲ့ ခန္ဓာကိုယ်ပြင်ပ ပစ္စည်းဥစ္စာတွေနှင့် သက်ရှိတွေကို စွန့်လှူတဲ့ ဒါနပါရမီ၊ မိမိရဲ့  ခန္̕ဓာကိုယ်အစိတ်အပိုင်းတွေကို စွန့်လှူတဲ့ ဒါနဥပပါရမီ၊ မိမိရဲ့  အသက်ကိုပါစွန့်လှူတဲ့ ဒါနပရမတ္တပါရမီ ဆိုပြီး ကွဲပြားသွားပါတယ်။

ဒီလို ပေးကမ်းစွန့်ကြဲမျှဝေကြရမှာ ခြုံငုံပြီးပြောမယ်ဆိုရင်တော့ ပေးစရာ အမျိုးအစား (၂) မျိုးကွဲတယ်လို့ ပြောရင်ရနိုင်ပါတယ်။ မိမိမှာရှိတဲ့ အစားအစာကို ပေးလိုက်တာ၊ အ၀တ်အစားအိပ်ယာနေရာစတာတွေကိုပေးတာ၊ ရွှေငွေလက်ဝတ်လက်စား၊ မော်တော်ယာဉ်၊ တိရစ္ဆာန်၊ အခိုင်းအစေစတဲ့ အဖိုးတန် သက်ရှိသက်မဲ့ အသုံးအဆောင်ပစ္စည်းတွေကို ပေးတာ၊ မိမိရဲ့  ရာထူးစည်းစိမ်၊ ခံစားစံစားခွင့်တွေကို ပေးလိုက်တာ စတဲ့ ပေးကမ်းစွန့်ကြဲဝေမျှမှုတွေမှာ ပေးလိုက်တဲ့ ၀တ္ထုပစ္စည်းတွေဟာ ထိတွေ့ကိုင်တွယ်လို့ရသလို လူတိုင်းလည်း မျက်စိနှင့်ကြည့်ရင် မြင်နိုင်တဲ့ အရာမျိုးတွေဖြစ်ပါတယ်။

နောက်ထပ်ကျွန်တော်တို့တွေ ပေးကမ်းဝေမျှတတ်ကြတာကတော့ ထိကိုင်စမ်းသပ်ကြည့်လို့မရနိုင်တဲ့၊ ပကတိမျက်စိနှင့်မြင်ကြည့်လို့မရနိုင်တဲ့ အရာတွေဖြစ်ကြပါတယ်။ အဲဒီ ကိုင်တွယ်ကြည့်လို့မရတဲ့ အရာတွေကို ကျွန်တော်တို့ဟာ သိသိနှင့်ရော၊ ကိုယ်တိုင်က သတိမထားမိပဲနဲ့ရော နေ့စဉ်လိုလို ဝေမျှဖြစ်နေကြပါတယ်။

ကျွန်တောတို့တွေ မနက်မိုးလင်းကနေစလို့ တစ်နေ့လုံးလိုလို ကိုယ့်ဘေးနားမှာ ရှိနေတဲ့ မိသားစုဝင်တွေ၊ လမ်းသွားရင်း တွေ့မြင်လိုက်ရတဲ့ အသိမိတ်ဆွေတွေ၊ ကျောင်းက သူငယ်ချင်းတွေ၊ အလုပ်ထဲက လုပ်ဖော်ကိုင်ဖက်တွေကို မြင်မြင်ချင်းမှာပဲ ပြုံးပြနှုတ်ဆက်စကားဆိုတတ်ကြပါတယ်။ ဒါဟာကိုယ့်စိတ်ထဲက မေတ္တာတရား (တနည်းပြောမယ်ဆိုရင်) ရန်မလိုတတ်မှု နှင့် နှစ်လိုချစ်ခင်မှုကို တခြားတစ်ယောက်ဆီကို မျှဝေပေးကမ်းလိုက်တာ တစ်မျိုးပါပဲ။ ဘာသာရေးစကားနှင့် ပြောမယ်ဆိုရင် ဒါနပေးလိုက်တာပါပဲ။

အဲဒီလို မျှဝေကြရာမှာ ကျွန်တော်တို့တွေဟာ ကိုယ့်မှာရှိတဲ့အထဲက အကောင်းဆုံး ဒါမှမဟုတ် ကောင်းတာတွေကိုပဲ ရွေးချယ်ပြီး တခြားသူတွေဆီကို ဝေမျှပေးနိုင်အောင်တော့ ဂရုစိုက်သင့်ကြပါတယ်။ ကိုယ်စိတ်မကြည်မလင်ဖြစ်နေတဲ့အခြေအနေမျိုး၊ ဒေါသဖြစ်နေတဲ့အချိန်မျိးမှာ တခြားတစ်ယောက်ကို ဆက်ဆံပြောဆိုဖြစ်လိုက်မယ် ဆိုရင် ဆက်ဆံခံလိုက်ရသူဘက်က ဒါကို သဘောကျကျေနပ် လက်ခံနိုင်ကြမှာ မဟုတ်ပါဘူး။

ကလေးတွေကို သူတို့သဘောကျမယ့် ပုံပြင်လေးတွေပြောပြပေးတာမျိုး၊ ဘာသာရပ်တစ်ခုမှာဖြစ်ဖြစ်၊ ကိစ္စတစ်ခုနှင့် ပတ်သက်ပြီးပဲဖြစ်ဖြစ် မသိနားမလည်တဲ့သူကို နားလည်သဘောပေါက်အောင် ရှင်းပြပြောပြပေးတာမျိုး၊ အလုပ်မှာ ကိုယ့်ရဲ့  customer တွေအပေါ် စိတ်ရှည်ရှည်နှင့် သူသိချင်တာ၊ နားမလည်တာကို ရှင်းပြပေးလိုက်တာမျိုးဟာလည်း ဒါနလုပ်နေတာပါပဲ။

အခုဆိုရင် အင်တာနက်နှင့် Social Media တွေသုံးနေကြတော့ Share ဆိုတာကို လူတိုင်းသိနေ၊ လုပ်နေကြ ဖြစ်နေပါပြီ။ ကျွန်တော်တို့တွေဟာ နေ့စဉ် ဘယ်လိုအကြောင်းအရာတွေ၊ ဘယ်လိုပုံတွေ၊ ဘယ်လိုရုပ်သံဖိုင်တွေကို တခြားသူတွေဆီ ဝေမျှပေးဖြစ်ကြပါသလဲ။ ကိုယ်ဝေမျှလိုက်တဲ့ အကြောင်းအရာကြောင့် တခြားသူတွေရဲ့  စိတ်မှာ ဘယ်လို ရိုက်ခတ်မှုအပြောင်းအလဲတွေ ဖြစ်သွားစေနိုင်သလဲဆိုတာမျိုးကို ထည့်တွေးစဉ်းစားမိကြဖူးပါသလား။

တရားဝင် စည်းကမ်းဥပဒေအဖြစ် သတ်မှတ်ပြဌာန်းထားတာမျိုး မရှိပေမယ့်လည်း ကိုယ်ဝေမျှပေးလိုက်တာ တစ်ခုခုကြောင့် တခြားသူတစ်ယောက်ရဲ့  ကျန်းမာရေး၊ ပညာရေး၊ စိတ်ငြိမ်းချမ်းမှုနှင့် အသိဉာဏ်ကြီးထွားမှုကို ထိခိုက်ပျက်စီးသွားစေနိုင်တာမျိုး မဖြစ်သွားရအောင်
ကိုယ့်ဘက်က သတိထားပြီး ဝေမျှပေးဖို့တော့ လိုအပ်ပါလိမ့်မယ်။

ဥပမာ ဆေးလိပ်နှင့် အရက်သောက်ချင်စိတ်ဖြစ်အောင် တိုက်တွန်းသလိုဖြစ်စေတဲ့ ပုံတွေ၊ အကြောင်းအရာတွေ၊ ယဉ်ကျေးမှုနှင့်မကိုက်ညီတဲ့ အ၀တ်အစား ဆင်ယင်ထုံးဖွဲ့ထားတာမျိုးတွေ၊ တဏှာပေမစိတ်ကို ဖြစ်ပေါ်စေနိုင်တဲ့ အကြောင်းအရာတွေ၊ ကိုယ်ချင်းစာ ညှာတာထောက်ထားတတ်တဲ့ စိတ်မျိုး နည်းပါးသွားအောင် ရေးသားထားတဲ့ အကြောင်းအရာမျိုးတွေ၊ ထိတ်လန့်ကြောက်ရွံ့ ဖွယ် အကြောင်းအရာတွေနှင့် ဓါတ်ပုံမျိုးတွေကို ကိုယ်တိုင်လည်း မရေးမိ မတင်မိအောင်၊ သူများရေးထားတာလည်း မဝေမျှမိအောင် ကိုယ့်ဘက်က ကိုယ်ပိုင်စည်းကမ်းလုပ်ပြီး ထိန်းသိမ်းရှောင်ကြဉ်သင့်ကြပါတယ်။

ကိုယ့်ဘ၀ထဲမှာ အမြဲအသက်ဝင်နေပြီး စိတ်ဝင်တစားနှင့် လေ့လာလိုက်စားနေတဲ့ ပညာရပ်ဆိုင်ရာ အကြောင်းအရာတွေ၊ အတွေးအခေါ်တွေ၊ နည်းပညာရပ်တွေ၊ ကျန်းမာရေးဆိုင်ရာ မှတ်သားစရာတွေ၊ အနုပညာဖန်တီးမှုတွေ၊ စိတ်ငြိမ်းချမ်းအောင် နေထိုင်နိုင်ဖို့နည်းလမ်းတွေ၊ လူအချင်းချင်း လိုက်နာစောင့်ထိန်းရမယ့် ကျင့်ဝတ်စည်းကမ်းမျိုးတွေကို တခြားသူတွေ သိရှိနားလည်အောင် တနည်းနည်းနှင့် ဝေမျှပေးတာမျိုးဟာလည်း ဒါနပေးတာပဲဖြစ်ပါတယ်။

တချို့ တချို့ သော သူတွေမှာ Personal Power လို့ခေါ်တဲ့ ကိုယ်ပိုင်စွမ်းအင်ဟာ လူတကာထက်ကိုပိုပြီး ထင်ထင်ရှားရှားပဲ ကြီးမားကြပါတယ်။ သူတို့ရဲ့  နေပုံ၊ ထိုင်ပုံ၊ ပြောပုံ၊ ဆိုပုံ၊ လုပ်ပုံကိုင်ပုံတွေ အားလုံးဟာ အများအတုယူလေးစားအားကျကြပြီး သူတို့ပြောတဲ့အတိုင်း၊ သူတို့လုပ်တဲ့အတိုင်း လုိုက်ပြီးလုပ်ချင်လာအောင် စွမ်းဆောင်နိုင်တဲ့ စွမ်းရည်မျိုးတွေ သူတို့မှာ ရှိနေတတ်ကြပါတယ်။ နိုင်ငံရေး ခေါင်းဆောင်တွေ၊ ထင်ရှားတဲ့အနုပညာသည်တွေနှင့် ဘာသာရေးခေါင်းဆောင်တွေမှာ ဒီလိုစွမ်းဆောင်ရည်မျိုးတွေကို တွေ့နိုင်ပါတယ်။ သူတို့အားလုံးဟာလည်း တကယ်တော့ သူတို့ရဲ့  လူအချင်းချင်း အမူအကျင့်ကိုကူးစက်ပေးနိုင်တဲ့ စွမ်းဆောင်ရည်နှင့် လူတွေကို ဒါနလုပ်နေကြတာမျိုးပဲဖြစ်ပါတယ်။

ရှေးခေတ်အဆက်ဆက်ကစလို့ အခုခေတ်တိုင်အောင် သိပ္ပံပညာရှင်တွေ၊ နည်းပညာသမားတွေ၊ တွေးခေါ်ပညာရှင်တွေ၊ ဆေးပညာရှင်တွေနှင့် အနုပညာသမားတွေဟာ သူတို့ရှာဖွေ့တွေ့ရှိလိုက်တဲ့ နည်းပညာပစ္စည်းအသစ်တွေ၊ စက်ပစ္စည်းအသစ်တွေ၊ အတွေးအခေါ်၊ အယူအဆတွေ၊ ဖော်မြူလာတွေ၊ ဆေးဝါးတွေနှင့် အနုပညာလက်ရာအမွန်အမြတ်တွေကို တစ်ကမ္ဘာလုံးက လူသားမျိုးနွယ်ကြီးတစ်ခုလုံး သုံးစွဲခံစားနိုင်အောင် ကြိုးပမ်းပေးသွားကြပါတယ်။ သူတို့အားလုံးဟာလည်း သူတို့ရဲ့  အသိဉာဏ်ကို ဒါနပြုသွားကြတာပါပဲ။

ကျွန်တော်တို့ လူတွေအချင်းချင်းမှာလည်း နေ့စဉ် တစ်ယောက်ကိုတစ်ယောက် ဆက်ဆံရာမှာ
ရိုးရိုးသားသားဆက်ဆံတာ၊ ခင်ခင်မင်မင်ဆက်ဆံတာ၊ မလိမ်မညာဆက်ဆံတာ၊ တစ်ကိုယ်ကောင်းမဆန်တဲ့စိတ်နှင့် ဆက်ဆံတာ၊ အခွင့်အရေးယူချင်၊ အသုံးချချင်တဲ့စိတ်မျိုးမရှိပဲ စိတ်အရိုးခံအတိုင်းဆက်ဆံလိုက်တိုင်းဟာလည်း ကိုယ့်ရဲ့  ရိုးသားတဲ့စိတ်ကို ဒါနပြုနေတာပဲဖြစ်ပါတယ်။

မြတ်စွာဘုရားရှင်က “သဗ္ဗဒါနံ ဓမ္မဒါနံ ဇိနာတိ” ဆိုပြီး မိန့်တော်မူခဲ့ပါတယ်။ အလှူဒါနတွေအားလုံးမှာ ဓမ္မကို ပေးလှူတာဟာ အသာဆုံး၊ အမြတ်ဆုံးဖြစ်တယ် လို့ ဆိုလိုပါတယ်။ ဓမ္မကိုပေးလှူတယ် ဆိုတဲ့နေရာမှာ ကျင့်သုံးသူရဲ့  ကြိုးစားအားထုတ်မှုပေါ်မူတည်ပြီး အဆင့်ဆင့်ကွဲပြားသွားနိုင်တယ်လို့ထင်ပါတယ်။

ဗုဒ္ဓဘာသာဝင်အများစု နေ့စဉ်လိုလို အများဆုံးလုပ်ကြတာကတော့ ပတ္တိဒါနလို့ခေါ်တဲ့ ကိုယ်ပြုလုပ်ဆည်းပူးထားသမျှ ကုသိုလ်ကောင်းမှုအစုစုကို ဝေနေယျသတ္တ၀ါတွေကို အမျှပေးဝေတတ်ကြတာ ဖြစ်ပါတယ်။

တချို့ က တရားတော်တွေကို မိမိကနေ တခြားတစ်ယောက်ဆီရောက်ရှိသွားအောင် သင်ကြားပေးတာ၊ ဟောပြောပို့ချပေးတာ၊ တရားစာပေရေးသားတာ၊ ဖြန့်ဝေတာ၊ တရားပွဲတွေ စီစဉ်ပေးတာ၊ တရားနာယူကျင့်သုံးလို့ရမယ့် နေရာဌာနတွေဆီရောက်အောင် လူတွေကို ကူညီပို့ဆောင်ပေးတာ စသဖြင့်လည်း လုပ်ပေးတတ်ကြပါတယ်။

ဒီ့ထက်ပိုပြီး တဆင့်တက်မယ်ဆိုရင်တော့ တရားဓမ္မကိုကိုယ်တိုင်ကျင့်သုံးပြီး ပတ်ဝန်းကျင်ကို ကျေးဇူးပြုတဲ့ ဒါနမျိုးကို ပြောရမှာဖြစ်ပါတယ်။ မြတ်စွာဘုရားရှင် ဟောကြားထားခဲ့တာမှာ ရှောင်ကျဉ်ရမယ့် သီလဆိုတာရှိသလို၊ စောင့်ထိန်းလိုက်နာရမယ့် သီလဆိုတာလည်း ပါပါတယ်။ ဒီသီလတရားတွေကို ကိုယ်တတ်နိုင်သလောက်လိုက်နာစောင့်ထိန်းပြီး လူ့အဖွဲ့အစည်းအတွင်းမှာ ကိုယ့်ကြောင့် တခြားသူ စိတ်အနှောင့်အယှက်မဖြစ်အောင်၊ ဒုက္ခမရောက်အောင် ကိုယ်ချင်းစာစိတ်နှင့် နေထိုင်တာဟာလည်း ဓမ္မကိုဝေမျှလိုက်တဲ့ပုံစံတစ်မျိုးပဲဖြစ်ပါတယ်။

ကိုယ့်ရဲ့ စိတ်မှာ ဘုရားရှင်သင်ကြားဆုံးမပေးခဲ့တဲ့ သမထ၊ ၀ိပဿနာ ဘာဝနာတစ်ခုခုကို အလျင်းသင့်သလို ကျင့်သုံးစီးဖြန်းနေပြီး ကိုယ်နှင့်ထိတွေ့ဆက်ဆံနေရတဲ့ ပတ်ဝန်းကျင်အသိုင်းအ၀ိုင်းကို ကိုယ့်ဆီကနေတဆင့် တရားဓမ္မရဲ့ အေးငြိမ်းမှုအရှိန်နှင့် အတိုင်းအတာတစ်ခုအထိ ငြိမ်းချမ်းမှုရအောင် ပြုမူ နေထိုင်နေတာဟာလည်း ဓမ္မကိုဝေမျှလိုက်တဲ့ ဒါနပုံစံတစ်မျိုးပဲ ဖြစ်ပါတယ်။

ကိုယ်တိုင်က တရားကိုကျင့်သုံးစောင့်တည်ပြီး ကိုယ်ရရှိ၊ သိရှိလိုက်တဲ့ တရားအသိအတိုင်း ကိုယ်တိုင်လည်း နေပြသလို၊ ကိုယ့်ပတ်ဝန်းကျင်က စိတ်ဝင်စားတဲ့သူတွေကိုလည်း ဆရာစားမချန်ပဲ ကိုယ်သိသလိုသိအောင် ပြန်လည်သင်ပြပေးတာမျိုးဟာလည်း ဓမ္မဒါနလုပ်လိုက်တာပဲဖြစ်ပါတယ်။ အသိဉာဏ်ကိုဝေမျှတာဟာ ဖယောင်းတိုင်မီးကို တစ်တိုင်ကနေ တစ်တိုင်ကို မီးအလင်းရောင် ဝေမျှကူးပေးလိုက်သလိုဖြစ်သွားတာမျိုးမို့ အတိုင်ရေများလာလေ ပတ်ဝန်းကျင်လောကကြီးတစ်ခုလုံး ပိုပိုလင်းလက်လာလေဖြစ်ပါတယ်

လုပ်ဆောင်ဖို့ အခက်ခဲဆုံးဖြစ်နိုင်တဲ့ ဓမ္မဒါနနောက်တစ်ခုကတော့ ကိုယ်နှင့်ထိတွေ့နေရတဲ့ ပတ်ဝန်းကျင်ကို သတိပါတဲ့စိတ်လေးနှင့် ပြောဆိုဆက်ဆံခြင်းဖြစ်ပါတယ်။ ကိုယ်နှင့်တခြားလူပဲဖြစ်ဖြစ်၊ တိရစ္ဆာန်တစ်ကောင်ကောင်နှင့်ပဲဖြစ်ဖြစ် ထိတွေ့ပြောဆိုဆက်ဆံနေတဲ့ အချိန်မှာ ကိုယ်နှင့်ဆက်ဆံနေရတဲ့သူအပေါ်မှာ အယုတ်အလတ်အမြတ်ရွေးမနေပဲ တန်ဖိုးထားလေးစားချစ်ခင်တဲ့စိတ်နှင့် ပစ္စုပ္ပန်မှာပဲ စိတ်ကိုထားပြီး ကိုယ့်ရဲ့ အကောင်းဆုံးဆိုတဲ့ စိတ်နေသဘောထားနှင့် ကိုယ့်ရဲ့  လောလောဆယ် ရှင်သန်ဖြစ်တည်နေမှုတစ်ခုလုံးကို အဲဒီသူဆီမှာ ပေးပြီး ဆက်ဆံတာမျိုး ဖြစ်ပါတယ်။

ဆရာဝန်က လူနာကို စမ်းသပ်စစ်ဆေးနေတဲ့အခါမျိုးမှာပဲဖြစ်ဖြစ်၊ ရှေ့ နေက ကိုယ့်အမှုသည်နှင့် စကားပြောနေရတဲ့ အခါမျိုးမှာပဲဖြစ်ဖြစ်၊ ဆရာက ကျောင်းသားကို စာသင်ပေးနေရတဲ့အခါမျိုးမှာပဲဖြစ်ဖြစ်၊ ဗေဒင်ဆရာက ကိုယ့်ဆီကံကြမ္မာလာမေးသူကို ဟောပြောပေးနေရတဲ့ အချိန်မျိုးမှာပဲဖြစ်ဖြစ်၊ ဈေးရောင်းသူက ဈေးဝယ်သူကို ဆက်ဆံပြောဆိုနေတဲ့ အခါမျိုးမှာပဲဖြစ်ဖြစ်၊ ဘုန်းတော်ကြီးတစ်ပါးက ကိုယ့်ဆီရောက်လာတဲ့ ဒကာ၊ ဒကာမနှင့် ဆက်ဆံပြောဆိုနေချိန်မှာပဲဖြစ်ဖြစ်၊ မိတ်ဆွေအချင်းချင်း အလ္လာပသလ္လာပလိုစကားမျိုး ပြောဆိုနေချိန်မှာပဲဖြစ်ဖြစ်၊ မိသားစုဝင်အချင်းချင်း ပြောဆိုဆက်ဆံနေတုန်းမှာပဲဖြစ်ဖြစ်၊ ခွေးလေးကြောင်လေးတွေကို ထိတွေ့ပွတ်သပ်ပေးနေတုန်းအခိုက်မှာပဲဖြစ်ဖြစ် ကိုယ်ဆက်ဆံနေရသူဆီမှာ ကိုယ့်ရဲ့  စိတ်တစ်ခုလုံး ပုံအပ်ပြီး ဆက်ဆံပေးလိုက်တာဟာ ဒါနပြု ဝေမျှပေးလိုက်တာပဲဖြစ်ပါတယ်။

တကယ်တော့ ဝေမျှပေးကမ်းတယ်ဆိုတဲ့ အပြုအမူဟာ စိတ်ရှည်သည်းခံတာ၊ ဘယ်အရာကိုမှ စွဲလန်းဆုပ်ကိုင်မထားတာ၊ ဘာကိုမှ ဝေဖန်ထင်မြင်ချက်ပေး၊ အကဲဖြတ်တာမျိုးတွေ မလုပ်တာ၊ ယုံကြည်သက်ဝင်တာ စတဲ့ အရည်အသွေးတွေလို သတိနှင့်နေထိုင်နိုင်ဖို့အတွက် လေ့ကျင်ပျိုးထောင်ရာမှာ အရေးပါတဲ့ စိတ်ရဲ့  အရည်အသွေးတစ်ခုဖြစ်ပါတယ်။

ဒီလို ဝေမျှပေးကမ်းတတ်တဲ့ အလေ့အကျင့်ကို ပြုစုပျိုးထောင်နိုင်ဖို့အတွက်ဆိုရင် စတင်လေ့ကျင့်ရမယ့် ပထမဆုံးသောသူဟာ ကိုယ်ကိုယ်တိုင်ကိုပဲ ဖြစ်ပါတယ်။ မိမိကိုယ်တိုင် အသုံးပြုဖို့အတွက် တခါတလေမှာ ပစ္စည်းလေးတွေဝယ်ပေးလိုက်တာမျိုး၊ ကိုယ့်ဖာသာ ပြုလုပ်မိလိုက်တဲ့ မကောင်းတဲ့ အမူအကျင့်တွေ၊ အမှားတွေကို နားလည်လက်ခံခွင့်လွှတ်ပေးလိုက်တာမျိုးကနေ စတင်လေ့ကျင့်ယူကြရမှာဖြစ်ပါတယ်။ အဲဒီလို လေ့ကျင့်ယူနေတဲ့အခါမျိုးမှာ ကိုယ်ဝယ်လာတဲ့ပစ္စည်းအပေါ်မှာ တကယ်ကိုယ်နှင့်ထိုက်တန်လို့ ရလိုက်တဲ့လက်ဆောင်မွန်အဖြစ်သဘောထားပြီး စိတ်အနှောင်အဖွဲ့ကင်းကင်းနှင့် အားရ၀မ်းသာ သုံးစွဲလိုက်ပါ။

ကိုယ့်ကိုယ်ကို ပြန်ပြီး ဝေမျှပေးကမ်းမှုတစ်ခုခု လုပ်လိုက်ချိန်မှာလည်း ဖြစ်ပေါ်လာတဲ့ ကိုယ်ကိုယ်တိုင်ရဲ့  ၀မ်းသာကျေနပ်သွားတဲ့ စိတ်ခံစားမှုလေးကို စံနမူနာအဖြစ် မှတ်သားထားပြီး ဒီလို စိတ်ကြည်နူးမှုမျိုး တခြားသူတွေဆီမှာပါ ဖြစ်လာနိုင်အောင် ကိုယ်နှင့် ထိစပ်နေတဲ့ မိသားစုဝင်တွေ၊ ဆွေမျိုးအသိုင်းအ၀ိုင်းတွေကနေစလို့ ကိုယ့်ပတ်ဝန်းကျင်တစ်ခုလုံးဆီ တတ်နိုင်သလောက် ဝေမျှပေးကမ်းနိုင်တဲ့ အလေ့အကျင့်ကောင်းကို တဖြေးဖြေးချင်း ပြုစုပျိုးထောင်ယူသွားဖို့ပဲ ဖြစ်ပါတယ်ခင်ဗျာ။

“Practice sharing the fullness of your being, your best self, your enthusiasm, your vitality, your spirit, your trust, your openness, above all, your presence. Share it with yourself, with your family, with the world.”

― Jon Kabat-Zinn, Wherever You Go, There You Are: Mindfulness Meditation in Everyday Life

ဝိမုတ္တိသုခ
၁၈၊ ၂၊ ၂၀၁၈။

ဆက်လက်ဖတ်ရှုရန်

Thursday, February 15, 2018

ဟိုဘက်ကမ်း 




🛑 ဟိုဘက်ကမ်း 🛑

တစ်ရက်မှာ လူငယ်လေးတစ်ယောက်ဟာ အိမ်ပြန်ခရီးကိုနှင်ရင်း မြစ်ပြင်ကျယ်ကြီးတစ်ခုရဲ့  ကမ်းဘေးကို ရောက်ရှိလာခဲ့တယ်။ သူ့အရှေ့ မှာရှိနေတဲ့ ကြီးမားလှတဲ့ အဟန့်အတားကြီးကို မျှော်လင့်ချက်မဲ့စွာနှင့် ငေးကြည့်ရင်း ဒီအခက်အခဲကို ဘယ်လိုကျော်လွှားလို့ရနိုင်မလဲဆိုပြီး နာရီပေါင်းများစွာ စဉ်းစားတယ်။ သူရှေ့ ဆက်သွားရမယ့်ခရီးအတွက် လက်လျှော့လိုက်တော့မလို့ ဆုံးဖြတ်လိုက်တော့မယ့်ဆဲဆဲမှာပဲ ဟိုးတစ်ဘက်ကမ်းမှာ ပညာရှိတစ်ယောက်ကို လှမ်းမြင်လိုက်ရတယ်။

“ဆရာကြီးခင်ဗျာ။ ဟိုဘက်ကမ်းကိုရောက်အောင် ဘယ်လိုများသွားလို့ ရနိုင်မလဲဆိုတာ ပြောပြပေးပါလားဗျာ” ဆိုပြီး လူငယ်က လှမ်းအော်မေးလိုက်တယ်။

ပညာရှိကြီးက ခဏလောက် မြစ်ကြီးကို အထက်အောက် စုန်ဆန်ကြည့်စဉ်းစားရင်း ပြန်အော်ပြောလိုက်တယ်။

“သားရေ။ မင်းက အခု ဟိုဘက်ကမ်းမှာပဲလေ။”

လူတွေဟာ အမြဲဆိုသလိုပဲ တစ်နေရာရာကို ရောက်ဖို့အတွက် ကြိုးစားနေတတ်ကြတယ်။ ပစ္စည်းဥစ္စာတွေ ပိုပိုင်ဆိုင်နိုင်ဖို့၊ အလုပ်အကိုင်တွေ ပိုကောင်းလာဖို့၊ နောက်တခါထပ် အနားယူအပန်းဖြေခရီးထွက်နိုင်ဖို့ စသဖြင့် ဒီပုံပြင်ထဲက လူငယ်လေးလို အခြားတစ်ဘက်ကမ်းတစ်ခုခုကိုရောက်ဖို့အတွက် ကြိုးစားနေတတ်ကြတယ်။

“ဟိုနေရာကို ဘယ်လိုရောက်အောင် သွားရမလဲ” ဆိုပြီး လောကကြီးကို အော်ဟစ်ပြောနေသလိုမျိုးပေါ့။ ပိုအတိအကျပြောရမယ်ဆိုရင် “အခုလက်ရှိရောက်နေတဲ့နေရာက ငါတို့အတွက် မလုံလောက်သေးဘူး။ ဒါကြောင့် ဟိုနေရာကို ဘယ်လိုရောက်အောင် သွားလို့ရနိုင်မလဲ” လို့ ပြောနေသလိုပါပဲ။

ဒီပုံပြင်လေးကပေးလိုက်တဲ့ လှပတဲ့ သင်ခန်းစာက အဲဒီနေရာမှာ။ သူပြောတာက “တို့တတွေဟာ တကယ်တော့ ရောက်နှင့်နေပြီးသား။ ထပ်သွားနေဖို့ မလိုတော့ပါဘူး” တဲ့။

ဘ၀ဟာ အခု လက်ရှိရောက်နေတဲ့ နေရာမှာ လှပနေတာပါပဲ။ အခုအချိန်လေးက သူရှိနေတဲ့ပုံစံလေးအတိုင်း ပြီးပြည့်စုံနေပါတယ်။ ဘ၀က သူ့ရဲ ပြောင်းလဲတိုးတက်နေတဲ့အတိုင်းလေးကို လှစ်ဟပြနေတယ်။ လောကကိုဘယ်လိုသုံးသပ်လိုက်တယ်၊ ဘယ်လိုစပ်ဆက်ပြင်ဆင်ယူလိုက်တယ်ဆိုတာတွေက ကိုယ့်ရဲ့  အတွေ့အကြုံတွေ ဖြစ်လာလိမ့်မယ်။ အိုင်းစတိုင်းကပြောဖူးတယ်။ လူတွေအတွက် အကြီးကျယ်ဆုံးမေးခွန်းက လူတွေက လောကကို ချစ်ခင်ကြင်နာစရာလို့ ရှုမြင်သုံးသပ်မှာလား၊ မကောင်းဆိုးဝါးအဖြစ် ရှုမြင်လိုက်မှာလား ဆိုတာပဲဖြစ်တယ်တဲ့။

တကယ်လို့များ တစ်ယောက်ယောက်က သူအခုလောလောဆယ်ရောက်နေတဲ့ ဘ၀အခြေအနေ၊ အနေအထားနှင့်ပတ်သက်ပြီး မကျေမနပ်ပြောနေတာ ကြားရရင် သူ့ကို “အဲဒါဆို ဘာဆက်ဖြစ်မှာလဲ“ ဆိုတဲ့ ရိုးရှင်းတဲ့ မေးခွန်းလေးကို ကျွန်တော် မေးကြည့်တတ်တယ်။

ဥပမာဆိုပါတော့။

လူတစ်ယောက်။ ။ တကယ်လို့များ တခြားအလုပ်တစ်ခုခုများ ရခဲ့လို့ကတော့။
ကျွန်တော်။ ။ အဲဒါဆို ဘာဆက်ဖြစ်မှာလဲ။
လူတစ်ယောက်။ ။ ဒါဆို ငွေပိုရှာနိုင်မှာပေါ့။
ကျွန်တော်။ ။ အဲဒါဆို ဘာဆက်ဖြစ်မှာလဲ။
လူတစ်ယောက်။ ။ ဒါဆို အိမ်ဝယ်တာတို့၊ ကားဝယ်တာတို့၊ အပျော်ခရီးတို့သွားလို့ရပြီလေ။
ကျွန်တော်။ ။ အဲဒါဆို ဘာဆက်ဖြစ်မှာလဲ။
လူတစ်ယောက်။ ။ ဒါဆို ပျော်စရာကောင်းပြီပေါ့။

ရုပ်ရှင်မင်းသား ဂျင်မ်ကာရေး တခါကပြောဖူးတယ်။ “ကျွန်တော် လူတိုင်းကို ချမ်းသာပြီး နာမည်ကျော်ကြားတဲ့ အတွေ့အကြုံကို ရကြစေချင်တယ်။ အဲဒါမှ ဒါတွေဟာ အရာရာတိုင်းအတွက် အဖြေမဟုတ်ဘူးဆိုတာ သူတို့ နားလည်သွားကြလိမ့်မယ်“ တဲ့။

ဟိုဘက်ကမ်းဆိုတာဟာ အဖြေတစ်ခုမဟုတ်ပါဘူး။ တစ်နေရာရာကို ရောက်ဖို့အတွက် အသည်းအသန်ကြိုးစားနေကြရတာကို ရပ်လိုက်တာနှင့်ပဲ လည်ပတ်နေတဲ့ ဘ၀ချားရဟတ်မှာ ကိုယ်တိုင်မရပ်မနားပြေးလွှားလိုက်ပါနေရတဲ့အဖြစ်ကနေ ရပ်နားဆင်းသက်နိုင်လိုက်မှာဖြစ်ပါတယ်။ အဲဒီအခါ ကိုယ်တကယ်ပိုင်ဆိုင်ခွင့်ရထားတဲ့ ငြိမ်းချမ်းမှုနှင့် ငြိမ်းအေးမှုဆိုတာတွေကို အခုလက်ငင်း ပစ္စုပ္ဗန်အချိန်လေးမှာပဲ ရှာဖွေတွေ့ရှိသွားကြမှာဖြစ်ပါတော့တယ်။

လက်တွေ့စမ်းသပ်လုပ်ကြည့်ဖို့ -

- ရပ်နားလိုက်ပါ။ အသက်ကို ရှူပါ။ တခြားဘယ်ကိုမှ ရောက်အောင် သွားစရာ ရှိမနေဘူးဆိုတာကို သဘောပေါက်လက်ခံလိုက်ပါ။ အခုလက်ရှိရောက်နေတဲ့ ပစ္စုပ္ဗန်အချိန်ကပဲ ပြည့်စုံလုံလောက်နေပါပြီ။

- ဘ၀ချားရဟတ်ပေါ်ကနေ ဆင်းလိုက်ပါ။ ဒီဘယ်တော့မှ မရပ်တဲ့ ဘီးပေါ်မှာတုန်းက အကြောင်းတွေကိုချရေး မှတ်သားထားပါ။ အခု လက်ရှိအချိန်လေးကို ကျေးဇူးတင်ဝမ်းမြောက်နေလိုက်ပါ။

- မေတ္တာစိတ်ဖြင့်နေပါ။

(Thomas D. Craig ရဲ့ The Other Side ကို ဆီလျှော်အောင် ဘာသာပြန်ပါသည်။)


ဆက်လက်ဖတ်ရှုရန်

Monday, February 12, 2018

အရှင်မြတ် ကြွလာချီးမြှောက်တော်မူပြီ




🌺 အရှင်မြတ် ကြွလာချီးမြှောက်တော်မူပြီ 🌺

မနက်ခင်းလေးမှာ အိပ်ယာကထ၊ ဘုရားရှင်အတွက် သောက်တော်ရေ၊ သုံးတော်ရေတွေနှင့် မနက်စာဆွမ်းခဲဖွယ်ဘောဇဉ်တွေကို ပြင်ဆင်ကပ်လှူပူဇော်အပြီး မြတ်စွာဘုရားရှင်ရဲ့  ဂုဏ်တော်ကျေးဇူးတော်တွေကို အာရုံပြုနေမိတဲ့ အချိန်အခိုက်အတန့်မှာပေါ့။ စိတ်အစဉ်က စာပေတွေထဲမှာ ဖတ်ဖူးခဲ့တဲ့ မြတ်စွာဘုရားရှင်ကိုယ်တော်မြတ်ကြီး သက်တော်ထင်ရှား ရှိတော်မူစဉ်က အကြောင်းအရာအဖြစ်အပျက်တွေဆီ ရောက်သွားခဲ့တယ်။

အားလုံးသိထားကြတဲ့အတိုင်း ကိုယ်တော်မြတ်ကြီးဟာ နေ့စဉ်လိုလိုပဲ လောကမှာ ဒီနေ့အဖို့ရာအတွက် ခြွေချွတ်လို့ရမယ့် ပုဂ္ဂိုလ်တွေကို မဟာကရုဏာတော်နှင့် ကြည့်တော်မူပြီး ဘယ်လောက်ဝေးတဲ့အရပ်ပဲဖြစ်နေပါစေ။ အဲဒီသူရှိနေတဲ့အရပ်ဆီကို ရောက်အောင်သွားပြီး နည်းမျိုးစုံသုံး ဟောပြောဆုံးမသွန်သင်လို့ ကယ်တင်စောင့်ရှောက်တော် မူလေ့ရှိပါတယ်။ အများအားဖြင့်တော့ အခြေခံကနေ ဒါန၊ သီလတွေ ပြုလုပ်စောင့်ထိန်းတတ်အောင် နည်းလမ်းတွေကို ပြောပြပေးတာကနေ စလို့ သံသရာလွတ်မြောက်မှုကို ရရှိသွားစေနိုင်တဲ့လမ်းကြောင်းအထိ တရားအစဉ်အတိုင်း ဟောပြောဆုံးမတော်မူလေ့ရှိပါတယ်။

ဒါပေမယ့် တချို့ သောပုဂ္ဂိုလ်တွေကိုတော့ ထူးထူးခြားခြား တရားနှင့်စပ်ဆက်တဲ့စကားမဆိုထားနှင့်။ နှုတ်တော်ကနေတောင် စကားတစ်ခွန်းမှမိန့်တော်မမူပဲ ကယ်ချွတ်တော်မူခဲ့တာမျိုးတွေ ရှိခဲ့တာကိုလည်း သတိထားမိလိုက်တယ်။ လူနှစ်ယောက်အကြောင်း ခေါင်းထဲချက်ချင်းဆိုသလို ရောက်လာပါတယ်။ သူတို့အကြောင်းတော့ ကြားဖူးပြီးသားဖြစ်ကြမယ်လို့ ထင်ပါတယ်။

ပထမတစ်ယောက်က စဏ္ဍလီပုဏ္ဏေးမကြီးပါ။ သူက ရာဇဂြိုလ်မြို့ ထဲမှာ လမ်းတကာလည်တောင်းစားနေရတဲ့ သူတောင်းစားအမယ်အိုကြီးတစ်ယောက်ပေါ့။ တစ်ရက်မှာ မြတ်စွာဘုရားရှင်ကိုယ်တော်မြတ်ကြီးရဲ့  မဟာကရုဏာတော်စက်ကွင်းထဲမှာ သူ့ပုံပေါ်လာပါတော့တယ်။ အဲဒီနေ့က သူသေရတော့မယ့်နေ့ပါပဲ။ သူ့မှာ ဆည်းပူးပြုလုပ်စုဆောင်းထားတဲ့ ကောင်းမှုကုသိုလ်ဘာမှမရှိတာကြောင့် သေလွန်ပြီးရင် အပါယ်ဒုဂ္ဂတိဆင်းရဲကိုသွားရတော့မှာကို အရှင်မြတ်မြင်တော်မူခဲ့ပါတယ်။ ဒါကြောင့် နံနက်ခင်းမှာ နောက်ပါရဟန်းသံဃာအခြံအရံတွေနှင့် အမယ်အိုကြီးလာနေတဲ့လမ်းဘက်ကို ရှေးရှုလို့ ဆွမ်းခံကြွတော်မူပါတော့တယ်။

လမ်းတစ်နေရာအရောက် အမယ်အိုနှင့် ရင်ဆိုင်ဆုံတွေ့လိုက်ချိန်မှာ ရှေ့ ဆက်မသွားတော့ပဲ အမယ်အိုရဲ့ အရှေ့ မှာ နောက်ပါရဟန်းတော်တွေနှင့်တကွ ရပ်တော်မူလိုက်ပါတယ်။ ရုတ်တရတ် အမယ်အိုဟာ ဘာလုပ်ရမှန်းမသိအောင် ကြောင်အမ်းအမ်းဖြစ်သွားရှာတယ်။ ဘုရားရှင်ရဲ့ နောက်ပါးက လိုက်ပါလာတဲ့ အရှင်မောဂ္ဂလန်ကိုယ်တော်မြတ်ကြီးက ဘုရားရှင်ရဲ့ အလိုတော်ကို ရိပ်မိတော်မူတာကြောင့် ရှေ့ ထွက်လာပြီး အမယ်အိုကို စကားဆိုလိုက်တယ်။

“ဒကာမကြီး၊ လူနတ်တို့ရဲ့  ဆရာဖြစ်တော်မူတဲ့ မြတ်စွာဘုရားရှင်ကိုယ်တော်မြတ်ကြီးဟာ ဒကာမကြီးကိုချီးမြှောက်တော်မူဖို့အတွက် ကြွလာတော်မူတာဖြစ်တယ်။ ဒကာမကြီးအနေနှင့် ကြည်ညိုဝမ်းမြောက်တဲ့စိတ်နှင့် ကိုယ်တော်မြတ်ကြီးကို ရှိခိုးဦးတင်ကန်တော့လိုက်ပါ။” လို့ သတိပေးတော်မူလိုက်ပါတယ်။

ဒီအခါ အမယ်အိုကြီးရဲ့  စိတ်ထဲမှာ လူမင်း၊ နတ်မင်းတွေတောင် ဖူးမြော်ချင်တိုင်း ဖူးမြော်ပူဇော်ခွင့် လွယ်လွယ်ကူကူမရနိုင်တဲ့ သုံးလောကထွဋ်ထား မြတ်စွာဘုရားရှင်ကိုယ်တော်မြတ်ကြီးက ငါ့ကိုချီးမြှောက်ချင်လို့ ကိုယ်တော်တိုင်ကြွလာပြီး ငါ့အရှေ့ မှာ ရပ်တော်မူပေးနေတာပါလားဆိုတဲ့ ကြည်နူးဝမ်းသာလှိုက်လှဲတဲ့ အထွတ်အထိပ်စိတ်ခံစားမှုနှင့် ကိုယ်တော်မြတ်ကြီးကို ရိုသေမြတ်နိုးရှိခိုးဦးတင်ကန်တော့ လိုက်ပါတော့တယ်။

ဒီဖြစ်ပေါ်လာတဲ့ ကုသိုလ်စိတ်ရဲ့  အရှိန်အဟုန်အာနုဘော်ကြောင့် အမယ်အိုကြီးအနေနှင့် သူသေလွန်ပြီးရင်သွားရမယ့် အပါယ်ဒုဂ္ဂတိဘ၀တွေကနေ ဆန့်ကျင်ပြီး ကောင်းမွန်တဲ့အထက်ဘုံဘ၀တွေဆီကို သွားရဖို့ ခိုင်မာကျိန်းသေတဲ့အနေအထားရသွားတာ သေချာပြီဆိုတဲ့အချိန်မှာတော့ ကိုယ်တော်မြတ်ကြီးဟာ အမယ်အိုကြီးရှေ့ ကနေ ဖယ်ခွာလို့ ဆွမ်းခံလမ်းကိုဆက်ကြွလှမ်းတော် မူသွားပါတယ်။

အမယ်အိုကြီးခမျာ ကြည်နူးဝမ်းသာလွန်းတဲ့စိတ်နှင့် လက်အုပ်ချီရင်း ကျန်ရစ်ခဲ့ရှာတယ်။ ခဏအကြာမှာတော့ သားသည်နွားမတစ်ကောင်ခွေ့တာခံလိုက်ရပြီး အဲဒီဒဏ်ရာနှင့်ပဲ ဘ၀ကူးခဲ့ရတယ်။ လူ့ဘ၀ကနေ သေလွန်တာနှင့် တာဝတိံသာနတ်ပြည်မှာ စည်းစိမ်အခြွေအရံပေါင်းများစွာနှင့် စဏ္ဍလနတ်သမီးဆိုပြီး ဖြစ်သွားခဲ့ရပါတယ်။

နောက်တစ်ဦးကတော့ မဌကုဏ္ဍလီသတို့သားလေး ပါပဲ။ သူ့အကြောင်းကလည်း တော်တော်များများကတော့ ကြားဖူးပြီးသားဖြစ်ကြမယ်ထင်ပါတယ်။ အရမ်းကပ်စေးနှဲတဲ့ ဖခင်သူဌေးကြီးကြောင့် ရောဂါဖြစ်နေပေမယ့် ဆေးဆရာကောင်းတွေနှင့် ဆေးကုသခွင့်မရခဲ့ပဲ နောက်ဆုံးသေရတော့မယ့် အခြေအနေကို သူ့ခမျာရောက်လာခဲ့တယ်။ အဲဒီအခါမှာ ဖခင်သူဌေးကြီးက သူ့ကို အိမ်ထဲမှာမထားတော့ပဲ အိမ်အပြင်မှာ ထုတ်ပြီးထားခဲ့တယ်။

သူဆုံးမယ့် မနက်မှာ မြတ်စွာဘုရားရှင်ကိုယ်တော်မြတ်ရဲ့  ကရုဏာအ၀န်းအ၀ိုင်းမှာ သူပေါ်လာခဲ့တယ်။ ငယ်ရွယ်သူလည်းဖြစ်၊ ကုသိုလ်တရားတွေမှာလည်း ဆည်းပူးရကောင်းမှန်း မသိထားတာကြောင့် သေလွန်တဲ့အခါ ဘ၀ကူးမကောင်းနိုင်ဘူးဆိုတာကို အရှင်မြတ် မြင်တော်မူတယ်။ဒါကြောင့်ပဲ ကိုယ်တော်မြတ်ဟာ နောက်ပါသံဃာတော်တွေနှင့်အတူ ဆွမ်းခံကြွရင်း သူငယ်လေးရှိရာ သူဌေးကြီးခြံရှေ့ မှာ ရပ်တော်မူလိုက်တယ်။ ပြီးတော့ သူငယ်လေး မြင်သာအောင် ရောင်ခြည်တော်အစုံလွှတ်တော်မူတယ်။

အိမ်အပြင် ကုတင်ညောင်စောင်းမှာ ရောဂါဝေဒနာကိုခံစားရင်း မှေးစက်လဲလျောင်းနေရတဲ့ သူငယ်လေးဟာ ခြံပြင်ကနေ ထူးထူးခြားခြားဝင်ရောက်လာတဲ့ အလင်းရောင်တန်းတွေကြောင့် မျက်လုံးဖွင့်ပြီး ခြံပြင်ကိုလှမ်းကြည့်လိုက်မိတယ်။ ဒီအခါမှာ ရုပ်အဆင်းရူပကာ သန့်ရှင်းကြည်လင်ပြီး အင်မတန်တင့်တယ်ရှုချင်စဖွယ်ကောင်းတဲ့ ခန္ဓာကိုယ်ဖွဲ့စည်းပုံနှင့် မျက်နှာအသွင်အပြင်ရှိတဲ့ ပုဂ္ဂိုလ်တစ်ဦးကို လှမ်းမြင်လိုက်ရတယ်။ ဘယ်သူဘယ်ဝါရယ်လို့ သေသေချာချာမသိပေမယ့် အလေးအမြတ်ပြုစရာပုဂ္ဂိုလ်တစ်ဦးရယ်လို့တော့ နားလည်လိုက်တာမို့ သူ့ရဲ့ ရှိစုမဲ့စုနောက်ဆုံးခွန်းအားလေးကို စုစည်းပြီး လက်နှစ်ဘက်ကိုယှက်တင်ကာ အိပ်လျက်နဲ့ပဲ ဦးတင်ကန်တော့လိုက်မိတယ်။

မြတ်စွာဘုရားရှင်ကိုယ်တော်မြတ်လည်း ဒီသူငယ်ရဲ့  ကြည်ညိုသဒ္ဓါစိတ်ကနေဖြစ်ပေါ်လာတဲ့ ကုသိုလ်အရှိန်ကြောင့် ဘ၀ကူးကောင်းဖို့လုံလောက်စိတ်ချရတဲ့ အခြေအနေကိုရောက်ရှိသွားပြီ ဆိုတာကို သိလိုက်တာမို့လို့ ခြံရှေ့ ကနေ ဖယ်ခွာပြီး နောက်ပါသံဃာတော်တွေနှင့် ဆွမ်းခံခရီးကို ဆက်လက်ကြွချီတော်မူပါတယ်။

သူငယ်ဟာ ဘုရားရှင်ကို ကြည်ညိုတဲ့စိတ်တွေနှင့် ကျန်ခဲ့ပြီး သိပ်မကြာခင်အချိန်တိုလေးအတွင်းမှာပဲ ကွယ်လွန်ခဲ့ပါတယ်။ ကွယ်လွန်ပြီးတာနှင့် ချက်ချင်းဆိုသလိုပဲ နတ်ပြည်မှာ ခမ်းနားကြီးကျယ်တဲ့ဗိမာန်တွေ၊ အခြွေအရံတွေနှင့်တကွ နတ်သားသွားဖြစ်ပါတယ်။

ဒီဖြစ်စဉ်နှစ်ခုလုံးမှာ မြတ်စွာဘုရားရှင်ကိုယ်တော်မြတ်ကြီးဟာ သူခြွေချွတ်ရမယ့်သူနှစ်ဦးလုံးကို နှုတ်တော်ကနေ စကားတစ်ခွန်းမှ မဆိုပဲ ချီးမြှောက်စောင့်ရှောက်တော်မူသွားတာကို တွေ့ကြရမှာဖြစ်ပါတယ်။

ကျွန်တော်တို့ဗုဒ္ဓဘာသာဝင်တွေ အများစုဟာ ကိုယ်နေထိုင်နေတဲ့အိမ်၊ ဒါမှမဟုတ် အခန်းရဲ့  မြင့်တဲ့ မြတ်တဲ့နေရာတစ်ခုခု၊ ဒါမှမဟုတ် အခန်းတစ်ခုခုမှာ ဗုဒ္ဓရုပ်ပွားဆင်းတုတော်ကိုပဲဖြစ်ဖြစ်၊ ပုံတော်ပန်းချီကားကိုပဲဖြစ်ဖြစ် ထားရှိပြီး အလေးအမြတ် ပူဇော်ထားတတ်ကြပါတယ်။ အခြေအနေအရ အဲဒီလိုမျိုး နေရာပေး မပူဇော်နိုင်ခဲ့ရင်တောင် ကိုယ်အိပ်တဲ့အိပ်ယာနေရာရဲ့  ခေါင်းရင်းဘက်မှာ ပုံတော်ကိုဖြစ်ဖြစ်၊ တရားစာအုပ်ကိုဖြစ်ဖြစ်၊ စိတ်ပုတီးကိုဖြစ်ဖြစ် ထားရှိပြီး ပူဇော်တတ်ကြပါတယ်။ နောက် အဆင်ပြေရင်ပြေသလို၊ အချိန်ပေးနိုင်ရင် ပေးနိုင်သလို ပန်း၊ ဆီမီး၊ ရေချမ်း၊ ဆွမ်းခဲဖွယ်ဘောဇဉ်တွေကို အလျဉ်းသင့်သလို ကပ်လှူပူဇော်တတ်ကြပါသေးတယ်။

တကယ်တော့ ဒီဆင်းတုတော်တွေ၊ ပုံတော်တွေ၊ တရားစာအုပ်တွေဆိုတာ ဘုရားရှင်နှင့်ကျွန်တော်တို့ကြားမှာ ချိတ်ဆက်ပေးထားတဲ့ ကြားခံမီဒီယာတွေပဲ ဖြစ်ကြပါတယ်။ ကျွန်တော်တို့တွေက ဒီပုံတော်၊ ဆင်းတုတော်တွေကို ဖူးမြော်ရတာကနေတဆင့် သက်တော်ထင်ရှား မြတ်စွာဘုရားရှင်ကိုယ်တော်မြတ်ကြီးရဲ့ ဂုဏ်တော်၊ ကျေးဇူးတော်တွေကို စိတ်ထဲကနေ အာရုံပြုရည်စူးရည်မှန်း ပူဇော်ရှိခိုးဂါရ၀ပြုနေကြရတာမျိုး မဟုတ်လား။

အပေါ်က ၀တ္ထုကြောင်းနှစ်ခုမှာဆိုရင် ကိုယ်တော်မြတ်ကြီးဟာ လူသားနှစ်ဦးရဲ့  ကောင်းကျိုးချမ်းသာအတွက် သူတို့ရှိတဲ့နေရာ၊ သူတို့ရှိတဲ့ အိမ်အရပ်ဆီကို ကိုယ်တော်တိုင် တကူးတကကြွရောက်ပြီး ချီးမြှောက်စောင့်ရှောက်ခဲ့တာကို သတိထားမိပါလိမ့်မယ်။

တကယ်လို့များ ကျွန်တော်တို့အိမ်က ဘုရားကျောင်းဆောင်မှာ သီတင်းသုံးနေတဲ့ ဗုဒ္ဓရုပ်ပွားဆင်းတုတော် ဒါမှမဟုတ် ပုံတော်ကို ဖူးမြင်လိုက်ရတဲ့အခါတိုင်းမှာ တကယ်သက်တော်ထင်ရှား ကိုယ်တော်မြတ်ကြီးကို ဖူးမြော်ကြည်ညိုနေရသလိုမျိုး နှလုံးသွင်းကြည့်လိုက်ပါ။ ဒါဆိုရင် ကိုယ်တော်မြတ်ကြီးဟာ ကျွန်တော်တို့ကို ချီးမြှောက်စောင့်ရှောက်တော်မူဖို့အတွက် ကျွန်တော်တို့ရှိရာအရပ်ဆီကို ကြွလာတော်မူပေး နေသလိုမျိုးပဲ မဟုတ်ပါလားဗျာ။

နှုတ်တော်ကနေ တရားစကားတော်တွေ မြွတ်ကြားချီးမြှင့်ပေးဖို့အထိ မျှော်လင့်နေစရာမလိုပါဘူး။ ကိုယ်တော်မြတ်ကြီးရဲ့  လက္ခဏာတော်ကြီး၊ လက္ခဏာတော်ငယ်တွေနှင့် ပြည့်စုံတဲ့ ရောင်ခြည်တော်ခြောက်သွယ်ကွန့်မြူးနေတဲ့ ရူပကာယတော်ကို စ်ိတ်ထဲကနေ အာရုံညွှတ်ပူဇော်ကန်တော့ကြည့်ရအောင်ပါ။

ဘုရားရှင်လက်ထက်တော်အခါက အတိုင်းတိုင်းအပြည်ပြည်က ရှင်ဘုရင်တွေ၊ မင်းညီမင်းသားတွေ၊ သူကြွယ်ပုဏ္ဏားတွေ၊ လူပညာရှိတွေ၊ ဘာသာရေးခေါင်းဆောင်တွေ၊ နတ်သားနတ်သမီးတွေ၊ နတ်မင်းတွေ၊ ဗြဟ္မာမင်းတွေဟာ မြတ်စွာဘုရားရှင်ကိုယ်တော်မြတ်ကြီးကို ကြည်ညိုဖူးမြော်ခွင့်ရဖို့ အထူးတလည်အချိန်ပေး၊ တချို့ ဆိုဘ၀တွေပေးပြီး ကြိုးစားခဲ့ကြရပါတယ်။ မြတ်စွာဘုရားရှင်နှင့် တစ်ကြိမ်တစ်ခါ ကြုံဆုံလို့ဖူးမြော်ခွင့်ရဖို့ဆိုတာ အင်မတန် ရတောင့်ရခဲတဲ့ အခွင့်အရေးမျိုးပါ။ ဘုရားရှင်ပွင့်ထွန်းပေါ်ပေါက်နေတာကို သတင်းသာကြားပြီး တွေ့ဆုံဖူးမြော်ခွင့်မရလိုက်ကြရတဲ့သူတွေ အများကြီးရှိခဲ့ပါတယ်။

အခု ကျွန်တော်တို့မှာတော့ ကိုယ်တော်မြတ်ကြီးဟာ ကျွန်တော်တို့အိမ်ဂေဟာရဲ့ ၊ နေအိမ်အခန်းရဲ့  မြင့်မြတ်တဲ့ နေရာတစ်ခုမှာ သီတင်းသုံးစံမြန်းတော်မူနေပါပြီ။ လူနတ်တို့ရဲ့  ပူဇော်အထူးကိုခံတော်မူထိုက်တဲ့ ဘုရားရှင်ကိုယ်တော်မြတ်ကြီးဟာ ကျွန်တော်တို့ကို ချီးမြှောက်စောင့်ရှောက်တော်မူဖို့အတွက် ကိုယ်တော်တိုင် ကျွန်တော်တို့ရှိရာအရပ်ဆီ ကြွလာတော်မူပါပြီ။ ကျွန်တော်တို့ အားလုံး မြတ်စွာဘုရားရှင်ကိုယ်တော်မြတ်ကြီးကို ရိုသေကြည်ညိုစွာနှင့် ဦးနှိမ်ရို့ ကျိုးပြီး ရှိခိုးကန်တော့လိုက်ကြရအောင်လားခင်ဗျား။

ဝိမုတ္တိသုခ
၁၂၊ ၂၊ ၂၀၁၈။

ဆက်လက်ဖတ်ရှုရန်

Saturday, February 10, 2018

လှေထိုးသမလေး နှင့် ကိုယ်တော်ကလေး





🏵️ လှေထိုးသမလေး နှင့် ကိုယ်တော်ကလေး 🏵️

အေးချမ်းတဲ့တောရကျောင်းကလေးတစ်ခုမှာ သံဃာတော်များ သီတင်းသုံးနေထိုင်ကြပါတယ်။ ချောင်းငယ်လေးတစ်ခုက ကျောင်းကိုဝန်းပတ်စီးဆင်းနေပါတယ်။ တခြားနေရာများကို သွားလာလိုပါက ချောင်းကလေးမှတစ်ဆင့် ဖြတ်သန်းသွားလာကြရပါတယ်။ 

ချောင်းငယ်ကလေးကိုဖြတ်သွားဖို့ရာ ကူးတို့လှေကလေး တစ်စီးပဲရှိပါတယ်။ ကူးတို့ကိုလှော်ခတ်တဲ့ ကူးတို့သမားကလေးကလည်း အလွန်ချောမောလှပတဲ့ မိန်းမပျိုလေးဖြစ်နေပါတယ်။ ဒီမိန်းကလေးက အသိဉာဏ်ပညာနဲ့ ပြည့်စုံသူကလေးပါ။ စီးစရာကလည်း ဒီလှေနဲ့ ဒီမိန်းကလေးပဲရှိပါတယ်။

ကိုယ်တော်ငယ်ကလေးတစ်ပါးဟာ အကြောင်းကိစ္စတစ်ခုကြောင့် ဆရာတော်ကြီးတစ်ပါးကို သွားရောက်ဆည်းကပ်ဖို့ လိုအပ်လာပါတယ်။ ချောင်းငယ်ကလေးကို ဖြတ်သန်းပြီး သွားရမှာဖြစ်ပါတယ်။ ကူးတို့လှော်ခတ်တဲ့ မိန်းမပျိုကလေးက လွန်စွာချောမောလှပတာကြောင့် ကိုယ်တော်ကလေးက ငေးမောနေမိတာပေါ့။ တစ်ဘက်ကမ်းရောက်တော့ ကူးတို့ခတစ်ကျပ်စီ ပေးကြရပါတယ်။

မိန်းမပျို ။ ။ ကိုယ်တော်ကနှစ်ကျပ်ကျပါတယ်။

ကိုယ်တော် ။ ။ ဒကာမလေး သူများတွေကျတော့တစ်ကျပ်ပဲကျပြီး ကျုပ်ကျမှ ဘာလို့နှစ်ကျပ်ကျတာလဲ။

မိန်းမပျို ။ ။ကိုယ်တော်ကရဟန်းဖြစ်ပြီး တပည့်တော်ကို ငမ်းတယ်။ ကိုယ်တော့်ရင်ထဲမှာ နှစ်ယောက်ဖြစ်နေပြီ။ ဒါကြောင့်မို့လို့ နှစ်ယောက်ခပေးရမယ်။

ကိုယ်တော်ကလေးလည်း ရှက်ရှက်နဲ့ နှစ်ယောက်ခပေးလိုက်ရပါတယ်။ ညနေကျောင်းပြန်တော့ ဒီလှေကလေးနဲ့ပဲပေါ့။ ဒီတစ်ခါတော့ကိုယ်တော်ကလေးက လှေခနှစ်ဆပေးရမှာစိုးလို့ မိန်းမပျိုလေးကိုလုံးဝမကြည့်တော့ပါဘူး။ မြစ်ရေပြင်ကိုသာစိုက်ကြည့်နေပါတယ်။

ကမ်းရောက်တော့ . . .

မိန်းမပျို ။ ။ ကိုယ်တော်နှစ်ကျပ်ကျပါတယ်။

ကိုယ်တော် ။ ။ ဒကာမလေး ငါနင့်ကိုလုံးဝမကြည့်ပဲ ဘာလို့ထပ်ပိုတောင်းရတာတုန်း။

မိန်မပျို ။ ။ ကိုယ်တော်က တပည့်တော်ကိုမကြည့်ပေမဲ့ တစ်လမ်းလုံး တပည့်တော်အကြောင်းပဲ တွေးတောလာတာ ဆိုတော့ ကိုယ်တော့်ခေါင်းထဲမှာ လူနှစ်ယောက်ဖြစ်နေတယ်။ မရဘူး။ နှစ်ယောက်ခပဲပေးရမယ်။

ကိုယ်တော်ကလေးလည်း ဟုတ်နေပြန်တော့ နှစ်ယောက်ခ ပေးလိုက်ရပြန်ပါတယ်။ ဒီလိုနဲ့နေ့စဉ် အသွားနှစ်ကျပ် အပြန်နှစ်ကျပ်ပေးနေရပါတယ်။

ကိုယ်တော်ကလေးလည်း ဆရာသမားထံ သူ့အဖြစ်အပျက်တွေကိုပြောပြပြီး အကူအညီတောင်းခံပါတယ်။

ဆရာတော်။ ။ ဒီမိန်းကလေးဟာဉာဏ်ရှိတဲ့သူဖြစ်တယ်။ ဒီတစ်ခါမင်းလှေစီးရင် မျက်နှာလွဲစရာမလိုပါဘူး။ မင်းရင်ထဲမှာဖြစ်နေတဲ့ ကိလေသာသံယောဇဉ်တွေကိုသာ သိမှတ်ပြီး တရားရှုသွားပါ။ ကိုယ်တော်အဆင်ပြေပါလိမ့်မယ်

ကိုယ်တော်ကလေးလည်း အဲဒီနေ့ကစပြီးတော့ လှေခ နှစ်ဆပေးစရာမလိုတော့ပါဘူး။

🔺

(ဗီယက်နမ်လူမျိုးဆရာတော်တစ်ပါးနှင့် ရွှေဥမင်တရားပြဆရာတော်ဦးတေဇနိယတို့ ပြောသည့် ဇင်ပုံပြင်ကို အင်တာနက်စာမျက်နှာတစ်ခုမှ ကူးယူဖော်ပြပါသည်။)

ဆက်လက်ဖတ်ရှုရန်

Thursday, February 8, 2018

ဦးစားပေးစနစ် နှင့် အခွင့်အရေးယူတတ်ကြသူများ





💥 ဦးစားပေးစနစ် နှင့် အခွင့်အရေးယူတတ်ကြသူများ 💥

တလောက မြန်မာပြည်က မိတ်ဆွေတစ်ယောက်နှင့် (Priority Seat) ဦးစားပေးထိုင်ခုံစနစ်ထားပေးတာနှင့်ပတ်သက်ပြီး ပြောဖြစ်ကြတယ်။ ဒီနိုင်ငံမှာတော့ လူစီး ရထားတွေနှင့် ဘက်စ်ကားတွေပေါ်မှာ အသက်ကြီးတဲ့သူ၊ နာမကျန်းဖြစ်နေတဲ့သူ၊ ကိုယ်လက်အင်္ဂါချို့ တဲ့နေတဲ့သူ၊ ကိုယ်ဝန်သည်အမျိုးသမီးတွေနှင့် ကလေးပါလာတဲ့ မိခင်တွေအတွက် ဦးစားပေးထိုင်ခုံနေရာတွေကို သီးခြားသတ်မှတ်ပြီး စီစဉ်ပေးထားလေ့ရှိပါတယ်။ များသောအားဖြင့် အ၀င်ဝတံခါးနှင့် ကပ်လျက်ထိုင်ခုံနေရာတွေမှာ သီးခြားသတ်မှတ်ပြီးထားပေးတတ်ပါတယ်။

တကယ်လို့ သူတို့သတ်မှတ်ထားတဲ့ ဦးစားပေးပုဂ္ဂိုလ်တွေ ရှိမနေခဲ့ရင်တော့ ဘယ်သူမဆို လွတ်နေတဲ့ အဲဒီထိုင်ခုံနေရာတွေမှာ ၀င်ထိုင်စီးလို့ရပါတယ်။ သတ်မှတ်ပုဂ္ဂိုလ်တွေ ရောက်လာခဲ့ရင်တော့ ထိုင်နေတဲ့သူတွေအနေနှင့် အလိုက်တသိဖယ်ပေးရမှာပေါ့။ အဲဒီထိုင်ခုံနေရာနားမှာဆိုရင် လက်ကိုင်ဖုန်းတွေကိုတောင် စက်ပိတ်ပေးထားဖို့ သတိပေးချက်ကို နံရံမှာစာကပ်ပြီးတော့ရော၊ ရထားဝန်ထမ်းက အသံချဲ့ စက်ကနေပြောပြီးတော့ပါ သတိပေးနေတတ်ပါတယ်။

ဒါနဲ့ပတ်သက်ပြီး ရထားစီးရင်း သုံးလေးခါလောက် ကိုယ်တိုင် ကြုံဖူးခဲ့တဲ့ အတွေ့အကြုံလေးတွေ ပြောပြချင်ပါတယ်။ တခါတော့ အဲဒီ ဦးစားပေးထိုင်ခုံမှာ နေရာလွတ်တာနှင့် ၀င်ထိုင်ပြီး လိုက်လာတုန်း အသက်အရွယ်ကြီးကြီး အမျိုးသမီးကြီးတစ်ဦး တက်လာပါတယ်။ ဒါနဲ့ သူ့အတွက် ထိုင်နေရာကနေ ထပေးဖို့လုပ်တော့ သူက လက်ကာပြပြီး ဆက်ထိုင်ခိုင်းတယ်။ သူ့ဖာသာပဲ မတ်တတ်ရပ်ပြီး လိုက်လာတယ်။ အဲဒီအချိန် ရထားကလည်း လူချောင်နေတာမို့ သူရပ်နေရတာ သိပ်တော့ ပြဿနာမရှိလှပေမယ့် စိတ်ထဲမှာတော့ အားတောင့်အားနာဖြစ်နေမိတယ်။ ဒါပေမယ့် သူ့မျက်နှာကို လှမ်းကြည့်လိုက်မိချိန်မှာတော့ သူ့မျက်လုံးတွေနှင့် မျက်နှာမှာ ထင်ဟပ်နေတဲ့အရိပ်တွေက ငါဟာ လူအိုတစ်ယောက်မဟုတ်သေးပါဘူး။ ငါဟာ ကျန်းမာသန်စွမ်းတဲ့သူတစ်ယောက်ဖြစ်တယ်။ ငါ့ကို လူအိုလို၊ မသန်စွမ်းသူတစ်ယောက်လို ဦးစားပေးဖို့ မလိုပါဘူး လို့ ပြောနေတာကို သတိထားမိလိုက်တယ်။

နောက်တခါမှာတော့ အပေါက်ဝနှင့်ကပ်နေတဲ့နေရာက ဦးစားပေးထိုင်ခုံမဟုတ်တဲ့ ပုံမှန်ထိုင်ခုံမှာပဲ နေရာရလို့ထိုင်လိုက်လာတုန်း မှတ်တိုင်တစ်ခုကနေ အသက်အရွယ်အတော်လေးကြီးတဲ့ အဖိုးအရွယ်အမျိုးသားတစ်ဦးတက်လာတယ်။ သူက ဦးစားပေးခုံတွေရှိတဲ့ဘက်မသွားပဲ ကိုယ်ထိုင်နေတဲ့ နေရာဘက်ဆီကို တိုးလာတယ်။ ရထားထဲမှာ လူကလည်း ကျပ်နေတာမို့ သူ့ကို လာထိုင်ဖို့ လက်တို့ပြောပြီး ထပေးမယ်လုပ်တော့ သူက ကျေးဇူးတင်ပါတယ်။ မထိုင်တော့ပါဘူး လို့ ပြောပြီး သူ့ဖာသာ အေးအေးလူလူပဲ မတ်တတ်ရပ်ပြီးလိုက်လာတယ်။ သူ့မျက်နှာနှင့်နှုတ်ခမ်းတွေက ဒီလောက်တော့ ငါအေးအေးဆေးဆေးရပ်နိုင်ပါတယ်လေလို့ ပြောနေသလိုမျိုးပါပဲ။

နောက်တစ်ကြိမ်ရထားစီးရင်းကြုံတာမှာတော့ ကိုယ်ဝန်သည်အမျိုးသမီးတစ်ယောက်ပါ။ သူ့ကိုလည်း နေရာမှာလာထိုင်ဖို့ ပြောတော့ သူက မထိုင်တော့ပါဘူး။ နောက် သုံးလေးဘူတာဆိုရင် ဆင်းတော့မှာပါလို့ ပြောပြီး မတ်တတ်ရပ်ပြီးပဲ ဆက်လိုက်လာတယ်။ ဒီလောက်ခရီးတိုလေးအတွက်တော့ ထိုင်နေတဲ့သူတစ်ယောက် သူ့အတွက်ထပေးတာမျိုး မဖြစ်စေချင်တဲ့ အမူအရာကို အဲဒီကိုယ်ဝန်သည် အမျိုးသမီးဆီမှာ လှမ်းတွေ့လိုက်ရတယ်။

အခုဆိုရွှေပြည်ကြီးမှာလည်း ဦးစားပေးထိုင်ခုံစနစ်ကို ကျင့်သုံးနေကြပြီလို့တော့ ကြားမိတယ်။ ဒီနိုင်ငံတွေနှင့် မတူတာကတော့ ကိုယ်တွေနိုင်ငံက ဗုဒ္ဓဘာသာတိုင်းပြည်တစ်ခုဖြစ်နေတာမို့ ဦးစာပေးပုဂ္ဂိုလ်စာရင်းမှာ သာသနာ့ဝန်ထမ်းဆိုတာကိုပါ ထပ်ဖြည့်ထားရတာကို သတိထားလိုက်မိတယ်။ ဟိုးအရင်ကတည်းကလည်း ကားရှေ့ ခန်းတွေမှာဆိုရင် “သံဃာတော်များ ဦးစားပေးပါ” ဆိုတဲ့ စာတမ်းလေးတွေ ကပ်ထားတတ်ကြတာပဲလေ။

အဲဒီမှာ မိတ်ဆွေနှင့် တကယ်လို့များ မြန်မာပြည်မှာ ဦးစားပေးပုဂ္ဂိုလ်ကို အစဉ်သတ်မှတ်မယ်ဆိုရင် ဘယ်လိုသတ်မှတ်မှာလဲ ဆိုတာပြောဖြစ်တယ်။ ဥပမာ ဆိုပါတော့။ ဦးစားပေးထိုင်ခုံတစ်လုံးပဲလွတ်နေတဲ့အခြေအနေမျိုးမှာ ထိုင်ခွင့်ရှိတဲ့ သူနှစ်ဦးဖြစ်တဲ့ ကိုယ်ဝန်သည်တစ်ယောက်နှင့် သံဃာတော်တစ်ပါး မှာ ဘယ်သူက ဘယ်သူ့ကို ဦးစားပေးမှာလဲဆိုတာမျိုး ကပ်သီးကပ်သပ်တွေးဖြစ်တယ်။ ဘာသာရေးရှုထောင့်ကနေ ပြောမယ်ဆိုရင်တော့ သီလပိုကြီးတဲ့သူကို ဦးစားပေးရမယ်ဆိုတာ ငြင်းစရာအချက်မဟုတ်ပေမယ့် လူမှုရေးရှုထောင့်ကနေ ပြောမယ်ဆိုရင်တော့ အဖြေက တစ်မျိုးဖြစ်လာနိုင်စရာရှိနေတယ်။

အဲဒီမှာ မိတ်ဆွေက ထပ်ပြီး မေးခွန်းထုတ်တာက တကယ်လို့ ဦးစားပေးထိုင်ခုံတစ်လုံးပဲရှိတဲ့နေရာမှာ အသက်အရွယ်ကြီးတဲ့ အမျိုးသားတစ်ဦးထိုင်နေတဲ့အချိန် မယ်သီလရှင်တစ်ပါး ရောက်လာမယ်ဆိုရင်ရော ထိုင်နေတဲ့ အမျိုးသားက နေရာဖယ်ပေးမှာလားလို့ဆိုလာတော့ ဒါကလည်း တစ်ဦးချင်းစီရဲ့  သဘောထားအပေါ်မှာပဲ မူတည်မယ်ထင်တယ်လို့ ပြန်ဖြေဖြစ်တယ်။

အရင်ကတည်းက လူအများစုက သာသနာ့ဝန်ထမ်းလို့ဆိုလိုက်ရင် စိတ်ထဲမှာ ကိုရင်နှင့်ရဟန်းတော်တွေကိုပဲ အရင်ပြေးမြင်တတ်ကြပြီး သီလရှင်ဆရာလေးတွေကို ချန်ထားတတ်ခဲ့ကြတယ်။ ဒါကြောင့်ပဲ ကားရှေ့ ခန်းတွေမှာ “သံဃာတော်နှင့်သီလရှင်များကို ဦးစားပေးပါ” လို့ မရေးခဲ့ကြတာများလား မဆိုနိုင်ဘူး။

နောက်ပြီး တခါတလေ ဦးစားပေးထိုင်ခုံတွေမှာ နေရာလွတ်နေလို့ဝင်ထိုင်တာ၊ ဒါမှမဟုတ် ပါလာတဲ့ပစ္စည်းတွေ တင်ထားတာမျိုး လုပ်တာက ပြဿနာမရှိပေမယ့် တကယ်လို့ ဦးစားပေးပုဂ္ဂိုလ်တွေရောက်လာတဲ့အချိန်မှာတော့ အလိုက်တသိနှင့် နေရာကနေ ထပေးတာ၊ ပစ္စည်းတွေဖယ်ပေးတာမျိုးလည်း လုပ်ကြဖို့ လိုပါသေးတယ်။ ဒီလိုကိစ္စမျိုးကို ယာဉ်ဝန်ထမ်းတွေက (သို့မဟုတ်) ဘေးက ခရီးသည်တွေက ၀ိုင်းသတိပေးတော့မှ ဖယ်ပေးရတာမျိုးမဟုတ်ပဲ ကိုယ့်အသိစိတ်နှင့်ကိုယ် လုပ်ပေးတတ်ပါမှာ နိုင်ငံကြီးသား ပီသနိုင်ပါလိမ့်မယ်။

ဦးစားပေးထိုင်ခုံတွေအကြောင်းပြောရင်းက သူနှင့်စပ်ဆက်နေတဲ့ တန်းစီတဲ့ယဉ်ကျေးမှုအကြောင်းလည်း မိတ်ဆွေနှင့် ဆက်ပြီး ပြောဖြစ်သွားသေးတယ်။ ဒီမှာတော့ မွေးကတည်းက တန်းစီတဲ့စနစ်နှင့် အားလုံးက နေသားကျနေကြပါပြီ။ မနက်ခင်းကျောင်းသွားချိန်၊ နေ့လည်ကျောင်းပြန်ချိန်တွေမှာ ကလေးတွေတန်းစီပြီး လမ်းလျှောက်သွားကြတာမျိုးကစလို့ စားသောက်ဆိုင်တွေမှာ ဆိုင်ထဲဝင်စားဖို့ တန်းစီတာ၊ ဘူတာတွေ၊ ကားဂိတ်တွေမှာ ရထားစောင့်ရင်း၊ ကားစောင့်ရင်းတန်းစီကြတာ၊ ဈေးဝယ်တဲ့အခါ ငွေရှင်းကောင်တာမှာ တန်းစီကြတာစသဖြင့် အားလုံးက သူ့ဟာနဲ့သူ စည်းကမ်းတကျရှိကြပါတယ်။ အခုလိုတန်းစီတဲ့နေရာမျိုးမှာတော့ ဦးစားပေးစနစ်ရယ်လို့ မထားပဲ အားလုံး တန်းတူညီမျှပဲ တန်းစီကြတယ်။

မြန်မာပြည်မှာ တန်းစီတဲ့စနစ်ကို စကျင့်သုံးလာပြီလို့တော့ပြောတယ်။ ဟိုးအရင်တလျှောက်လုံး တန်းစီးတဲ့အလေ့အကျင့်က အတော်လေးနည်းခဲ့ပြီး တန်းစီကြရပြီဆိုရင်လည်း ကြားဖြတ်တိုးကြ၊ ကျော်ခွတက်ကြတာတွေက နေရာအတော်များများမှာ အမြဲလို တွေ့ရတတ်တဲ့ မြင်ကွင်းမျိုးမဟုတ်လား။

အခု စူပါမားကတ်တွေမှာ ဈေးဝယ်ကြတော့ ၀ယ်လို့ အားလုံးပြီးသွားတဲ့အခါ ငွေရှင်းကောင်တာတွေမှာ ပိုက်ဆံချေဖို့အတွက်တန်းစီကြရတယ်။ ဘယ်နိုင်ငံမှာမဆို ငွေရှင်းဖို့တန်းစီကြရပြီဆိုရင် ကိုယ်ဝယ်ထားတဲ့ ပစ္စည်း နဲနဲ များများ တန်းစီနေတဲ့ လူတန်းအစဉ်အတိုင်းပဲ တရွေ့ရွေ့နဲ့ ငွေရှင်းကောင်တာဆီရောက်တဲ့အထိ သွားကြရတာပါပဲ။

ဒါပေမယ့် စူပါမားကတ်တွေမှာ အသက်ကြီးတဲ့ ဈေးဝယ်သူတချို့ ဟာ ငွေရှင်းကောင်တာမှာ လူတွေတအားများပြီး တန်းစီရတော့မယ့်အခြေအနေမျိုးမှာ သူဝယ်ထားတဲ့ ပစ္စည်းနှစ်ခု၊ သုံးခုထဲမို့ သူ့ကို အရင်ဦးစားပေးရှင်းခွင့်ပေးဖို့ အရှေ့ ဘက်က လူတွေဆီသွားပြော ကြားဝင်တာမျိုးတွေ လုပ်တတ်ကြတယ်လို့ဆိုတယ်။ ဒီလိုအခါမျိုးမှာ အသက်ကြီးသူဆိုရင် ဦးစားပေးတတ်တာကြောင့်ရော၊ သူဝယ်ထားတဲ့ ပစ္စည်းနည်းတာကြောင့်ရော၊ အားနာတတ်တာကြောင့်ရောနှင့် တချို့ ကလည်း ကြားဖြတ်ခံပြီး ဦးစားပေးတတ်ကြတာရှိတယ်။

တချို့ ကလည်း ဒါဟာ အသက်ကြီးတာငယ်တာ၊ ပစ္စည်းနည်းတာများတာနှင့်မဆိုင်ပဲ စည်းကမ်းအတိုင်း တန်းစီးစောင့်ရမှာပဲလို့ ယူဆတာမို့ ကြားဖြတ်တန်းစီးဖို့လုပ်တာကို လက်မခံပဲ ငြင်းဆန်တတ်ကြတယ်။ ဒီလိုငြင်းဆန်လိုက်တဲ့အခါမျိုးတွေမှာ ပတ်ဝန်းကျင်ကလူအချို့ နှင့် ငွေရှင်းကောင်တာက ၀န်ထမ်းကပါ ဒီလူ လူမှုရေးခေါင်းပါးလှချည်လားဆိုတဲ့ အကြည့်မျိုးနှင့်ကြည့်တာ ခံရတတ်တယ်လို့ဆိုတယ်။

ကျွန်တော်တို့တိုင်းပြည်မှာ နိုင်ငံတကာနှင့်တပြေးညီ လူမှုရေးစည်းကမ်းတွေသတ်မှတ်ပြဋ္ဌာန်းပြီး လိုက်နာကျင့်သုံးဖို့ လုပ်ကြပြီဆိုရင် ဘာသာရေးနှင့် ယဉ်ကျေးမှုဓလေ့ထုံးတမ်းတွေနှင့် နှီးနွှယ်ပတ်သက်နေတဲ့ကိစ္စတွေက မပါမဖြစ် ထည့်ထည့်ပြီး စဉ်းစားရမယ့် အခြေအနေတစ်ရပ်က ရှိနေတာတော့ အသေအချာပဲဖြစ်ပါတယ်။ သတ်မှတ်စည်းကမ်းအတိုင်း တသွေမတိမ်း အားလုံးလိုက်နာနိုင်ကြဖို့ဆိုရင် ဦးစားပေးခံလူတန်းစားအချို့ အနေနှင့်က ဒီအပြောင်းအလဲကို နားလည်လက်ခံပေးနိုင်ဖို့တော့ အတိုင်းအတာတစ်ခုအထိ လိုအပ်ပါလိမ့်မယ်။

အသက်အရွယ်ကြီးသူတွေကို ဒီမှာတော့ Senior Citizens ဆိုပြီး သုံးကြတယ်။ ဒီနိုင်ငံမှာ Senior လို့ပြောလိုက်ရင် ကျန်တဲ့သူတွေက အလိုလို တလေးတစားဆက်ဆံကြသလို သူတို့ကိုယ်တိုင်ကလည်း အများလေးစားအတုယူနိုင်လောက်တဲ့ အပြောအဆို၊ အနေအထိုင်နှင့် စည်းကမ်းလိုက်နာမှုကို စံနမူနာဖြစ်အောင် အများစုက နေပြတတ်ကြပါတယ်။

ကျွန်တော်တို့တိုင်းပြည်မှာလည်း အသက်အရွယ်ကြီးသူတွေနှင့် သာသနာ့ဝန်ထမ်းဘာသာရေးခေါင်းဆောင်တွေအနေနှင့် နိုင်ငံတကာအဆင့်မီ စည်းကမ်းရှိတဲ့ နိုင်ငံတစ်ခုဖြစ်လာဖို့ဆိုရင် မျိုးဆက်သစ်လူငယ်တွေ အတုယူအားကျနိုင်လောက်မယ့်၊ စံနမူနာပြု အတုခိုးရမယ့် အနစ်နာခံတတ်တဲ့ စိတ်ဓါတ်တွေ၊ စည်းကမ်းလိုက်နာရိုသေတတ်တဲ့ စရိုက်ကောင်းတွေ၊ မကောင်းတာလုပ်ရမှာကို ရှက်ကြောက်တတ်တဲ့ သဘောထားတွေ၊ သူများထက် အခွင့်အရေး ပိုမလိုချင်တတ်တဲ့ အမူအကျင့်တွေကို ပြသနိုင်တဲ့ Senior Citizens တွေအဖြစ် ရှေ့ ကနေ ဦးဆောင်ပြီး နေပြ၊ လုပ်ပြကြရမှာဖြစ်သလို လူငယ်လူလတ်တွေဘက်ကလည်း အသက်အရွယ်ကြီးသူတွေနှင့် သာသနာ့ဝန်ထမ်းတွေအပေါ် တလေးတစားနှင့် ဦးစားပေးဆက်ဆံကြရမှာပါလားဆိုတဲ့ စိတ်မျိုးမွေးမြူနိုင်ကြပါမှ မျိုးဆက်အသစ်နှင့်အဟောင်းကြားမှာ အပေးအယူမျှတပြီး နိုင်ငံတိုးတက်မှုလည်း အခုထက်ပို မြန်မြန်ရှေ့ ရောက်နိုင်လိမ့်မယ်လို့ အဲဒီနေ့က မိတ်ဆွေနှင့် ပြောဖြစ်ခဲ့ပါသေးတယ်။

ဆက်လက်ဖတ်ရှုရန်

Saturday, February 3, 2018

သူခိုး နှင့် ဘုန်းကြီး





 သူခိုး နှင့် ဘုန်းကြီး 

ညနေခင်းတစ်ခုမှာ ဘုန်းတော်ကြီးတစ်ပါး တရားစာ ရွတ်ဖတ်နေတဲ့အချိန်သူခိုးတစ်ဦးက ဓားချွန်တစ်ချောင်းကို ကိုင်ပြီး ဆရာတော့် ကျောင်းတိုက်ထဲကို ချည်းနှင်း ဝင်ရောက်လာတယ်။ ”ပိုက်ဆံပေးမှာလား၊ အသက်ပေးမှာလား” လို့ ခြိမ်းခြောက်လိုက်တယ်။ သူ့ကို လုံးဝမကြောက်ပဲ ဆရာတော်က ''ငါ့ကိုလာ မနှောက်ယှက်နဲ့။ ပိုက်ဆံတွေက ဟိုနားက အံဆွဲထဲမှာ ရှိတယ်။ ကိုယ့်ဘာသာသာ နှိုက်ယူသွားတော့'' လို့ ပြန်ပြောလိုက်တယ်။ ပြီးတာနဲ့ သူရောက်နေတဲ့ တရားစာကိုသာ ဆက်ပြီးရွတ်နေတော့တယ်။

ဒီလိုတုံ့ပြန်မှုက သူခိုးအနေနှင့် ထင်မှတ်မထားတဲ့ အဖြစ်ပါပဲ။ ဒါကြောင့် သူတုန်လှုပ်သွားခဲ့တယ်။ ဒါပေမယ့် သူလာရင်းကိစ္စကို သူ့ဘာသာ ပြီးပြတ်အောင် လုပ်ရမှာမို့ ဆရာတော် မိန့်တဲ့အတိုင်း အံဆွဲဖွင့် ငွေကိုယူပြီးတာနဲ့ ပြေးဖို့ကြံလိုက်တယ်။ အဲဒီမှာ ရုတ်တရက်လိုပါပဲ။ ဆရာတော်ကအော်ပြောလိုက်တယ်။

''ဟေ့ အကုန်တော့ မယူသွားနဲ့။ မနက်ဖြန် ငါ အခွန်ဆောင်စရာ ရှိသေးတယ်။ ငါ့အတွက် နည်းနည်း ချန်ထားခဲ့အုံး ''။

သူခိုးလည်း ပိုက်ဆံတချို့  ချန်ထားခဲ့ပြီး ပြေးဖို့ တခါ ပြင်ပြန်တယ်။

အဲဒီအချိန်မှာပဲ ဆရာတော်က ''မင်းကွာ ငါ့ပိုက်ဆံတွေလည်း ယူသွားသေးတယ်။ ငါ့ကိုကျ ကျေးဇူးတင်ကြောင်းလေးတောင် ပြောမသွားပါလားကွ။ အတော် မယဉ်ကျေးတဲ့ကောင်ပဲ။” လို့ ပြောလိုက်ပြန်တယ်။

ဒီလို ကြောက်ရွံ့မှု ကင်းကင်းနှင့် မိန့်ကြားမူမှာ သူခိုး သိပ်လန့်သွားခဲ့တယ်။ ဒါ့ကြောင့် ဆရာတော်ကို ကျေးဇူးတင်ကြောင်းလျှောက်ထားပြီးတာနဲ့ ပြေး တော့တာပဲ။ နောက်မှ ပြန်သိရတာကတော့ သူခိုးခမျာ ဒီလောက် ဘဝမှာ တခါမှ အထိက်တလန့်မဖြစ်ခဲ့ဖူးဘူးလို့ဆိုတယ်။

ရက်အနည်းငယ်ကြာပြီးတဲ့နောက်မှာတော့ သူခိုးဟာ အဖမ်းခံလိုက်ရတယ်။ သူကျူးလွန်ခဲ့တဲ့ အပြစ်တွေထဲကတစ်ခုဖြစ်တဲ့ ဆရာတော်ကျောင်းကို ၀င်ခိုးတာကိုလည်း သူဝန်ခံခဲ့တယ်။

ဆရာတော်ကို သက်သေအဖြစ်ခေါ်လိုက်တဲ့အခါ ဆရာတော်က ဘယ်လို အမိန့်ရှိလိုက်သလဲဆိုတော့ -
''သူမခိုးပါဘူး။ ဒီလူ ငါ့ဆီက ဘာတစ်ခုမှ ခိုးယူမသွားခဲ့ပါဘူး ။ ငါကပဲ သူ့ကို ပေးလိုက်တာပါ။ ဒါ့ကြောင့် သူက ငါ့ကို ကျေးဇူးတင်ကြောင်းတောင် ပြောသွားပါသေးတယ်'' လို့ ဆိုတယ်။

ဆရာတော်ရဲ့  စကားက သူခိုးရဲ့ စိတ်ကို ခံစားသွားစေပြီး နောင်တပါ ရသွားစေခဲ့တယ်။ သူ့အပြစ်ကို သူခံယူလိုက်ဖို့ ဆုံးဖြတ်လိုက်တယ်။
ဒီလိုနဲ့ ထောင်ကနေ သူပြန်ထွက်လာတဲ့အခါမှာတော့ ဆရာတော့် ထံပါးမှာ တပည့်သာဝကအဖြစ်နှင့် အလုပ်အကျွေးပြု နေထိုင်ရင်း နှစ်အနည်းငယ်အကြာမှာတော့ အသိဉာဏ်အလင်းရရှိသွားခဲ့တော့တယ်။

🔺

ဇင်ပုံပြင် "The Thief and the Zen Master" ကို ဆီလျှော်အောင် ဘာသာပြန်ပါသည်။

ဆက်လက်ဖတ်ရှုရန်

Sunday, January 28, 2018

ကြွက်ကုန်သည် (၃)




🐭 ကြွက်ကုန်သည် 🐭

(၃)

တပတ်လောက်အကြာမှာတော့ သူသတင်းတစ်ခုရတယ်။ အဲဒါကတော့ မြင်းအရောင်းအဝယ်လုပ်သူတဦးဟာ မြင်းကောင်ရေ ၅၀ဝ နဲ့ အဲဒီမြို့ကို မြင်းရောင်းဖို့ လာမယ်ဆိုတာပဲ ဖြစ်တယ်။ ဒီတော့ သူဟာ မြက်ရိတ်သမားတွေကို ပြန်ဆက်သွယ်ပြီး သူ့ကို မြက်တစ်ထုံးဆီ ပေးဖို့ ပြောလိုက်တယ်။ သူ့ဆီကမြက်တွေ အရင်ရောင်းလို့ ကုန်သွားတဲ့အချိန်အထိ မြင်းကုန်သည်ကို မြက်တွေ သွားမရောင်းဖို့ကိုလည်း မှာထားတောင်းဆိုလိုက်တယ်။ အဲဒီနည်းနဲ့ သူဟာ မြက်တွေကို ဈေးကောင်းကောင်းနဲ့ ရောင်းလိုက်နိုင်ခဲ့တယ်။

ဒီလိုနဲ့ အချိန်ကာလတွေ ရွေ့ လျားသွားပြီး တစ်ရက်မှာတော့ သူ့ စားသောက်ဆိုင်လေးကို လာနေကျ ဖောက်သည်တွေက သတင်းပေးလိုက်တယ်။ ဆိပ်ကမ်းမှာ တိုင်းတပါးက သင်္ဘောသစ်ကြီးတစ်စင်း အခုတင် ကျောက်ချရပ်နားလိုက်တယ် ဆိုတာပဲ ဖြစ်တယ်။ ဒါဟာ သူ့အတွက် အခွင့်အလမ်းလို့ သူမြင်လိုက်တယ်။ ဒီလိုအနေအထားကို သူစောင့်နေခဲ့ရတာပဲမဟုတ်လား။ ဘာလုပ်ရင်ကောင်းမလဲလို့ တစ်ခုပြီး တစ်ခုစဉ်းစားရင်း နောက်ဆုံးမှာ တကယ် ကောင်းမွန်တဲ့ စီးပွားရေးအစီအစဉ်တစ်ခုကို ရလိုက်တယ်။

ပထမဦးဆုံးအနေနဲ့ သူက ရတနာဆိုင်ရှင် မိတ်ဆွေတစ်ဦးဆီ သွားပြီး သိပ်လှတဲ့ ပတ္တမြားပါတဲ့အဖိုးတန် ရွှေလက်စွပ်တစ်ကွင်းကို ဈေးသက်သက်သာသာနဲ့ ဝယ်လိုက်တယ်။ သူသိထားတာက ဆိပ်ကမ်းမှာဆိုက်ကပ်ထားတဲ့ သင်္ဘောကြီးလာခဲ့တဲ့ တိုင်းပြည်မှာ ပတ္တမြားတွင်းထွက်မရှိဘူးဆိုတာပဲ ဖြစ်တယ်။ နောက်ပြီး အဲဒီနိုင်ငံမှာ ရွှေကလည်း အင်မတန်ဈေးကြီးတာကိုသိထားတယ်။ အဲဒါနဲ့ သူဝယ်လာတဲ့ လှပတဲ့လက်စွပ်ကို သင်္ဘောကပ္ပတိန်ကို ကြိုတင် ကော်မရှင်အနေနဲ့ ပေးလိုက်တယ်။ သူပေးတဲ့ ကော်မရှင်ကို လက်ခံထားလိုက်ပြီးတဲ့နောက်မှာ ကပ္ပတိန်ကလည်း သူ့ခရီးသည်တွေအားလုံးကို အဲဒီသူဟာ ကုန်သွယ်စီးပွား အကျိုးဆောင်တစ်ယောက်ပါပဲလို့ မိတ်ဆက်ပြီး အလုပ်လုပ်ဖို့ ပြောပေးလိုက်တယ်။ အဲဒီနောက်မှာတော့ သူဟာ ခရီးသည်တွေကို ဦးဆောင်ပြီး မြို့ ထဲက အကောင်းဆုံး ဆိုင်တွေ၊ လုပ်ငန်းတွေဆီကို ခေါ်ဆောင်သွားပေးတယ်။ အပြန်အလှန်အနေနဲ့ ဖောက်သည်တွေ ခေါ်လာပေးလို့ ဆိုပြီး ကုန်သည်တွေ၊ ဆိုင်ရှင်တွေဆီက သူက ကော်မရှင်ပြန်တောင်းတယ်။

အဲဒီလို အလယ်ကနေ ဆက်သွယ်ပေးရတဲ့ သူအဖြစ်နဲ့လုပ်ကိုင်ရင်း ဆိပ်ကမ်းမှာလည်း တိုင်းတပါးက သင်္ဘောတွေတော်တော်များများအတွက် အကျိုးဆောင်ပေးရာက သူဟာ သိပ်ကို ချမ်းသာလာတော့တယ်။ ဒီလိုသူ့အောင်မြင်မှုအတွက် သူ့ဘာသာ ကျေနပ်နေရင်း အလုပ်စလုပ်ဖြစ်ဖို့ စကားကြားမိပြီး တွန်းအားဖြစ်စေခဲ့တဲ့ တခါတုန်းက ဘုရင့်အကြံပေးပညာရှိကြီးကို ပြန်သတိရလာတော့တယ်။ ဒါကြောင့်မို့ ပညာရှိကြီးကို လက်ဆောင်အနေနဲ့ ရွှေဒင်္ဂါးတစ်သိန်း လက်ဆောင်ပေးဖို့ ဆုံးဖြတ်လိုက်တယ်။ ဒီပမာဏဟာ သူ ချမ်းသာသမျှရဲ့ တဝတ်လောက်ရှိတာပေါ့။ လိုအပ်တာတွေ စီစဉ်ပြီးတဲ့နောက်မှာ သူဆုံးဖြတ်ထားတဲ့အတိုင်း ပညာရှိကြီးကို သွားရောက် တွေ့ဆုံပြီး လက်ဆောင်ပေးရင်း ကျေးဇူးတင်စကားကိုလည်း ကျိုးကျိုးနွံနွံနဲ့ ပြောကြားဖြစ်ခဲ့တယ်။

ဘုရင့်အကြံပေးပညာရှိကြီးခမျာ အံ့အားသင့်နေရှာတယ်။ ”ဒီလောက်ကြွယ်ဝချမ်းသာလာပြီး ဒီလို ရက်ရက်ရောရော လက်ဆောင်မျိုးတွေ ပေးနိုင်အောင် ဘယ်လိုရှာဖွေခဲ့သလဲ” လို့ မေးလိုက်တယ်။ သူက ဒါတွေဟာ သိပ်မကြာသေးတဲ့ ကာလတစ်ခုက အကြံပေးပညာရှိကြီးကိုယ်တိုင် ပြောပြသွားတဲ့ စကားတွေကို ကြားလိုက်ရာကနေ စခဲ့တယ်ဆိုတဲ့အကြောင်းကို ပြောပြတယ်။ အဲဒီကနေ စတင်ပြီး ကြိုးစားသွားလိုက်တာမှာ ကြွက်သေတစ်ကောင်၊ ဆာလောင်နေတဲ့ ကြောင်၊ မုန့်ချိုတွေ၊ ပန်းစည်းတွေ၊ မုန်တိုင်းဒဏ်ခံရတဲ့ သစ်ကိုင်းတွေ၊ ပန်းခြံထဲမှာ ကစားနေတဲ့ ကလေးတွေ၊ ဘုရင်မင်းမြတ်ရဲ့ အိုးထိန်းသည်၊ အစားအသောက်ရောင်း ဆိုင်ငယ်လေး၊ မြင်းငါးရာ အတွက် မြက်ရောင်းတာတွေ၊ ပတ္တမြားနဲ့ ရွှေလက်စွပ်တစ်ကွင်း၊ စီးပွားရေးလုပ်ဖို့အတွက် အဆက်အသွယ်ကောင်းတွေနှင့် နောက်ဆုံးမှာ ကြွယ်ဝချမ်းသာခြင်းအထိ ဖြစ်လာတယ်လို့ ပြောပြလိုက်တယ်။

သူပြောပြတာ အားလုံးနားထောင်ပြီးသွားချိန်မှာတော့ ဘုရင့်အကြံပေးပညာရှိကြီးက သူ့ဖာသာ ဒီလို တွေးမိတယ်။ "ဒီလောက်ကို လုပ်ရည်ကိုင်ရည်ရှိတဲ့ လူတော်လူကောင်းတစ်ယောက်ကို အဆုံးခံဖို့ မသင့်ဘူး။ ငါကိုယ်တိုင်လည်း ချမ်းသာရုံတင်မက ချစ်ရတဲ့ တစ်ဦးတည်းသော သမီးလေးကလည်း ရှိနေသေးတယ်။ ဒီလူငယ်က လူပျိုလူလွတ်မို့ သူ့ကို သမီး နှင့် လက်ဆက်ဖို့ သင့်လှတယ်။ ဒီလိုဆိုရင် ငါ့စည်းစိမ်ကိုလည်း အမွေဆက်ခံနိုင်ပြီး သူ့ကြွယ်ဝမှုကိုပါ ပေါင်းစည်း နိုင်ရုံတင်မကဘူး၊ ငါ့သမီးကိုပါ သူက ကောင်းကောင်း စောင့်ရှောက်ပေးသွားနိုင်မှာ ဖြစ်တယ်။"

အဲဒီသူတွေးမိတဲ့ အစီအစဉ်အတိုင်းပဲ ဘုရင့်အကြံပေးပညာရှိကြီးဟာ လုပ်ဆောင်ပေးခဲ့တယ်။ ဒီလိုနဲ့ အကြံပေးကြီးကွယ်လွန်သွားပြီးတဲ့ နောက်ပိုင်းမှာတော့ ဒီလူဟာ မြို့ မှာ အချမ်းသာဆုံး ပုဂ္ဂိုလ်ဖြစ်လာခဲ့တော့တယ်။ ဘုရင်မင်းမြတ်ကိုယ်တိုင်က သူ့ကို အကြံပေးရာထူးကို ပြန်လည်ချီးမြှောက်ခန့်ထားလိုက်တယ်။ ဒီလိုနဲ့ သူ အသက်ထင်ရှားရှိနေသမျှ ကျန်တဲ့ ဘ၀သက်တမ်းတစ်လျှောက်လုံးမှာ သူဟာ သူ့ရဲ့ ကြွယ်ဝချမ်းသာတဲ့ စည်းစိမ်ငွေကြေးတွေကို လူအများ ကောင်းရာ ကောင်းကျိုးအတွက် သဒ္ဓါတရားပြည့်ပြည့်၀၀နှင့် ပေးကမ်းသုံးစွဲခဲ့ပါတော့တယ်

🔺

(Ven. Kurunegoda Piyatissa ရဲ့  Buddhist Tales For Young & Old, Vol. 1, Prince Good Speaker မှ "Mouse Merchant" ကို ဆီလျှော်အောင် ဘာသာပြန်ဆိုပါသည်။)

ဇာတက၊ ဧကကနိပါတ်၊ စူဠသေဋ္ဌိဇာတ်။


ဆက်လက်ဖတ်ရှုရန်